Tue, 1 September 2015
ស៊ូ វុទ្ធី
ភ្នំពេញប៉ុស្តិ៍
ភ្នំពេញ: លោក ជា វិបុល ពិធីករ និងប្តីវ័យក្មេងរបស់ពិធីការិនីអ្នកនាង គង់ សុជាតិ បានបង្ក គ្រោះចរាចរណ៍បុកបន្តបន្ទុយគ្នាផ្អើលពេញផ្លូវទេពផនទាំងព្រលឹម កាលព្រឹកថ្ងៃទី ០១ នៃដើមខែ កញ្ញានេះ។
ក្នុងបណ្តាញសង្គមបានទម្លាយថា មានគ្រោះថ្នាក់ចរាចរណ៍ បុកបន្តកន្ទុយគ្នាមួយ បានកើតឡើងកាលពីវេលាម៉ោង ៧ និង ៥៥ នាទីថ្ងៃទី ១ ខែ កញ្ញា ឆ្នាំ ២០១៥ នេះនៅតាមបណ្តោយផ្លូវ ១៨២ (ទេពផន) កែងផ្លូវ ២៣៧ ក្នុងសង្កាត់ផ្សារដេរប៉ូ ២ ខណ្ឌទួលគោក រាជធានីភ្នំពេញ ដែលបង្កឡើងដោយលោក ជា វិបុល ពិធីករកំពុងមានប្រជាប្រិយភាពនៅទូរទស្សន៍ហង្សមាស។
ផ្សព្វផ្សាយពីបណ្តាញសង្គមបានរៀបរាប់ថា «រថយន្ត ហាយឡេនដឺ ពណ៍ស ពាក់ស្លាកលេខ ភ្នំពេញ 2M-1189 ដែលម្ចាស់រថយន្តជាពិធីករល្បីរូបនេះ បើកបរតាមបណ្តោយផ្លូវខាងលើ នឹងបានបត់ស្តាំមកផ្លូវ ២៣៧ ក៏កៀររថយន្តព្រូសពណ៍ទឹកប្រាក់ ពាក់ស្លាកលេខភ្នំពេញ 2R-4287 ចំចង្កៀងខាងឆ្វេងហើយប្រហែលជាស្លន់ក៏បានបន្ថែមល្បឿនបណ្តាលឲ្យរថយន្តព្រូសបុកម៉ូតូគ្លីក ពណ៍សពាក់ស្លាកលេខភ្នំពេញ 1C-9391 ហើយរុញទៅផ្ទប់រថយន្តលុចស៊ីស 470 ពណ៍ស្ករផ្លាកលេខភ្នំពេញ 2N-1512 ដែលចតខាងកើតផ្លូវ ២៣៧ ចំណែកម្ចាស់ម៉ូតូគ្លីក បានរងរបួសជើង ហើយម៉ូតូត្រូវរថយន្តបង្ករុញចូលក្រោមរថយន្ត ហាយឡេនដឺ និងលុចស្ស៊ីស ។
ឆ្លើយតបនឹងការផ្សព្វផ្សាយនេះ ពិធីករទទួលបានប្រជាប្រិយភាពកាន់តែខ្លាំង ក្រោយ ផ្តាច់ខ្លួនពីទ្រនំប៉ុស្តិ៍លេខ ៣ ហក់ទៅជ្រកក្រោមដំបូងស្ថានីយទូរទស្សន៍ធំ ហង្សមាស លោក ជា វិបុល បានប្រាប់ភ្នំពេញ ប៉ុស្តិ៍ថា៖ «ខ្ញុំពិតជាបានបង្កឲ្យមានគ្រោះថ្នាក់ចរាចរណ៍មែននៅព្រឹកម៉ិញ»។
ពិធីករដែលកំពុងសាងសុភមង្គលជាមួយភរិយាវ័យច្រើនជាង និងមានអាជីពដូចគ្នារូបនេះរៀបរាប់ថា៖ «ខ្ញុំបានបើកឡានជូនកូនទៅសាលា ក៏មិនដឹងថា វាយ៉ាងម៉េចទេ ឡានក៏ជាប់ហ្គែរហើយពេលនោះឃើញមានឡាននឹងម៉ូតូនៅពីមុខច្រើន ក៏ទាញចង្កូតចូលមកស្តាំ បណ្តាលឲ្យបុកម៉ូតូ គ្លីក និងម៉ូតូក៏ជ្រុលទៅបុកគូទឡាន ម៉ាកព្រូស (Prius)»។
ដោយបដិសេធមិនបុកបន្តកន្ទុយគ្នាច្រើន ដល់មានឡានម៉ាក ឡុចស្ស៊ីសដូចគេថា នោះ ពិធីករ ជា វិបុល បញ្ជាក់ថា៖ «មិនមានអ្វីវែងឆ្ងាយទេ ពួកយើងបានដោះស្រាយសំណងនិងឯកភាពដោយមិនមានអ្នកណាប្តឹងអ្នកណាទេ គឺសងរួចអស់ហើយមិនដល់ ២០០ ដុល្លារផង»៕
ថ្ងៃអន្សារមកដល់ហើយ សងគេទៅអាប្អូន! កុំឲ្យរឿងតូចក្លាយជារឿងធំ
Hmmm! Unlucky day and baby unluck coming soon.
Socheat very happy