ដោយ៖ ស៊ុន ណារិន | ថ្ងៃអង្គារ ទី3 វិច្ឆិកា 2015
http://vodhotnews.com
តំណាងរាស្រ្តគណបក្សសង្រ្គោះជាតិ លោកស្រី មូរ សុខហួរ បង្ហោះវីដេអូនៃការវាយដំតំណាងរាស្រ្ត
អគ្គស្នងការរងនគរបាលជាតិនិងជាអ្នកនាំពាក្យ លោក គៀត ច័ន្ទថារិទ្ធ បានអះអាងថាការបង្ហោះឯកសារតាមបណ្តាញសង្គម នាំឲ្យជនដៃដល់ងាយស្រួលរត់គេចខ្លួន ហើយចាត់ទុកឯកសារទាំងនោះសមត្ថកិច្ចពិបាកនឹងប្រមូលយកនិងមិនផ្លូវការ។
បើតាមគេហទំព័ររបស់អគ្គស្នងការដ្ឋាននគរបាលជាតិ លោក គៀត ច័ន្ទថារិទ្ធ បានថ្លែងថាសមត្ថកិច្ចកំពុងតែសកម្មក្នុងការប្រមូល រូបភាពនិងឯកសារនានា ដែលអាចជាភស្តុតាងក្នុងការកំណត់អត្តសញ្ញាណជនសង្ស័យដែលបានវាយដំអ្នកតំណាងរាស្រ្តគណបក្សសង្រ្គោះជាតិពីររូបកាលពីថ្ងៃទី២៦ ខែតុលា។ លោកបន្តថាសមត្ថកិច្ចបានបំពេញនីតិវិធីរួចហើយជាមួយតុលាការ ដើម្បីបើកការស៊ើបអង្កេតនិងបានចុះពិនិត្យកន្លែងកើតហេតុរួចរាល់ ហើយសមត្ថកិច្ចក៏បានទទួលនូវ រូបភាព ក៏ដូចជាឯកសារនានាមួយចំនួនផង។ លោកបានបន្ថែមថាដំណើរការសាកសួរសាក្សី ដូចជាអ្នកបើបរ និងអ្នកនៅជិត និងបានឃើញហេតុការណ៍ផ្ទាល់កំពុងតែបន្តនីតិវិធី។
លោក គៀត ច័ន្ទថារិទ្ធ បានអំពាវនាវថែមទៀតដល់សាធារណជន ឲ្យចូលរួមជាមួយសមត្ថកិច្ច ក្នុងការផ្តល់រូបភាពនិងឯកសារផ្សេងៗដែលអាចជួយដល់ការកំណត់អត្តសញ្ញាណជនសង្ស័យ។ ទាក់ទងនឹងរូបភាពនៅលើបណ្តាញសង្គមហ្វេសប៊ុក លោកមានប្រសាសន៍ថា៖ “ក្រសួងមហាផ្ទៃបានពិនិត្យឃើញថាបញ្ហានេះបានធ្វើឲ្យចំណេញដល់ជនស្ស័យរត់គេចខ្លួន ហើយធ្វើឲ្យសមត្ថកិច្ចមានការលំបាកក្នុងការនីតិវិធីដើម្បីកំណត់អត្តសញ្ញាណនិងចាប់ខ្លួនជនសង្ស័យទាំងនោះ ដោយសារតែមានការពិបាកក្នុងការប្រមូលយក រូបភាពនិងឯកសារផ្សេងៗ តាមរយៈបណ្តាញសង្គម ក៏ដូចជាសារព័ត៌មានមួយចំនួនដែលមិនផ្លូវការ ស្របតាមនីតិវិធីច្បាប់”។ លោកបន្ថែមថា៖ “ហេតុដូច្នេះហើយបានជាសមត្ថកិច្ចសូមអំពាវនាវដល់សាធារណជនជាថ្មីទៀត ត្រូវផ្តល់រូបភាពឬឯកសារផ្សេងៗដោយផ្ទាល់តែម្តងមកកាន់សមត្ថកិច្ច ដែលអាចជួយដល់ក្នុងការស៊ើអង្កេតនិងឈានដល់ការកំណត់មុខសញ្ញានិងការចាប់ខ្លួនជនសង្ស័យតែម្តង”។
អ្នកបើករថយន្តឲ្យតំណាងរាស្រ្តគណបក្សសង្រ្គោះជាតិ គឺលោក ផល ភក្តី កាលពីថ្ងៃចន្ទ មិនបានចូលបំភ្លឺតាមការកោះហៅរបស់នាយកដ្ឋាននគរបាលព្រហ្មទណ្ឌនោះទេ ដោយលើកឡើងថាលោកបានបំភ្លឺរួចអស់ហើយទៅសមត្ថកិច្ច។
តំណាងរាស្រ្តគណបក្សសង្រ្គោះជាតិ លោក អេង ឆៃអ៊ាង បានសរសេរនៅលើហ្វេសប៊ុករបស់លោកថា៖ “កុំយកអ្នកបើកបររថយន្តធ្វើជាលេស ភស្តុតាងជាក់ស្តែងច្បាស់លាស់គឺរូបភាពនៅក្នុងកាមេរ៉ាសុវត្ថិភាពរដ្ឋសភានិងទូតអូស្ត្រាលី ព្រមទាំងរូបភាពដែលគេផ្សព្វផ្សាយជាសាធារណៈកន្លងមកនេះ”។
កាលពីថ្ងៃទី២៨ ខែតុលា លោកនាយករដុ្ឋមន្រ្តី ហ៊ុន សែន បានបញ្ជាឲ្យអាជ្ញាធរមានសមត្ថកិច្ចចាប់ជនដៃដល់ដែលបង្កហិង្សាលើអ្នកតំណាងរាស្រ្តគណបក្សសង្រ្គោះជាតិពីររូបឲ្យរងរបួសធ្ងន់ ឲ្យបាននិងអំពាវនាវឲ្យជនដៃដល់ចេញមុខមកសារភាព ដែលលោកចាត់ទុកថាជារឿងល្អបំផុត។ លោកក៏បានអំពាវនាវឲ្យប្រជាពលរដ្ឋដែលបានឃើញហេតុការណ៍នោះ អ្នកបើករថយន្តឲ្យតំណាងរាស្រ្តនិងតំណាងរាស្រ្តដែលជាជនរងគ្រោះ សហការជាមួយសមត្ថកិច្ច ដើម្បីបង្កភាពងាយស្រួលក្នុងការចាប់ជនដៃដល់។ លោកបញ្ជាក់ថា៖ “បើគ្មានការសហការពីជនរងគ្រោះផ្តល់នូវព័ត៌មាន ហេតុការណ៍ដែលកើតឡើង អ្នកដែលចូលខ្លួនក្នុងព្រឹត្តិការណ៍នេះ យើងពិតជាលំបាកជាមានការលំបាកក្នុងការស្វែងរក”។
គួរបញ្ជាក់ថាបាតុកម្មទាមទារឲ្យដកតំណែងរបស់លោក កឹម សុខា កើតឡើងមួយថ្ងៃបន្ទាប់ពីការថ្លែងរបស់នាយករដ្ឋមន្រ្តី ហ៊ុន សែន នៅប្រទេសបារាំង កាលពីល្ងាចថ្ងៃទី២៥ខែតុលា។ ពីប្រទេសបារាំង ក្នុពិធីជួបសំណេះសំណាលជាមួយនិស្សិតខ្មែរនៅទីនោះ លោក ហ៊ុន សែន បានថ្លែងថាបាតុកម្មប្រឆាំងលោកនៅបារាំងគឺជាសិទ្ធិប្រជាពលរដ្ឋ ហើយលោកថាបាតុកម្មប្រឆាំងលោក កឹម សុខា ក៏ជាសិទ្ធិរបស់ប្រជាពលរដ្ឋដូចគ្នា។ លោកបន្តថាបាតុកម្មនេះអាចនឹងឲ្យលោក កឹម សុខា ធ្លាក់ពីតំណែង។ លោកមានប្រសាសន៍ថា៖“បើលេងកុំខឹង បើខឹងកុំលេង បើស្អែកគេលេងនៅភ្នំពេញវិញ កុំខឹងនឹងគេ ហើយលេងហ្នឹងប្រហែលជាអស់តំណែងអនុប្រធានសភាទៀត”។
ទោះជាយ៉ាងណា នៅព្រឹកថ្ងៃទី២៦ខែតុលា បាតុកររាប់ពាន់នាក់បានប្រមូលផ្តុំគ្នានិងតវ៉ានៅមុខវិមានរដ្ឋសភា ដើម្បីឲ្យដកតំណែង លោក កឹម សុខា ដោយពួកគាត់ចោទប្រកាន់ថាលោក កឹម សុខា ជា”មនុស្សបោកប្រាស់ ក្រឡេចក្រឡុចនិងជាអ្នកដែលនាំទុក្ខដល់ប្រជាពលរដ្ឋ”។ បាតុកម្មនោះមិនមានការយាមកាមនិងឃ្លាំមើលតឹងតែងពីកម្លាំងសមត្ថកិច្ចនោះទេ៕
សរសេរមកកាន់លោក ស៊ុន ណារិន តាមរយៈsun_narin@vodhotnews.com
Summon the leaders of demonstration for questioning. If it were an opposition created violent demonstration, there would have been swift arrested both the leaders of demonstration as well as those who involved in violent regardless videos or anyelse. The Authority of Cambodia will turn every stone, sent the police to every corner, entered every house, and raked every mountain hide out, and closed every border gate.
This violent happened to be CPP organized violent event, then they have to think twice before they shot their foot. It is clear and present of undeniable.
Those perpetrators are quite possibly be back in Takmao.
Order has been executed and vice president of Assembly is removed. It is very clear of the intention of the events.
Samneang
វប្បធម៌សន្ទនា ក្លាយជាវប្បធម៌វេទនាវិញហើយ! វ៉ែតំណាងរាស្រ្តជាអ្នកច្បាប់ នៅនឹងវិមានរដ្ឋសភាជាទី កន្លែងបង្កើតច្បាប់ទាំងកណ្តាលថ្ងែត្រង់ រកជនល្មើសមិនឃើញ?បើបាតុកម្មដោយសន្តិវិធីទាមទារសិទ្ធិសេរីភាពនៅទីលានប្រជាធិបតេយ្យវិញ ចាប់អ្នកតវ៉ាញាត់គុកនិងវែកមុខឃើញភ្លាមៗមិនទុកចាំថ្ងែស្អែកទេ?ជាមួយសំដាច់ស៍ដេកស៊ីជោរ៕
បើយើងនិយាយឲ្យមានយុត្តិធម៌ទៅ គឺសមត្ថកិច្ចត្រូវតែរកឲ្យឃើញនិងចាប់ឲ្យបានជនដល់បានវាយតប់លើតំណាងរាស្ត្រ ២ នាក់នោះ។ ព្រោះថា យើងប្រឆាំងនឹងសកម្មភាពមិនត្រឹមត្រូវរបស់លោក កឹម សុខា និង សម រង្ស៊ី នៅក្នុងសកម្មភាពនយោបាយ។ តែយើងមិនគាំទ្រអំពើណាមួយដែលនាំវិនាសដល់គណបក្សប្រជាជនទេ។
ការវាយប្រហារទៅលើអ្នកនយោបាយទាំង ២នេះ គឺជាការបំផ្លាញគណបក្សប្រជាជនទាំងស្រស់ គឺជាចេតនាក្នុងការសម្លាប់លោកហ៊ុនសែន ធ្វើឲ្យលោកហ៊ុនសែន ត្រូវរងការចោទប្រកាន់ ដោយចៀសមិនបាន។ ថ្វីត្បិតគេមិនបានប្តឹងប្រឆាំងនឹងលោកហ៊ុនសែន តែមតិមហាជន បានវាយប្រហារខ្លាំងណាស់លើលោកហ៊ុនសែន។ វាមិនគួរល្ងិតល្ងង់យ៉ាងនេះទេ ។
សរុបសេចក្តីមក គឺ រាជរដ្ឋាភិបាលត្រូវតែដកលោកអភិបាលរាជធានីភ្នំពេញ ដកលោកមេប៉ូលីស ដកលោកមេប៉េអឹមរាជធានី ដែលខ្វះសមត្ថភាពក្នុងការគ្រប់គ្រងសន្តិសុខរាជធានី និងសន្តិសុខសុវត្តភាពនៃកិច្ចប្រជុំរដ្ឋសភា ចេញពីដំណែង។
ទោះជារកឃើញក្រុមល្មើស ក៏ត្រូវតែដកពួកអស់លោកនេះ ចេញពីដំណែង ទើបជាការត្រឹមត្រូូវ។ អំពើពួកនេះ គឺជាផ្លូវមួយដែលនឹងនាំឲ្យការអនុវត្តសាលក្រមលើពួក ២១ នាក់ ពុំមានប្រសិទ្ធិភាព។
យើងនិយាយដើម្បីការពារគណបក្សប្រជាជន ទេ សុំកុំអន់ចិត្តពីការបកស្រាយបែបនេះ។
ចាំមេីលបេីយួនលេបដីខ្មែរអស់តេីពួកវានឹងវ៉ៃគ្នាទៀតអត់។
ពួមានតែ Abol អែងទេដែលល្ងង់មិនដឹងថាហេតុអីបានជារកមិនឃើញ
សមត្ថកិច្ចរើសអើងបក្ខពួក ពិបាកចាត់វិធានការលើពួកកងអង្គរក្សគណបក្សប្រជាជនរបស់ខ្លួនណាស់ !
កំពុងតែរកលេសរកអ្នកដទៃក្រៅពីកងអង្គរក្សមកជំនួស ។
at this moment CPP can not buy what we call people mind. the hole nation understanding quit well about the evil action . you can run but you can’t hid that what I see. no matter the wound are there they can not cross it out or erase it as a pencil mark. it seem to be shameful to the world community on that leadership of this poor nation. but I do not think that evil care of creditable of his own nation. all he care was grip his power so he can top down his own people. he is worry to what can be happen to him in the future. he knew himself that he committed a lot of crime again humanity. that what happen to the guy so afraid of his own shadow. my question to GOD is >>> when will this nation get out of all this punishment from GOD