08/12/2017
RFI
លោក យូ ហុកគ្រី ជាកូតាមកពីគណបក្សហ្វ៊ុនស៊ិនប៉ិចដែលពលរដ្ឋមិនបោះឆ្នោតឲ្យនោះ ឲ្យធ្វើជាអនុប្រធានទី១ នៃរដ្ឋសភា (@សហការី)
រដ្ឋសភា នៅព្រឹកថ្ងៃទី០៨ ខែធ្នូនេះ បានបោះឆ្នោតជ្រើសរើស លោក យូ ហុកគ្រី ជាកូតាមកពីគណបក្សហ្វ៊ុនស៊ិនប៉ិចដែលពលរដ្ឋមិនបោះឆ្នោតឲ្យនោះ ឲ្យធ្វើជាអនុប្រធានទី១ នៃរដ្ឋសភា ក្រោយពីរំលាយគណបក្សសង្រ្គោះជាតិ។ ជាមួយគ្នានោះ តំណែងប្រធាន និងអនុប្រធានគណៈកម្មការជំនាញនៃរដ្ឋសភាចំនួន១០ទៀតក៏ត្រូវបានបោះឆ្នោតជ្រើសតាំងផងដែរ។
អត្ថបទដោយ៖ អ៊ឹង ប៊ុនថន
សំឡេងគាំទ្រ លោក យូ ហុកគ្រី ជាអនុប្រធានទី១ នៃរដ្ឋសភាគឺមានចំនួន១១២សំឡេង ក្នុងចំណោមសមាជិករដ្ឋសភាចូលរួមប្រជុំនៅថ្ងៃនេះចំនួន១១៦រូប រួមទាំងលោកនាយករដ្ឋមន្រ្តី ហ៊ុន សែន ផងដែរ។ លោក បានសរសេរសារនៅលើហ្វេសប៊ុកថាលោកសូមស្វាគមន៍លោក យូ ហុកគ្រី ដែលបានរដ្ឋសភាបោះឆ្នោត ជ្រើសតាំងជាអនុប្រធានទី១ នៃរដ្ឋសភាថ្ងៃនេះ។
សូមរំលឹកថា តំណែងអនុប្រធានទី១នៃរដ្ឋសភា ដំបូងឡើយគឺជាកន្លែងរបស់ លោក កឹម សុខា ប៉ុន្តែប្រធានអតីតគណបក្សសង្រ្គោះជាតិរូបនេះ បានអង្គុយកៅអីនេះ បានតែជាងមួយឆ្នាំក៏ត្រូវបានអ្នកគាំទ្រគណបក្សកាន់អំណាចធ្វើបាតុកម្មទម្លាក់នៅខែតុលាឆ្នាំ២០១៥។ ជាបាតុកម្មដែលក្លាយទៅជាកុប្បកម្មវាយដំតំណាងរាស្ត្រអតីតបក្សប្រឆាំងចំនួនពីររូបគឺលោក ញ៉យ ចំរើន និងគង់ សភា បណ្តាលឲ្យរងរបួសធ្ងន់ធ្ងរ។
ក្រោយពីរំលាយគណបក្សប្រឆាំងដ៍ធំជាងគេនេះ រដ្ឋសភាក៏បានបោះឆ្នោតជ្រើសតាំងប្រធាននិងអនុប្រធានគណៈកម្មការជំនាញចំនួន១០ ក្រោយតុលាការកំពូល រំលាយគណបក្សសង្រ្គោះជាតិ។ ក្រោយរំលាយសង្រ្គោះជាតិ កៅអីចំនួន៤១បានធ្លាក់ទៅលើដៃគណបក្សហ្វ៊ុនស៊ិនប៉ិចរបស់សម្តេចក្រុមព្រះ។ ជាមួយគ្នានោះ គណបក្សដែលមិនបានជាប់ឆ្នោតកាលពីឆ្នាំ២០១៣មួយនេះនោះ ក៏នឹងទទួលបានតំណែងប្រធាន និងអនុប្រធាន នៃគណៈកម្មការជំនាញមួយចំនួន ៥នៃរដ្ឋសភាផងដែរ។
សូមបញ្ជាក់ថា ក្រោយពីរំលាយគណបក្សសង្រ្គោះជាតិនៅក្រោមការរិះគន់នោះ ពេលនេះរដ្ឋសភា មានតំណាងមកពីគណបក្សចំនួន៤ ដែលក្នុងនោះគណបក្សចំនួន៣ជាអ្នកទទួលកៅអីគណបក្សសង្រ្គោះជាតិដែលត្រូវបានរំលាយគឺ គណបក្សហ្វ៊ុនស៊ិនប៉ិច របស់សម្តេចក្រុមព្រះ បាន៤១អាសនៈ គណបក្សសញ្ជាតិកម្ពុជា បាន២អាសនៈ និងគណបក្សខ្មែរអភិវឌ្ឍន៍សេដ្ឋកិច្ច បាន១អាសនៈ។ ចំណែកអាសនៈនៅសល់ចំនួន១១ទៀតគឺធ្លាក់ទៅលើដៃគណបក្សប្រជាជនកម្ពុជាដែលកាន់អំណាច បន្ថែមពីអាសនៈចំនួន៦៨ដែលមានស្រាប់៕
So sham ‘ being khmer like these people’ it laughable ‘because the position been given from the robber and the killer’. This beast regime is so bad ‘against the people’s will ‘i wish international must do more action and not accept this government because it illegal to operate . GOD bless all cambodian people’