ដោយ អាស៊ីសេរី
2017-11-25
(ពីឆ្វេង) លោក កឹម សុខា និងលោក សម រង្ស៊ី កាលពីថ្ងៃទី១៩ ខែកក្កដា ឆ្នាំ២០១៣ លោក ហ៊ុន សែន និងភរិយា លោកស្រី ប៊ុន រ៉ានី កាលពីថ្ងៃទី២៧ ខែមុថិនា ឆ្នាំ២០១៣។ Photo: RFA
គណបក្សប្រជាជនកម្ពុជា ថ្កោលទោសប្រឆាំងគណបក្សសង្គ្រោះជាតិ ដោយហៅសេចក្ដីថ្លែងការណ៍របស់គណបក្សប្រឆាំងដ៏ធំនេះថា កំពុងប្រើប្រាស់សេចក្ដីសុខរបស់ប្រជាពលរដ្ឋ ធ្វើជាចំណាប់ខ្មាំង។
សេចក្ដីថ្លែងការណ៍ចុះថ្ងៃទី២៥ ខែវិច្ឆិកា របស់គណបក្សកាន់អំណាច បានសរសេរថា ខ្លួនបដិសេធ និងថ្កោលទោសដាច់អហង្ការប្រឆាំងនឹងគណបក្សសង្គ្រោះជាតិ។ គណបក្សដែលកាន់អំណាចប្រមាណ ៣០ឆ្នាំមកនេះ បានចាត់ទុកថា គណបក្សប្រឆាំង កំពុងបំផ្លាញសេចក្ដីប្រជាពលរដ្ឋនៅពេលនេះ ធ្វើជាចំណាប់ខ្មាំងរបស់ខ្លួន។ មិនតែប៉ុណ្ណោះ គណបក្សសង្គ្រោះជាតិ កំពុងតែបំផ្លាញប្រជាធិបតេយ្យ និងនីតិរដ្ឋនៅកម្ពុជា តាមរយៈការកៀរគរ សំឡេងបរទេសឲ្យដាក់ទណ្ឌកម្មសេដ្ឋកិច្ចប្រឆាំងលើរដ្ឋាភិបាល ដែលកំពុងអនុវត្តយ៉ាងមុតមាំ ទាំងរដ្ឋធម្មនុញ្ញ និងច្បាប់នានាដែលបានបញ្ញត្តិរួចហើយ។
ប្រតិកម្មរបស់គណបក្សប្រជាជនកម្ពុជានៅពេលនេះ ធ្វើឡើងមួយថ្ងៃ ក្រោយបក្សប្រឆាំងបានចេញសេចក្ដីថ្លែងការណ៍របស់ខ្លួន កាលពីថ្ងៃទី២៤ ខែ វិច្ឆិកា។ អតីតគណបក្សសង្គ្រោះជាតិ បានហៅការរំលាយបក្សរបស់ខ្លួនថា នេះជាការលួចអាសនៈទាំង ៥៥អាសនៈទៅចែកឲ្យតូចៗ ទាំងកម្រោល។ហើយគណបក្សប្រឆាំងដ៏ធំជាងគេនៅកម្ពុជានេះ ប្រកាន់ជំហរថា តំណាងរាស្ត្រទាំងអស់ នៅតែជាតំណាងរាស្ត្រស្របច្បាប់ និងជាតំណាងរបស់ប្រជាពលរដ្ឋខ្មែរម្ចាស់ឆ្នោត។ តុលាការកំពូល ដែលភាគច្រើនជាសមាជិកបក្សកាន់អំណាច បានរំលាយបក្សប្រឆាំង កាលពីថ្ងៃទី១៦ ខែវិច្ឆិកា តាមបណ្ដឹងរបស់ក្រសួងមហាផ្ទៃ៕
ពួកវារំលាយគណបក្សសង្គ្រោះជាតិដែលមានប្រជាពលរដ្ឋកន្លះប្រទេសគាំទ្រហើយ តាមព្យាបាទសមជិកក្រុមប្រឹក្សាដែលនៅក្នុងប្រទេសថែមទៀត ហើយពួវាបន្តចោទគណបក្សសង្គ្រោះជាតិបន្ថែមទៀត ថាបំផ្លាញសេចក្តីសុខពលរដ្ឋ។ ហ៊ឹះ អាពួកតិរច្ឆានអស់នេះ! មិនព្រមកែខ្លួនអ្វីបន្តិចទាល់តែសោះ បើពួកវានៅតែកាន់អំណាច ពលរដ្ឋពិតជាគ្មានសេចក្តីសុខទេ ពួកវាបំផ្លាញអស់ហើយការខិតខំប្រឹងប្រែងរបស់ពលរដ្ឋកម្ពុជា និងសហគមន៍អន្តរជាតិ ដែលបានខិតខំកសាងសេចក្តីសុខ និង រីកចំរើនរបស់ប្រទេសជាតិ រយៈពេលជាង២០ឆ្នាំមកនេះ។ យើងជាពលរដ្ឋកម្ពុជាស្រឡាញ់សេរីភាព ប្រជាធិបតេយ្យ និង ទឹកដី សូមឲ្យអន្តរជាតិមេត្តាជួយពួកយើងផង ពួកយើងនៅក្នុងស្រុក មិនអាចធ្វើអ្វីបានទេបច្ចុប្បន្ននេះ។
កើតនិយាយទៅរួច ចោរស្រែកចាប់ចោរ ចំជាពយកបាតផ្សាមែន។