សាន សុម៉ាលី
Fri, 25 December 2015
ស៊ូ វុទ្ធី
ភ្នំពេញប៉ុស្តិ៍
ភ្នំពេញ: ដោយទើបនឹងមានទឹកមាត់លេបឡើងវិញក្រោយទទួលឱកាសការងារថតភាពយន្ដភាគចាក់បញ្ចាំងក្នុងកញ្ចក់ទូរទស្សន៍ស៊ីធីអិន «វិញ្ញាណអាល័យស្នេហ៍» តារាសម្តែងវ័យរាងជ្រេនិយមស្លៀកពាក់សិចស៊ីបញ្ចេញសាច់ដើមទ្រូងមិនអាសូរកែវភ្នែកបុរសៗ ជាប់ងារនាងកាកី កញ្ញា សាន សុម៉ាលី ក៏បានប្រកាសដាក់តម្លៃខ្លួនខ្ពស់កប់ពពក ជាថ្នូរនឹងភាពក្លាហានក្នុងការថតសម្តែងគ្រប់រូបភាពសិចស៊ីឈុតស្នេហាបែបរោលរាល។
សាន សុម៉ាលី ត្រូវបានមហាជនគ្រប់មជ្ឈដ្ឋានទទួលស្គាល់ថា នាងជាតារាសម្ដែងទទួលបានភាពលេចធ្លោលើអាជីពសម្តែងតែមួយប៉ប្រិចភ្នែក បន្ទាប់ពីបើកឆាកដំបូងនៃអាជីពភាពយន្ដ នាងហ៊ានលេងសិចស៊ីខ្លាំង ក្នុងរឿង «កាកី» ហើយដោយសារការសម្តែងនោះ ធ្វើឲ្យនាងជាប់ឈ្មោះ នាង កាកី។
ក្រោយមកប្រជាប្រិយភាពពីការងារសម្តែងភាពយន្ដនាង ប្រែជាស្ងាត់ដូចចោរលួចសេះ លើវេលាជិតកន្លះទសវត្សរ៍មកនេះ។ ភាពស្ងប់ស្ងាត់ការងារថតសម្តែងភាពយន្ដ ដែលនៅតែម្ដងម្កាលបង្ហាញវត្តមានចូលរួមកម្មវិធីសិល្បៈ មិនត្រូវបានរូបនាងបញ្ជាក់ពីមូលហេតុឲ្យស៊ីជម្រៅ ពីការរយាលពីសង្វៀនសិល្បៈនោះទេ ដោយតារាសម្ដែងជាប់ឈ្មោះ កាកី រូបនេះបានប្រាប់ថា នាងខ្ជិលថត និងពេលខ្លះថា ដោយតម្លៃខ្លួនឲ្យនាងទាបស្មើនឹងតារាថ្មី។
ដោយសាតែការឃ្លាតឆ្ងាយពីកាមេរ៉ាថតសម្តែងភាពយន្ដយ៉ាងយូរ ហើយនាងគិតថាងាកករូបថតសែលហ្វីបែបយុវវ័យសម័យថ្មី បង្ហោះក្នុងបណ្តាញសង្គមហ្វេសប៊ុកនោះ ស្រស់ស្រី សម្បូរសាច់ដើមទ្រូងមានកំណើតពីទឹកដីខេត្តវ័យតោង ៣០ ឆ្នាំ សាន សុម៉ាលី ក៏ទទួលបានងារថ្មី ជា«តារាហ្វេសប៊ុក» ពីមហាជនបន្ថែមពីងារនាង កាកី។
ជាមួយនឹងការបន្ថែមងារនោះក៏មានអ្នកខ្លះបានធ្វើការសន្និដ្ឋានថា ទំនងជា សានសុម៉ាលី អស់ ឱកាសពីថតភាពយន្ដគេលែងហៅថត ទើបបានជានាងមកប្រឹងសម្តែង ថតខ្លួនឯងបង្ហោះក្នុងបណ្តាញសង្គមចង់បានទទួលការគាំទ្រ។ ជម្នះពីការចំអកនេះ ថ្មីៗនេះ សាន សុម៉ាលី ក៏បានបង្ហោះ ក្រដាសកិច្ចសន្យាថតកុនភាគថ្មីសន្លាងឲ្យផលិតកម្មភ្នំពេជ្រភាពយន្ដ។
តារាសម្តែងសាន សុម៉ាលី បានប្រកែកថា៖ «កាលដែលខ្ញុំឃ្លាតឆ្ងាយ មិនបានថតភាពយន្ដមុននោះ មិនមែនដូចគេចេះតែនិយាយថា ខ្ញុំអស់ផ្លូវ លែងមានគេហៅថត ហើយមកថតរូបបង្ហោះក្នុងហ្វេសប៊ុកនោះទេ»។
តារាសម្ដែងជាប់ងារនាង កាកី រូបនាងបានបញ្ជាក់ថា៖ «ដូចខ្ញុំនិយាយមុនអ៊ីចឹង ទីមួយខ្ញុំខ្ជិល ដកឃ្លាពីការសម្តែង និងទី ២ មកពីតម្លៃខ្លួនឲ្យទាបពេកទើបខ្ញុំមិនថត»។
បើទោះជានាងអះអាងពីការរយាលថតភាពយន្ដ បណ្តាលមកពីតម្លៃខ្លួនទាបនោះក្តី ប៉ុន្តែ សាន សុម៉ាលី មិនបានបង្ហើបពីតម្លៃខ្លួនសម្រាប់ការវិលមកថតរឿង «វិញ្ញាណ អាល័យស្នេហ៍» ទេ ដោយនាងគ្រាន់តែ បញ្ជាក់ថា៖ «តម្លៃខ្លួនសមរម្យអាចទទួលយកបាន ហើយណាមួយវាជាប្រភេទរឿងភាគសម្រាប់ចាក់បញ្ចាំងក្នុងទូរទស្សន៍ទើបបានខ្ញុំព្រមទទួលថត»។
កញ្ញា សាន សុម៉ាលី ក៏បានបញ្ជាក់ទៀតថា៖ «បន្ដពីចូលប្រឡូកសម្ដែងខ្សែភាពយន្ដភាគឲ្យផលិតកម្មភ្នំពេជ្រ សម្រាប់ចាក់បញ្ចាំងនៅទូរទស្សន៍ស៊ីធីអិនដែលទើបចាប់ផ្ដើមចេញថតនេះ ខ្ញុំក៏មិនខ្លាចទទួលថតភាពយន្ដមានឈុតឆាកក្ដៅសាច់ បែបស្នេហារោលរាលដែរ»។
ដោយលាន់មាត់ថា បើសិនមានផលិតកម្មហៅនាង គឺនាងអូខេ ទាំងអស់ ក្រោមលក្ខខណ្ឌឲ្យតែខាងក្រសួងគេមិនហាមឃាត់នោះ តារាសម្ដែង សាន សុម៉ាលី ក៏បានបញ្ជាក់ទៀតថា៖ «សម្រាប់ខ្ញុំ គឺខ្ញុំហ៊ានសម្ដែងឈុតដែលតួផ្សេងៗមិនហ៊ានសម្ដែង។ ក៏ប៉ុន្តែសម្រាប់តម្លៃខ្លួនវិញ ខ្ញុំក៏ទាមទារខ្ពស់ជាងការថតកុនធម្មតាដែរ»៕
Nice boobs and bootie very good.
Want $$$$$$$$, should submit her application to below address:
10236 Charing Cross Road, Los Angeles, California
or
1340 N State St, Chicago, IL 606
Oh, Darling I love you with all my heart.
We’ll married next year , don’t care about people talked and let them talk till they fall down and send them to hospital.
Darling , let smile and hope we’re the new life in next year. jub.jub!