ដោយ ម៉ម មុនីរតន៍
2015-09-07
RFA
សាលាដំបូងខេត្តតាកែវ រូបថតថ្ងៃទី ១៦ ធ្នូ ២០១៤។ RFA/Vohar Cheath
ដោះលែងអនុប្រធានប្រតិបត្តិស្រុកកប្បាស នៃគណបក្សសង្គ្រោះជាតិភ្លាមៗ បន្ទាប់ពីចំណាយពេលបើកសវនាការជំនុំជម្រះអស់ពេលប្រមាណ ៣ម៉ោង ប៉ុន្តែពិន័យជាប្រាក់ ៣លានរៀល ក្រោមបទញុះញង់ឲ្យមានការរើសអើង។
លោក សំ សុគង់ មេធាវីការពារក្ដីរបស់លោក ឈា តាំងស៊ន ជាអនុប្រធានប្រតិបត្តិស្រុកព្រៃកប្បាស ឲ្យដឹងក្រោយចេញពីបន្ទប់សវនាការនៅថ្ងៃទី៧ ខែកញ្ញា ថា ប្រធានក្រុមប្រឹក្សាជំនុំជម្រះនៃសាលាដំបូងខេត្តតាកែវ លោក អឿន វណ្ណា សម្រេចដោះលែងកូនក្ដីរបស់លោក ក្រោយពីបញ្ចប់សវនាការ ក៏ប៉ុន្តែលោក ឈា តាំងស៊ន ត្រូវបានតុលាការសម្រេចពិន័យជាប្រាក់ ៣លានរៀល។
បើទោះជាបែបនេះក៏ដោយចុះ លោក សំ សុគង់ នៅតែចាត់ទុកថា កូនក្ដីរបស់ខ្លួនមានភាពស្អាតស្អំ ហើយពុំបានប្រព្រឹត្តបទល្មើសដូចការចោទប្រកាន់របស់តុលាការឡើយ៖ «ខ្ញុំជាមេធាវីខ្ញុំយល់ថា ការចោទប្រកាន់មានលក្ខណៈគឺមិនអាចទទួលយកបានទេ ដោយសារចោទប្រកាន់ទាក់ទងឲ្យមានការរើសអើងវាបើនិយាយពីកូនក្តី គឺគាត់ឥតមានចេតនាក្នុងការញុះញង់ទេ។ នៅពេលកូនក្តីខ្ញុំគាត់ឃើញឯកសារនៅក្នុងប្រព័ន្ធហ្វេសប៊ុកហ្នឹង គាត់យកចម្លងហើយគាត់យកមកថតទុកមើល។ ប៉ុន្តែនៅពេលមានអ្នកស្គាល់គាត់ឃើញឯកសារហ្នឹងសុំឯកសារពីគាត់»។
លោក ឈា តាំងស៊ន អនុប្រធានប្រតិបត្តិស្រុកព្រៃកប្បាស ត្រូវបានប្រធានក្រុមប្រឹក្សាជំនុំជម្រះនៃសាលាដំបូងខេត្តតាកែវ គឺលោក អឿន វណ្ណា សម្រេចចោទប្រកាន់តាមមាត្រា ៤៩៦ នៃព្រហ្មទណ្ឌ។ លោក សំ សំគង់ បញ្ជាក់ថា មូលហេតុដែលនាំឲ្យចៅក្រមជំនុំជម្រះសម្រេចដោះលែងនេះ ដោយសារមាត្រា ៤៩៦ នៃព្រហ្មទណ្ឌនេះ មានជម្រើស២ គឺបទចោទ ឬពិន័យជាប្រាក់។ នៅនាទីចុងក្រោយ ចៅក្រមជំនុំជម្រះសម្រេចទម្លាក់បទចោទ គឺអនុវត្តត្រឹមពិន័យជាប្រាក់វិញ។
លោក ឈា តាំងស៊ន ត្រូវបានសមត្ថកិច្ចចាប់ខ្លួន កាលពីថ្ងៃទី៥ ខែកញ្ញា បន្ទាប់ពីលោកយកឯកសារចេញពីបណ្ដាញសង្គមហ្វេសប៊ុក (Facebook) ហើយចែកចាយបន្តឲ្យសកម្មជនរបស់ខ្លួន ដែលនិយាយអំពីយុទ្ធសាស្ត្រ ២០ចំណុចរបស់វៀតណាម កាលពីថ្ងៃទី២៩ ខែសីហា កន្លងទៅ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- អាដហុកបញ្ជូនសំណុំរឿងប៉ូលិសប៉ោយប៉ែតបាញ់ជនសង្ស័យទៅតុលាការ
- ប្រធានមន្ទីរអប់រំខែត្រក្រចេះព្រមានគ្រូបង្រៀនរៃអង្គាសប្រាក់សម្រាប់ទូរទស្សន៍ព្រះអាទិត្យ
- លោក សម រង្ស៊ី៖ ការផ្ទៀងផ្ទាត់ផែនទីតែមួយមិនគ្រប់គ្រាន់ទេ
- គណបក្សសង្គ្រោះជាតិប្រចាំខេត្តតាកែវនឹងរកមេធាវីការពារក្ដីឲ្យមន្ត្រីខ្លួន
- អ្នកភូមិឡពាងគ្រោងប្ដឹងព្រះរាជអាជ្ញារងខេត្តកំពង់ឆ្នាំងចោទមិនចាត់ការបណ្ដឹង
- អនុប្រធានប្រតិបត្តិស្រុកព្រៃកប្បាសបក្សប្រឆាំងត្រូវបានស្នងការខេត្តតាកែវឃុំខ្លួន
- ពលរដ្ឋខេត្តកោះកុងគ្រោងប្ដឹងអាជ្ញាធរចោទប្រើហិង្សាក្នុងពេលបង្ក្រាបការតវ៉ា
- តុលាការគ្រោងបើកសវនាការរឿងគ្រោះថ្នាក់ស្លាប់កម្មករ១៩នាក់នៅស្វាយរៀង
- សាលាឧទ្ធរណ៍បដិសេធបណ្ដឹងសុំនៅក្រៅឃុំរបស់លោក ហុង សុខហួរ
ទោះបី តិចតួចណាស់សំរាប់ការពិន័យ តែសមមុខមនុស្សល្ងង់ ដែលខ្វះសតពិចារណាផ្លូវត្រូវ ! សន្តានដូចមនុស្សនេះ បើឈ្នះវិញនរណាៗក៏យួន ស្រួលមិនស្រួលប្រពន្ធ័កូនខ្លួនឯងក៏ជាយួនដែរ!!!!