ដោយ អ៊ឹង ប៊ុនថន
17/05/2018
RFI
លោក សម រង្ស៊ី (ឆ្វេង) និងលោក សុខ ឥសាន (ស្តាំ)។
@RFI
អ្នកនាំពាក្យគណបក្សកាន់អំណាច និងអតីតមេដឹកនាំគណបក្សប្រឆាំង បានសំដែងការយល់ឃើញផ្ទុយគ្នា ចំពោះសេចក្តីព្រាងច្បាប់ថ្មីរបស់សហរដ្ឋអាមេរិក ដើម្បីដាក់ទណ្ឌកម្មផ្នែកហិរញ្ញវត្ថុ និងការធ្វើដំណើរដល់មន្ត្រីជាន់ខ្ពស់រដ្ឋាភិបាលកម្ពុជា។ ប្រតិកម្មបែបនេះកើតឡើងបន្ទាប់ពីសមាជិកសភាសហរដ្ឋអាមេរិកទាំងពីរគណបក្សកំពុងពួតដៃគ្នា ធ្វើសេចក្តីព្រាងច្បាប់នេះ កាលពីថ្ងៃអង្គារហើយគ្រោងអនុម័តនៅពេលឆាប់ៗនេះ។
តាមរយៈទំព័រហ្វេសប៊ុក លោក សម រង្ស៊ី បានសរសេរថា លោក អាលែន ឡូវែនថល (Alan Lowenthal) បានដាក់ច្បាប់មួយ ស្តីពីប្រទេសកម្ពុជា ដើម្បីឲ្យរដ្ឋសភាអាមេរិក ពិភាក្សានិងអនុម័ត នៅចុងសប្តាហ៍នេះ។
បើតាម លោក សម រង្ស៊ី «ច្បាប់នេះ នឹងដាក់ទណ្ឌកម្ម លើថ្នាក់ដឹកនាំប្រទេសកម្ពុជា ដែលបានបំផ្លាញលទ្ធិប្រជាធិបតេយ្យនៅកម្ពុជា។ ទណ្ឌកម្មទាំងនោះ មានការបង្កកទ្រព្យសម្បត្តិទាំងអស់ ដែលមន្ត្រីកម្ពុជាទាំងនោះ មាននៅសហរដ្ឋអាមេរិក ការទប់ស្កាត់រាល់សកម្មភាពហិរញ្ញវត្ថុ នៃមន្ត្រីទាំងនោះ នៅសហរដ្ឋអាមេរិក និងការបដិសេធទិដ្ឋាការ មិនឲ្យមន្ត្រីទាំងនោះ មកជាន់ទឹកដីសហរដ្ឋអាមេរិក»។
ផ្ទុយទៅវិញ អ្នកនាំពាក្យគណបក្សប្រជាជនកម្ពុជា លោក សុខ ឥសាន អះអាងថា ច្បាប់នេះគ្មានឥទ្ធិពលអ្វីមកលើរដ្ឋាភិបាលកម្ពុជាឡើយ។ បើតាម លោក សុខ ឥសាន គ្មានឥទ្ធិពលដោយសារតែច្បាប់នេះតាក់តែងឡើងដោយសមាជិកសភាជាន់ទាប ពោលគឺមិនដូចច្បាប់ដែលតាក់តែងឡើងដោយសមាជិកព្រឹទ្ធសភាអាមេរិកដែលមានឥទ្ធិពលនោះទេ។ ម្យ៉ាងទៀត លោកថា នៅពេលសមាជិកព្រឹទ្ធសភាមកទស្សនកិច្ចនៅកម្ពុជា កាលពីពេលថ្មីៗនេះ គឺបានបង្ហាញជំហគាំទ្ររដ្ឋាភិបាលកម្ពុជារួចទៅហើយ។
សូមបញ្ជាក់ថា សេចក្តីព្រាងច្បាប់ថ្មីសម្រាប់ដាក់ទណ្ឌកម្មផ្នែកហិរញ្ញវត្ថុ និងហាមការធ្វើដំណើររបស់មន្រ្តីជាន់ខ្ពស់រដ្ឋាភិបាលកម្ពុជា ធ្វើឡើងដោយតំណាងរាស្ត្រ ពីខាងគណបក្សប្រជាធិបតេយ្យ លោក អាឡាន់ ឡូវែនថល (Alan Lowenthal) និង លោក ថិត យូហូ (Ted Yoho) តំណាងរាស្ត្រពីខាងគណបក្សសាធារណរដ្ឋ និងជាប្រធានអនុគណៈកម្មាធិការកិច្ចការបរទេសទទួលបន្ទុកតំបន់អាស៊ី និងប៉ាស៊ីហ្វិក។
លោក អាឡាន់ ឡូវែនថល ត្រូវបានប្រព័ន្ធផ្សព្វផ្សាយមួយចំនួនដកស្រង់សំដីមកថា សេចក្ដីព្រាងច្បាប់ស្ដីពីលទ្ធិប្រជាធិបតេយ្យនៅកម្ពុជាឆ្នាំ២០១៨ លេខ H.R. ៥៧៥៤ ដែលធ្វើឡើង ដោយគណបក្សទាំងពីរ គឺដើម្បីដាក់ទណ្ឌកម្មដល់ក្រុមមន្ត្រីជាន់ខ្ពស់របស់កម្ពុជាដែល បាននាំគ្នាបំផ្លាញមូលដ្ឋានគ្រឹះនៃលទ្ធិប្រជាធិបតេយ្យ។ លោក អាឡាន់ ឡូវែនថល អះអាងទៀតថា សេចក្តីព្រាងច្បាប់មួយនេះ មានការគាំទ្រដោយប្រធាន គណៈកម្មាធិការកិច្ចការ បរទេសលោក អេដ រ៉យ (Ed Royce) និងលោក ស្ទីវ ឆាបុត (Steve Chabot) ថែមទៀតផង។
យ៉ាងណាក៏ដោយ លោកនាយករដ្ឋមន្រ្តី ហ៊ុន សែន ធ្លាប់បានចំអកឲ្យសហរដ្ឋអាមេរិកបង្កកប្រាក់របស់មន្រ្តីរដ្ឋាភិបាលកម្ពុជាឲ្យកាន់តែឆាប់ ប្រសិនបើពួកគេមានលុយផ្ញើទុកនៅក្រៅប្រទេសមែននោះ៕
Why against Kampuchea gouvernement?
Why not China, Russia, Vietnam, Laos and
Thailand?
Do something for your country Mr. Lowenthal!
Remember what said President Trump :
First America!
No, Trump said, “America First.” But no need to worry, this law is proposed because Rainsy and Sokha’s daughter have begged these 2 law makers to do something to save face.
This law will be dead in the water because the US Congress has many top priorities to deal with. They don’t have the time to pass this pitty proposal.
Ultimately, Trump is a business man and he won’t sign it into law because US has no benefit to gain.
If Hillary is the President she would sign it because the Dems’ philosophy is that “impeach 54,” even Trump has done nothing wrong.
Rainsy is just a crazy dog who cannot win with anything he does, he has to keep barking in order to convince his weak-minded supporters outside Cambodia.
But we are already know that Hun Sen will protect his people and the nation. Just like Trump said, “we’ll see what happens.”