ដោយ កញ្ញា ជី បូណ៌មី | ថ្ងៃអង្គារ ទី៧ ខែមិថុនា ឆ្នាំ២០១៦
http://vodhotnews.com
លោក កឹម សុខា ប្រធានស្តីទីគណបក្សសង្រ្គោះជាតិ ថ្លែងសារទៅកាន់អ្នកគាំទ្រនៅព្រឹកថ្ងៃអង្គារនេះ នៅទីស្នាក់ការរបស់គណបក្សក្នុងសង្កាត់ចាក់អង្រែលើ (រូបថតពីហ្វេសប៊ុករបស់លោក កឹម សុខា)
ប្រធានស្តីទីគណបក្សសង្គ្រោះជាតិ លោក កឹម សុខា នៅព្រឹកថ្ងៃអង្គារនេះ បានចេញមុខថ្លែងអំណរគុណដោយផ្ទាល់ចំពោះអ្នកគាំទ្រនិងអ្នកគាំទ្រគណបក្សដែលលោកថាបានចេញមុខការខិតខំតស៊ូការពារអភ័យឯកសិទ្ធិរបស់តំណាងរាស្រ្ត។
នៅក្នុងពិធីរាប់បាត្រដែលបានប្រារព្ធឡើងនៅទីស្នាក់ការគណបក្សសង្គ្រោះជាតិ លោក កឹម សុខា ដែលកំពុងប្រឈមនឹងការចាប់ខ្លួន បានសម្តែងការអរគុណដល់អ្នកគាំទ្រ ក៏ដូចជាសមាជិកគណបក្សទាំងអស់ដែលបានចូលរួមតស៊ូការពារយុត្តិធម៌និងអភ័យឯកសិទ្ធិតំណាងរាស្រ្ត។ លោកបានថ្លែងថា៖ «យកឱកាលនេះ ខ្ញុំព្រះករុណាខ្ញុំ សូមថ្លែងអំណរគុណយ៉ាងជ្រាលជ្រៅចំពោះព្រះថេរានុថេរៈគ្រប់ព្រះអង្គ ក៏ដូចជាបងប្អូនជនរួមជាតិនិងថ្នាក់ដឹកនាំគណបក្សសង្គ្រោះជាតិទាំងអស់ ដែលអស់រយៈពេលជាច្រើនថ្ងៃមកហើយបានធ្វើការសម្តែងនូវការតស៊ូយ៉ាងប្តូរផ្តាច់ដើម្បីទាមទារនូវសិទ្ធិសេរីភាព នូវយុត្តិធម៌និងការពារនូវឆន្ទៈប្រជាពលរដ្ឋ ជាពិសេសទាមទារការពារនូវអភ័យឯកសិទ្ធិរបស់សភាតំណាងរាស្ត្រ”។
លោក កឹម សុខា បន្តថាការដោះស្រាយបញ្ហានយោបាយបច្ចុប្បន្នគឺត្រូវធ្វើឡើងដោយគោរពគោលការណ៍អហិង្សា តែលោកថាមិនមែនបោះបង់ការតស៊ូនោះទេ។ លោកបញ្ជាក់ថាប្រសិនបើមានឧបសគ្គកាន់តែធំ ប្រជាពលរដ្ឋនឹងបង្ហាញការលះបង់កាន់តែធំថែមទៀត។
កាលពីថ្ងៃទី២៦ខែឧសភា អាជ្ញាធរបានប៉ុនប៉ងចាប់ខ្លួន លោក កឹម សុខា តែមិនបានសម្រេច។ លោក កឹម សុខា បានស្នាក់នៅទីស្នាក់ការគណបក្សនៅសង្កាត់ចាក់អង្រែលើរហូតមកដល់ពេលនេះ។ លោកត្រូវបានបង្គាប់ឲ្យចូលខ្លួនទៅបំភ្លឺនៅថ្ងៃទី១៤ ខែមិថុនា ខាងមុខនេះ បន្ទាប់ពីលោក បានបដិសេធចូលបំភ្លឺក្នុងនាមជាសាក្សី២ដងរួចមកហើយ។ ទោះជាយ៉ាងណា បក្សប្រឆាំងបញ្ជាក់ថាខ្លួននៅតែរក្សាជំហរមិនចូលខ្លួនទៅបំភ្លឺនៅក្នុងតុលាការដដែល ដោយលោកអះអាងថាដើម្បីជំរុញឲ្យមានការអនុវត្តច្បាប់ គោរពរដ្ឋធម្មនុញ្ញនិងមិនធ្វើតាមបុគ្គលណាម្នាក់ចង់បាននោះឡើយ។
គួររំឮកផងដែរ លោក ហ៊ុនសែនបានថ្លែងកាលពីថ្ងៃចន្ទថាអង្គការចាត់តាំងនយោបាយឬអង្គការចាត់តាំងមនុស្សធម៌មួយចំនួន មិនគួរទុកឲ្យបុគ្គលមួយនាក់ឬពីរនាក់បំផ្លាញបក្សនយោបាយរបស់ខ្លួន តាមរយៈការការពារអំពើខុសច្បាប់របស់បុគ្គលនោះ។ លោកមានប្រសាសន៍ថា៖ “អ្នកខ្លះខុសខ្លួនឯង ទៅយកទីកន្លែងដទៃ ជាអង្គការចាត់តាំង ជាក្រុមមនុស្សមួយក្រុម ជាតួអង្គចាត់តាំងមួយ ដើម្បីការពារខ្លួន ហើយអង្គការនោះ ក៏ការពារមនុស្សខូចនោះទៅទៀត ដើម្បីប្រឈមនឹងផ្លូវច្បាប់ ប្រហែលជារឿងនេះគឺត្រូវគិតគូឲ្យបានច្បាស់”៕
ក្រោយពេលដែលលោកប្រធានស្តីទីអាស់អាភាស់អសិលធម៍បក្សសង្គ្រោះជាតិ កិម សុខា បានលក្ខខ្លួននូវក្នុងស្នូកជាយូហើយឥឡូវត្រូវចេញមកយក្យល់ដើម្បីបន្តនូវនយោបាយបោកប្រាស់តទៅទៀត? គឺធ្វើម៉េចត្រូតែបន្តរឿក្តរបស់ខ្លួនឲទៅជារឿនោបាយ?
Sambo ta gueulle !