ដោយ យាង សុជាមេត្តា
2017-03-06
RFA
ស្ដាប់ ឬ ទាញយកសំឡេង
លោកនាយករដ្ឋមន្ត្រី ហ៊ុន សែន ក្នុងពិធីខួបលើកទី៦៥ នៃការបង្កើតគណបក្សប្រជាជនកម្ពុជា នាទីស្នាក់ការកណ្ដាលបក្សខណ្ឌចំការមន រាជធានីភ្នំពេញ នៅព្រឹកថ្ងៃទី២៨ ខែមិថុនា ឆ្នាំ២០១៦។ RFA/Brach Chev
ការប្រកាន់ជំហរមិនឈ្លោះ មិនឆ្លើយ មិនឆ្លងរបស់ប្រធានគណបក្សសង្គ្រោះជាតិ លោក កឹម សុខា ចំពោះការទម្លាយសារសំឡេងទូរស័ព្ទឆ្លើយឆ្លងរបស់លោកនាយករដ្ឋមន្ត្រី ហ៊ុន សែន ហាក់កំពុងធ្វើឲ្យលោក ហ៊ុន សែន ក្តៅស្លឹកត្រចៀកកាន់តែខ្លាំង។ លោក ហ៊ុន សែន ព្រមាននៅថ្ងៃទី៦ មីនា ថា នឹងទម្លាយសារឆ្លើយឆ្លងរវាងលោកជាមួយលោក កឹម សុខា បន្តទៀត បើលោក កឹម សុខា មិនព្រមទទួលស្គាល់ការពិត។
លោកនាយករដ្ឋមន្ត្រី ហ៊ុន សែន មិនត្រឹមតែមិនបង្ហាញពីបំណងចាត់វិធានការទប់ស្កាត់ ឬបើកការស៊ើបអង្កេតតាមចាប់ខ្លួនម្ចាស់គណនីហ្វេសប៊ុក (Facebook) ឈ្មោះ សីហា ដែលហ៊ានបញ្ចេញសារឆ្លើយឆ្លងរបស់លោក និងលោក កឹម សុខា ប៉ុណ្ណោះទេ តែផ្ទុយទៅវិញ លោកបានចេញមុខទទួលស្គាល់សំឡេងរបស់លោក ហើយបែរជាខឹងលោក កឹម សុខា ដែលប្រកាន់ជំហរមិនឈ្លោះ មិនឆ្លើយ មិនឆ្លង ចំពោះការលេចធ្លាយសារនេះ។
ការប្រកាសគំរាមទម្លាយសារឆ្លើយឆ្លងជាមួយលោក កឹម សុខា នៅពេលនេះ ធ្វើឡើងបន្ទាប់ពីមន្ត្រីបក្សប្រឆាំងថ្លែងថា គណបក្សមិនចាប់អារម្មណ៍នឹងការបែកធ្លាយសារសំឡេងសម្ងាត់ ដែលលោកនាយករដ្ឋមន្ត្រី ហ៊ុន សែន អះអាងថា ជាសំឡេងសន្ទនារវាងលោក និងលោក កឹម សុខា ជាប្រធានគណបក្សសង្គ្រោះជាតិ។ ក្នុងពេលជាមួយគ្នា អតីតប្រធានគណបក្សសង្គ្រោះជាតិ លោក សម រង្ស៊ី ក៏បានសរសេររបៀបឌឺដងនៅលើទំព័រហ្វេសប៊ុក កុំឲ្យពលរដ្ឋឲ្យតម្លៃទៅលើសារដែលគេបានទម្លាយនោះ ហើយដែលលោក សម រង្ស៊ី ចាត់ទុកថាជាការកាត់តយកមកផ្សព្វផ្សាយ ដើម្បីបំបែកបំបាក់ផ្ទៃក្នុងបក្សប្រឆាំងប៉ុណ្ណោះ។
ទោះជាយ៉ាងណា លោក ហ៊ុន សែន វិញបានចេញមុខទទួលស្គាល់ថា សំឡេងដែលម្ចាស់គណនីហ្វេសប៊ុកឈ្មោះ សីហា បានបញ្ចេញនោះ គឺពិតជាសំឡេងរបស់លោក ១០០%។ លោកថែមទាំងបបួលលោក កឹម សុខា ទៅស្បថនៅព្រះអង្គដងកើ មុខព្រះបរមរាជវាំងទៀតផង បើលោក កឹម សុខា មិនទទួលស្គាល់សំឡេងរបស់ខ្លួន។
ប្រហែលជាដោយសារភាពព្រងើយកន្តើយ និងការឌឺដងរបៀបបញ្ឈឺចិត្តនេះហើយ ទើបលោក ហ៊ុន សែន មិនអាចទប់កំហឹង ហើយចាប់ផ្ដើមព្រមានទម្លាយសារឆ្លើយឆ្លងជាមួយលោក កឹម សុខា ឲ្យអស់៖ «អ្នកឯងចង់សាកអី បើចង់សាកខ្ញុំទម្លាយទាំងអស់ តាំងពីក្នុង Whatsapp SMS តិចអ្នកឯងថាខ្ញុំជាមនុស្សមិនបានការ គ្រាន់តែឯកសារដែលស្តុកដែលអ្នកឯង SMS មកខ្ញុំ អ្នកឯង Whatsapp មកខ្ញុំ អ្នកឯង Telegrams មកខ្ញុំ អ្នកឯង Line មកខ្ញុំ អ្នកឯងចង់ឲ្យខ្ញុំបញ្ចេញអី? ខ្ញុំនឹងបញ្ចេញឲ្យអ្នកឯងមើលទាំងអស់។ នៅស្រុកខ្មែរមានអ្នកណាជេរ ហ៊ុន សែន ថាអាយ៉ង ក៏ប៉ុន្តែមកធ្វើអាយ៉ងរបស់ ហ៊ុន សែន មានឈ្មោះថាម៉េច? និយាយឲ្យច្បាស់ អ្នកឯងកុំព្រហើន»។
ក្រៅពីថ្លែងគំរាមទម្លាយសារឆ្លើយឆ្លងទាំងអស់ជាមួយលោក កឹម សុខា លោក ហ៊ុន សែន ក៏និយាយឌឺដងទៅឲ្យលោក សម រង្ស៊ី ដែលលោកថាបានចេញមុខនិយាយជំនួសលោក កឹម សុខា និងចោទថាសារសំឡេងឆ្លើយឆ្លងទាំងនោះជាការកាត់ត។
ក្នុងពេលដែលលោក ហ៊ុន សែន ថ្លែងគំរាមទម្លាយសារឆ្លើយឆ្លងរបស់លោក កឹម សុខា នៅភ្នំពេញ នៅឯស្រុកស្អាង ខេត្តកណ្ដាល ឯណោះវិញ ក្នុងពេលថ្លែងទៅកាន់មន្ត្រីសកម្មជន និងអ្នកគាំទ្របក្សប្រឆាំង លោក កឹម សុខា មិនបានលើកឡើងពីការបែកធ្លាយសារសំឡេងឆ្លើយឆ្លងជាមួយលោក ហ៊ុន សែន នោះទេ។ ប្រធានថ្មីបក្សប្រឆាំងរូបនេះ ថ្លែងតែពីការពង្រឹងគណបក្ស ដើម្បីឈានដល់ការទទួលបានជ័យជម្នះសម្រាប់ការបោះឆ្នោតនៅពេលខាងមុខប៉ុណ្ណោះ។
រីឯអ្នកនាំពាក្យគណបក្សសង្គ្រោះជាតិ លោក យឹម សុវណ្ណ ថ្លែងថា លោកមិនមានអ្វីត្រូវឆ្លើយតបចំពោះការគំរាមរបស់លោក ហ៊ុន សែន នោះទេ។ លោកបញ្ជាក់ថា កិច្ចការដែលបក្សប្រឆាំងត្រូវធ្វើចំពោះមុខ គឺរៀបចំបេក្ខជន រៀបចំសារនយោបាយ និងដំណើរឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ–សង្កាត់ក្នុងពេលខាងមុខ។ លោក យឹម សុវណ្ណ សង្កត់ធ្ងន់ដែរថា បក្សប្រឆាំងមិនមានការបារម្ភពីការបែកបាក់ផ្ទៃក្នុង ដោយសារការទម្លាយសារឆ្លើយឆ្លងនេះទេ៖ «ដំណើរការទៅធម្មតា ថ្នាក់ដឹកនាំជួបគ្នា ចុះទៅធ្វើការជាមួយគ្នាតាមធម្មតា ដូចឃើញរូបភាពកាលពីព្រឹកមិញនេះ ឃើញថ្នាក់ដឹកនាំមានលោក កឹម សុខា មានលោកស្រី ជូឡុង សូមូរ៉ា គាត់អញ្ជើញចុះទៅខេត្តកណ្ដាល ដើម្បីទៅជួបសំណេះសំណាលជាមួយសកម្មជន ជាមួយថ្នាក់ដឹកនាំគណបក្ស»។
ទាក់ទងផ្លូវច្បាប់វិញ ប្រធានការិយាល័យមេធាវីក្រុមអ្នកច្បាប់អមរិន្ទ្រ លោក សុក សំអឿន មានប្រសាសន៍ថា ច្បាប់ទូរគមនាគមន៍កម្ពុជា មិនអនុញ្ញាតឲ្យបុគ្គលដែលហៅទូរស័ព្ទទៅភាគីមួយទៀតថតសំឡេងភាគីមួយទៀតបានឡើយ បើមិនមានការព្រមព្រៀងរបស់ភាគីមួយទៀត។ ចំពោះការបញ្ចេញសំឡេងឆ្លើយឆ្លងតាមទូរស័ព្ទវិញ លោកថាជារឿងខុសច្បាប់ បើភាគីមួយទៀតមិនព្រមព្រៀង៖ «បើសិនជាអត់មានព្រមព្រៀងទេដូចជាខុស ព្រោះអីគេអត់ព្រមផង! ប៉ុន្តែបើទូរស័ព្ទវាមានករណី២។ ទី១ បើអ្នកឯងខល (Call) មកខ្ញុំ ខ្ញុំមានសិទ្ធិថត ព្រោះអ្នកឯងចូលផ្ទះខ្ញុំ។ តែបើសិនយើងខល (Call) ទៅគេ ហើយយើងលួចថត ហ្នឹងអត់ត្រូវទេ ទាល់តែយើងប្រាប់គេ។ បើតាមទូរស័ព្ទអត់បញ្ចេញបានទេ បញ្ចេញទាល់តែមានការព្រមព្រៀង។ នេះបើយោងតាមច្បាប់ទូរគមនាគមន៍»។
ការលួចថតសំឡេង និងបញ្ចេញសារឆ្លើយឆ្លងរបស់បុគ្គលឯកជន កំពុងក្លាយជាជំងឺសង្គមថ្មីមួយទៀតនៅកម្ពុជា។ ទោះជាយ៉ាងណាក៏ដោយ ចាប់តាំងពីមានការទម្លាយសារឆ្លើយឆ្លងបុគ្គលឯកជនរយៈពេលជិត ១ឆ្នាំនេះមក គេមិនទាន់ឃើញអាជ្ញាធរចាប់ខ្លួនអ្នកប្រព្រឹត្តិបានម្នាក់ណាឡើយ។ ផ្ទុយទៅវិញ ដោយសារការបញ្ចេញសារឆ្លើយឆ្លងជាបន្តបន្ទាប់នេះ បានធ្វើឲ្យលោក កឹម សុខា មន្ត្រីបក្សប្រឆាំង និងមន្ត្រីការពារសិទ្ធិមនុស្សមួយចំនួនទៀត ត្រូវបានតុលាការកាត់ទោស និងរហូតមកទល់ពេលនេះ អ្នកខ្លះកំពុងជាប់ក្នុងពន្ធនាគារនៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
-
បក្សប្រឆាំងមិនខ្វល់នឹងសារសំឡេងរវាងលោក ហ៊ុន សែន និងលោក កឹម សុខា
-
លោក ហ៊ុន សែន ទទួលស្គាល់សារសំឡេងបែកធ្លាយជាមួយលោក កឹម សុខា
-
លោក ហ៊ុន សែន ខឹងលោក កឹម សុខា ដែលមិនធ្វើតាមកិច្ចសន្យាសម្ងាត់
-
លោក ហ៊ុន សែន ព្រមានសង្គមស៊ីវិលនិងអ្នកសារព័ត៌មានឲ្យធ្វើការងារស្របតាមច្បាប់
-
គណបក្សប្រឆាំងរិះគន់ប្រព័ន្ធផ្សព្វផ្សាយក្នុងស្រុកថាមិនសូវគិតគូរពីក្រមសីលធម៌វិជ្ជាជីវៈ
-
ការបំពានសិទ្ធិនៃជីវភាពឯកជនរាលដល់ក្រុមគ្រួសារត្រកូល “ហ៊ុន”
-
លោក ផៃ ស៊ីផាន មិនទាន់ដឹងថាគ្រួសារនាយករដ្ឋមន្ត្រីនឹងប្ដឹងអ្នកទម្លាយសារឆ្លើយឆ្លងនៅឡើយ
-
លោក ហ៊ុន សែន ថ្កោលទោសអាមេរិកថាជាអ្នកសម្លាប់កុមារច្រើនជាងគេ
-
លោក ហ៊ុន សែន ព្រមានជាថ្មីអំពីការផ្លាស់ប្ដូររបបដឹកនាំរបស់លោកនឹងមានសង្គ្រាម
ពេលនេះទើបមហាជនយល់ថានេះជារឿងកល់ល្បិចអាក្រក់ដែលមេបក្សកាន់អំណាចបានរៀបចំល្បែងធ្វើជាមានទំនាក់ទំនង ជាមួយមេបក្សប្រឆាំង។ គាត់នេះប៉ិនប្រសប់ក្នុងការប្រើសម្តីធ្វើជាអន្ទាក់គឺដុតឲ្យខ្លោច រោជឲ្យឆៅ ក្នុងគោលបំណងយក ភាសាសន្ទនារបស់គាត់ដែលមានលក្ខណៈជំរុញ បបួល ញុះញង់ បំបែកបំបាក់ ទុកប្រើជាឧបករណ៏បម្រើនយោបាយទុច្ចរិតរបស់គាត់និងបក្សពួកគាត់។ ទង្វើបែបនេះរបស់គាត់ត្រូវបានប្រជាជនយល់ដឹង ហើយចាត់ទុកថានេះជារឿងដែល គាត់ធ្លាប់និពន្ត ធ្លាប់សម្តែង ក្នុងការបំបែកបំបាក់បក្សផ្សេងៗ ច្រើនអាណត្តិកន្លងមកហើយ គ្មានប្លែកអ្វីទាល់តែសោះ។ អញ្ចឹងហើយ ទើបគេមិនចាប់អារម្មណ៏។
we already knew your plane Mr. every minute all HUN SEN do is thinking about killing his opponent . no matter this guy will take KIM SOKHA out in the near future. this cold blood killer will not change . we also knew this is the last and will be the end of this guy. this guy rather die if he can not keep his powers. for many decade Cambodian and international community complaining about his mistaken in the way he lead his nation. HUN SEN and all his supporters never admitted and change their bad attitude . believe me evil still be evil no matter what . they are so stubborn until the coffin come then they cry like a baby. Cambodian will never be peace unless this evil leader go hell. if Cambodian can give him his last change HU SEN himself should start to change right now. I knew HUN SEN is driving himself to the end see if he can fine the way out. sorry this is your last change (O_0) GOD bless all Cambodian
I have no interest with a man who is crazy with power. I believe that most of Cambodians are tired with that man and have no impression with him because he is almost crazy with or mad of power. He is always worry about losing power while Cambodians no longer believe in his leadership. He is drunken of power. He can do whatever tricks to malice his potential opponent. he is nothing now. He is look like a hollow wood. This man must be held responsible for deadly K5 plan, bloody coup in 1997, death of journalists and politicians, and many other demonstrators who were injured and dead during the 2014 peaceful demonstrations, etc.
Please be careful with such a crazy man!! he can do whatever other people good cannot do.
មិនរកទេមធ្យោបាយការពារកេរ្ក៏អាករ៏ដូនតា និងប្រជាជន វាគិតតែហែក
គ្នាសុី យុីសពួកអាមេដឹកនាំចង្រែអត់ខួរអស់នេះ មិនចេះខ្មាសក្មេងៗទេឬអី?
I have no interest with a man who is crazy with power. I believe that most of Cambodians are tired with that man and have no impression with him because he is almost crazy with or mad of power. He always worried about losing power while Cambodians no longer believe in his leadership. He is drunken of power. He can do whatever tricks to malice his potential opponent. he is nothing now. He is look like a hollow wood. This man must be held responsible for deadly K5 plan, bloody coup in 1997, death of journalists and politicians, and many other demonstrators who were injured and dead during the 2014 peaceful demonstrations, etc.
Please be careful with such a crazy man!! he can do whatever other simple or good people cannot do.
Cambodian brothers and sisters! You all have been victimized by his unlimited political ambition and greed for years. Please do not allow yourself to be victimized or taken hostage by him anymore. He is not a good leader or politician whom you all should respect or support anymore.
Let it all out in open. Why the release of the secret phone talk needs to be gradual?
hold hostage to get what you want? sound like in Hollywood movie: a group of bank robbers demanded the authority to bring him foods and water in exchange of some hostages, then next step demand for protection of transportation, then some more hostage release. and then next and next…
I’m so happy to read all of your comment . I knew some one can see what is good and what is bad. it is not just me that can see some thing wrong in our nation. please be very careful white this sick dog . he may bit every one without mercy. just be quit wait until election come then you can fight with him . this time is more then ever the world is watching every closely HUN SEN can not walk on air any more. there are more secret agent from out side world are monitor every action of HUN SEN leadership. secret agent they already knew who murder Dr KEM LEY . HUN SEN can not get away from this case. GOD bless all Cambodian