លោក ទៀ បាញ់ រដ្ឋមន្ដ្រីក្រសួងការពារជាតិកម្ពុជា (REUTERS)
ព្រះមហាក្សត្រ ព្រះករុណា ព្រះបាទ នរោត្តម សីហមុនី បានប្រោសព្រះរាជទានគោរមងារ «សម្ដេចពិជ័យសេនា» ដល់លោក ទៀ បាញ់ រដ្ឋមន្ដ្រីក្រសួងការពារជាតិ។ នេះបើយោងតាមព្រះរាជក្រឹត្យចុះថ្ងៃទី២៩កក្កដានេះ។
នៅក្នុងព្រះរាជក្រឹត្យ ព្រះមហាក្សត្រ ទ្រង់ចាត់ទុកលោក ទៀ បាញ់ បច្ចុប្បន្នជារដ្ឋមន្ដ្រីក្រសួងការពារជាតិ ថាជាអ្នកដឹកនាំដ៏ឆ្នើម ដោយបានចូលរួមដឹកនាំប្រជាជាតិកម្ពុជា កសាងប្រព័ន្ធច្បាប់សម្រាប់ប្រើប្រាស់ជាឧត្តមប្រយោជន៍ដល់សង្គមជាតិ ព្រមទាំងរក្សាបាននូវឯករាជ្យជាតិនិងបូរណភាពទឹកដី។ មិនត្រឹមតែប៉ុណ្ណោះ សម្រាប់ព្រះករុណាព្រះមហាក្សត្រ លោក ទៀ បាញ់ គឺជាបុគ្គលដែលមានស្វាមីភក្តិចំពោះរាជបល្ល័ង្គ ការពារ និងគោរពព្រះពុទ្ធសាសនា។
លោក ទៀ បាញ់ ក្រោយពីបានទទួលគោរមងារជា «សម្ដេចពិជ័យសេនា» លោកបានថ្លែងអំណរព្រះគុណចំពោះព្រះករុណាមហាក្សត្រ និងសន្យាថា នឹងខិតខំយកអស់កម្លាំងកាយចិត្តព្រមទាំងប្រាជ្ញាស្មារតី ដើម្បីដឹកនាំវិស័យការពារជាតិឲ្យបានត្រឹមត្រូវ។
ជាការកត់សម្គាល់ ក្រោយពីព្រះមហាក្សត្រប្រោសព្រះរាជទានគោរមងារថ្មី ដល់លោក ទៀ បាញ់ សារជូនពរមួយពីលោកនាយករដ្ឋមន្ដ្រីហ៊ុន សែន បានធ្លាក់មកភ្លាមៗ។ នៅក្នុងលិខិតចុះថ្ងៃទី២៩កក្កដានេះ លោក ហ៊ុន សែន បានសរសេរថា លោក ទៀ បាញ់ បានរួមដំណើរជាមួយលោកនិងថ្នាក់ដឹកនាំផ្សេងទៀតអស់រយៈពេលជិត៤០ឆ្នាំមកហើយ ដោយសហការគ្នាដោះស្រាយរាល់ការងារលំបាកនានា។ ចំពោះលោកនាយករដ្ឋមន្ដ្រី លោក ទៀ បាញ់ គឺជាប្រតិបត្តិករដ៏មានសមត្ថភាពនិងស្មោះត្រង់ក្នុងការអនុវត្តនយោបាយ ឈ្នះ ឈ្នះ នាំមកនូវសន្តិភាព ការបង្រួបបង្រួមជាតិ ការឯកភាពទឹកដី និងអភិវឌ្ឍប្រទេសជាតិរហូតមកទល់សព្វថ្ងៃ។
គួរជម្រាបជូនថា គិតត្រឹមពេលនេះ លោក ទៀ បាញ់ គឺជាឥស្សរជនចុងក្រោយបង្អស់ ដែលបានទទួលគោរមងារជា «សម្ដេច»។ ក្រៅពីលោក ទៀ បាញ់ មានឥស្សរជនមួយចំនួនទៀតនៅក្នុងជួរគណបក្សកាន់អំណាច ដែលត្រូវបានព្រះមហាក្សត្រសព្វព្រះទ័យប្រោសប្រទានងារជា «សម្ដេច» ក្នុងនោះរួមមាន៖ លោកនាយរដ្ឋមន្ដ្រី ហ៊ុន សែន, លោកស្រី ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា, លោក ជា ស៊ីម អតីតប្រធានព្រឹទ្ធសភា, លោក សាយ ឈុំ ប្រធានព្រឹទ្ធសភា, លោក ហេង សំរិន ប្រធានរដ្ឋសភា, លោក ស ខេង រដ្ឋមន្ដ្រីក្រសួងមហាផ្ទៃ, លោក សុខ អាន អតីតឧបនាយករដ្ឋមន្ដ្រី, និងលោក គង់ សំអុល ឧបនាយករដ្ឋមន្ដ្រី៕
a real corrupt man in cambodia for deforestation
The funny tiny king dom of veitcong slave’ theses communist cpp people are so funny ‘ they are the same buffalo who grove up from wild forest and now Youn-veit cong gave t all theses buffalo to become a king and too many king ,too many stars,too many advisers , too many orkgna ,but people so poor and the country become like dirty pond ‘ .this country really strange under veitcong communist germs control ,they never feel embarrass ‘ .GOD bless all cambodian people’