ដោយ ទីន ហ្សាការីយ៉ា
2017-10-23
RFA
តំណាងរាស្ត្រគណបក្សសង្គ្រោះជាតិ អ្នកស្រី មូរ សុខហួរ ផ្ដល់បទសម្ភាសន៍ដល់វិទ្យុអាស៊ីសេរី នារដ្ឋធានីវ៉ាស៊ីនតោន កាលពីថ្ងៃទី៩ ខែមីនា ឆ្នាំ២០១៦។ Photo: RFA
អ្នកវិភាគនយោបាយលើកឡើងថា លោក ហ៊ុន សែន កំពុងតែភ័យព្រួយសហគមន៍អន្តរជាតិដាក់គំនាប ហើយប្រើល្បែងនយោបាយប្រជាភិថុតិ បំភ័ន្តភ្នែកមហាជនដោយឥតអៀនខ្មាស ដោយគំរាមនិងសន្យា ពីការរក្សាតួនាទី ដែលសមាជិកក្រុមប្រឹក្សាឃុំ–សង្កាត់ របស់គណបក្សប្រឆាំង ត្រូវបានប្រជាពលរដ្ឋបោះឆ្នោតជូននោះ ថា លោកជាអ្នកផ្ដល់ជូនទៅវិញ បើសិនជាអ្នកទាំងនោះចុះចូលជាមួយគណបក្សប្រជាជនកម្ពុជា។
អ្នកវិភាគពន្យល់ថា ការអំពាវនាវរបស់លោក ហ៊ុន សែន នេះ ហាក់ដូចជាភ្លេចថា តួនាទីតំណាងរាស្ត្រ និងតួនាទីជាសមាជិកក្រុមប្រឹក្សាសង្កាត់ ពលរដ្ឋជាអ្នកផ្ដល់ជូនតាមរយៈការបោះឆ្នោតនោះទេ បើសិនជាលោកអាចផ្ដល់តួនាទីឲ្យបានគ្រប់គ្នានោះ ប្រហែលជាលោក មិនបាច់ខំប្រឹងធ្វើអ្វីៗ សព្វបែបយ៉ាង ទោះបីជាបំពានច្បាប់ជាតិ អន្តរជាតិ ចាប់មេដឹកនាំបក្សប្រឆាំងដាក់គុក និងរំលោភរដ្ឋធម្មនុញ្ញម្ដងហើយម្ដងទៀត ដែលជាច្បាប់កំពូលរបស់ជាតិនោះទេ។
ចំណែក អនុប្រធានគណបក្សសង្គ្រោះជាតិ អ្នកស្រី មូរ សុខហួរ បានបញ្ចេញប្រតិកម្មភា្លមៗ ឆ្លើយតបទៅនឹងការអំពាវនាវរបស់លោក ហ៊ុន សែន ដែលឲ្យសមាជិកក្រុមប្រឹក្សាឃុំ–សង្កាត់ និងតំណាងរាស្ត្រគណបក្សប្រឆាំង ចុះចូលជាមួយរដ្ឋាភិបាលនោះថា ជារឿងជាន់ឈ្លីប្រជាធិបតេយ្យ។
អ្នកស្រី អះអាងថា ការប្រឹងប្រែងអូសទាញសមាជិកគណបក្សសង្គ្រោះជាតិ ដែលមានតួនាទីស្រាប់ ដែលប្រជាពលរដ្ឋបោះឆ្នោតជូន មានជាសមាជិកក្រុមប្រឹក្សាសង្កាត់ និងជាតំណាងរាស្ត្រនោះ គឺដើម្បីឲ្យទៅជួយបិទបាំងភាពខុសច្បាប់របស់រដ្ឋាភិបាលតែប៉ុណ្ណោះ។
សូមស្ដាប់បទសម្ភាសន៍របស់លោក ទីន ហ្សាការីយ៉ា និងអ្នកស្រី មូរ សុខហួរ អំពីជំហររបស់សមាជិកគណបក្សសង្គ្រោះជាតិ ដូចតទៅ៖
we knew it for so long ago. I do not understand this evil walking naked in the public and how dumb he think no one can see his ass . that is my question to this dumb evil . only the no brainer and the wealth searcher is following this evil person. HUN SEN will destroy this nation in very near future if Cambodian not rising up again his evil act. I would like to advice to our Cambodian inside the country >>> be prepare for the bad situation in the next two week . the situation will getting hot and hotter if no one can stop it on time it will be explode soon. GOD bless Cambodia and it’s people