ដោយ៖ ឡាយ សាមាន | ថ្ងៃចន្ទ ទី10 សីហា 2015
http://vodhotnews.com
ស្តាប់សំឡេង៖ |
ចម្លងទុក |
អ្នកមានបញ្ហាដីធ្លីនៅតំបន់បឹងកក់ មកតវ៉ានៅមុខស្ថានទូតអាមេរិក កាលពីព្រឹកមិញ (រូបថត៖ ទេព សូនី)
ពលរដ្ឋតំបន់បឹងកក់ដែលអះអាងថា មិនទាន់បានទទួលសំណងចំនួន៧គ្រួសារ ក្នុងចំណោម១៣គ្រួសារ ព្រមានថា ពួកគេនឹងវិលទៅតាំងលំនៅលើដីរបស់គាត់វិញ ប្រសិនបើសាលារាជធានីភ្នំពេញ មិនអាចដោះស្រាយផ្តល់សំណងតាមការទាមទារ។
ការប្រកាសនេះធ្វើឡើងនៅព្រឹកថ្ងៃចន្ទ ខណៈពួកគេតវ៉ានៅមុខស្ថានទូតសហរដ្ឋអាមេរិក ដែលមានអ្នករងគ្រោះដីធ្លីតំបន់បឹងកក់ប្រមាណ២០នាក់ចូលរួម ដើម្បីជំរុញឲ្យសាលារាជធានីភ្នំពេញពន្លឿនដំណោះស្រាយជូនពួកគេឲ្យបានឆាប់រហ័ស។
ពលរដ្ឋម្នាក់អះអាងថាមានផ្ទៃដីទំហំជាង៧០០ម៉ែត្រការ៉េ លោក ដួង ឈើត ថ្លែងថា រហូតមកទល់ពេលនេះអ្នករងគ្រោះពីការបណ្តេញចេញចំនួន៧គ្រួសារ មិនទាន់បានទទួលសំណងសមរម្យណាមួយឡើយ បើទោះជាអ្នករងគ្រោះផ្សេងទៀត បានទទួលសំណងខ្លះហើយក៏ដោយ។ លោកអះអាងថា ពួកគាត់ទាំង ៧គ្រួសារ នឹងទៅសាងសង់ផ្ទះនៅលើដីចាស់របស់គាត់វិញ ប្រសិនបើអាជ្ញាធរមិនអាចដោះស្រាយបានទេនោះ។
លោកឲ្យដឹងទៀតថា អ្នករងគ្រោះដីធ្លី៧គ្រួសារទាំងនោះ គ្រាន់តែទាមទារសំណងប្រមាណ៥៣ភាគរយនៃផ្ទៃដីសរុបដែលពួកគាត់បាត់បង់ប៉ុណ្ណោះ មិនដូចការអះអាងរបស់អភិបាលសាលរាជធានីភ្នំពេញ ដែលចោទថាពួកគាត់ទាមទារសំណង១០០ភាគរយនោះទេ។
ពលរដ្ឋបឹងកក់ម្នាក់ទៀត អ្នកស្រី លី ចាន់ណារី ថ្លែងថា អ្នកស្រីចង់បានដំណោះស្រាយដូចដែលអាជ្ញាធរផ្តល់ឲ្យអ្នកស្រី វ៉ាន់ នី ដែលសាលារាជធានីភ្នំពេញ បានដោះស្រាយឲ្យគាត់នាពេលថ្មីៗនេះ ដោយទទួលបានសំណង៥៣ភាគរយនៃផ្ទៃដីសរុប។ អ្នកស្រីបន្តទៀត បន្ទាប់ពីការបណ្តេញចេញដោយបង្ខំតាងពីឆ្នាំ ២០១០មក គាត់គ្មានទីលំនៅពិតប្រាកដនោះទេ ហើយជួបការលំបាកជាច្រើនរួមមាន ខ្វះថវិកាក្នុងគ្រួសារ កូនៗពុំបានរៀនសូត្រទៀងទាត់ និងបញ្ហាផ្សេងៗទៀត។
ទាក់ទាងនឹងទំនាស់ដីធ្លីនេះ ប្រធានរដ្ឋសភា លោក ហេង សំរិន និងរដ្ឋមន្ត្រីក្រសួងមហាផ្ទៃ លោក ស ខងបានចេញលិខិតអន្តរគមន៍មួយ ទៅអភិបាលសាលារាជធានភ្នំពេញ ឲ្យជួយពិនិត្យ និងដោះស្រាយជម្លោះនោះ បន្ទាប់ពីអ្នករងគ្រោះបឹងកក់ស្នើសុំអន្តរាគមន៍ពីស្ថាប័នទាំងនេះ។
អ្នកនាំពាក្យសាលារាជធានីភ្នំពេញ លោក ឡុង ឌីម៉ង់ មានប្រសាសន៍ថា លោកមិនទាន់បានពិនិត្យមើលពីការទាមទាររបស់អ្នកទាំងនោះទេ។ តែលោកសង្កត់ធ្ងន់ថា ប្រសិនបើអ្នកទាំងនោះទៅរស់នៅលើដីចាស់វិញ គឺជារឿងខុសច្បាប់។
ប្រជាសហគមន៍បឹងកក់ឲ្យដឹងថា កាលពីឆ្នាំ២០១០ អាជ្ញាធរបានបូមខ្សាច់ពន្លិចផ្ទះរបស់ពួកគាត់ ដោយមិនបានផ្តល់សំណងសមរម្យ ដែលធ្វើឲ្យប៉ះពាល់ដល់ប្រជាពលរដ្ឋដែលរស់នៅទីនោះរាប់ពាន់គ្រួសារ។ តែពួកគាត់បញ្ជាក់ថា នៅឆ្នាំ២០១១ នាយករដ្ឋមន្ត្រីបានកាត់ដី១២,៤៤ហិកតា ឲ្យអ្នកបឹងកក់ជិត១០០០គ្រួសារវិញ ដើម្បីអភិវឌ្ឍន៍នៅនឹងកន្លែង។ ប៉ុន្តែនៅខែមេសា ឆ្នាំ២០១៥នេះ សាលារាជធានីភ្នំពេញបានដោះស្រាយជូនពួកគាត់ជាច្រើនគ្រួសារ ហើយនៅសល់៧គ្រួសារ បដិសេធទទួលសំណង ដោយអះអាងថា សំណងនោះតិចជាងទំហំដីរបស់ពួកគាត់ចាស់ឆ្ងាយពេក៕
សូមសរសេរមកលោក ឡាយ សាមាន តាមរយៈ samean@vodhotnews.com
អ្នកបឹងកក់៧គ្រួសារទាមទារសាលារាជធានីភ្នំពេញពន្លឿនការដោះស្រាយបញ្ហាដីធ្លី (វីដេអូ)
ដោយ៖ chanden | ថ្ងៃចន្ទ ទី10 សីហា 2015, 08:00 PM
http://vodhotnews.com
អ្នកបឹងកក់៧គ្រួសារទាមទារសាលារាជធានីភ្នំពេញពន្លឿនការដោះស្រាយបញ្ហាដីធ្លី
ហា ហា ហា សួរស្តី ពួកអាផ្កាប់មុខ cnrp យ៉ាងម៉េចហើយ បែកគ្នាប៉ុន្មានឆ្នាំ តើសល់ពីងាប់ប៉ុន្មាន ជាប់គុកបុ៉ន្មាន រត់ចោលស្រុកបុ៉ន្មាន នៅចាំអញអត់ អញគឺ th អ្នកខ្លាំង អ្នកមែន អ្នកឃ្លាំមើលកំណែទំរង់រដ្ឋាភិបាលអាណត្តិទី5 បាត់អញមួយរយ:នេះ ដោយជាប់លេងហ្វេសបុកវើយ បើអាណាខ្លាំងមកជួបគ្នាតាមង្វេសបុកវិញ ហា ហា ហា