ដោយ អ៊ុំ រង្សី
2016-03-12
RFA
ស្ដាប់ ឬ ទាញយកសំឡេង
ស្រូវរបស់ប្រជាកសិករនៅខេត្តកំពង់ឆ្នាំង។ រូបថតថ្ងៃទី១២ ខែធ្នូ ឆ្នាំ២០១៥ (RFA/Leng Maly)
ក្រុមហ៊ុននាំអង្ករចេញទៅកាន់ទីផ្សារអន្តរជាតិ និងកសិករ បារម្ភថា គម្រោងដាំស្រូវរបស់វៀតណាម នៅកម្ពុជា នឹងធ្វើឲ្យវិស័យស្រូវអង្ករដួលរលំ ស្របពេលដែលវិស័យស្រូវអង្ករកម្ពុជា កំពុងមានវិបត្តិ។ ការព្រួយបារម្ភនេះ បន្ទាប់ពីទទួលដំណឹងថា ក្រុមហ៊ុនវៀតណាម មួយចំនួនកំពុងពិចារណាដាក់ទុនវិនិយោគ ដើម្បីផលិតអង្ករនៅកម្ពុជា រួចនាំអង្ករចេញទៅកាន់ទីផ្សារអឺរ៉ុប។
ម្ចាស់ក្រុមហ៊ុននាំអង្ករចេញទៅកាន់ទីផ្សារអន្តរជាតិ និងកសិករ យល់ថា ការប្រកួតប្រជែងនេះ នឹងធ្វើឲ្យរោងម៉ាស៊ីនកិនស្រូវនៅកម្ពុជា ប្រឈមនឹងការបិទទ្វារ ហើយកម្ពុជា នឹងនៅតែមិនអាចសម្រេចគោលដៅរបស់ខ្លួន ក្នុងការនាំចេញអង្ករទៅកាន់ទីផ្សារអន្តរជាតិឲ្យបាន ១លានតោនក្នុងមួយឆ្នាំ។
ក្តីបារម្ភនេះ កើតមានក្រោយពេលគេហទំព័រព័ត៌មានរបស់វៀតណាម ឈ្មោះ វៀតណាម ណេត ប៊្រីត (Vietnam Net Bridge) បានចុះផ្សាយកាលពីពេលថ្មីៗនេះថា ក្រុមហ៊ុនវៀតណាម មួយចំនួនកំពុងពិចារណាដាក់ទុនវិនិយោគលើការដាំស្រូវនៅលើដីកម្ពុជា ដើម្បីនាំចេញទៅកាន់ទីផ្សារអឺរ៉ុប ដោយរួចពន្ធគយ។
តំណាងសហគមន៍កសិករមកពីខេត្តកំពង់ស្ពឺ លោក ស៊ឹម រ៉ុម បារម្ភថា បើគម្រោងនេះពិតមែន វានឹងប៉ះពាល់ដល់ជីវភាពរស់នៅរបស់កសិករ ជាពិសេសជំរុញឲ្យកសិករបោះបង់ការងារកសិកម្មកាន់តែច្រើន។ លោកយល់ថា កម្ពុជា មានដី មានទីផ្សារស្រាប់ ហេតុនេះរដ្ឋាភិបាលគួរតែដោះស្រាយបញ្ហាប្រឈមក្នុងវិស័យកសិកម្មវិញ មុនសម្រេចវិនិយោគដីទៅឲ្យវៀតណាម ដាំដុះស្រូវ៖ «យើងមានដី មានទីផ្សារ ហេតុនេះកសិកម្មគួរតែបង្កើតឡើងដោយខ្លួនឯង ព្រោះកាលណាតែជួលដីឲ្យគេ វាអាចប៉ះពាល់ច្រើនណាស់ ពិសេសខ្សោះជីជាតិទៅថ្ងៃក្រោយ»។
ទន្ទឹមគ្នានេះ ម្ចាស់ក្រុមហ៊ុននាំអង្ករចេញ ១៦៨៨ ប្រចាំខេត្តកំពង់ធំ លោក ជួ ផេង ឲ្យដឹងថា កន្លងមក វិស័យស្រូវអង្ករកម្ពុជា ជួបបញ្ហាកង្វះទុន (ទុនបង្វិល ទុនវិយោគឃ្លាំង និងទុនទិញស្រូវស្តុកទុក) ហើយថ្លៃអគ្គិសនីដើម្បីផលិតអង្ករក៏ខ្ពស់។ បញ្ហានេះ បានធ្វើឲ្យវិស័យស្រូវអង្ករកម្ពុជា មិនអាចប្រកួតប្រជែងជាមួយបណ្ដាប្រទេសជិតខាងបាន។ ម្ចាស់ក្រុមហ៊ុនរូបនេះ ស្នើឲ្យរដ្ឋាភិបាលកម្ពុជា ត្រូវតែពិចារណាឲ្យបានច្បាស់លាស់លើគម្រោងវិយោគរបស់វៀតណាម៖ «ខ្ញុំសង្ឃឹមថា រដ្ឋាភិបាលគាត់ត្រូវគិតគូរពិចារណាឲ្យបានហ្មត់ចត់ មុននឹងសម្រេចឲ្យវៀតណាម មកដាំស្រូវនៅកម្ពុជា»។
ចំណែកឯអគ្គលេខាធិការសហព័ន្ធស្រូវអង្ករកម្ពុជា លោក មូល សារិទ្ធី ទទួលស្គាល់ថា ការវិយោគនេះជាទីផ្សារសេរី វានឹងរឹតតែជួយជំរុញកំណើននាំចេញអង្ករកម្ពុជា ទៅផ្គត់ផ្គង់ទីផ្សារបរទេស ប៉ុន្តែលោកយល់ថា បើគម្រោងនេះនឹងត្រូវអនុវត្តពិតមែន ក្រសួងកសិកម្ម និងស្ថាប័នពាក់ព័ន្ធ ត្រូវកំណត់ឲ្យច្បាស់ពីទំហំដែលត្រូវវិនិយោគដល់ក្រុមហ៊ុនវៀតណាម ទាំងនោះ ហើយជាបរិមាណមួយដែលមិនធ្វើឲ្យប៉ះពាល់ដល់វិស័យស្រូវអង្ករកម្ពុជា៖ «រដ្ឋាភិបាលត្រូវកំណត់នូវទំហំនៃការវិយោគឲ្យច្បាស់ មុននឹងវិនិយោគ ដែលការវិនិយោគធ្វើម៉េចកុំឲ្យប៉ះពាល់ជីវភាពកសិករ ហើយប៉ះពាល់ទំហំផលិតដែលយើងមានហើយស្រាប់»។
របាយការណ៍របស់លេខាធិការដ្ឋានច្រកចេញចូលតែមួយសម្រាប់បំពេញបែបបទនាំចេញអង្ករ បង្ហាញថា ក្នុងឆ្នាំ២០១៥ កម្ពុជា បាននាំចេញអង្ករចំនួនជាង ៥៣ម៉ឺនតោន (៥៣៨.៣៩៦តោន) ក្នុងនោះជាង ៥០ភាគរយនៃបរិមាណដែលបាននាំចេញ ត្រូវបាននាំទៅទីផ្សារអឺរ៉ុប។ កាលពីឆ្នាំ២០១៥ រដ្ឋាភិបាលធ្លាប់អះអាងថា មូលហេតុមួយដែលធ្វើឲ្យកម្ពុជា បរាជ័យនាំអង្ករចេញឲ្យបាន ១លានតោន ក៏ដោយសារការប្រកួតប្រជែងជាមួយប្រទេសជិតខាងដែលជាប្រទេសនាំចេញអង្ករ ដូចជាប្រទេសថៃ (Thailand) វៀតណាម (Vietnam) ឡាវ (Lao) និងមីយ៉ាន់ម៉ា (Myanmar) ជាដើម។
វិទ្យុអាស៊ីសេរី មិនអាចសុំការឆ្លើយតបពីមន្ត្រីក្រសួងកសិកម្ម ដើម្បីបំភ្លឺពីគម្រោងដាំស្រូវរបស់វៀតណាម លើដីកម្ពុជា បាននៅឡើយ នៅថ្ងៃទី១២ ខែមីនា។
គេហទំព័រព័ត៌មានវៀតណាម ដដែល បានស្រង់សម្ដីមន្ត្រីទូតវៀតណាម ប្រចាំនៅកម្ពុជា លោក ង្វៀង បាវ (Nguyen Bao) ថា «កម្ពុជា ពេលនេះកំពុងត្រូវការដើមទុនប្រមាណ ៣០០លានដុល្លារ ដើម្បីវិនិយោគលើកសិកម្ម ដែលការនេះអាចជាឱកាសល្អបំផុតសម្រាប់អ្នករកស៊ីផ្នែកស្រូវអង្ករវៀតណាម ព្រោះវាអាចជួយឲ្យពួកគេនាំចេញអង្ករចូលដល់ទីផ្សារតំបន់អឺរ៉ុប»។ ជាងនេះទៀត មន្ត្រីរូបនេះយល់ថា «វៀតណាម គួរតែដាំស្រូវក្នុងប្រទេសកម្ពុជា ដើម្បីនាំចេញស្រូវទៅអឺរ៉ុប ដើម្បីរួចរបាំងពន្ធគយ»។
យ៉ាងណា គេហទំព័រព័ត៌មាននេះមិនទាន់បញ្ជាក់ពីតំបន់ណាខ្លះដែលត្រូវវិនិយោគដាំស្រូវ ហើយចាប់ផ្ដើមដំណើរការគម្រោងនេះនៅពេលណានៅឡើយ។
កន្លងមក កម្ពុជា ទទួលបានការអនុគ្រោះរបាំងពន្ធគយ ដោយសារគោលនយោបាយរបស់អឺរ៉ុប ស្ដីពីការនាំចូលគ្រប់ទំនិញលើកលែងតែអាវុធសម្រាប់ប្រទេសក្រីក្រ។ នៅក្រោមគោលនយោបាយនេះ កម្ពុជា អាចនាំចេញអង្ករទៅអឺរ៉ុប មិនជាប់ពន្ធគយ។
ទោះបីជាយ៉ាងណាក៏ដោយ ក្រុមម្ចាស់រោងម៉ាស៊ីនកិនស្រូវ និងក្រុមហ៊ុននាំចេញអង្ករ ស្នើរដ្ឋាភិបាលផ្ដល់ប្រាក់កម្ចីប្រមាណ ២៥០លានដុល្លារក្នុងអត្រាការប្រាក់ ៤ភាគរយក្នុងមួយឆ្នាំ បញ្ចុះតម្លៃអគ្គិសនី ដើម្បីសង្គ្រោះវិស័យស្រូវអង្ករកម្ពុជា គេចចេញពីការដួលរលំ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- សហព័ន្ធស្រូវអង្ករគ្រោងជួបអ្នកពាក់ព័ន្ធដើម្បីដោះស្រាយបញ្ហាប្រឈមក្នុងវិស័យស្រូវអង្ករ
- លោកនាយករដ្ឋមន្ត្រី ហ៊ុន សែន ប្ដេជ្ញាជំរុញនិងលើកស្ទួយផលិតកម្មស្រូវអង្ករ
- ស្ថានភាពនៃការនាំចេញអង្ករឆ្នាំ២០១៥ និងទិសដៅនាំអង្ករចេញឆ្នាំ២០១៦
- មន្ត្រីកសិកម្មខេត្តកំពង់ឆ្នាំងប្រកាសថាទិន្នផលស្រូវវស្សាថយចុះនៅឆ្នាំ២០១៥
- ពិធីបុណ្យស្រូវនិងចំបើងនៅស្រុកព្រះនេត្រព្រះខេត្តបន្ទាយមានជ័យ
- អាជ្ញាធរខេត្តបន្ទាយមានជ័យប្រារព្ធពិធីបុណ្យស្រូវចំនួន៣យប់៣ថ្ងៃ
- ស្រូវប្រាំងប្រមាណ៦០០ហិកតាររបស់ប្រជាកសិករនៅស្រុកថ្មគោលខ្វះទឹកស្រោចស្រព
- មូលហេតុកម្ពុជាមិនអាចសម្រេចគោលដៅនាំចេញអង្ករ១លានតោននៅឆ្នាំ២០១៥
- ប្រជាកសិករនៅខេត្តកំពង់ចាមត្អូញត្អែររឿងសត្វកណ្ដុរស៊ីស្រូវ
នយោបាយ ច្រេះស៊ីដែក ចេះតែមាន ជាហូរហែរ , មិនយូរ ទេ ដីខ្មែរ នឹងក្លាយជា កម្ពុជាក្រោមទី 2 !
ឱ! កម្ពុជា ល្មមដល់ពេល រៀនរស់ និងដឹកនាំ ដោយភាពឯករាជ្យ និង បូរណភាពទឹកដីហើយ។ ពី ១៩៩៥ មកទល់ ២០១៦ គឺ ២១ ឆ្នាំហើយ តើពេលណា ទើបកម្ពុជា បានឯករាជ្យផ្នែកសេដ្ឋកិច្ច?????? រ៉ែ រង្គោះរង្គើ ព្រៃឈើស្ទើរបាត់បង់ ព្រហ្មវិហារធម៌និង សិលធម៎ កាន់តែស្បើយ ——‘ប្រវត្តិសាស្ត្រខ្មែរ ជាអត្តសញ្ញាណវិញ ??????
សំនៀង
នៅក្នុងភិភពលោកនេះមានតែរដ្ឋាភិបាលខ្មែរមួយទេដែលកាន់អំណាចសម្លាប់ប្រជាជនប្រជារាស្រ្តខ្លួនឯង
ទាំងផ្នែកសេដ្ឋកិច្ច និងទាំងផ្នែកគាបសង្កត់បិទសិទ្ធិសេរីភាព ។
ហ្នឹងហើយអោយសមមុខកសិករខ្មែរ ដែលស្រឡាញ់បោះឆ្នោតគាំទ្រសម្ដេចមេចោរក្បត់ជាតិ ចាំតែយំទៅ
ជិតរលាយអស់ហើយកសិលម្មស្រូវអង្ករទឹកដីខ្មែរត្រូវយួនដណ្ដើម ទីផ្សារគ្មានសល់ឡើយ !
ខ្ញុំធ្លាប់លឺចាស់ៗពីមុននិយាយថាខេត្តបាត់ដំបង១អាចផលលិតស្រូវអង្ករចញ្ចឹម១ប្រទេសបាន
ចុះរដ្ឋាភិបាលយើងសព្វថ្ងៃយ៉ាងម៉េចដែរ? ដូចចេះតែសម្បាទានដីឱយគេទៅវិញឆ្ងល់ណាស់?
Why don’t you all PHDs in here pooling your money and invest in farming in Cambodia instead of let the Veit takes over? You’s all very good with preaching but it sounds like a bunch of Baboons crying. LOL.
ផលិតហើយគេបន្លំថាអង្ករវៀតណាម, ច្រកបៅវៀតណាមរួចអឺរុបលែងទិញបាតទីផ្សារអង្ករកម្ពុជា៕
Corruption has been drying out resources of economy.
Cambodia used to supply rice to feed countries surrounding but now she is submitted by RGC that Cambodia is no longer able to produce . Systematic corruption scares those clean investments.