ដោយ ប្រាជ្ញ ចេវ
2015-12-26
RFA
អភិបាលរាជធានីភ្នំពេញ លោក ប៉ា សុជាតិវង្ស ថ្លែងក្នុងពិធីសម្ពោធសាលាសង្កាត់ និងប៉ុស្តិ៍នគរបាលស្ពានថ្ម ខណ្ឌដង្កោ កាលពីព្រឹកថ្ងៃទី២៦ ខែធ្នូ ឆ្នាំ២០១៥។ RFA/Brach Chev
អភិបាលរាជធានីភ្នំពេញ មិនអនុញ្ញាតឲ្យមានពិធីដង្ហែក្បួនគោរពវិញ្ញាណក្ខន្ធ លោក ជា វិជ្ជា នោះទេ។ ថ្លែងប្រាប់អ្នកសារព័ត៌មាន បន្ទាប់ពីសម្ពោធសាលាសង្កាត់ និងប៉ុស្តិ៍នគរបាលស្ពានថ្ម ខណ្ឌដង្កោ កាលពីព្រឹកថ្ងៃទី២៦ ខែធ្នូ លោក ប៉ា សុជាតិវង្ស ថា ការសម្ដែងមតិមិនមែនផ្ដោតសំខាន់លើការដង្ហែក្បួនទេ។ លោកបន្តទៀត ការដង្ហែក្បួន អាចធ្វើឲ្យជនឱកាសនិយម ឬបាតដៃទី៣ បង្កបញ្ហាអសន្តិសុខ និងប៉ះពាល់ធ្ងន់ធ្ងរដល់សណ្ដាប់ធ្នាប់សាធារណៈ។
ទោះមិនអនុញ្ញាតឲ្យមានការហែក្បួនក្នុងពិធីគោរពវិញ្ញាណក្ខន្ធ លោក ជា វិជ្ជា អតីតប្រធានសហជីពសេរីកម្មការកម្ពុជា ប៉ុន្តែអភិបាលរាជធានីភ្នំពេញ លោក ប៉ា សុជាតិវង្ស ថា ក្រុមសហជីពអាចធ្វើពិធី ឬការសម្ដែងមតិនៅមុខរូបសំណាក លោក ជា វិជ្ជា នៅកន្លែងតម្កល់រូបសំណាកត្រង់សួនច្បារប៉ែកខាងលិចវិមានឯករាជ្យរាជធានីភ្នំពេញ នៅទីលានប្រជាធិបតេយ្យ ទីស្នាក់ការរបស់សហជីព និងទីតាំងឯកជនមួយចំនួនទៀត។
លោកបន្តទៀតថា ការមិនអនុញ្ញាតឲ្យដង្ហែក្បួននេះ មិនមែនជាការរើសអើងរបស់អាជ្ញាធរនោះទេ ប៉ុន្តែការដង្ហែក្បួន គឺប៉ះពាល់ធ្ងន់ធ្ងរដល់រាជធានីភ្នំពេញ និងពលរដ្ឋផ្សេងទៀត៖ «ខ្ញុំគិតថាការសម្ដែងមតិមិនមែនជាបញ្ហាធំ មិនមែនសម្រាប់តែការដង្ហែក្បួននៅតាមដងផ្លូវទេ កន្លែងណាក៏ធ្វើទៅបាន។ យើងប្រយ័ត្នបំផុតបាតដៃទី៣ ដែលលោតចូលទៅការដង្ហែក្បួនហ្នឹង បើស្រុកខ្មែរងាយណាស់ បើហែក្បួនទៅមានបងប្អូនណាមួយញុះញង់ឲ្យមានចលាចល ហើយរត់ចូលផ្សារបាត់ទៅ តើអ្នកណាជាអ្នកទទួលខុសត្រូវ?»។
លោក ជា វិជ្ជា ជាអតីតប្រធានសហជីពសេរីកម្មករនៃព្រះរាជាណាចក្រកម្ពុជា ត្រូវបានឃាតកបាញ់សម្លាប់កាលពីថ្ងៃទី២២ ខែមករា ឆ្នាំ២០០៤ នៅមុខតូបកាសែតក្បែរវត្តលង្កា រាជធានីភ្នំពេញ។ សហជីពយកថ្ងៃទី២២ ខែមករា ជាថ្ងៃគោរពវិញ្ញាណក្ខន្ធ លោក ជា វិជ្ជា។
ប្រធានសហជីពសេរីកម្មករដែលជាប្អូនប្រុសរបស់ លោក ជា វិជ្ជា គឺលោក ជា មុនី មិនបានបង្ហាញការភ្ញាក់ផ្អើលចំពោះចំណាត់ការរបស់សាលាក្រុងភ្នំពេញនៅពេលនេះទេ ហើយលោកក៏មិនប្រឆាំងការសម្រេចនេះដែរ។ លោកឲ្យដឹងថា ក្នុងពិធីគោរពវិញ្ញាណក្ខន្ធ តំណាងសហជីពជាង ១៥០នាក់ នឹងជួបជុំគ្នានៅមុខរូបសំណាក លោក ជា វិជ្ជា ដើម្បីដាក់កម្រងផ្កា៖ «បើសិនឃាតកនោះជាឃាតកសាមញ្ញ ទៅដល់ណាក៏បានដែរ ប៉ុន្តែឃាតកនោះគេចិញ្ចឹមសម្រាប់បាញ់តារាចម្រៀង ព្រះសង្ឃ បើនិយាយឲ្យចំសម្រាប់បាញ់អ្នកធ្វើការទាមទារ ធ្វើការប្រឆាំងរដ្ឋាភិបាល គេរកមិនដែលឃើញទេ»។
ចាប់តាំងពីមានការបាញ់សម្លាប់ លោក ជា វិជ្ជា ដែលបានកន្លងផុត ១១ឆ្នាំមកហើយនោះ ក្រុមសហជីពតែងតែដើរដង្ហែក្បួនឆ្ពោះទៅកន្លែងដែលឃាតកបាញ់សម្លាប់ នៅមុខតូបលក់កាសែតក្បែរវត្តលង្កា ប៉ុន្តែការដង្ហែក្បួនត្រូវបានផ្អាកនៅឆ្នាំ២០១៥ និងឆ្នាំ២០១៦ ខាងមុខ។
លោក ជា មុនី ថាការបាញ់សម្លាប់បងប្រុសលោក ជារឿងនយោបាយ។ ដូច្នេះលោកគ្មានជំនឿថា សមត្ថកិច្ចអាចវែករកឃាតកឃើញទេ។
ទាក់ទងរឿងនេះដែរ អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ថា រដ្ឋាភិបាលដែលគ្រប់គ្រងដោយ លោក ហ៊ុន សែន មិនអាចរកឃាតកឃើញឡើយ។ អ្នកនាំពាក្យគណបក្សប្រឆាំងរូបនេះថា គណបក្សសង្គ្រោះជាតិ នឹងចូលរួមគោរពវិញ្ញាណក្ខន្ធ លោក ជា វិជ្ជា នៅថ្ងៃទី២២ ខែមករា ឆ្នាំ២០១៦ ខាងមុខ៖ «២០ឆ្នាំចុងក្រោយនេះ ឃាតកដែលទាក់ទងសម្លាប់បុគ្គលសាធារណៈ អ្នកនយោបាយ រកអត់ឃើញទេ ប្រហែលរដ្ឋាភិបាលថ្មីបានរកឃើញ»។
កាលពីចុងខែមិថុនា ឆ្នាំ២០១៥ លោក ហ៊ុន សែន បានបង្កើតគណៈកម្មការអន្តរក្រសួងពិសេសថ្មីមួយ ដើម្បីធ្វើការស៊ើបអង្កេតករណីឃាតកម្ម លោក ជា វិជ្ជា ដោយបញ្ជាឲ្យរដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី រដ្ឋមន្ត្រីក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ រដ្ឋមន្ត្រីក្រសួងការងារ រដ្ឋមន្ត្រីក្រសួងយុត្តិធម៌ រដ្ឋមន្ត្រីគ្រប់ក្រសួង និងប្រធានគ្រប់ស្ថាប័នដែលពាក់ព័ន្ធ ត្រូវទទួលបន្ទុកអនុវត្តសេចក្តីសម្រេចនេះតាមតួនាទីរៀងៗខ្លួន ប៉ុន្តែរហូតមកទល់ពេលនេះ គេមិនទាន់ឃើញគណៈកម្មការនេះបង្ហាញអ្វីជាដុំកំភួននៅឡើយទេ។
ដើម្បីឧទ្ទិសដល់វិញ្ញាណក្ខន្ធ លោក ជា វិជ្ជា សាលាក្រុងភ្នំពេញបានសាងសង់រូបសំណាក លោក ជា វិជ្ជា កាលពីខែឧសភា ឆ្នាំ២០១៣ តាមសំណើរបស់ លោក ជា មុនី។
លោក ជា មុនី អះអាងថា ប្រសិនតុលាការកម្ពុជា មានឯករាជភាព និងយុត្តិធម៌ពិតប្រាកដ លោកនឹងដើរចង្អុលមុខឃាតកដែលបាញ់សម្លាប់បងប្រុសរបស់លោកឲ្យសាធារណជនបានដឹង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- លោក ឈូក បណ្ឌិត ត្រូវបញ្ជូនមកព្យាបាលជំងឺនៅមន្ទីរពេទ្យរុស្ស៊ី
- អ្នកវិភាគបារម្ភអំពីស្ថានភាពលទ្ធិប្រជាធិបតេយ្យនិងសិទ្ធិមនុស្សនៅកម្ពុជា
- តុលាការខេត្តស្វាយរៀងសម្រេចឃុំខ្លួនមនុស្ស៧នាក់បន្ថែមករណីហិង្សានៅក្រុងបាវិត
- រោងចក្រនៅក្រុងបាវិតបិទទ្វារនិងអនុញ្ញាតឲ្យកម្មករឈប់សម្រាកចំនួនពីរថ្ងៃ
- ILO អំពាវនាវឲ្យដោះស្រាយជម្លោះនៅតំបន់សេដ្ឋកិច្ចពិសេសក្នុងក្រុងបាវិតដោយសន្តិវិធី
- ភាគីពាក់ព័ន្ធបើកកិច្ចប្រជុំរកដំណោះស្រាយក្រោយមានការប៉ះទង្គិចរវាងកម្មករនិងអាជ្ញាធរ
- អាជ្ញាធរឥណ្ឌូនេស៊ីដោះលែងពលករខ្មែរ១០នាក់ឲ្យត្រឡប់មកស្រុកវិញ
- កម្មកររោងចក្រ៤នាក់ដែលចូលរួមក្នុងបាតុកម្មនៅក្រុងបាវិតត្រូវបានចាប់ខ្លួន
- វិទ្យុសហគមន៍ខេត្តកំពង់ឆ្នាំងស្វែងរកការគាំទ្រពីពលរដ្ឋដើម្បីបន្ថែមកម្មវិធីផ្សាយ
Shared Comment
កងទ័ពប្រជាជនវៀតណាមកាន់កាប់ដីខ្មែរតាមខ្សែបន្ទាត់ព្រំដែនខ្មែរយួនដែលជាដីសម្បទានសេដ្ឋកិច្ច៤ម៉ឺនហិចតានៅខេត្តរតនគីរីយួនស៊ីដាច់ថាដីរបស់គេ
https://www.cambodiadaily.com/grandconcessions/
ទឹកដីព្រំដែនខ្មែរយួនខេត្តរតនគីរីជាង៤ម៉ឺនហិចតាត្រូវបានកងទ័ពប្រជាជនយួនគ្រប់គ្រងកាន់កាប់ដោយខុសច្បាប់ ដោយសារតែរដ្ឋាភិបាលគណបក្សប្រជាជនកម្ពុជាបានចុះហត្ថលេខាផ្តល់ដីសម្បទានសេដ្ឋកិច្ច៩៩ឆ្នាំទៅឲក្រុមហ៊ុនយួនអភិវឌ្ឈន៍ ។ យួនមិនចោលក្បួនចាស់ទេ ប្រើល្បិចស៊ីដាច់ដីខ្មែរដដែលៗក្រោមរូបភាពខ្ចី រូបភាពជួលដី រូបភាពរំកិលព្រំដែន រូបភាពបញ្ជូនប្រជាជនខ្លួនឲមករស់នៅតាមព្រំដែនខ្មែរ ជាដើម ដូចជាទឹកដីខ្មែរកម្ពុជាក្រោម យួនប្រើល្បិចខ្ចីដីខ្មែរ៥ឆ្នាំដើម្បីធ្វើស្រែដោយសារស្តេចខ្មែរ ជ័យជេដ្ឋាទី២យកប្រពន្ធយួន ស្រីយួនលក់ខ្លួនដើម្បីយកដីខ្មែរ ទីបំផុតទឹកដីខ្មែរកម្ពុជាក្រោម២១ខេត្តក្រុងត្រូវយួនស៊ីដាច់ នេះគ្រាន់តែស្រីយួនម្នាក់ខ្ចីដីតែ៥ឆ្នាំផង ចុះទំរាំដីសម្បទានសេដ្ឋកិច្ច៩៩ឆ្នាំ តើវាយ៉ាងម៉េចដែរ ??? ឥឡូវឃើញច្បាស់និងភ្នែកហើយខេត្តរតនគីរីដំបូងគេប្រើរូបភាពជួលដីសម្បទានសេដ្ឋកិច្ចដោយក្រុមហ៊ុនឯកជនគ្រប់គ្រង ឥឡូវបាត់ក្រុមហ៊ុនស្រាប់តែចេញទៅជាកងទ័ពប្រជាជនយួនគ្រប់គ្រងទៅវិញ ។ យើងជាប្រជាពលរដ្ឋខ្មែរទាំងក្នុងនិងក្រៅប្រទេសមិនព្រមជាដាច់ខាត ត្រូវតែប្តឹងនិងទាមទារយកដីខ្មែរពីយួនមកវិញឲទាល់តែបាន ហើយយើងទាំងអស់គ្នា ស្នើរសុំឲរដ្ឋាភិបាលគណបក្សប្រជាជនទទួលខុសត្រូវចំពោះមុខជនរួមជាតិគឺត្រូវទៅយកដីខ្មែរពីកងទ័ពយួននោះមកវិញ ព្រោះខ្លួនជាអ្នកប្រគល់ឲយួន ។
ហេតុអ្វីបានជាប្រជាជនគោរពវិញ្ញាណក្ខន្ធលោក ជា វិជ្ជា មិនបានតើវាខុសត្រង់ចំនុចណា ? សូមលោកអាជ្ញាធរបញ្ជាក់ពីចំនុខុសអោយប្រជាជនបានដឹងផង ។ ហើយមានចែងនៅក្នុងមាត្រាទីប៉ុន្មាននៅក្នុងរដ្ឋធម្មនុញ ? ចុះបុណ្យថ្ងៃ 7 មករា ដែលយួនរុករានខ្មែរម៉េចបានជាគោរពរាល់ឆ្នាំទៅវិញ ? គួរអោយឆ្ងល់ណាស់ !!?? ។
king dom of veitcong slave’ this guy only know the law of communist veitcong’