ដោយ លោក ស៊ុន ណារិន | ថ្ងៃព្រហស្បតិ៍ ទី២៥ ខែកុម្ភៈ ឆ្នាំ២០១៦
http://vodhotnews.com
បរិស្ថាន | សេដ្ឋកិច្ចអភិបាលកិច្ចល្អ
លោកនាយករដ្ឋមន្រ្តី ហ៊ុន សែន ក្នុងពិធីសម្ពោធដាក់ឲ្យប្រើប្រាស់អគារក្រសួងបរិស្ថាន ដែលមានឈ្មោះថាអគារមរតកតេជោ (រូបថតដោយ ណាត សុភាព)
លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះបានថ្លែងព្រមានទៅរដ្ឋមន្រ្តីទាំងអស់ថាកុំអោបអំណាចឬការគ្រប់គ្រងមកក្នុងក្រសួងរបស់ខ្លួនតែម្នាក់ឯង ដោយលោកបានកោតសរសើររដ្ឋមន្រ្តីក្រសួងបរិស្ថានថាជារដ្ឋមន្រ្តីតែមួយគត់ខុសគេ ក្នុងរយៈពេល៣០ឆ្នាំនៃដឹកនាំរបស់លោក។
ក្នុងពិធីសម្ពោធអគារថ្មីរបស់ក្រសួងបរិស្ថានដែលមានទីតាំងនៅជិតកោះពេជ្រ លោក ហ៊ុន សែន បានថ្លែងថាលោកសូមសរសើររដ្ឋមន្រ្តីថ្មីក្រសួងបរិស្ថាន លោក សាយ សំអាល់ ដែលជាកូនប្រុសរបស់លោក សាយ ឈុំ ប្រធានព្រឹទ្ធសភា ថាជារដ្ឋមន្រ្តីដែលបានស្នើរូបលោកផ្ទេរការងារមួយចំនួនទៅឲ្យក្រសួងផ្សេង។ លោកបន្តថាលោក សាយ សំអាល់ បានសុំបែងចែកការងារឲ្យដាច់ពីគ្នាគឺដីសម្រាប់អភិរក្សប្រគល់មកក្រសួងបរិស្ថាន ចំណែកដីសម្រាប់ដាំដុះការអភិវឌ្ឍ គឺប្រគល់ទៅក្រសួងកសិកម្ម រុក្ខាប្រមាញ់និងនេសាទវិញ។
លោកនាយករដ្ឋមន្រ្តីបន្ថែមថា៖ “ខ្ញុំសូមកោតសរសើរឯកឧត្តមសាយ សំអាល់ រដ្ឋមន្រ្តីក្រសួងបរិស្ថាន ដែលនេះជាលើកទីមួយក្នុងរយៈពេលជាង៣០ឆ្នាំនៃការគ្រប់គ្រងរដ្ឋាភិបាល គឺទើបតែមានរដ្ឋមន្រ្តីម្នាក់គត់ដែលបានស្នើសុំការងារខ្លួនទៅឲ្យស្ថាប័នផ្សេង។ ខ្ញុំមិនដែលជួបប្រទះនូវរដ្ឋមន្រ្តីណាមួយ ដែលមុននេះ គឺតែងតែស្រវាអោបទាញយកនូវអំណាចយកមកទុកក្នុងក្រសួងរបស់ខ្លួនជាប់ជានិច្ច ប៉ុន្តែរដ្ឋមន្រ្តីរូបនេះបែរជាធ្វើផ្ទុយពីនេះ គឺបានសេចក្តីថាចង់បែងចែកមុខងារឲ្យដាច់។ នេះជាកំណែទម្រង់ដែលខ្ញុំចង់បាន”។
លោក ហ៊ុន សែន បានបញ្ជាក់បន្ថែមថា៖ “ហើយសង្ឃឹមថារដ្ឋមន្រ្តីនានាមិនឲ្យការងារនេះបន្តទៀតទេ ហើយអាកម្មវិធីផ្ទេរមុខងារនិងប្រតិភូកម្មទៅថ្នាក់ក្រោមជាតិនុះ…សង្ឃឹមថាឯកឧត្តមរដ្ឋមន្រ្តី គឺនឹងមិនអោបការងារបន្តទៀតទេ”។
លោកនាយករដ្ឋមន្រ្តីបានថ្លែងបែបនេះសំដៅទៅលើការងារគ្រប់គ្រងដីសម្បទានសេដ្ឋកិច្ចដែលកន្លងមករងការរិះគន់ថារដ្ឋាភិបាលគ្រប់គ្រងមិនបានល្អ។ ដីសម្បទានសេដ្ឋកិច្ចខ្លះនៅក្រោមការគ្រប់គ្រងរបស់ក្រសួងបរិស្ថាននិងខ្លះទៀតនៅក្រោមការគ្រប់គ្រងរបស់ក្រសួងកសិកម្ម។
លោក ហ៊ុន សែន បានបញ្ជាក់ថាមិនដល់រយៈពេលមួយឆ្នាំផង រដ្ឋាភិបាលបា
នដកហូតដីសម្បទានសេដ្ឋកិច្ចបានជិត១លានហិកតាមកគ្រប់គ្រងវិញ ហើយនៅសល់ជាង១លានហិកតាទៀតជាដីដែលមានការដាំដុះដំណាំកៅស៊ូនិងដំណាំផ្សេងៗរួចរាល់ហើយ។
នៅក្នុងពិធីសម្ពោធអគារក្រសួងបរិស្ថាននៅព្រឹកនេះ រដ្ឋមន្រ្តីបរិស្ថាន លោក សាយ សំអាល់ បានថ្លែងនៅចំពោះមុខនាយករដ្ឋមន្រ្តីថាថ្នាក់ដឹកនាំក្រសួងថ្លែង
អំណរគុណដល់រដ្ឋាភិបាលក្នុងការផ្តល់ទីតាំងក្រសួងនៅចន្លោះស្ពាននាគនិងស្ពានតន្រ្តីកោះពេជ្រ ដោយលោកចាត់ទុកថានេះជា”ទីតាំងដ៏ល្អនៅកណ្តាលរាជធានីភ្នំពេញ”។ លោកបន្តថាដើម្បីជាការតបស្នងនឹងការផ្តល់ទីតាំងនេះ ក្រសួងបរិស្ថានបានស្នើសុំនាយករដ្ឋមន្រ្តីដាក់ឈ្មោះអគារថា”អគារមរតេជោ”៕
ដោយលោក ណាត សុភាព និងលោក ស៊ុន ណារិន
អញជួយសសើរឯង ឯងជួយសសើរអញរឿងវាតាប៉ុនណ្ណឹង។ ធម្មតានោះទេការផ្ទេកិច្ចការងារដែល មិនពាក់ពន្ធ័ក្រសួងរបស់ខ្លួនវាមិនចម្លែកនោះទេ រឿងដែលចម្លែកនោះគឺកាលនៅមានព្រៃឈើគឺ ក្រសួងបរិស្ថានជាអ្នកធ្វើកិច្ចការអស់ហ្នុង តែនៅពេលដែលកាប់ព្រៃឈើអស់ហើយនៅសល់តែដី គឺត្រូវតែផ្ទេរដីនោះទៅក្រសួងកសិកម្មអញ្ចឹងហើយ ចូយដឹកអើយ។
Base on the recent International Global Report, Cambodia National environment is in a seriousness trouble. The National Resources are severely deplete by many years miss management. And what people hear from their leader for all these years is that they only praising each. I am not criticize any body here but I how can a country come to this low. With all of these distraction, a Prime Minister praise his Minister, and he makes sound like a great a chievement for the nation because that Minister transfers jobs or responsible to other Ministers involve. But I think, the PM just makes the Minister look bad instead.