អន្តរជាតិ
09 ធ្នូ 2017
VOA News
វីអូអេខ្មែរ
សមាជិកព្រឹទ្ធសភា ស.រ.អា នៃគណបក្សសាធារណរដ្ឋ ដ៏មានឥទ្ធិពលមួយរូប មកពីរដ្ឋ Texas លោក Ted Cruz បានអបអរសារទរលោករដ្ឋមន្ត្រីការបរទេស Rex Tillerson ដែលបានចេញសេចក្តីប្រកាសដាក់បំរាមទិដ្ឋាការលើមន្ត្រីរដ្ឋាភិបាលកម្ពុជាដែលធ្វើឱ្យខូចដល់ដំណើរការលទ្ធិប្រជាធិបតេយ្យនៅកម្ពុជា។
នៅក្នុងសេចក្តីថ្លែងការណ៍មួយដែលបានចុះផ្សាយក្នុងគេហទំព័ររបស់លោក កាលពីថ្ងៃសុក្រម្សិលមិញ លោក Ted Cruz បាននិយាយថា៖ «នេះជាជំហានទីមួយយ៉ាងល្អឆ្ពោះទៅរកការធ្វើឲ្យមានលទ្ធិប្រជាធិបតេយ្យឡើងវិញក្នុងប្រទេសកម្ពុជា និង ជាការឆ្លើយតបមួយដែលត្រូវការយ៉ាងខ្លាំងដើម្បីទប់ទប់ឥទ្ធិពលចិន ដែលកាន់តែកើនឡើងនៅក្នុងទីក្រុងភ្នំពេញ»។
លោក Ted Cruz បានបន្តទៀតថា៖ «លោក ហ៊ុនសែន ប្រឈមនិងជម្រើសយ៉ាងសាមញ្ញមួយ គឺដោះលែងមេដឹកនាំគណបក្សប្រឆាំង លោក កឹម សុខា អនុញ្ញាតឲ្យលោក សម រង្ស៊ី វិលត្រឡប់ទៅកម្ពុជាវិញ ដាក់ឲ្យមានគណបក្សសង្គ្រោះជាតិឡើងវិញ លប់បំបាត់ការហាមប្រាមរបស់លោក ចំពោះការផ្សាយព័ត៌មានដោយចំហរ និង សិទ្ធិសេរីភាពក្នុងការនិយាយស្តី បើមិនដូច្នោះទេនឹងត្រូវប្រឈមនឹងការដាក់ទណ្ឌកម្មពីស.រ.អាថែមទៀត»។
នៅក្នុងសេចក្តីប្រកាសព័ត៌មានមួយកាលពីថ្ងៃសុក្រនេះ ក្រសួងការបរទេសកម្ពុជា បានសម្តែងនូវ«ការសោកស្តាយយ៉ាងខ្លាំងចំពោះការសម្រេចចិត្តចុងក្រោយរបស់ក្រសួងការបរទេសអាមេរិក ដែលពុំពិចារណាលើអង្គហេតុ និងអង្គច្បាប់ជុំវិញការវិវត្តនយោបាយថ្មីៗនៅកម្ពុជា»។ មកទល់នឹងម៉ោងផ្សាយនេះ VOA មិនទាន់អាចទាក់ទងសុំប្រតិកម្មពីសំណាក់រដ្ឋាភិបាលកម្ពុជា ចំពោះសេចក្តីថ្លែងការថ្មីរបស់សមាជិកព្រិទ្ធសភាស.រ.អា លោក Ted Cruz នៅឡើយទេ។ យើងនឹងផ្សាយជូនលោកអ្នកស្តាប់នៅពេលណាដែលយើងទទួលបានការឆ្លើយតប៕
ខ្ញុំបានឃើញក្រសួងការបរទេសកម្ពុជាបានសម្តែងនូវ ការសោកស្តាយយ៉ាងខ្លាំងចំពោះការសម្រេចចិត្តចុងក្រោយរបស់ក្រសួងការបរទេសអាមេរិក ដែលបានប្រកាសបិទទិដ្ឋាការដល់មន្រ្តីហ៊ុនសែន និង ក្រុមគ្រួសារ ដែលមានការពាក់ក្នុងការបំផ្លាញប្រជាធិបតេយ្យនៅកម្ពុជា មិនឲ្យជាន់ទឹកដីអាមេរិក។ គ្រាន់តែគេបិទទិដ្ឋាការសោះ មិនទាន់បានបង្កកទ្របសម្បត្តិផង តាំងចេះស្រែក ក្រែងពួកលោកឯងមួយចំនួន រួមទាំងហ៊ុនសែនផងដែរ ធ្លាប់ស្រែកថា មិនបានជាន់ទឹកដីអាមេរិក ក៏មិនងាប់ដែរ នោះអី ម៉េចឥឡូវចេះស្រែក ម៉េចមិនស្រែកអបអរសាទរដូចហ៊ុនសែនទៅ។ ចុះពួកឯងរំលាយគណបក្សប្រឆាំងដែលមានពលរដ្ឋគាំទ្រកន្លះប្រទេស ហើតតាមធ្វើបាបធ្វើទុកបុកម្នេញសមាជិកក្រុមប្រឹក្សាឃុំ ស្រុក ខេត្តរបស់គណបក្សសង្គ្រោះជាតិ ឲ្យរត់ចោកផ្ទះសម្បែងរត់ចោលគ្រួសារ គេមិនឈឺចាប់ទេអី? ហេតុអីចាំបាច់សាបព្រោះបណ្តុះបណ្តាល វប្បធ៌ម៍ ទឹកឡើងត្រីស៊ីស្រមោច ទឹកហោចស្រមោចស៊ីត្រីធ្វើអី? នេះជាវប្បធ៌មពួកល្មោភអំណាច និងវប្បធ៌មពួកជនពាលបាតផ្សាទេ បើពួកលោកមិនមែនពួកល្មោភអំណាច មិនពួកជនពាលបាតផ្សាទេ គួរអនុញ្ញាតិឲ្យគេរស់នៅបានសេចក្តីសុខផងទៅ ហេតុអ្វីយកសុខតែគ្រួសារ និង បក្សពួកខ្លួនឯង ហើយធ្វើបាបគេឯង ធ្វើឲ្យប្រទេសខូចកេរ្តិ៍ឈ្មោះនៅទូទាំងពិភពលោកយ៉ាងនេះអញ្ចឹង?
So happy’ so please to see U S stop visa for the corrupted government ‘and we wish U S do more ‘because it won’t affect the ordinary people ‘only mafia groups who associated with dictator are rich and transfer money to outside cambodia ‘ so U S must do more ‘freeze all their money ,properties and Thanks a lot mr president trump. GOD bless all cambodian people’