វីដេអូខ្មែរ
25 កក្កដា 2016
វីអូអេខ្មែរ
នៅថ្ងៃអាទិត្យទី ២៤ ខែកក្កដា ឆ្នាំ២០១៦ នេះ ប្រជាពលរដ្ឋខ្មែររាប់សែននាក់បានចូលរួមដង្ហែសពរបស់អ្នករិះគន់រដ្ឋាភិបាលដ៏សំខាន់ម្នាក់ ដែលត្រូវបានគេបាញ់ស្លាប់កាលពីដើមខែនេះ ដែលឃាតកម្មនេះបានបង្កឲ្យមានការព្រួយបារម្ភអំពីអំពើហិង្សានយោបាយនៅក្នុងការបោះឆ្នោតដែលនឹងមកដល់នាពេលខាងមុខនេះ។ លោក ហ៊ុល រស្មី ជូនសេចក្តីរាយការណ៍នេះ ពីខេត្តតាកែវនៃប្រទេសកម្ពុជា ហើយនាង ហុង ចិន្តា ជូនសេចក្តីអត្ថាធិប្បាយ៕
កម្ពុជា
ប្រជាពលរដ្ឋខ្មែរចូលរូមក្នុងពិធីបុណ្យសពអ្នកវិភាគនយោបាយឯករាជ្យលោក កែម ឡី នៅវត្តចាស់ សង្កាត់ជ្រោយចង្វាក្រុងភ្នំពេញ នាថ្ងៃទី១៩ ខែកក្កដា ឆ្នាំ២០១៦។
មនុស្សរាប់សែននាក់ចូលរួមហែរសពអ្នកវិភាគនយោបាយខ្មែរ លោក កែម ឡី
24 កក្កដា 2016
VOA News
វីអូអេខ្មែរ
នៅថ្ងៃអាទិត្យនេះ ប្រជាពលរដ្ឋខ្មែររាប់សែននាក់បានចូលរួមដង្ហែរសពរបស់អ្នករិះគន់រដ្ឋាភិបាលដ៏សំខាន់ម្នាក់ ដែលត្រូវបានគេបាញ់ស្លាប់កាលពីដើមខែនេះ ដែលឃាតកម្មនេះបានបង្កឲ្យមានការព្រួយបារម្ភអំពីអំពើហិង្សានយោបាយនៅក្នុងការបោះឆ្នោតដែលនឹងមកដល់នាពេលខាងមុខនេះ។
លោក កែម ឡី ដែលជាអ្នកវិភាគនយោបាយដែលទទួលបានការកោតសរសើរយ៉ាងខ្លាំង ត្រូវបានគេសម្លាប់ ខណៈពេលដែលលោកពិសារកាហ្វេពេលព្រឹកនៅក្នុងស្ថានីយ៍ប្រេងឥន្ធនៈមួយកន្លែងដែលស្ថិតក្នុងទីក្រុងភ្នំពេញកាលពី២សប្តាហ៍មុន ដែលបានធ្វើឲ្យសាធារណជននៅទូទាំងប្រទេសកម្ពុជាមានការសោកសៅ សោកស្តាយ និងខឹងសម្បារយ៉ាងខ្លាំង។
លោក កែម ឡី គឺជាអ្នកធ្វើអត្ថាធិប្បាយដ៏មានសក្តានុពល ដែលអាចផ្សព្វផ្សាយដល់ប្រជាពលរដ្ឋរាប់លាននាក់ តាមរយៈការវិភាគនយោបាយរបស់លោកតាមវិទ្យុជាប្រចាំ។ លោកបានជួយបង្កើតគណបក្សប្រជាធិបតេយ្យមូលដ្ឋាន ក៏ប៉ុន្តែលោកបានបដិសេធមិនកាន់តំណែងផ្លូវការអ្វីនៅក្នុងគណបក្សនេះនោះទេ បន្ទាប់ពីគណបក្សនេះបានបង្កើតឡើង។
ជនជាប់ចោទឈ្មោះ អឿត អាង ត្រូវបានចោទប្រកាន់ពីបទឃាតកម្មពាក់ព័ន្ធនឹងការសម្លាប់នេះ។ ជនជាប់ចោទរូបនេះ បានអះអាងថា ការបាញ់ប្រហារនេះគឺដោយសារតែ លោក កែម ឡី មិនព្រមសងបំណុល ដែលជាការអះអាងដែលគ្មានអ្នកណាជឿ សូម្បីតែភរិយានិងម្តាយរបស់ជននេះក៏មិនជឿដែរ។
ក៏ប៉ុន្តែនៅតែមានការសង្ស័យដែលថា ការបាញ់ប្រហារនេះគឺកើតឡើងដោយសារតែសកម្មភាពខ្លាំងក្លារបស់លោក កែម ឡី និងការនិយាយរិះគន់មិនសំចៃមាត់ទៅលើលោកនាយករដ្ឋមន្ត្រី ហ៊ុន សែន ដែលបានក្តោបក្តាប់អំណាចអស់រយៈពេលជាង៣០ឆ្នាំ។
ប៉ុន្មានថ្ងៃមុនពេលទទួលមរណភាព លោក កែម ឡី វ័យ៤៦ឆ្នាំ បានធ្វើអត្ថាធិប្បាយយ៉ាងច្រើនទៅលើរបាយការណ៍មួយ ដែលនិយាយលម្អិតអំពីទ្រព្យសម្បត្តិដែលលោកនាយករដ្ឋមន្ត្រីនិងក្រុមគ្រួសាររបស់លោកបានក្តោបក្តាប់។
លោក ហ៊ុន សែន បានបញ្ជាឲ្យធ្វើការស៊ើបអង្កេតទៅលើឃាតកម្មលោក កែម ឡី ដែលអំពើឃាតកម្មនេះបានកើតឡើងក្នុងអំឡុងពេលដែលមានភាពតានតឹងនយោបាយរវាងលោកនាយករដ្ឋមន្ត្រី និងគណបក្សប្រឆាំងដែលជាឧបសគ្គនៃការកាន់កាប់អំណាចរយៈពេលវែងរបស់លោកនាយករដ្ឋមន្ត្រី នៅក្នុងការបោះឆ្នោតថ្នាក់ឃុំសង្កាត់នៅឆ្នាំ២០១៧និងការបោះឆ្នោតជាតិនៅឆ្នាំ២០១៨ខាងមុខនេះ។
សាកសពរបស់លោក កែម ឡី ត្រូវបានដាក់ក្នុងក្តារមឈូសកញ្ចក់រយៈពេល២សប្តាហ៍នៅក្នុងវត្តមួយក្នុងរាជធានីភ្នំពេញ ដើម្បីឲ្យសាធារណជនអាចចូលគោរពវិញ្ញាណក្ខន្ធបាន។
លោក John Coughlan អ្នកស្រាវជ្រាវនៃអង្គការ Amnesty International បានមានប្រសាសន៍ថា «ការសម្លាប់លោក កែម ឡី គឺជាការសោកស្តាយដែលបញ្ជាក់ជាថ្មីឡើងវិញនូវហិង្សានយោបាយនៅក្នុងប្រទេសកម្ពុជា។»
ក្បួនដង្ហែរសពនៅថ្ងៃអាទិត្យនេះ បានចាប់ផ្តើមតាំងពីព្រឹកព្រហាម ធ្វើដំណើរចម្ងាយ៧០គីឡូម៉ែត្រពីរាជធានីភ្នំពេញ ទៅកាន់ស្រុកកំណើតរបស់លោក កែម ឡី ដែលស្ថិតនៅក្នុងខេត្ត តាកែវ។ ក្បួនដង្ហែរសពនេះមានអ្នកខ្លះដើរ អ្នកខ្លះជិះម៉ូតូ រថយន្ត និងអ្នកខ្លះទៀតជិះរម៉ក ហើយក្បួនដង្ហែរសពនេះក៏មានអ្នកឈរអមតាមដងផ្លូវជាច្រើនសែននាក់ផងដែរ។
កងកម្លាំងប៉ូលិសប្រយុទ្ធប្រឆាំងនឹងការវាយឆ្មក់ត្រូវបានដាក់បញ្ឈរជើងនៅតាមដងផ្លូវ ដែលអ្នកហែរសពរាប់សែននាក់ឆ្លងកាត់។
អ្នកហែរសពជាច្រើនពាក់អាវយឺតពណ៌សដែលមានរូបលោក កែម ឡី។ អាវយឺតមួយចំនួនមានសរសេរពាក្យសោ្លកថា «ជូនទឹកភ្នែករបស់អ្នក ហើយបន្តដំណើរទៅមុខទៀត។»
បុណ្យសពរបស់លោក កែម ឡី នឹងប្រារព្ធឡើងនៅក្នុងខេត្តតាកែវ នៅថ្ងៃច័ន្ទស្អែកនេះ៕
Suggest to have an inscription which will includes important quotes by Dr. Kem Ley. The inscription should be installed at his graveyard.
ខ្មោចពត៌មានក្នុងស្រុកមួយចំនួនបានផ្សព្វផ្សាយថា អ្នកទៅចូលរួមដង្ហែរសព បណ្ឌិត កែម ឡី មានតែពី ពីរ ទៅ បីរយនាក់ប៉ុណ្ណោះ! សូមយកកែវពង្រីកមកពាក់នឹងភ្នែកមើលទៅ តើតួលេខដូចពួកលិទពងឯងថាមែន?
លោកពូ កែម ឡី ស្លាប់ទៅមានកិត្តិយសយាងនេះ មានមនុស្សជាទូទៅ មកពីគ្រប់មជ្ឍាន ទាំងបរទសទាំងខ្មែរ មកគោរពសព្វ ដោយស្មាក់ចិត្ត នឹងហ៊ានលះបង់ពេលវេលារ ទ្រពធនផ្ទាល់ខ្លួនពំុស្ដាយ ព្រមទាំងមានការតស៊ូរទៀតផង នៅសល់តែទូតយួននឹងកញ្ជះវាពំុឃើញមក
បើសិនជាហ៊ុនសែននឹងក្រុុមគ្រួួសារ បក្បពួកហ៊ុនសែន ស្លាប់វិញ កំុឨយតែវាកែនឬជួលគេទៅ ខ្ញំុថាគ្មាន នណាគេទៅទេ ព្រោៈពួកវាជាក្រុុមក្បត់ជាតិ កេរ៏ឈ្មោៈឣាក្រក់ សាងបាបកម្មច្រើន ម៉្យាងវិញទៀត ក្រុុមវានេះ ឣាចងាប់តាមរបៀបតៃហោង ដោយហ្វូងមហាជនដួចកាដាហ្វី ដូចច្នេះមិនស្មើនឹងខ្មោចឆ្កែផង មានតែគេទៅជុះនោមដាក់ ហើយ ប្រជាជាតិខ្មែរទាំងមូលនឹងធ្វើរបុណ្ណ ៧យប់ ដើម្បី ឣបឣរ ក្រុុមគ្រួួសារ បក្បពួកហ៊ុនសែន វិនាសឣន្តរធាន