ដោយ ឡេង ម៉ាលី
2016-06-21
RFA
អតីតប្រធានមន្ទីរសន្តិសុខ ស-២១ ឬគុកទួលស្លែង ក្នុងរបបខ្មែរក្រហម លោក កាំង ហ្កេកអ៊ាវ ហៅ ឌុច ធ្វើជាសាក្សីនៅក្នុងសំណុំរឿង០០២ វគ្គ២ ទាក់ទងនឹងអង្គហេតុឧក្រិដ្ឋកម្មនៅមន្ទីរសន្តិសុខ ស-២១ ឬគុកទួលស្លែង នៅថ្ងៃទី១៣ ខែមិថុនា ឆ្នាំ២០១៦។ Photo courtesy of ECCC
អង្គជំនុំជម្រះសាលាដំបូងនៃសាលាក្ដីខ្មែរក្រហម នៅថ្ងៃច័ន្ទ ទី២០ មិថុនា បន្តស្ដាប់សក្ខីកម្មរបស់អតីតប្រធានមន្ទីរសន្តិសុខ «ស–២១» ឬគុកទួលស្លែង កាំង ហ្កេកអ៊ាវ ហៅ ឌុច។ ការផ្ដល់សក្ខីកម្មបន្តនេះ គឺទាក់ទងនឹងការផ្ទៀងផ្ទាត់ឯកសារសួរចម្លើយអ្នកទោសនៅគុកទួលស្លែង ដែលជាភស្តុតាងប្រឆាំងជនជាប់ចោទ នួន ជា និង ខៀវ សំផន នៅក្នុងសំណុំរឿង០០២ វគ្គ២។
សាក្សី ឌុច អះអាងថាឯកសារដែលអង្គជំនុំជម្រះលើកយកមកក្នុងសវនាការ ជាចំណាររបស់ជនជាប់ចោទ នួន ជា៖ «អក្សររបស់បង នួន នេះ ខ្ញុំស្គាល់ចាប់តាំងពីពេលគាត់ទៅគ្រប់គ្រងខ្ញុំ។ គាត់មិនសរសេរសំបុត្រដើរផ្លូវទេ តែគាត់មានណែនាំមកជាកូនសំបុត្រតូចៗ ខ្លីៗ។ គាត់ចុះហត្ថលេខា គាត់អត់ដាក់ឈ្មោះ នួន ទេ គាត់ដាក់ឈ្មោះ បួន។ សំបុត្រហ្នឹង ខ្ញុំបានទទួលក្នុងមួយរយៈកាលក្រោយថ្ងៃ១៥ សីហា ឆ្នាំ១៩៧៧ រហូតដល់ថ្ងៃ៦ មករា ឆ្នាំ១៩៧៩ នេះ យ៉ាងច្រើន ៤ច្បាប់ខ្លីៗ។ អក្សរនោះជ្រុងៗ អ៊ីចឹងនេះខ្ញុំចាំ។ ដូច្នេះបានខ្ញុំបញ្ជាក់ជូនតុលាការថា អក្សរខាងក្រោមស្រួលមើល នាំឲ្យខ្ញុំនឹកឃើញថា ចំណារនេះជាចំណារបង នួន»។
សាក្សី ឌុច នៅតែបញ្ជាក់សក្ខីកម្មរបស់លោកថា ការចាប់មនុស្សយកទៅធ្វើទារុណកម្មសួរចម្លើយ និងសម្លាប់នៅមន្ទីរសន្តិសុខ «ស–២១» គឺជាការសម្រេចដោយគណៈមជ្ឈិមរបស់បក្សកុម្មុយនិស្តកម្ពុជា។ ការស្ដាប់សក្ខីកម្មរបស់សាក្សី ឌុច អំពីរឿងរ៉ាវនៅគុកទួលស្លែងនេះ នឹងត្រូវធ្វើបន្តទៀតនៅអង្គារ ទី២១ មិថុនា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ឌុច ថាយករបៀបសួរចម្លើយតាមលោកម្ចាស់ ប៉ាវ កុង ក្នុងរឿងតុលាការមុខដែក
- ឌុច ថាការបដិសេធរបស់ជនជាប់ចោទ ខៀវ សំផន ថាជាការភូតភរគ្មានភាពក្លាហាន
- ឌុច ថាបទរំលោភផ្លូវភេទអ្នកទោសនៅគុកទួលស្លែងមានតែ១ករណីក្រៅពីនោះជារឿងប្រឌិត
- សាលាក្ដីខ្មែរក្រហមផ្អាកសវនាការ១០ថ្ងៃទុកពេលត្រៀមសួរសាក្សីសំខាន់ក្នុងរឿងមន្ទីរស-២១
- អតីតឆ្មាំគុកទួលស្លែងរៀបរាប់អំពីរបៀបចាប់ខ្លួនគ្រប់គ្រងនិងសម្លាប់អ្នកទោសសំខាន់ៗ
- អតីតឆ្មាំគុកទួលស្លែងប្រាប់តុលាការថា ឌុច បញ្ជាឲ្យវះពោះសពអ្នកទោសពេលសម្លាប់ហើយ
- សាក្សីទទួលស្គាល់ថាបានសម្លាប់អ្នកទោសមួយចំនួននៅវាលពិឃាដជើងឯកក្នុងរបបខ្មែរក្រហម
- អ្នកប្រវត្តិសាស្ត្រក្រើនរំឭកយុវជនឲ្យគិតពិចារណាស៊ីជម្រៅពីព្រឹត្តិការណ៍ថ្ងៃទី១៧មេសា
- អ្នកធ្លាប់ឆ្លងកាត់របបខ្មែរក្រហមនៅតែចងចាំមិនភ្លេចអំពីទុក្ខលំបាកវេទនា
- អង្គជំនុំជម្រះសាលាដំបូងបន្តដេញដោលពីការសម្លាប់មនុស្សនៅមន្ទីរសន្តិសុខអូរកន្សែង
The real criminal is communist china&communist veitname ”.They help K-R weapon&troops’ then they make cambodia as the battlefield for them(CHINA&VEITNAME ) then at the end veitcong invade cambodia and rob&steal everything then let cambodian people survive by U_N .this court can’t get the justice for cambodian people because the criminals still walk free .GOD bless all cambodian people’