ដោយ៖ ស៊ុន ណារិន | ថ្ងៃចន្ទ ទី7 កញ្ញា 2015
http://vodhotnews.com
នាយកដ្ឋានប្រឆាំងបទល្មើសបច្ចេកវិទ្យានៃក្រសួងមហាផ្ទៃនឹងចាត់វិធានការចំពោះសកម្មភាពញុះញង់ ជេរប្រមាថនិងរើសអើងពូជសាសន៍តាមប្រព័ន្ធអ៊ិនធើណែត។
អនុក្រឹត្យស្តីពីការរៀបចំនិងការប្រព្រឹត្តទៅនៃក្រសួងមហាផ្ទៃចុះថ្ងៃទី១៩ខែសីហា ឆ្នាំ២០១៥ ឲ្យដឹងថានាយកដ្ឋានប្រឆាំងបទល្មើសបច្ចេកវិទ្យាដែលជាសេនាធិការនៃក្រសួងមហាផ្ទៃនឹងសិក្សារៀបចំគោលការណ៍ វិធានការ យុទ្ធសាស្រ្តនិងផែនការសកម្មភាពលើការបង្ការ ទប់ស្កាត់ ស្រាវជ្រាវ ស៊ើបអង្កេតនិងបង្រ្កាបបទល្មើសបច្ចេកវិទ្យា។ នាយកដ្ឋានក៏មានតួនាទីក្នុងប្រមូលនិងវិភាគទិន្នន័យប្រព័ន្ធទូរគមនាគមន៍ ដើម្បីរកឲ្យឃើញបទល្មើសនិងការគំរាមកំហែងដល់សន្តិសុខជាតិតាមប្រព័ន្ធអ៊ិនធើណែត។
បើតាមអនុក្រឹត្យនេះ នាយកដ្ឋានប្រឆាំងបទល្មើសបច្ចេកវិទ្យានឹង”ស៊ើបអង្កេត និងចាត់វិធានការតាមច្បាប់ចំពោះសកម្មភាពញុះញង់ ជេរប្រមាថ រើសអើងពូជសាសន៍ បង្កចលាចលក្នុងសង្គម តាមប្រព័ន្ធអ៊ិនធើណែត”។
អ្នកនាំពាក្យអគ្គស្នងការដ្ឋាននគរបាលជាតិ លោក គៀត ច័ន្ទថារិទ្ធ ប្រាប់វីអូឌី(VOD)ថា នាយកដ្ឋានប្រឆាំងបទល្មើសបច្ចេកវិទ្យានេះទើបតែបង្កើតថ្មីនិងមិនទាន់លេចជារូបរាងនៅឡើយទេ។ លោកបន្តថាការបង្កើតនាយកដ្ឋាននេះដើម្បីទប់ស្កាត់គ្រោះថ្នាក់ទាក់ទងនឹងការញុះញង់តាមប្រព័ន្ធអ៊ិនធើណែត។ លោកបញ្ជាក់ថា៖ “ការញុះញង់ឲ្យមានបញ្ហាហ្នឹង គឺទាក់ទងដល់សន្តិសុខសណ្ដាប់ធ្នាប់សុវត្ថិភាពសង្គម ហើយបើសិនជាយើងអត់មានវិធានការដើម្បីទប់ស្កាត់ ដើម្បីដោះស្រាយបញ្ហាហ្នឹងទេ សង្គមយើងអាចប្រឈមនឹងគ្រោះថ្នាក់”។
កាលពីខែឧសភា ឆ្នាំ២០១៥ អ្នកនាំពាក្យទីស្តីការគណៈរដ្ឋមន្រ្តី លោក ផៃ ស៊ីផាន បានដាក់លិខិតទៅក្រសួងចំនួន២ គឺក្រសួងមហាផ្ទៃ និងក្រសួងប្រៃសណីយ៍ និងទូរគមនាគមន៍ ដើម្បីឲ្យចាត់វិធានការតាមផ្លូវច្បាប់ និងផ្លូវបច្ចេកទេសលើអ្នកលេងហ្វេសប៊ុកមួយចំនួន ដែលលោកហៅថាជា”ជនអគតិ និងអសីលធម៌” ករណីប្រមាថ និងវាយប្រហារបរិហារកេរ្តិ៍ទៅលើមន្រ្តីរាជការ និងថ្នាក់ដឹកនាំរដ្ឋាភិបាល។
លោក ផៃ ស៊ីផាន បញ្ជាក់ថាការប្រមាថនិងការបរិហារកេរ្តិ៍ គឺមិនស្ថិតនៅក្នុងសេរីភាពនៃការបញ្ចេញយោបល់នោះឡើយ ប៉ុន្តែវាជាការរំលោភសិទ្ធិនិងសេចក្តីថ្លៃថ្នូររបស់បុគ្គលដែលត្រូវរងការប្រមាថនិងបៀតបៀនសេចក្តីថ្លៃថ្នូរ។
ថ្មីៗនេះ សមត្ថកិច្ចបានចាប់ខ្លួនអ្នកប្រើប្រាស់ហ្វេសប៊ុកមួយចំនួនពាក់ព័ន្ធនឹងការគំរាមសម្លាប់ប្រធានក្រុមស្រាវជ្រាវកិច្ចការព្រំដែននៅរាជបណ្ឌិត្យសភាកម្ពុជា លោក សុខ ទូច និងការញុះញង់ឲ្យមានបដិវត្តន៍ពណ៌ជាដើម។ លោកនាយករដ្ឋមន្រ្តី ហ៊ុន សែន ធ្លាប់ព្រមានថានឹងចាត់វិធានការផ្លូវច្បាប់ចំពោះអ្នកនិយាយថារដ្ឋាភិបាលប្រើប្រាស់ផែនទីក្លែងក្លាយ។
របាយការណ៍របស់អង្គការលីកាដូស្តីចេញផ្សាយកាលពីខែឧសភាបានលើកឡើងថាប្រទេសកម្ពុជាកំពុងរីកសាយភាយយ៉ាងខ្លាំងនូវការប្រើប្រាស់ប្រព័ន្ធអ៊ីនធើណែត ដោយសារកើនឡើងនូវប្រភេទទូរស័ព្ទស្មាតហ្វូន ងាយស្រួលភ្ជាប់អ៊ីនធើណែត និងមានបណ្តាញទូរស័ព្ទចល័តយ៉ាងទូលំទូលាយ។ របាយការណ៍បន្តថាក្នុងនោះប្រជាពលរដ្ឋបានប្រើប្រាស់ប្រព័ន្ធអ៊ីនធើណែតនេះ ដើម្បីចែករំលែកព័ត៌មានក្នុងសង្គមរួមមាន ការប្រើហិង្សារបស់នគរបាល និទណ្ឌភាព អំពើពុករលួយ និងការកាប់បំផ្លាញព្រៃឈើជាដើម។ លីកាដូបានបញ្ជាក់ថាសេរីភាពនៃការបញ្ចេញមតិប្រភេទនេះកំពុងស្ថិតនៅក្រោមការគំរាមកំហែង ដោយសាររដ្ឋាភិបាលបានបង្កើតក្រុមអ្នកជំនាញលើប្រព័ន្ធអ៊ីនធើណែត(Cyber War Team) ដើម្បីត្រួតពិនិត្យប្រមូលព័ត៌មានពីប្រព័ន្ធទំនាក់ទំនងសង្គមហ្វេសហ៊ុកនិងតាមរយៈគេហទំព័រផ្សេងទៀត។
ទាក់ទងនឹងសេចក្តីព្រាងច្បាប់ឧក្រិដ្ឋកម្មតាមបច្ចេកវិទ្យាគមនាគមន៍ និងព័ត៌មាន ក្រសួងប្រៃសណីយ៍និងទូរគមនាគមន៍ឲ្យដឹងថាសេចក្តីព្រាងច្បាប់នេះបានដាក់បញ្ចូលចំណុចនៃការជេរប្រមាថ ដើម្បីធានាប្រយោជន៍អ្នកប្រើប្រាស់។ ក្រសួងបន្តថាសេចក្តីព្រាងច្បប់នេះទុកមួយអន្លើសិន ដោយសាររាជរដ្ឋាភិបាលជាប់ដោះស្រាយការងារនានាដែលមានលក្ខណៈបន្ទាន់និងអាទិភាពជាង។
ក្រសួងប្រៃសណីយ៍បន្តថាច្បាប់នេះមានបំណងកំណត់វិធានការអប់រំ បង្ការទប់ស្កាត់ និងបង្រ្កាបការប្រព្រឹត្តបទល្មើសនានាតាមប្រព័ន្ធបច្ចេកវិទ្យាគមនាគមន៍ និងព័ត៌មាន ដើម្បីធានាការអនុវត្តច្បាប់ ប្រយុទ្ធប្រឆាំងនិងបង្រ្កាបបទល្មើសតាមប្រព័ន្ធបច្ចេកវិទ្យាគមនាគមន៍ និងព័ត៌មាន ក៏ដូចជាសុវត្ថិភាព និងការពារផលប្រយោជន៍ស្របច្បាប់ក្នុងការប្រើប្រាស់ និងអភិវឌ្ឍបច្ចេកវិទ្យាគមនាគមន៍ និងព័ត៌មាន។
ក្រសួងប្រៃសណីយ៍បន្តថា៖ “ការផ្សព្វផ្សាយខ្លឹមសារដែលប៉ះពាល់ដល់ប្រពៃណីល្អរបស់សង្គមជាតិ រាប់ទាំងការញុះញង់ឲ្យមានការប្រកាន់ពូជសាសន៍ ជំនឿសាសនា ឬការមួលបង្កាច់ បរិហាកេរ្តិ៍ និងការជេរប្រមាថជាដើម ក៏នឹងត្រូវរាប់បញ្ចូលក្នុងចំណោមបទល្មើសនានាដែរ។ ក៏ប៉ន្តែជាគោលការណ៍ ការផ្តន្ទាទោស និងការដាក់ពិន័យចំពោះបទល្មើសទាំងឡាយខាងលើនេះ នឹងត្រូវមានសង្គតិភាពជាមួយបញ្ញត្តិច្បាប់នានា ជាធរមាន ដូចជាច្បាប់ស្តីពីរបបសារព័ត៌មាន ក្រមព្រហ្មទណ្ឌ ជាដើម”៕ រាយការណ៍បន្ថែមដោយសេង វណ្ណៈ
សរសេរមកកាន់លោក ស៊ុន ណារិន តាមរយៈsun_narin@vodhotnews.com
ការគាបសង្កត់រំលោភសិទ្ធិមនុស្សនិងរំលោភសិទ្ធិសេរីភាពនៃការបញ្ចេញមតិ
ប្រភេទនេះកំពុងស្ថិតនៅក្រោមការគំរាមកំហែង
ពីសំណាក់រដ្ឋាភិបាលដែលព្យាយាមរំលោភសិទ្ធិមនុស្សខ្លាំងហួសហេតពេកហើយ
គួរធ្វើអ្វីៗមើលប្រទេសជាតិរាប់រយពូជសាសន៍ក្នុងពិភពលោកនេះផង
កុំធ្វើខុសគេ នៅក្រៅផែនដីតែឯងពេក !!!
មន្រ្តីខ្មែរអោយតែមានអំណាច ធ្វើអីក៍មិនច្រឡំនិងគេដែរ
បង្កើតកុម្មុយនិស្តវិញ សម្លាប់ជាតិខ្មែរខ្លួនឯងឡើងល្បីស្អុយឈ្មោះអាក្រក់ពេញពិភពលោក សឹងតែរលាយពូជសាសន៍ !
ពេលអភិវឌ្ឍន៍ប្រទេសជាតិវិញ ប្រទេសគេ គេអភិវឌ្ឍន៍អោយប្រជាជនគេសប្បាយចិត្តរីករាយជាមួយនិងរដ្ឋាភិបាល
ចំណែកប្រទេសខ្មែរវិញបណ្ដេញប្រជាជនចេញពីដីផ្ទះសំបែងរបស់គាត់ មានចាប់ដាក់គុក មានវាយដំឈូសផ្ទះសំបែង
មានដឹកប្រជាជនយកទៅចាក់ចោល ចាត់ទុកជីវិតមនុស្សមិនស្មើរនិសត្វធាតុផង !
ឥឡូវមាន ចាត់វិធានការចំពោះការញុះញង់ ជេរប្រមាថ រើសអើងពូជសាសន៍តាមអ៊ិនធើណែតស្អីឯណាទៀតហើយ
បើពូកែចាត់វិធានកាបំបិទមាត់អញ្ចឹង ម៉េចមិនទៅចាប់ពួកសៀម ពួកយួនជេរក្បាលខ្លួនជាខ្មែរផងទៅ ?
ពិតជាចង្រៃតែជនជាតិខ្មែរមែន សូមបងប្អូនខ្មែរទាំងអស់ឈប់បញ្ចេញមតិតបតនិងពួកសៀមយួនទៅ ទុកអោយពួកសៀមយួន
ជេរក្បាលខ្មែរចុះ ព្រោះមន្រ្តីកាន់អំណាចជំនាន់នេះចូលចិត្តអោយពួកសៀមយួនជេរខ្លាំងណាស់ !
ចាប់ពីថ្ងៃនេះតទៅ ត្រូវរៀននិយាយមានពូជអម្បូរកូនខ្មែរថ្លៃថ្នូរណា! បុលមិនចង់ឃើញនរណាម្នាក់ ក្នុងចំណោមគ្នាយើងនេះ ជាប់គុកទេ ណា! តិចលោតែបាឈ្មោះពីបញ្ជីរាល់ថ្ងៃនេះ ទៅ គ្នាគិតថា បានក្លាយជាមនុស្សថ្លៃថ្នូ ឬ ក៏លាចាលោក ដោយប្រកាណាមួយ ស្រាប់តែទៅចេញឈ្មោះតាមកាសែត ថា ឈ្មោះស្អី យ៉ាងពិរោះ បានជាប់គុកដើយសារ វាបានជេរក្នុងទំព័រពត៌មាន ដោយលួចឈ្មោះអាបុល ទៅដាក់ស្អីឯណានោះ វិញ។ ប៉ុន្តែបើគេចាប់បាន វែកមុខបានក៏ល្អដែរ គ្រាន់អានុលយើងនេះ បានស្គាល់ពួកឯងផង។ បើថាម៉េចៗ ចាំគ្នាយកបាយសល់ពីឆ្កែទៅឲ្យពួកឯងស៊ី!!!
ចាប់ពីថ្ងៃនេះតទៅ Bolជានុស្សចាស់ក្បាល ត្រូវរៀននិយាយអោយមានពូជអម្បូរកូនខ្មែរថ្លៃថ្នូរណា!
កុំដូរឈ្មោះបង្រៀនក្មេងៗអោយចេះជេរតាមអ៊ិនធើណែតទៀត រហូតមកដល់ពេលនេះខ្ញុំមិនទាន់ដឹងថា
ពាក្សថា កន្ដួយហោករីកស្ញេញ់ មានរូបរៀងយ៉ាងណាផង ឮតែពួកចាស់ៗក្នុងបក្សប្រជាជនពេលនិយាយចាញ់គេ
ដូរឈ្មោះជេរគេតាមអ៊ិនធើណែតប៉ុណ្ណោះ បាយសល់ពីឆ្កែទុកច្រះច្រំខ្លួនអ្ហែងទៅ ចំជាចាស់អត់ពូជមែន!
ក្រសួងមហាផ្ទៃកំពុងតែធ្វើអោយ យួនកញ្ចាស់Bol ប្រើពាក្យអសុរស់លើជនជាតិខ្មែរ បានចិត្តដូចឆ្កែមែន
ប្រហែលជាកញ្ចាស់Bolនេះជាមន្រ្តីធ្វើការក្នុងជួររដ្ឋាភិបាល ទើបឈ្លើយមិនចេះគោរពជនស៊ីវិល អ្នកដទៃយ៉ាងហ្នឹង ។
មតិយោបល់អាចយកមកពិចារណា រៀនសូត្រ តែបើហាមាត់បិទមាត់លឺតែពាក្យជេរប្រមាណ សូម្បីតែសហនាមក៏ដាក់មកជេរគេជេរឯង ដូចនេះគ្មានប៉ះពាល់សិទិ្ធសី្អទេ បើចាប់មនុស្សជំពូកចូលគុក និងកែលំអរផេកពត៌មានប្រឆាំងមួយនេះ កាន់តែចេះផ្លាស់ប្តូរទៅវិញទេ!!!