ដោយ ម៉ៅ សុធានី
2015-08-10
RFA
វាគ្មិនកិត្តិយសដែលចូលរួមក្នុងកម្មវិធីវេទិកាអ្នកស្ដាប់វិទ្យុអាស៊ីសេរី លោក ស៊ាន ប៉េងសែ (ភ្ជាប់ទូរស័ព្ទពីប្រទេសបារាំង) កាលពីយប់ថ្ងៃអង្គារ ទី១៤ ខែសីហា ឆ្នាំ២០១២។
Photo: RFA
ប្រធានគណៈកម្មាធិការព្រំដែនកម្ពុជា ប្រទេសបារាំង និងក្នុងពិភពលោក លោក ស៊ាន ប៉េងសែ បដិសេធថា លោកមិនដែលបានផ្ញើផែនទីកម្ពុជា ដែលគណៈកម្មាធិការលោកមានតាំងពីឆ្នាំ១៩៦៣ ទៅឲ្យលោកបណ្ឌិត សុខ ទូច នៃរាជបណ្ឌិត្យសភា ដូចការអះអាងនោះទេ។
លោក ស៊ាន ប៉េងសែ បានបញ្ជាក់ប្រាប់វិទ្យុអាស៊ីសេរី តាមទូរស័ព្ទកាលពីយប់ថ្ងៃទី១០ សីហា ថា រូបលោកផ្ទាល់ និងសមាជិកគណៈកម្មាធិការរបស់លោកមិនដែលបានទទួលការស្នើសុំផែនទីណាមួយពីរាជបណ្ឌិត្យសភា ដើម្បីយកទៅប្រើប្រាស់ផ្ទៀងផ្ទាត់ក្នុងការបោះបង្គោលព្រំដែនជាមួយប្រទេសវៀតណាម នោះឡើយ។
លោកបន្តថា គណៈកម្មាធិការលោកបានប្រគល់កិច្ចការនានាដល់អគ្គហិរញ្ញិកលោក ហម ប៊ុនឆាយ ដើម្បីទទួលខុសត្រូវរឿងផ្ញើផែនទីនោះ៖ «ខ្ញុំមិនដែលបានជូនផែនទីនេះទៅលោក សុខ ទូច ទេ។ ការចែកចាយផែនទីនេះ គឺចាត់ចែងដោយលោក ហម ប៊ុនឆាយ ហើយបើតាមខ្ញុំដឹង ផែនទីនេះអាចផ្ញើជូនទៅអ្នកណាដែលបានសរសេរសំបុត្រសុំ ឬទាក់ទងមកគាត់ ហើយខ្ញុំអត់បានដែលស្គាល់លោក សុខ ទូច ពីមុន ឬក្រោយនេះមិនដែលស្គាល់ទេ»។
លោក ស៊ាន ប៉េងសែ ក៏បានគូសបញ្ជាក់ថា ផែនទីរបស់លោកមាននោះ គឺជាផែនទីកម្ពុជា ខ្នាត ១/១០០.០០០ ចំនួន ១២៦ផ្ទាំង ដែលបានរៀបចំដោយប្រទេសបារាំង ចន្លោះពីឆ្នាំ១៩៣៣ និងឆ្នាំ១៩៥៣ ហើយបានវិទ្យាស្ថានភូមិសាស្ត្របារាំង បោះពុម្ពផ្សាយ ហើយថា គណៈកម្មាធិការព្រំដែនកម្ពុជា ប្រទេសបារាំង និងក្នុងពិភពលោក គ្មានទំនាក់ទំនង និងការទទួលខុសត្រូវបែបណាមួយជាមួយភ្នាក់ងារណា ឬក្រុមណាឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- លទ្ធផលនៃជំនួបចរចានយោបាយរវាងបក្សជាប់ឆ្នោតទាំងពីរនៅរដ្ឋសភា
- គណបក្សសង្គ្រោះជាតិប្រគល់ផែនទីឲ្យរាជបណ្ឌិត្យសភាកម្ពុជា
- ពលរដ្ឋមួយចំនួននៅខេត្តបាត់ដំបងបញ្ចេញទស្សនៈជុំវិញបញ្ហានយោបាយបច្ចុប្បន្ន
- មន្ត្រីរដ្ឋាភិបាលបញ្ជាក់ថាផែនទីដែលអង្គការសហប្រជាជាតិឲ្យខ្ចីជាផែនទីអាមេរិកទម្លាក់គ្រាប់
- គ.ជ.ប ស្នើសុំទិន្នន័យមួយចំនួនពីក្រសួងមហាផ្ទៃដើម្បីរៀបចំបញ្ជីឈ្មោះបោះឆ្នោត
- គណបក្សសង្គ្រោះជាតិនឹងប្រគល់ផែនទីឲ្យរាជបណ្ឌិត្យសភានៅថ្ងៃច័ន្ទ
- លោក កឹម សុខា នឹងជួបចរចានយោបាយជាមួយលោក ស ខេង នៅថ្ងៃទី១១សីហា
- អង្គការតម្លាភាពកម្ពុជាផ្ដល់អនុសាសន៍ទៅ គ.ជ.ប កែទម្រង់ប្រព័ន្ធបញ្ជីឈ្មោះបោះឆ្នោត
- ពលរដ្ឋមួយចំនួនបារម្ភពីស្ថានភាពនយោបាយក្រោយការចាប់សកម្មជនបក្សប្រឆាំង
សំណាងល្អហើយបើពិតជាដូចព័ត៌មានបានផ្សាយថា CNRP បានរៀបចំផែនទីជាបីច្បាប់ ប្រគល់ទៅបីស្ថាប័នផ្សេងគ្នា
Good, that is not a good time to give this map to a person that we cannot trust.
They may use the old way skilled at tricked to switch from right to wrong with
the talent of stealing and fake which they had done before.
ដូចម្តេចវិញហើយ? ម្នាក់ថាអោយ ឯម្នាក់ទៀតថាមិនបានអោយ! មួយណាជានាក់កុហក?
សូមចាក់សារឡើងវិញ លោកអ្នកផ្តល់ព័ត៏មាន!