ដោយ លោក ណាត សុភាព | ថ្ងៃព្រហស្បតិ៍ ទី២៥ ខែកុម្ភៈ ឆ្នាំ២០១៦ ម៉ោង 3:54 PM
បរិស្ថាន | អំពើពុករលួយ | អភិបាលកិច្ចល្អ
លោកនាយករដ្ឋមន្រ្តី ហ៊ុន សែន ក្នុងពិធីសម្ពោធដាក់ឲ្យប្រើប្រាស់អគារក្រសួងបរិស្ថាន ដែលមានឈ្មោះថាអគារមរតកតេជោ (រូបថតដោយ ណាត សុភាព)
លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះបានបញ្ជាជាថ្មីឲ្យមន្រ្តីពាក់ព័ន្ធដែលចូលរួមបង្រ្កាបការកាប់បំផ្លាញព្រៃឈើឲ្យធ្វើការងាររបស់ខ្លួនដោយលោកដាក់ការសង្ស័យថាការមិនបង្រ្កាបអាចមកពីមន្រ្តីទាំងនោះចូលដៃជាមួយឈ្មួញដឹកឈើ។
ក្នុងពិធីសម្ពោធអគារថ្មីរបស់ក្រសួងបរិស្ថានលោក ហ៊ុន សែន បានថ្លែងបន្ទោសទៅភាគីពាក់ព័ន្ធដោយថាមិនបានយកភ្នែកមើលករណីដឹកឈើតាមរថយន្ត។ លោកមានប្រសាសន៍ថា៖ “ប៉ុន្តែរឿងដឹកឈឺនេះអាហ្នឹងវាដឹកហ្នឹងឡានហើយធំៗណាស់ ហើយចុះភ្នែកទៅណាអស់ទាំងភ្នែកទាហាន ទាំងភ្នែកប៉ូលិស ទាំងភ្នែកប៉េអឹម ទាំងភ្នែករដ្ឋបាលព្រៃឈើ ទាំងភ្នែកបរិស្ថាន ភ្នែកទៅណាអស់ទៅឬក៏អាហ្នឹងនឹងគេដែរវាណាស់តែអ៊ីចឹង”។
នៅថ្ងៃនេះលោក ហ៊ុន សែន ក៏បានបញ្ជាឲ្យមានការដាក់ទោសទណ្ឌអ្នកកាប់បំផ្លាញព្រៃឈើនិងបញ្ជាឲ្យលោក សៅ សុខា មេបញ្ជាការកងរាជអាវុធហត្ថលើផ្ទៃប្រទេសនិងជាប្រធានគណៈកម្មការបង្រ្កាបការកាប់បំផ្លាញព្រៃឈើចាត់វិធានការដោយមិនលើកលែង។ លោកមានប្រសាសន៍ថា៖ “ខ្ញុំឲ្យឧទ្ធម្ភាគចក្រពីរគ្រឿង សៅ សុខា ដូចមិនទាន់បាញ់មួយគ្រាប់ផងទេ ខ្ញុំឲ្យបាញ់ណា បើថាវាព្រហើនរ៉ូកែតដាក់ពីលើតែម្តងអត់មានរញ៉េរញ៉ៃទេ”។
អ្នកឃ្លាំមើលព្រៃឈើនិងជាប្រធានអង្គការក្រុមកិច្ចការពិសេសសិទ្ធិមនុស្សកម្ពុជាលោក អ៊ូច ទ្បេង មានប្រសាសន៍ថាលោកមិនមានជំនឿលើលោកនាយករដ្ឋមន្ត្រីដែលព្រមានចាត់វិធានការលើអ្នកប្រព្រឹត្តបទល្មើសព្រៃឈើដដែលៗនោះទេដោយលោកថាអ្នកប្រព្រឹត្តបទល្មើសព្រៃឈើជាមន្ត្រីរបស់រដ្ឋាភិបាល។ លោកបន្តថា៖ “មិនជឿទេ អត់សង្ឃឹមគាត់ចាត់វិធានការបាននេះមកពីឆន្ទៈគាត់មិនមែនតែពេលនេះទេគឺគាត់កាន់អំណាចប្រហែលជាង៣០ឆ្នាំហើយគឺមិនមានប្រសិទ្ធិភាពអ្វីទំាងអស់ក្នុងបទល្មើសព្រៃឈើគឺថាមន្ត្រីរដ្ឋាភិបាលទំាងអស់សុទ្ធតែមានការពាក់ព័ន្ធជាមួយនឹងបទល្មើសព្រៃឈើជាពិសេសកងប្រដាប់អាវុធ”។
គួរបញ្ជាក់ថាកាលពីខែមករា ឆ្នាំ២០១៥ លោក ហ៊ុន សែន បានសម្រេចបង្កើតគណៈកម្មការមួយចុះទប់ស្កាត់និងបង្ក្រាបសកម្មភាពអនាធិបតេយ្យកាប់ព្រៃឈើ ការនាំចេញឈើខុសច្បាប់ និងបទល្មើសព្រៃឈើនានា ស្រាវជ្រាវរកអ្នកដែលពាក់ព័ន្ធ ចាប់ជនល្មើស និងវត្ថុតាងនៃបទល្មើស សហការជាមួយភាគីវៀតណាមនិងឡាវ។ តាមរយៈសេចក្តីសម្រេចនោះរដ្ឋាភិបាលក៏បានអនុញ្ញាតឲ្យគណៈកម្មការមួយនេះប្រើឧទ្ធម្ភាគចក្រយោធាពីរគ្រឿងសម្រាប់ប្រតិបត្តិការរបស់ខ្លួនផងដែរ។
យ៉ាងណាក៏ដោយរហូតមកដល់ពេលគណៈកម្មការចុះទប់ស្កាត់និងបង្ក្រាបបទល្មើសព្រៃឈើនោះមិនទាន់បង្ហាញរបាយការណ៍បង្ក្រាបជូនសាធារណៈជនបានដឹងនៅឡើយ៕
Thai soldiers shot to kill Cambodians who snitched across the border to cut red rose timber in Thailand. Now Hun Sen orders to kill Cambodians who encroached the timber land for woods.
Wow what a violent leader, why don’t just arrest them and punish to he full extend of laws allowed. Did Cambodia has law to kill people, even they are criminals?
អារឿងការពារអាយុជិវិតប្រជារាស្រ្តគឺលំបាក តែបើអារឿងបញ្ជារឲ្យសម្លាប់គឺវាងាយស្រួលដូចបកចេក! នេះជារឿងដែលរដ្ឋាភិបាលកំពុងតែអនុវត្តន៏
គ្រាន់តែស្រែកអោយប្រជាពលរដ្ឋឮ តែប៉ុណ្ណោះ ដើម្បីលើកស្ទួយប្រជាប្រិយភាពឡើងវិញ ការពិតមិនអាចទៅរួចទេ
ហួសពេលហើយ។ កាលពីដំបូងរាប់ឆ្នាំមកហើយ ពត៏មានផ្សពផ្សាយតាមរយៈប្រព័ន្ធទូរទស្សន៏, វិទ្យុ ។ល។ ករណីកាប់បំផ្លាញឈើ, ករណីដឹកជញ្ជូនឈើចេញ មួយថ្ងៃៗសឹងតែ២៤ម៉ោងលើ២៤ម៉ោង តែធ្វើមិនដឹង មិនឮ អត់មានព្រមាន
អត់មានបញ្ជារសោះ ចាំតែឈើចង់រលាយអស់ពីព្រៃ ចាំតែជិតដល់រដូវបោះឆ្នោតទើបស្រែកក្ដែងៗ អោយគេឮ។
ឈ្មួញកាប់បំផ្លាញព្រៃឈើ ឈ្មួញដឹកឈើនាំចេញ មិនមែនជាប្រជាពលរដ្ឋសាម័ញ្ញក្រីក្រនោះទេ។