ដោយ លោក លី វេហា | ថ្ងៃអាទិត្យ ទី២២ ខែតុលា ឆ្នាំ២០១៧ | ម៉ោង 4:15 PM
http://vodhotnews.com
ទំព័រហ្វេសប៊ុក «Hội Người Việt Nam Tại Campuchia សមាគមវៀតណាមនៅកម្ពុជា»
ក្រសួងមហាផ្ទៃ បានអះអាងថា ខ្លួនមិនមានសមត្ថកិច្ចឯណាទៅចាត់ការលើទំព័រហ្វេសប៊ុកឈ្មោះថា «សមាគមវៀតណាមនៅកម្ពុជា» ដែលបង្ហោះប្រមាថដល់ព្រះមហាក្សត្រទេ ដោយថា អ្នកប្រើប្រាស់ទំព័រហ្វេសប៊ុកនេះមិនស្ថិតនៅក្នុងប្រទេសកម្ពុជា។
ទំព័រហ្វេសប៊ុក «Hội Người Việt Nam Tại Campuchia សមាគមវៀតណាមនៅកម្ពុជា» កាលពីថ្ងៃទី២១ ខែតុលា បានបង្ហោះសារថា៖ «លឺថា ស្ដេច សីហមុនី មិនចង់សញ្ញេ[ស៊ីញ៉េ]រំលាយគណបក្សក្បត់ជាតិរបស់ជនក្បត់ជាតិ សម រង្ស៊ី និង កឹម សុខា»។
ដោយភ្ជាប់មកជាមួយនូវរូបថតនៃជំនួបព្រះមហាក្សត្រ នរោត្ដម សីហមុនី និងមេដឹកនាំវៀតណាមផងនោះ ទំព័រហ្វេសប៊ុកដដែលនេះ បានរៀបរាប់បន្តថា៖ «បើមិនដូច្នុះទេ យើងទាមទារឲ្យស្តេច សីហមុនី ចុះចេញពីរាជបល្ល័ង្គ ហើយមកនៅក្រោមឪវាទរបស់សម្តេច ហ៊ុន សែន ដូចស្តេច នរោត្ដម រណរីទ្ធិ [រណឫទ្ធិ]វិញ ដើម្បីឲ្យប្រទេសមានសន្តិភាព និងការអភិវឌ្ឍន៍»។
ក្រុមអ្នកប្រើប្រាស់បណ្ដាញសង្គមហ្វេសប៊ុក បានចែកចាយនូវសារនោះ ដោយជំរុញឲ្យអាជ្ញាធរមានសមត្ថកិច្ចចាត់ការតាមផ្លូវច្បាប់ចំពោះសមាគមវៀតណាមមួយនេះ។
អ្នកនាំពាក្យក្រសួងមហាផ្ទៃ លោក ខៀវ សុភ័គ បានប្រាប់វីអូឌីនៅថ្ងៃនេះថា ការផ្សព្វផ្សាយបែបនោះ គឺជាការប្រមាថដល់ចេស្ដាព្រះមហាក្សត្រដែលមិនអាចអត់អន់ទោសបាន។
ប៉ុន្តែ លោកថា ហ្វេសប៊ុកនោះ មិនមែនជាឈ្មោះផ្លូវការ មិនមានការចុះបញ្ជីសមាគមន៍នៅក្នុងក្រសួង ហើយមូលដ្ឋាននៃអ្នកប្រើប្រាស់មិនមែននៅស្រុកខ្មែរដែលពិបាកក្នុងការអនុវត្តច្បាប់។
ទោះបីជាយ៉ាងណា លោក ខៀវ សុភ័គ បានដឹងបន្តថា ក្រសួងដឹងទាំងអស់រាល់ទំព័រហ្វេសប៊ុក ដែលមានមូលដ្ឋានប្រើប្រាស់ស្រុកខ្មែរ ដែលមិនរួចផុតពីសំណាញច្បាប់នោះទេ៕
Cambodian people knew that’ this government is the puppet of Youn-hanoi ‘that why they scaring of youn-hanoi’ but all khmer will be very fast ‘What a hanoi dogs’. GOD bless all cambodian people’