ដោយ ចេង ម៉េងជូ
2016-01-05
RFA
ប្រធាននាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃក្រសួងមហាផ្ទៃ លោក រុន រ័ត្នវាសនា មានប្រសាសន៍ប្រាប់វិទ្យុអាស៊ីសេរី នៅថ្ងៃទី៥ ខែមករា ថា ការបង់ប្រាក់ផាកពិន័យបទល្មើសចរាចរណ៍ នឹងត្រូវធ្វើតាមប្រព័ន្ធធនាគារនៅពេលឆាប់ៗខាងមុខ។
លោកថា ការងាកមកប្រើប្រាស់ប្រព័ន្ធធនាគារវិញ គឺដើម្បីសម្រួលដល់ការគ្រប់គ្រងប្រាក់ផាកពិន័យ និងបង្កភាពងាយស្រួលដល់សាធារណជននៅឆ្ងាយពីទីតាំងទទួលប្រាក់ផាកពិន័យរបស់រដ្ឋ៖ «យើងកំពុងសម្រួលថា ធ្វើម៉េចឲ្យការបង់ហ្នឹងតាមប្រព័ន្ធធនាគារឲ្យស្រួលវិញ។ ការគ្រប់គ្រងទៅលើប័ណ្ណហ្នឹងតាមខេត្តនីមួយៗ វាប្រើពេលវេលា ដោយសារឯកសារមួយចំនួនពីខេត្តមួយទៅខេត្តមួយវាឆ្លងយូរ។ អ៊ីចឹងយើងកំពុងសិក្សាថា ធ្វើម៉េចដើម្បីឲ្យការបង់ប្រាក់ហ្នឹងតាមប្រព័ន្ធធនាគារ។ អ៊ីចឹងបងប្អូនដែលត្រូវពិន័យហ្នឹង គាត់គ្រាន់តែយកអាហ្នឹងទៅបង់នៅធនាគារដែលយើងកំពុងសិក្សាហ្នឹង អ៊ីចឹងវាចប់ហើយ អត់មានអីពិបាកទេ»។
យ៉ាងណាក៏ដោយ លោក រុន រ័ត្នវាសនា បារម្ភថា កិច្ចការនេះនឹងត្រូវចំណាយពេលវេលាយូរក្នុងការអប់រំសាធារណជនទូទៅ ឲ្យបានយល់ដឹងច្បាស់ និងដើម្បីធានាថា ការប្រើប្រាស់ប្រព័ន្ធធនាគារដំណើរការទៅដោយរលូន ព្រោះថា ការប្រើប្រាស់ប្រព័ន្ធធនាគារនៅតែជារឿងថ្មីនៅឡើយសម្រាប់ប្រជាជនកម្ពុជា ជាច្រើន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ពលរដ្ឋគាំទ្រនាយករដ្ឋមន្ត្រីបញ្ជាឲ្យបញ្ចុះតម្លៃធ្វើប័ណ្ណបើកបរម៉ូតូ
- សង្គមស៊ីវិលស្នើផ្សព្វផ្សាយអប់រំច្បាប់ចរាចរណ៍ដល់ពលរដ្ឋឲ្យបានទូលំទូលាយ
- ពលរដ្ឋនៅខេត្តកំពង់ឆ្នាំងសម្រុកទិញមួកសុវត្ថិភាព
- សមត្ថកិច្ចខេត្តកំពង់ឆ្នាំងឃាត់យានយន្ត១៥២គ្រឿងក្នុងរយៈពេល២ថ្ងៃនៃការអនុវត្តច្បាប់
- នគរបាលនិងអាជ្ញាធរខណ្ឌខ្លះនៅភ្នំពេញធ្វើយុទ្ធនាការផ្សព្វផ្សាយច្បាប់ចរាចរណ៍ថ្មី
- អគ្គស្នងការនគរបាលជាតិប្រកាសពន្យារពេលផាកពិន័យឡាននិងម៉ូតូដែលគ្មានប័ណ្ណបើកបរ
- លោក ហ៊ុន សែន បញ្ជាឲ្យផ្អាកធ្វើប័ណ្ណបើកបរយានយន្តគ្រប់ប្រភេទបណ្ដោះអាសន្ន
- ពលរដ្ឋនិងសង្គមស៊ីវិលបារម្ភអំពីវិធានការរឹតបន្តឹងច្បាប់ចរាចរណ៍ថ្មី
- AIP បារម្ភជាថ្មីចំពោះអត្រាស្លាប់និងរងរបួសដោយសារគ្រោះថ្នាក់ចរាចរណ៍
Cambodia needs traffic court to judge whether the police or the driver is wrong. When you are stopped by the police that does not mean that you are really guilty. The driver can take police to traffic court and have the court decide the case; then will go by the court decision. This what I see in the democratic countries