ដោយ យ៉ង ចាន់តារា
2017-08-29
RFA
ស្ដាប់ ឬ ទាញយកសំឡេង
អ្នកនាំពាក្យឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្ស អ្នកស្រី លីហ្ស ស្រូសហ្សែលល៍ (Liz Throssell) ថ្លែងកាលពីថ្ងៃទី១៤ ខែកុម្ភៈ ឆ្នាំ២០១៧។ Photo courtesy of UN.org
ស្ថានបេសកកម្មអចិន្ត្រៃយ៍កម្ពុជា ប្រចាំអង្គការសហប្រជាជាតិ (អ.ស.ប) និងប្រចាំអង្គការអន្តរជាតិនានានៅទីក្រុងហ្សឺណែវ (Geneva) ប្រទេសស្វីស (Switzerland) ចាត់ទុកការលើកឡើងរបស់អ្នកនាំពាក្យឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្ស ពាក់ព័ន្ធនឹងការវិវឌ្ឍន៍ថ្មីៗនៃសភាពការណ៍នៅកម្ពុជា នោះ ថាពុំបានធ្វើឡើងដោយផ្អែកទៅលើការពិតគ្រប់ជ្រុងជ្រោយនោះទេ ប៉ុន្តែគឺធ្វើឡើងដោយផ្អែកលើពាក្យចចាមអារ៉ាម និងប្រភពដែលមិនច្បាស់លាស់ និងមានចរិតនយោបាយ។
សេចក្តីថ្លែងការណ៍របស់តំណាងរដ្ឋាភិបាលកម្ពុជា ប្រចាំអង្គការសហប្រជាជាតិ នេះ ធ្វើឡើងបន្ទាប់ពីអ្នកនាំពាក្យឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្ស អ្នកស្រី លីហ្ស ស្រូសហ្សែលល៍ (Liz Throssell) បានសម្ដែងកង្វល់អំពីការចាត់វិធានការយ៉ាងឆាប់រហ័ស និងបន្តបន្ទាប់ពីសំណាក់រដ្ឋាភិបាលកម្ពុជា ចំពោះការផ្អាកកម្មវិធី និងអាជ្ញាប័ណ្ណវិទ្យុដែលចាក់ផ្សាយកម្មវិធីព័ត៌មានរបស់វិទ្យុអាស៊ីសេរី (RFA) វិទ្យុសំឡេងសហរដ្ឋអាមេរិក (VOA) វិទ្យុសំឡេងប្រជាធិបតេយ្យ (VOD) និងកម្មវិធីនយោបាយរបស់បក្សប្រឆាំង ការគំរាមបិទកាសែត ឌឹ ខេមបូឌា ដេលី (The Cambodia Daily) និងការបណ្តេញវិទ្យាស្ថានជាតិប្រជាធិបតេយ្យ ចេញពីកម្ពុជា ក្នុងរយៈពេល ៧ថ្ងៃ។
នៅក្នុងសេចក្តីថ្លែងការណ៍មួយចេញផ្សាយនៅព្រឹកថ្ងៃទី២៩ សីហា នៅលើទំព័រហ្វេសប៊ុក (Facebook) ផ្លូវការរបស់ខ្លួន ស្ថានបេសកកម្មអចិន្ត្រៃយ៍កម្ពុជា អះអាងថា នៅពេលនិយាយពីបញ្ហាសិទ្ធិមនុស្ស លទ្ធិប្រជាធិបតេយ្យ និងនីតិរដ្ឋ រួមបញ្ចូលទាំងសេរីភាពនៃការបញ្ចេញមតិ សេរីភាពនៃការចូលរួម និងកាតព្វកិច្ចផ្សេងៗទៀត កម្ពុជា មិនស្ថិតនៅក្នុងដំណាក់កាលកុមារភាពទៀតទេ ពោលគឺកម្ពុជា មានភាពចាស់ទុំគ្រប់គ្រាន់ក្នុងការប្រឈមដោះស្រាយដោយខ្លួនឯង ដោយមិនចាំបាច់ត្រូវការការប្រៀនប្រដៅគ្រប់បែបយ៉ាងនោះឡើយ។
ស្ថានបេសកកម្មអចិន្ត្រៃយ៍កម្ពុជា បកស្រាយថា ការវិវឌ្ឍន៍ថ្មីៗនៃសភាពការណ៍នៅកម្ពុជា ដូចជាការបិទការផ្សាយរបស់វិទ្យុក្នុងស្រុកជិត ២០ស្ថានីយ ការគំរាមបិទកាសែតភាសាអង់គ្លេស ឌឹ ខេមបូឌា ដេលី និងការបិទអង្គការ NDI ជាដើមនោះ មិនមែនជាការគំរាមកំហែងស្ថាប័នទាំងនោះទេ តែវាជាការពង្រឹងការអនុវត្តច្បាប់ និងបទបញ្ញត្តិនានា។ ស្ថានបេសកកម្មអចិន្ត្រៃយ៍កម្ពុជា បដិសេធថា វិធានការទាំងនេះមិនមានអ្វីពាក់ព័ន្ធនឹងការបោះឆ្នោតជ្រើសតាំងតំណាងរាស្ត្រនៅឆ្នាំក្រោយដូចដែលអ្នកស្រី លីហ្ស ស្រូសហ្សែលល៍ (Liz Throssell) បានលើកឡើងនោះទេ។
កាលពីថ្ងៃទី២៥ សីហា កន្លងទៅ អ្នកនាំពាក្យឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្ស អ្នកស្រី លីហ្ស ស្រូសហ្សែលល៍ (Liz Throssell) បានចេញសេចក្តីប្រកាសព័ត៌មានសង្ខេបមួយ ដោយសម្ដែងការព្រួយបារម្ភចំពោះស្ថានភាពកាន់តែយ៉ាប់យ៉ឺនរបស់អ្នកការពារសិទ្ធិមនុស្ស និងសង្គមស៊ីវិលនៅកម្ពុជា ដោយសារចំណាត់ការដ៏លឿនរហ័សនៃរដ្ឋាភិបាលកម្ពុជា។
ឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្ស អំពាវនាវដល់រដ្ឋាភិបាលកម្ពុជា ធានាឲ្យបានពេញលេញនូវសិទ្ធិពលរដ្ឋ និងសិទ្ធិនយោបាយ និងសេរីភាពសារព័ត៌មាននៅមុនការបោះឆ្នោតជាតិឆ្នាំ២០១៨ ខាងមុខ។ ស្ថាប័នសិទ្ធិមនុស្សអន្តរជាតិកំពូលមួយនេះ ក៏បានអំពាវនាវដល់រដ្ឋាភិបាលកម្ពុជា ឲ្យធានានូវដំណើរការអនុវត្តនីតិវិធីដោយត្រឹមត្រូវចំពោះរាល់ចំណាត់ការរបស់ខ្លួន ដែលបានដាក់ចេញ រាប់ទាំងសិទ្ធិប្តឹងឧទ្ធរណ៍ ហើយក៏សូមឲ្យគោរពសិទ្ធិសេរីភាពនៃជួបប្រជុំ និងសិទ្ធិសេរីភាពនៃការបញ្ចេញមតិផងដែរ។
អ្នកវិភាគនយោបាយ បណ្ឌិត ឡៅ ម៉ុងហៃ មើលឃើញថា ក្នុងរយៈពេលចុងក្រោយនេះ លំហនៃសេរីភាពបញ្ចេញមតិ និងសារព័ត៌មាននៅកម្ពុជា កាន់តែរួមតូច ចំណែកឯការគោរពសិទ្ធិមនុស្ស និងដំណើរការលទ្ធិប្រជាធិបតេយ្យមានកាន់តែតិចទៅៗ ដោយសារតែវិធានការរបស់រដ្ឋាភិបាល។
លោកអះអាងថា ប្រឈមមុខនឹងបញ្ហាបែបនេះ អង្គការសហប្រជាជាតិ អាចធ្វើសេចក្តីថ្លែងការណ៍នានាដើម្បីជំរុញឲ្យរដ្ឋាភិបាលកម្ពុជា អនុវត្តកាតព្វកិច្ចរបស់ខ្លួនដូចដែលមានចែងក្នុងសន្ធិសញ្ញា និងកតិកាសញ្ញានានាស្តីអំពីសិទ្ធិមនុស្ស ដោយសារកម្ពុជា គឺជាភាគីហត្ថលេខីនៃបទដ្ឋានអន្តរជាតិទាំងនោះ។ ចំណែកឯភាគីកម្ពុជា ក៏មានសិទ្ធិក្នុងការឆ្លើយតបចំពោះសេចក្តីថ្លែងការណ៍របស់អង្គការសហប្រជាជាតិ វិញដែរ តាមរយៈការផ្តល់ភស្តុតាងដែលឆ្លុះបញ្ចាំងការពិតចំពោះអ្វីដែលបានកើតឡើង។
អ្នកវិភាគនយោបាយរូបនេះ ចង់ឲ្យរដ្ឋាភិបាលកម្ពុជា ពិនិត្យឡើងវិញចំពោះអ្វីដែលខ្លួនបានធ្វើនៅរយៈពេលចុងក្រោយនេះ ដើម្បីកុំឲ្យការអនុវត្តទាំងនោះផ្ទុយពីខ្លឹមសារនៃរដ្ឋធម្មនុញ្ញ និងច្បាប់អន្តរជាតិនានា៖ «យើងផ្ទៀងផ្ទាត់ទៅថាសកម្មភាពទាំងប៉ុន្មានរបស់រដ្ឋាភិបាល តើវាត្រឹមត្រូវ និងសមស្របនឹងអ្វីៗដែលមានចែងក្នុងរដ្ឋធម្មនុញ្ញរបស់យើងឬទេ រឿងសិទ្ធិសេរីភាពរបស់ប្រជាពលរដ្ឋខ្មែរ ហើយនិងផ្ទៀងផ្ទាត់ជាមួយនឹងកតិកាសញ្ញាអន្តរជាតិ និងអនុសញ្ញាអន្តរជាតិស្ដីពីសិទ្ធិមនុស្សដែលយើងទទួលស្គាល់ និងសន្យាថាអនុវត្តតាម»។
ស្ថានភាពសិទ្ធិមនុស្ស និងសេរីភាពសារព័ត៌មាននៅកម្ពុជា នៅពេលនេះ បានដើរមកដល់ដំណាក់កាលមួយដែលសហគមន៍ជាតិ និងអន្តជាតិ បានបញ្ចេញប្រតិកម្មធ្ងន់ៗ និងលើកឡើងពីក្តីព្រួយបារម្ភរបស់ពួកគេ បន្ទាប់ពីរដ្ឋាភិបាលកម្ពុជា បានបណ្តេញវិទ្យាស្ថានជាតិប្រជាធិបតេយ្យ ចេញពីកម្ពុជា ដោយដាក់ឱសានវាទមិនឲ្យហួសពីមួយសប្ដាហ៍ គំរាមបិទសារព័ត៌មាន ឌឹ ខេមបូឌា ដេលី និងបញ្ឈប់សកម្មភាពរបស់ស្ថានីយវិទ្យុក្នុងស្រុកជាច្រើន ដែលផ្សាយបន្តកម្មវិធីព័ត៌មានរបស់វិទ្យុអាស៊ីសេរី (RFA) វិទ្យុសំឡេងសហរដ្ឋអាមេរិក វីអូអេ (VOA) វិទ្យុសំឡេងប្រជាធិបតេយ្យ វីអូឌី (VOD) និងកម្មវិធីនយោបាយរបស់គណបក្សប្រឆាំង ដោយខាងក្រសួងព័ត៌មាន អះអាងថា ស្ថានីយវិទ្យុទាំងនោះរំលោភលើការណែនាំរបស់ក្រសួង។
សហគមន៍ជាតិ និងអន្តរជាតិ រិះគន់ថា នេះជាការព្យាយាមបំបិទសំឡេងអ្នកឯករាជ្យ និងអ្នកហ៊ានរិះគន់រដ្ឋាភិបាលកម្ពុជា ដែលជាការធ្លាក់ចុះដុនដាបនៃបរិយាកាសប្រជាធិបតេយ្យនៅកម្ពុជា។ ពួកគេអំពាវនាវយ៉ាងទទូចឲ្យរដ្ឋាភិបាលកម្ពុជា បញ្ឈប់នូវយុទ្ធនាការធ្វើបាប សម្លុតបំភ័យ និងគំរាមកំហែងទៅលើប្រព័ន្ធផ្សព្វផ្សាយឯករាជ្យ អង្គការមិនមែនរដ្ឋាភិបាល និងអ្នកការពារសិទ្ធិមនុស្សនៅពេលនេះ៕
Cambodia is the communist king dom’ and wearing democracy shirt and cheated international ‘ .Cambodian people are the victim of communist youn-veitcong and china ‘ they used their dog veitcong mafia dictator one eye man (former communist veitcong khmer rough )to capture whole cambodia in their hand and they divide profit from this poor nation ‘ . Since 1970 they used this country as their battle field ‘and after that they tear it up ,killing khmer people and they rip of land ,island ,deforestation ‘ and they show a little bit in capital ‘and most of theses are belong to bunch of mafia dictator ‘so they rip of from cambodia and never build a proper roads or help people ‘ they took all money in their pocket’ .Cambodia have a constitution and law but theses law never been obey by veitcong mafia dictator’ they do everything followed dictator’s mouth and dictator followed veitcong germs so cambodia is no democracy at all’ when ever veitcong mafia wanted to do anything they said LAW but it veitcong mafia LAW ‘ not the cambodia law . Veitcong mafia dictator is the Youn-hanoi dog who used to killed khmer a lot and now this dog still in power and step on Law .This veitcong mafia dictator committed a lot of crimes since 1970 till now so cambodia no hope for democracy ‘.I CC can’t do anything because this veitcong mafia dictator control all administration and take cambodian people as his hostage ‘.This veitcong mafia dictator did this since 1993 after he lost election and their strategy to killed all khmer nationalists then they did the coup bury parish accord then they control everything ‘ This is veitcong communist mafia dictator’. GOD bless all cambodian people’
as you knew Mr PEOPLE this communist leadership never say it is their mistaken . they always right Cambodian always wrong . even if they murder a lot of Cambodian they still be right.******* what a wonderful leader in this century of our poor nation ******** HUN SEN all Cambodian in bad name the question is how Cambodian going to do to him next. GOD bless Cambodian