ដោយ សេក បណ្ឌិត
2019-09-26
RFA
ស្ដាប់ ឬទាញយកសំឡេង
សកម្មជនគណបក្ស សង្គ្រោះជាតិ ខេត្តបន្ទាយមានជ័យ ជួបជុំគ្នាពង្រឹងសាមគ្គីភាពនៅភូមិចាន់គិរី សង្កាត់ប៉ោយប៉ែត ខេត្តបន្ទាយមានជ័យ កាលពីព្រឹកថ្ងៃទី១ ខែមករា ឆ្នាំ២០១៩។ រូបថត៖ ដោយប្រជាពលរដ្ឋ
សកម្មជនគណបក្សប្រឆាំងជាច្រើននាក់នៅខេត្តបន្ទាយមានជ័យបានរត់ភៀសខ្លួនរកទីកន្លែងសុវត្ថិភាពរៀងៗ ខ្លួន។ ពួកគាត់អះអាងថា មូលហេតុដែលពួកគាត់គេចខ្លួន ដោយសារមន្ត្រីប៉ូលិសខេត្តនេះ តាមធ្វើទុក្ខបុកម្នេញ និងចាប់សកម្មជនបក្សខ្លួនជាបន្តបន្ទាប់។ មន្ត្រីសង្គមស៊ីវិលចាត់ទុកទង្វើរបស់សមត្ថកិច្ចនេះថា ជាការរារាំងដល់សកម្មជនបក្សប្រឆាំង ដើម្បីកុំឱ្យពួកគេទៅចូលរួមអមដំណើរប្រធានស្ដីទីគណបក្សសង្គ្រោះជាតិ លោក សម រង្ស៊ី វិលចូលស្រុកវិញនៅពេលខាងមុខ។
ប្រធានគណបក្សសង្គ្រោះជាតិក្រុងសិរីសោភ័ណ លោក ឡាំ ប៊ុនឡាយ ប្រាប់អាស៊ីសេរីនៅព្រឹកថ្ងៃទី២៦ កញ្ញាថា លោកបានចាកចេញពីផ្ទះតាំងពីថ្ងៃទី២០ កញ្ញា ដោយសារព្រួយបារម្ភពីសុវត្ថិភាពផ្ទាល់ខ្លួន ពីព្រោះលោកថា មន្ត្រីប៉ូលិសខេត្តបន្ទាយមានជ័យប្រមាណ ២០នាក់ បានឡោមព័ទ្ធផ្ទះរបស់លោក កាលពីថ្ងៃទី៨ កញ្ញា និងបានដាក់កម្លាំងតាមដានលោកជាបន្តបន្ទាប់។ មន្ត្រីបក្សប្រឆាំងរូបនេះបញ្ជាក់ថា មន្ត្រីប៉ូលិសនៅតែបន្តតាមធ្វើទុកទុក្ខបុកម្នេញមកលើរូបលោកមិនទាន់ឈប់នៅឡើយ ដោយសមត្ថកិច្ចខ្លាចពួកគេទៅទទួលអមដំណើរលោក សម រង្ស៊ី វិលចូលស្រុកវិញនៅពេលខាងមុខ៖ «បាទ! បើសិនជាតុលាការនៅស្រុកខ្មែរមានយុត្តិធម៌ ខ្ញុំអត់រត់មានទេ ព្រោះដោយសារខ្ញុំមិនបានប្រព្រឹត្តិខុសច្បាប់ ព្រោះកាលពីថ្ងៃទី១៣ កន្លងទៅ តុលាការបានចាប់សកម្មជនបក្សប្រឆាំងនៅស្រុកស្វាយចេក លោក យ៉ាត ភារម្យ ហើយកម្លាំងសមត្ថកិច្ច គាត់ទៅឡោមព័ទ្ធផ្ទះខ្ញុំរួចមកហើយ បានជាខ្ញុំគិតថា គ្មានប្រយោជន៍អី ត្រូវនៅតតាំងរកយុត្តិធម៌បានទេ»។
ចំណែកប្រធានគណបក្សសង្គ្រោះជាតិស្រុកអូរជ្រៅឯណោះវិញ លោក សៅ ពល័ក្ខ ថ្លែងថា លោកបានរត់ភៀសខ្លួនដល់ទីសុវត្ថិភាពហើយ កាលពីរសៀលថ្ងៃទី២៥ កញ្ញា។ សកម្មជនបក្សប្រឆាំងរូបនេះបន្តថា ការរត់គេចខ្លួននេះ បន្ទាប់ពីលោកទទួលដំណឹងថា មានមន្ត្រីប៉ូលិសខេត្តបន្ទាយមានជ័យតាមចាប់សកម្មជនបក្សប្រឆាំងនេះជាច្រើននាក់ ក្នុងនោះ រូបលោកក៏ជាមុខសញ្ញាដែលសមត្ថកិច្ចតាមរកចាប់ខ្លួនដែរ។ លោកថា ប៉ូលិសតាមចាប់លោក ដោយសារកន្លងមកពួកលោកជួបប្រជុំគ្នាថ្លែងសារគាំទ្រលោក សម រង្ស៊ី វិលចូលស្រុកវិញ៖ «ហើយក្រោយពីការចាប់ខ្លួនសកម្មជនម្នាក់នៅក្នុងខេត្តមក យើងមានឃើញមន្ត្រីប៉ូលិសទៅកន្លែងបុណ្យកាន់បិណ្ឌ នៅវត្តទំនប់ ក៥ ដែលខ្ញុំក៏ត្រៀមទៅចូលរួមបុណ្យនៅទីនោះដែរ ក៏បានផ្អាកទៅវិញ។ ទាំងនេះ គឺសកម្មភាពដែលធ្វើឱ្យខ្ញុំ និងមន្ត្រីបក្សប្រឆាំងដទៃទៀត សម្រេចចិត្តត្រូវតែគេចខ្លួន បើទោះបីជាបាត់បង់ការងារ និងឆ្ងាយពីគ្រួសារ ក៏ត្រូវតែសម្រេចចិត្តភៀសខ្លួន»។
លោក សម រង្ស៊ី នៅតែប្រកាសម្ដងហើយម្ដងទៀតថា លោកនឹងថ្នាក់ដឹកនាំគណបក្សប្រឆាំងដែលភៀសខ្លួនទៅក្រៅប្រទេស ធ្វើមាតុភូមិនិវត្តន៍ទៅកម្ពុជាវិញ នៅថ្ងៃទី៩ ខែវិច្ឆិកាខាងមុខ។ ទោះជាយ៉ាងណាក្ដី របបក្រុងភ្នំពេញក៏បានបញ្ជាក់ជាបន្តបន្ទាប់ដែរថា នឹងចាត់វិធានការលើលោក សម រង្ស៊ី និងអ្នកហែហម ប្រសិនបើហ៊ានវិលចូលកម្ពុជាតាមកាលកំណត់មែននោះ។
ទាក់ទងនឹងបញ្ហាដែលសកម្មជនគណបក្សសង្គ្រោះជាតិលើកឡើងនេះ ស្នងការរងនគរបាលខេត្តបន្ទាយមានជ័យទទួលបន្ទុកផ្នែកព្រហ្មទណ្ឌលោក សិទ្ធ ឡោះ ប្រាប់អាស៊ីសេរីថា មន្ត្រីរបស់លោកមិនបានធ្វើទុកទុក្ខបុកម្នេញដល់មន្ត្រីគណបក្សប្រឆាំងណាម្នាក់ឡើយ។ លោកបន្តថា សព្វថ្ងៃប្រជាពលរដ្ឋនៅខេត្តបន្ទាយមានជ័យនាំគ្នាធ្វើបុណ្យកាន់បិណ្ឌយ៉ាងសប្បាយ ដោយពុំមានអ្វីគួរឱ្យភ័យព្រួយដូចការលើកឡើងរបស់មន្ត្រីបក្សប្រឆាំងនោះទេ៖ «រឿងហ្នឹង មកពីខ្លួនគាត់ទេ។ ខ្ញុំអត់ដឹងដែរ ជារឿងរបស់ពួកគាត់។ តែសម្រាប់សន្តិសុខសុវត្ថិភាពទូទៅរបស់ពលរដ្ឋនៅក្នុងខេត្តបន្ទាយមានជ័យ គេកំពុងតែធ្វើបុណ្យទៅតាមទំនៀមទម្លាប់ប្រពៃណីខ្មែរ រស់នៅដោយសេចក្ដីសុខ សន្តិភាពត្រឹមត្រូវទេ។ ដូចមិនមានអីចឹងកើតឡើងទេបាទ»។
កាលពីថ្ងៃទី១៣ កញ្ញា មន្ត្រីប៉ូលិសខេត្តបន្ទាយមានជ័យចាប់ប្រធានយុវជនគណបក្សសង្គ្រោះជាតិស្រុកស្វាយចេក លោក យ៉ាត ភារម្យ ដោយពុំមានដីកាពីតុលាការនោះទេ និងបានបញ្ជូនសកម្មជនរូបនេះទៅឃុំខ្លួននៅគុកព្រៃសរាជធានីភ្នំពេញ ដោយសារលោកបានជួបប្រជុំគ្នាឈឺឆ្អាលរឿងនយោបាយ ដែលច្បាប់កម្ពុជាអនុញ្ញាត។
គិតត្រឹមរសៀលថ្ងៃទី២៦ កញ្ញា មានសកម្មជនគណបក្សសង្គ្រោះជាតិចំនួន ២៩នាក់ហើយ ដែលត្រូវរបបលោក ហ៊ុន សែន ចាប់ និងឃុំខ្លួនក្នុងពន្ធនាគារ និងច្រើននាក់ទៀតបានរត់ភៀសខ្លួនទៅក្រៅប្រទេស ដោយសារតែពួកគេធ្វើសកម្មភាពនយោបាយគាំទ្រនយោបាយរបស់គណបក្សប្រឆាំង។
នាយករងទទួលបន្ទុកផ្នែកឃ្លាំមើលសិទ្ធិមនុស្សនៃអង្គការ លីកាដូ (LICADHO) លោក អំ សំអាត មានប្រសាសន៍ថា ការធ្វើទុក្ខបុកម្នេញនិងចាប់ចងសកម្មជនបក្សជាបន្តបន្ទាប់នេះ គឺជាគំរាមកំហែងបំភិតបំភ័យផ្នែកនយោបាយដល់អ្នកគាំទ្រគណបក្សប្រឆាំង ច្រើនជាងការអនុវត្តច្បាប់។ មន្ត្រីសង្គមស៊ីវិលរូបនេះ បន្តថា ការបង្ហោះសារឈឺឆ្អាលរឿងនយោបាយ គឺជាសិទ្ធិសេរីភាពក្នុងការសម្ដែងមតិរបស់ប្រជាពលរដ្ឋដោយស្របច្បាប់ ដែលមានចែងនៅក្នុងរដ្ឋធម្មនុញ្ញ។ លោកហៅវិធានការរបស់សមត្ថកិច្ចនេះថា ជាចេតនារបស់អាជ្ញាធរពាក់ព័ន្ធ ដើម្បីរារាំងកុំឱ្យប្រជាពលរដ្ឋទៅចូលរួមអមដំណើរលោក សម រង្ស៊ី វិលចូលស្រុកវិញនៅពេលខាងមុខ៖ «អីចឹង យើងឃើញថា ច្រើនហើយដែលអ្នកមិនបានធ្វើអីទេ។ គាត់គ្រាន់តែចែកចាយព័ត៌មានតាមហ្វេសប៊ុក គេចាត់ទុកថា គាត់ជាអ្នកចូលរួមនៅក្នុងគំនិតក្បត់ហ្នឹង។ ប៉ុន្តែបើសិនជាយើងមើលទៅលើទិដ្ឋភាពច្បាប់ តើបទល្មើសហ្នឹងវាកើតឡើងហើយឬនៅ ចំពោះពួកគាត់ទាំងអស់ហ្នឹង។ អីចឹងធាតុផ្សំនៃបទល្មើស ឬក៏ទិដ្ឋភាព ដែលកើតឡើង វាអត់មានទេ។ ក៏ប៉ុន្តែផ្ទុយទៅវិញ ការចោទប្រកាន់ គឺទាក់ទងនឹងបទល្មើសហ្នឹងហើយ»។
មន្ត្រីអង្គការសង្គមស៊ីវិលរូបនេះថ្លែងថា ការធ្វើទុក្ខបុកម្នេញមកលើមន្ត្រីបក្សប្រឆាំងឥតស្រាកស្រាន្តនេះ ពុំមែនជាដំណោះស្រាយនយោបាយទេ ផ្ទុយទៅវិញ គឺកាន់តែធ្វើឱ្យប្រជាពលរដ្ឋដែលអ្នកគាំទ្រគណបក្សប្រឆាំងជិតកន្លះនគរក្ដៅក្រហាយ ហើយជាការធ្វើឱ្យពួកគាត់កាន់តែស្អប់ខ្ពើមរដ្ឋាភិបាលទៅវិញទេ។ មន្ត្រីសង្គមស៊ីវិលរូបនេះ ទទូចដល់មេដឹកនាំគណបក្សកាន់អំណាច និងគណបក្សប្រឆាំងឱ្យគិតគូរពីប្រយោជន៍ជាតិជាធំ ដោយងាកមករកតុចរចាគ្នាបញ្ចប់វិបត្តិនយោបាយនៅកម្ពុជាឱ្យបានឆាប់ ប្រសើរជាងការឈ្លោះគ្នានាំឱ្យខាតបង់ដល់សេដ្ឋកិច្ចជាតិ។
គិតត្រឹមថ្ងៃទី២៦ កញ្ញា មានសកម្មជនបក្សប្រឆាំងខេត្តបន្ទាយមានជ័យប្រមាណ ១០នាក់ហើយ ដែលបានរតភៀសខ្លួនទៅកន្លែងសុវត្ថិភាព។ ទោះជាយ៉ាងណាពួកគាត់អះអាងថា ថ្វីត្បិតតែពួកគេបានរត់គេចខ្លួនក៏ដោយ ក៏ពួកគាត់នៅតែប្រកាន់ជំហរទៅចូលរួមអមដំណើរលោក សម រង្ស៊ី វិលចូលស្រុកវិញដដែល ពីព្រោះពួកគាត់សង្ឃឹមថា ការធ្វើមាតុភូមិនិវត្តន៍របស់ប្រសិនបើលោកសម រង្ស៊ី នឹងមានដំណោះស្រាយនយោបាយនៅកម្ពុជាជាមិនខាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អតីតបក្សប្រឆាំងសង្គ្រោះជាតិ
សម្បូរសុទ្ធតែមន្ត្រីល្ងង់ខ្លៅ និង ចោលម្សៀត
*******
និយាយអោយត្រង់ទៅចុះ ពួកមន្ត្រីល្ងង់ខ្លៅចោលម្សៀតគណបក្សសមរង្សីនិងមន្ត្រីគណបក្សសិទ្ធិមនុស្សរបស់អាយ៉ងគោ១០០កឹមសុខាដែល រួមគ្នាក្លាយទៅជាខ្មោចអតីតបក្សសង្គ្រោះជាតិ គ្មានការយល់ដឹងច្រើនឡើយពីនយោបាយជាតិ ពីច្បាប់ទម្លាប់ស្រុកទេសនិមួយៗដែល គេធ្វើសំរាប់កិច្ចការអភិវឌ្ឍន៏មាតុភូមិខ្លួនឲ្យ
មានការរីកចំរើននោះទេ។
គណបក្សប្រឆាំងទាំងនេះសម្បូរទៅដោយមនុស្សចេះដឹង តែពោរពេញដោយចំណេះចេះតែក្នុងក្បួន ដែលប្រកបដោយភាពមិន សាច់ ការ និយាយរូមសុទ្ធតែ តែជាមនុស្សពោរពេញទៅដោយភាពអាចម៏ការ ចោលម្សឿត រកលេខដាក់គ្មាន។
ចំពោះការឃោសនានយោបាយរបស់មន្ត្រីចោលម្សៀតអតីតគណបក្សសង្គ្រោះជាតិទាំងពីរនេះតែងតែយក
ស្ទីលតាមនយោបាយភូតកុហកបោកប្រាស់ធ្វើប្រជាភិថុតដូចពួកខ្មែរក្រហម ដែលធ្លាប់លើក យក មកនិយាយបោកប្រាស់ប្រជាពលរដ្ឋខែ្មរដើម្បីទាញយកកម្លាំងវាយផ្តួលរំលំរបបសាធារណះរដ្ឋខ្មែរ
របស់លន់ ណុល គឺដូចនោះមហាសែនដូច ហើយដែលត្រូវបានសាធារណមតិជាតិនិងអន្តរះជាតិ
សើចពេបជ្រាយ ថានេះបានហៅកំពូលល្ងង់ ។
ទិដ្ឋភាពនៃការឃោសនារបស់ពួកក្រុមមន្ត្រី សមរង្សីក្តី ក៏ដូចជាក្រុមមន្ត្រីក្នុងគណះសិទ្ធិមនុស្សរបស់អាយ៉ងគោ១០០ កឹម សុខាក្តី អត់អីប្លែកពីពួកខ្មែរក្រហមប្រល័យពូជសាសន៏ឯងនោះទេ។
ពួកនេះតែងតែងស្រែកបំប៉ោងជាមួយសកម្មភាពញុះញ៉ង់ថាកម្ពុជាជាប្រទេសដែលគ្មាននិតិរដ្ឋពិតប្រាកដ គ្មានសិទ្ធសេរីភាព មានទុក្ខវេទនា មានកំរិតជីវភាពដុនដាប រស់នៅគ្មានការអភិវឌ្ឍ
ហើយត្រូវតែជួយសង្គ្រោះ ជួយស្រោចស្រង់ ។ ( សង្គ្រោះ , ស្រោចស្រង់ស្អីគេ ? )
ក្នុងបរិបទនេះ បើមើលស្ថានភាពប្រជាជនពិតជាក់ស្តែងនាពេលបច្ចុប្បន្ន យើងច្បាស់ជាឃើញថាពិតជាមានខុសគ្នាដាច់ស្រឡះកាលពីរបបគ្រប់គ្រងសង្គមនានាកន្លង មក ។ ការដឹកនាំប្រកបដោយចក្ខុវិស័យវែងឆ្ងាយរបស់សម្តេចអគ្គមហាសេនាបតីតេជោហ៊ុន សែន បានធ្វើអោយទាំង វិស័យការពារជាតិ នយោបាយ សេដ្ខកិច្ច សង្គមកិច្ច វប្បធម៏ សុខុមាលភាពសង្គម មានការអភិវឌ្ឍ និងរីកចម្រើនឡើងគួរជាទីមោទនៈ ។ នេះមកពីរាជរដ្ឋាភិបាលកម្ពុជារក្សាបាននូវស្ថេរភាពនយោបាយ ស្ថិរភាពសង្គម ស្ថិរភាពម៉ាក្រូសេដ្ឋកិច្ច
ស្ថិរភាពហិរញ្ញវត្ថុ ការពារបានយ៉ាងរឹងមាំនូវសន្តិសុខ
ស្ថេរភាពសង្គម និងបន្តការអនុវត្តន៏យុទ្ធសាស្ត្រចតុកោណ របស់រាជរដ្ឋាភិបាល ដែលមានយុទ្ធសាស្ត្រ
បន្តការគ្រប់គ្រងសេដ្ឋកិច្ចនិងកំណើនដ៏រឹងមាំ ដោយចាត់ទុកថាមពលបណ្តារហេដ្ឋារចនាសម្ព័ន្ធនានាពិសេសវិស័យកសិកម្មដែលមានតួនាទីស្នូល ក្នុងការជំរុញសេដ្ឋកិច្ចជាតិ ។
ពិតណាស់តាមស្ថានភាពពិតនៅព្រះរាជាណាចក្រកម្ពុជា ប្រជាជនកម្ពុជាគ្រប់រូបពិតជាបានរស់នៅ
ដោយមានសិទ្ធិសេរីភាព ទាំងសិទ្ធិនយោបាយ សិទ្ធិសេដ្ឋកិច្ច សង្គម និងវប្បធម៏ ហើយប្រជាពលរដ្ឋ
ទាំងអស់ក៏មានសិទ្ធស្មើគ្នាចំពោះមុខច្បាប់ផងដែរ ។ ប្រជាពលរដ្ឋទាំងអស់ជាម្ចាស់លើជោគវាសនា
របស់ខ្លួន ហើយដែលទាំងអស់គ្នាក៏កំពុងទទួលបានផ្លែផ្កាពីកិច្ចខិតខំប្រឹងប្រែងដឹកនាំ របស់
រាជរដ្ឋាភិបាលកម្ពុជា ដែលមានសម្តេចតេជោហ៊ុន សែនជាប្រមុខដឹកនាំ ក្នុងការកសាង និង
អភិវឌ្ឍន៏ប្រទេស ដែលពិតជាបានផ្តល់ឱកាស អោយប្រជាពលរដ្ឋគ្រប់រូប អាចមានលទ្ធភាព
កសាង និងអភិវឌ្ឍន៏ជីវភាព និងសមត្ថភាពខ្លួនឯង ក្រុមគ្រួសារ សមាគម និងសហគមន៏របស់
ខ្លួនឱ្យរីកចម្រើនលូតលាស់ធូធារ ទៅតាមការខិតខំរបស់ម្នាក់ៗ និងគ្រួសារនិមួយៗ ។
និយាយដោយមោទនៈ កម្ពុជាត្រូវបានគ្រប់គ្រងដោយស្ថាប័នធម្មនុញ្ញដែលកំពុងដំណើរការជាប្រក្រតី តាមច្បាប់រដ្ឋធម្មនុញ្ញរបស់ប្រទេស ដូចជាស្ថាប័នព្រះមហាក្សត្រ ស្ថាប័នព្រឹទ្ធសភា រដ្ឋសភា ក្រុមប្រឹក្សាធម្មនុញ្ញ ឧត្តមក្រុមប្រឹក្សានៃអង្គចៅក្រម ស្ថាប័នតុលាការ ស្ថាប័នរាជរដ្ឋាភិបាលនិងស្ថាប័នដ៏ទៃទៀតដូចជាអាជ្ញាធរជាតិសវនកម្មនិង គណះកម្មារធិការជាតិរៀបចំការបោះឆ្នោតជាដើម។នៅកម្ពុជា មានសង្គមស៊ីវិលជាង៣ពាន់ កំពុងតែដំណើការការងារយ៉ាងសកម្មនិងរីកដុះដាលដូចផ្សិត រហូតមជ្ឈដ្ឋានអន្តរជាតិឲ្យតម្លៃថា
ប្រទេសកម្ពុជាជាស្ថានសួគ៍លោកីយ៏នៃសង្គមស៊ីវិល ហើយដែលមានមួយចំនួនតូចប្រព្រឹត្តសកម្មភាព
របស់ខ្លួនពេញដោយភាពអាណាធិបតេយ្យ អត់គោរពច្បាប់ទម្លាប់ ពិសេសគឺពួកសង្គមស៊ីវិល
ដែលមាន និន្នាការគាំទ្រគណបក្សប្រឆាំង ដ៏មហាចោលម្សៀតទៀតផង។
ពិតជាមានទិដ្ឋភាពដ៏សែនអៀនខ្មាស់ដែលបង្កឡើងដោយក្រុមប្រតិកិរិយាទាំងនេះច្រើន
ណាស់ច្រើនគឺច្រើនរាប់មិនអស់ ដូចជាថានាយករដ្ឋមន្ត្រីកម្ពុជាបានចាត់ទុកពលរដ្ឋ និងប្រទេសខ្មែរទាំងមូលជាកម្មសិទ្ធិរបស់ ខ្លួន ,សម្តេចហ៊ុន សែនជា មនុស្សតែម្នាក់គត់ ក្នុងការដកហូត
ដីធ្លីពីប្រជាពលរដ្ឋខ្មែរទៅឲ្យក្រុមហ៊ុនបរទេសធំៗពិសេសក្រុមហ៊ុនមកពីប្រទេសចិន យួនដែលធ្វើឲ្យកម្ពុជាប្រឈមនឹងគ្រោះធំចំពោះនយោបាយលេបទឹកដីរបស់ចិន យួនជាដើម។ល។ហើយដែលបើការឃោសនាញុះញង់អកុសលបែបនេះធ្វើឡើងនៅប្រទេសដែលពួកនេះតែងលើកសរសើរថាជាបិតាប្រជាធិបតេយ្យវិញនោះ តាមរយះ សកម្មភាពល្មើសច្បាប់ដែលពួកអគតិទាំងនេះបានប្រពឹត្តនោះ ពួកនេះនិងជាប់គុកអត់ថ្ងៃចេញនោះទេ ៕
escape to the safe place waiting the time come . nothing can change till those day come . please aware of your enemy they are trying so many deference trick. sorry we should not use the word enemy this word Cambodian should not use among their nation. BUT”” sorry this word is suitable to use in HUN SEN regime right now . HUN SEN is an evil that trying to eliminated his own nation for the sake of his own dictatorship.