ដោយ៖ ណាត សុភាព | ថ្ងៃព្រហស្បតិ៍ ទី17 កញ្ញា 2015, 05:41 PM
http://vodhotnews.com
សមាជិកព្រឹទ្ធសភាគណបក្សសម សម រង្ស៊ី លោក ហុង សុខហួរ (រូបថតដោយទេព សូនី)
សាលាឧទ្ធរណ៍នៅថ្ងៃព្រហស្បតិ៍នេះ បានបដិសេធមិនឲ្យសមាជិកព្រឹទ្ធសភាមកពីគណបក្សប្រឆាំងម្នាក់នៅក្រៅឃុំបណ្តោះអាសន្ន ក្រោមហេតុផលរក្សាទុកជនត្រូវចោទជូនតុលាការចាត់ការតាមនីតិវិធី ដើម្បីការពារសណ្តាប់ធ្នាក់សាធារណៈសង្គម។
លោក ជួង ជូងី ជាមេធាវីការពារក្ដីសមាជិកព្រឹទ្ធសភាគណបក្សសម រង្ស៊ី លោក ហុង សុខហួរ ឲ្យដឹងបន្ទាប់ពីចេញពីបន្ទប់សវនាការថា សភាស៊ើបសួរសាលាឧទ្ធរណ៍មិនព្រមដោះលែងឲ្យនៅក្រៅឃុំជាបណ្តោះអាសន្នទេ ដោយសាលាឧទ្ធរណ៍សំអាងថា ដើម្បីរក្សាជនត្រូវចោទទុក។ លោកមានប្រសាសន៍ថា៖ "ជូនតុលាការចាត់ការតាមនីតិវិធី ដើម្បីរក្សាសុវត្ថិភាព និងសន្តិសុខទុកជូនសាម៉ីខ្លួនដែលជាជនត្រូវចោទ និងដើម្បីការពារសណ្តាប់ធ្នាប់ និងសង្គម"។
លោក ជួង ជូងី បន្ថែមថា លោកនឹងបន្តពិភាក្សាជាមួយកូនក្តីរបស់ខ្លួន ដើម្បីធ្វើពាក្យប្តឹងសាទុក្ខទៅតុលាការកំពូលបន្តទៀត។
គួរបញ្ជាក់ថា កាលពីថ្ងៃទី១១ ខែសីហា កន្លងទៅ តាមរយៈវីឌីអូឃ្លីបមួយដែលបង្ហោះនៅលើគេហទំព័ររបស់លោក សម រង្ស៊ី លោក ហុង សុខហួរ មានប្រសាសន៍ថា៖ “សន្ធិសញ្ញាឆ្នាំ៧៩ហ្នឹងនៅក្នុងរដ្ឋកាលយួនគេបានចែងហើយថា ប្រមុខរដ្ឋជំនាន់ហ្នឹងលោក ហេង សំរិន ដែលជាប្រមុខរដ្ឋហ្នឹង គាត់បានចុះហត្ថលេខាជាមួយប្រមុខរដ្ឋរបស់ប្រទេសវៀតណាមហ្នឹង នៅថ្ងៃទី១៨ កុម្ភៈ ឆ្នាំ១៩៧៩ហ្នឹង គាត់បានចុះហត្ថលេខាឯកភាពគ្នាថាប្រទេសទាំងពីរ ឯកភាពគ្នារំលាយព្រំដែនរដ្ឋទាំងពីរ សូមឲ្យយកសន្ធិសញ្ញាហ្នឹងមកមើល បើអត់មើលទេ អត់ជឿទេ និយាយត្រង់ក៏ខ្ញុំអត់ជឿដែរ ទាល់តែខ្ញុំបានមើលបានខ្ញុំជឿ”។
ក្រោយពីវីឌីអូឃ្លីបនេះចេញផ្សាយពីរថ្ងៃក្រោយ លោកនាយករដ្ឋមន្ដ្រី ហ៊ុន សែន បានបានបញ្ជាឲ្យចាប់ខ្លួនលោក ហុង សុខហួរ ដោយលោកនាយករដ្ឋមន្ត្រីចោទថាមន្ត្រីគណបក្សប្រឆាំងរូបនោះជាជន"ក្បត់ជាតិ"។
ក្រោយពីការបញ្ជារបស់លោក ហ៊ុន សែន សមត្ថកិច្ចបានចាប់ខ្លួនលោក ហុង សុខហួរ ភ្លាម ដោយចោទថាក្លែងឯកសារសន្ធិសញ្ញាកម្ពុជានិងវៀតណាមនៅឆ្នាំ១៩៧៩។ បន្ទាប់មកតុលាការបាន សម្រេចបញ្ជូនលោក ហុង សុខហួរ ទៅពន្ធនាគារ ដោយចោទលោក៣បទចោទ គឺការក្លែងឯកសារសាធារណៈ ការប្រើប្រាស់ឯកសារក្លែងក្លាយ និងញុះញង់ឲ្យមានអសន្តិសុខ៕
សរសេរមកលោក ណាត សុភាព តាមរយៈ sopheap@vodhotnews.com
Can anyone tell me what CNRP goes through the judiciary system in Cambodia, since they know that it is under direct influence of CPP clan?
Do they expect to get fair hearing?
Do they think a sitting judge will dare to reverse the top down command?
May be some foreign embassies tell CNRP to go through this process and see what the outcome?
May be CNRP is attmpting to exhaust all venues and to show Cambodian people the justice seeking has been done and this is the outcome?
it true that cnrp want to show the world of Cambodia justice.
REV, it will become very fair justice if the court freed these CNRP criminals!
when ever khmer nationalists talk about the truth al way wrong but when veit-germ did something wrong this government never do anything .the men who sing tral island and sea area,lease land 99 years ,give angkor to private not criminal because these serve youn-veit but when we oppose they did the coup or put in jail so this government really serve only veitcong .who ever bury the parish accord are the traitor’ .GOD bless all cambodian people’