ដោយ វ៉ែន សុមេធ
2019-09-26
RFA
សិស្សចេញពីប្រឡងបាក់ឌុប នៅសាលាបឋមសិក្សាសន្ធរម៉ុក រាជធានីភ្នំពេញ កាលពីថ្ងៃទី២០ ខែសីហា ឆ្នាំ២០១៩។ រូប៖ RFA
ក្រុមអង្គការសង្គមស៊ីវិលស្នើឱ្យក្រសួងអប់រំពង្រឹងគុណភាពអប់រំនៅតាមទីជនបទបន្ថែមទៀត បន្ទាប់ពីពិនិត្យឃើញថា សិស្សដែលទទួលបាននិទ្ទេសល្អបំផុត ភាគច្រើនជាអ្នករស់នៅទីក្រុង ឬទីប្រជុំជន។ ក្រសួងអប់រំថា ក្រសួងកំពុងប្រឹងប្រែងដោះស្រាយបញ្ហានេះ។
សមាគមគ្រូបង្រៀនកម្ពុជាឯករាជ្យ កត់សម្គាល់ថា សិស្សានុសិស្សនៅតាមទីជនបទ និងតំបន់ដាច់ស្រយាលមិនងាយនឹងទទួលបាននិទ្ទេសល្អបំផុតឡើយ ដោយសារពួកគេត្រូវជួយធ្វើការឪពុកម្តាយដែលមានជីវភាពក្រីក្រ។
ប្រធានសមាគមគ្រូបង្រៀនកម្ពុជាឯករាជ្យ អ្នកស្រី អ៊ុក ឆាយ៉ាវី ឲ្យដឹងថា សិស្សនៅជនបទ មិនសូវទទួលបានការអប់រំមានគុណភាពល្អដែរ ដោយសារគ្រូដែលមានចំណេះដឹងខ្ពស់ និងវិធីសាស្ត្របង្រៀនល្អៗ ច្រើនតែផ្លាស់ពីជនបទទៅប្រមូលផ្តុំគ្នានៅតាមទីក្រុង ឬទីប្រជុំជន។ អ្នកស្រីស្នើឱ្យក្រសួងពង្រឹងគុណភាពអប់រំនៅតាមទីជនបទ និងតំបន់ដាច់ស្រយាលឱ្យបានល្អជាងពេលបច្ចុប្បន្ន៖ «ក្រសួងតែងតែយកចិត្តទុកដាក់បំផុត គឺនៅទីប្រជុំជន។ នៅតាមជនបទ យើងឃើញហើយថា ជីវភាពរបស់ឪពុកម្ដាយសិស្សានុសិស្សទាំងអស់ គាត់មានភាពខ្វះខាតផង ទីមួយ។ ទីពីរ គ្រូតែងតែផ្លាស់មកកកកុញនៅទីរួមខេត្ត ឬក៏ដូចជានៅទីក្រុងភ្នំពេញអ៊ីចឹង»។
ប្រតិកម្មរបស់មន្ត្រីអង្គការសង្គមស៊ីវិលរូបនេះ ធ្វើឡើងបន្ទាប់ពីលទ្ធផលប្រឡងបាក់ឌុបកាលពីពេលថ្មីៗនេះបង្ហាញថា សិស្សជាប់និទ្ទេស A នៅឆ្នាំ២០១៩ នេះ មានចំនួន ៤៤៣នាក់ ក្នុងនោះ ១៤១នាក់ ជាសិស្សនៅរាជធានីភ្នំពេញ។ បណ្ដាខេត្តដែលនៅជិតរាជធានី និងនៅជុំវិញបឹងទន្លេសាបក៏ទទួលបាននិទ្ទេស A គ្រាន់បើដែរ ក៏ប៉ុន្តែខេត្តដែលនៅឆ្ងាយៗ ដូចជា ខេត្តរតនគិរី មណ្ឌលគិរី កោះកុង និងឧត្តរមានជ័យ ទទួលបាននិទ្ទេសនេះតិចតួចបំផុត។ ដោយឡែក ខេត្ត៤ ផ្សេងទៀត គឺខេត្តព្រះវិហារ ស្ទឹងត្រែង ប៉ៃលិន និងខេត្តកែប មិនមានសិស្សជាប់និទ្ទេសល្អបំផុតនេះឡើយ។
អ្នកនាំពាក្យក្រសួងអប់រំ យុវជន និងកីឡា លោក រស់ សុវាចា បកស្រាយថា មានហេតុផលជាច្រើនដែលមានឥទ្ធិពលលើគុណភាពអប់រំ ដូចជា កត្តាប្រវត្តិសាស្ត្រ ភូមិសាស្ត្រ និងវប្បធម៌ជាដើម។ លោកបញ្ជាក់ថា ក្រសួងកំពុងខិតខំពង្រឹងគុណភាពអប់រំនៅគ្រប់ទីកន្លែងក្នុងប្រទេស តាមរយៈការដាក់ចេញនូវផែនការសកម្មភាព និងយន្តការផ្សេងៗ។ ទោះជាយ៉ាងណា លោកថា ក្រសួងស្វាគមន៍រាល់មតិរិះគន់ និងបន្តកិច្ចសហការជាមួយគ្រប់ភាគីពាក់ព័ន្ធ ដើម្បីលើកកម្ពស់គុណភាពអប់រំឱ្យកាន់តែប្រសើរ៖ «យើងសង្កេតឃើញថា លទ្ធផលដែលបានកើតចេញនៅតាមគ្រប់រាជធានីខេត្តទាំង២៥ នេះ គឺសបញ្ជាក់ឱ្យឃើញពីកិច្ចខិតខំប្រឹងប្រែងច្រើន នៅក្នុងនោះមានកម្រិតបុគ្គល សិស្ស បេក្ខជនប្រឡងផ្ទាល់ ក៏ដូចជា គ្រួសារដែលមានការចូលរួមតាមកម្រិតរៀងៗ ខ្លួន»។
ប្រធានអង្គការសម្ពន្ធគណនេយ្យភាពសង្គមកម្ពុជា លោក សន ជ័យ ទទួលស្គាល់ថា លទ្ធផលប្រឡងមធ្យមសិក្សាទុតិយភូមិ ឬបាក់ឌុប ដែលមានអត្រាសិស្សជាប់កើនឡើងពីមួយឆ្នាំទៅមួយឆ្នាំ ជាពិសេសសិស្សដែលទទួលបាននិទ្ទេសល្អបំផុតនោះ បង្ហាញពីការរីកចម្រើននៃកំណែទម្រង់របស់ក្រសួងអប់រំ។ ក៏ប៉ុន្តែ លោកថា ក្រសួងអប់រំត្រូវប្រឹងប្រែងបន្ថែមទៀត ចំពោះការធ្វើឱ្យមានសមភាពរវាងគុណភាពអប់រំនៅតាមតំបន់ជនបទ និងនៅទីប្រជុំជន៖ «យើងចង់ឱ្យមានការគិតគូរផ្ដោតជាយុទ្ធសាស្ត្រ ធ្វើម៉េចដើម្បីផ្ដល់ឱកាសឱ្យមានការរៀនសូត្ររវាងសិស្សនៅទីប្រជុំជន សិស្សនៅរាជធានី ហើយនិងសិស្សនៅតាមបណ្ដាខេត្តហ្នឹងឱ្យមានលក្ខណៈប្រហាក់ប្រហែលគ្នា»។
ទាក់ទងនឹងវិស័យអប់រំនេះដែរ សមាគមគ្រូបង្រៀនកម្ពុជាឯករាជ្យនឹងប្រារព្ធទិវាគ្រូបង្រៀនពិភពលោក ក្រោមប្រធានបទ “លើកកម្ពស់សិទ្ធិគ្រូបង្រៀន” នៅទីលានប្រជាធិបតេយ្យ នាថ្ងៃទី៥ ខែតុលាខាងមុខ។ ក្នុងឱកាសនោះ សមាគមនឹងស្នើដល់របបក្រុងភ្នំពេញឱ្យដំឡើងប្រាក់ខែគោលអប្បបរមាជូនគ្រូបង្រៀនចំនួន ២លានរៀលក្នុងមួយខែ និងប្រាក់ឧបត្ថម្ភបុណ្យជាតិនីមួយៗ ចំនួន២០ម៉ឺនរៀល និងស្នើឱ្យរបបនេះដាក់ចេញវិធានការទប់ស្កាត់ និងស៊ើបអង្កេតករណីពុករលួយក្នុងស្ថាប័នអប់រំនៅគ្រប់កម្រិត។ បន្ថែមពីលើនេះ សមាគមគ្រូបង្រៀនកម្ពុជាឯករាជ្យអំពាវនាវដល់របបក្រុងភ្នំពេញឱ្យផ្ដល់សៀវភៅសិក្សា និងសម្ភារៈចាំបាច់ផ្សេងៗ សម្រាប់ការរៀន និងបង្រៀនដល់សាលានីមួយៗ ឱ្យបានគ្រប់គ្រាន់ ព្រមទាំងកំណត់ចំនួនសិស្សអតិបរមាត្រឹម ៤០នាក់ ក្នុងមួយបន្ទប់ផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អតីតបក្សប្រឆាំងសង្គ្រោះជាតិ
សម្បូរសុទ្ធតែមន្ត្រីល្ងង់ខ្លៅ និង ចោលម្សៀត
*******
និយាយអោយត្រង់ទៅចុះ ពួកមន្ត្រីល្ងង់ខ្លៅចោលម្សៀតគណបក្សសមរង្សីនិងមន្ត្រីគណបក្សសិទ្ធិមនុស្សរបស់អាយ៉ងគោ១០០កឹមសុខាដែល រួមគ្នាក្លាយទៅជាខ្មោចអតីតបក្សសង្គ្រោះជាតិ គ្មានការយល់ដឹងច្រើនឡើយពីនយោបាយជាតិ ពីច្បាប់ទម្លាប់ស្រុកទេសនិមួយៗដែល គេធ្វើសំរាប់កិច្ចការអភិវឌ្ឍន៏មាតុភូមិខ្លួនឲ្យ
មានការរីកចំរើននោះទេ។
គណបក្សប្រឆាំងទាំងនេះសម្បូរទៅដោយមនុស្សចេះដឹង តែពោរពេញដោយចំណេះចេះតែក្នុងក្បួន ដែលប្រកបដោយភាពមិន សាច់ ការ និយាយរូមសុទ្ធតែ តែជាមនុស្សពោរពេញទៅដោយភាពអាចម៏ការ ចោលម្សឿត រកលេខដាក់គ្មាន។
ចំពោះការឃោសនានយោបាយរបស់មន្ត្រីចោលម្សៀតអតីតគណបក្សសង្គ្រោះជាតិទាំងពីរនេះតែងតែយក
ស្ទីលតាមនយោបាយភូតកុហកបោកប្រាស់ធ្វើប្រជាភិថុតដូចពួកខ្មែរក្រហម ដែលធ្លាប់លើក យក មកនិយាយបោកប្រាស់ប្រជាពលរដ្ឋខែ្មរដើម្បីទាញយកកម្លាំងវាយផ្តួលរំលំរបបសាធារណះរដ្ឋខ្មែរ
របស់លន់ ណុល គឺដូចនោះមហាសែនដូច ហើយដែលត្រូវបានសាធារណមតិជាតិនិងអន្តរះជាតិ
សើចពេបជ្រាយ ថានេះបានហៅកំពូលល្ងង់ ។
ទិដ្ឋភាពនៃការឃោសនារបស់ពួកក្រុមមន្ត្រី សមរង្សីក្តី ក៏ដូចជាក្រុមមន្ត្រីក្នុងគណះសិទ្ធិមនុស្សរបស់អាយ៉ងគោ១០០ កឹម សុខាក្តី អត់អីប្លែកពីពួកខ្មែរក្រហមប្រល័យពូជសាសន៏ឯងនោះទេ។
ពួកនេះតែងតែងស្រែកបំប៉ោងជាមួយសកម្មភាពញុះញ៉ង់ថាកម្ពុជាជាប្រទេសដែលគ្មាននិតិរដ្ឋពិតប្រាកដ គ្មានសិទ្ធសេរីភាព មានទុក្ខវេទនា មានកំរិតជីវភាពដុនដាប រស់នៅគ្មានការអភិវឌ្ឍ
ហើយត្រូវតែជួយសង្គ្រោះ ជួយស្រោចស្រង់ ។ ( សង្គ្រោះ , ស្រោចស្រង់ស្អីគេ ? )
ក្នុងបរិបទនេះ បើមើលស្ថានភាពប្រជាជនពិតជាក់ស្តែងនាពេលបច្ចុប្បន្ន យើងច្បាស់ជាឃើញថាពិតជាមានខុសគ្នាដាច់ស្រឡះកាលពីរបបគ្រប់គ្រងសង្គមនានាកន្លង មក ។ ការដឹកនាំប្រកបដោយចក្ខុវិស័យវែងឆ្ងាយរបស់សម្តេចអគ្គមហាសេនាបតីតេជោហ៊ុន សែន បានធ្វើអោយទាំង វិស័យការពារជាតិ នយោបាយ សេដ្ខកិច្ច សង្គមកិច្ច វប្បធម៏ សុខុមាលភាពសង្គម មានការអភិវឌ្ឍ និងរីកចម្រើនឡើងគួរជាទីមោទនៈ ។ នេះមកពីរាជរដ្ឋាភិបាលកម្ពុជារក្សាបាននូវស្ថេរភាពនយោបាយ ស្ថិរភាពសង្គម ស្ថិរភាពម៉ាក្រូសេដ្ឋកិច្ច
ស្ថិរភាពហិរញ្ញវត្ថុ ការពារបានយ៉ាងរឹងមាំនូវសន្តិសុខ
ស្ថេរភាពសង្គម និងបន្តការអនុវត្តន៏យុទ្ធសាស្ត្រចតុកោណ របស់រាជរដ្ឋាភិបាល ដែលមានយុទ្ធសាស្ត្រ
បន្តការគ្រប់គ្រងសេដ្ឋកិច្ចនិងកំណើនដ៏រឹងមាំ ដោយចាត់ទុកថាមពលបណ្តារហេដ្ឋារចនាសម្ព័ន្ធនានាពិសេសវិស័យកសិកម្មដែលមានតួនាទីស្នូល ក្នុងការជំរុញសេដ្ឋកិច្ចជាតិ ។
ពិតណាស់តាមស្ថានភាពពិតនៅព្រះរាជាណាចក្រកម្ពុជា ប្រជាជនកម្ពុជាគ្រប់រូបពិតជាបានរស់នៅ
ដោយមានសិទ្ធិសេរីភាព ទាំងសិទ្ធិនយោបាយ សិទ្ធិសេដ្ឋកិច្ច សង្គម និងវប្បធម៏ ហើយប្រជាពលរដ្ឋ
ទាំងអស់ក៏មានសិទ្ធស្មើគ្នាចំពោះមុខច្បាប់ផងដែរ ។ ប្រជាពលរដ្ឋទាំងអស់ជាម្ចាស់លើជោគវាសនា
របស់ខ្លួន ហើយដែលទាំងអស់គ្នាក៏កំពុងទទួលបានផ្លែផ្កាពីកិច្ចខិតខំប្រឹងប្រែងដឹកនាំ របស់
រាជរដ្ឋាភិបាលកម្ពុជា ដែលមានសម្តេចតេជោហ៊ុន សែនជាប្រមុខដឹកនាំ ក្នុងការកសាង និង
អភិវឌ្ឍន៏ប្រទេស ដែលពិតជាបានផ្តល់ឱកាស អោយប្រជាពលរដ្ឋគ្រប់រូប អាចមានលទ្ធភាព
កសាង និងអភិវឌ្ឍន៏ជីវភាព និងសមត្ថភាពខ្លួនឯង ក្រុមគ្រួសារ សមាគម និងសហគមន៏របស់
ខ្លួនឱ្យរីកចម្រើនលូតលាស់ធូធារ ទៅតាមការខិតខំរបស់ម្នាក់ៗ និងគ្រួសារនិមួយៗ ។
និយាយដោយមោទនៈ កម្ពុជាត្រូវបានគ្រប់គ្រងដោយស្ថាប័នធម្មនុញ្ញដែលកំពុងដំណើរការជាប្រក្រតី តាមច្បាប់រដ្ឋធម្មនុញ្ញរបស់ប្រទេស ដូចជាស្ថាប័នព្រះមហាក្សត្រ ស្ថាប័នព្រឹទ្ធសភា រដ្ឋសភា ក្រុមប្រឹក្សាធម្មនុញ្ញ ឧត្តមក្រុមប្រឹក្សានៃអង្គចៅក្រម ស្ថាប័នតុលាការ ស្ថាប័នរាជរដ្ឋាភិបាលនិងស្ថាប័នដ៏ទៃទៀតដូចជាអាជ្ញាធរជាតិសវនកម្មនិង គណះកម្មារធិការជាតិរៀបចំការបោះឆ្នោតជាដើម។នៅកម្ពុជា មានសង្គមស៊ីវិលជាង៣ពាន់ កំពុងតែដំណើការការងារយ៉ាងសកម្មនិងរីកដុះដាលដូចផ្សិត រហូតមជ្ឈដ្ឋានអន្តរជាតិឲ្យតម្លៃថា
ប្រទេសកម្ពុជាជាស្ថានសួគ៍លោកីយ៏នៃសង្គមស៊ីវិល ហើយដែលមានមួយចំនួនតូចប្រព្រឹត្តសកម្មភាព
របស់ខ្លួនពេញដោយភាពអាណាធិបតេយ្យ អត់គោរពច្បាប់ទម្លាប់ ពិសេសគឺពួកសង្គមស៊ីវិល
ដែលមាន និន្នាការគាំទ្រគណបក្សប្រឆាំង ដ៏មហាចោលម្សៀតទៀតផង។
ពិតជាមានទិដ្ឋភាពដ៏សែនអៀនខ្មាស់ដែលបង្កឡើងដោយក្រុមប្រតិកិរិយាទាំងនេះច្រើន
ណាស់ច្រើនគឺច្រើនរាប់មិនអស់ ដូចជាថានាយករដ្ឋមន្ត្រីកម្ពុជាបានចាត់ទុកពលរដ្ឋ និងប្រទេសខ្មែរទាំងមូលជាកម្មសិទ្ធិរបស់ ខ្លួន ,សម្តេចហ៊ុន សែនជា មនុស្សតែម្នាក់គត់ ក្នុងការដកហូត
ដីធ្លីពីប្រជាពលរដ្ឋខ្មែរទៅឲ្យក្រុមហ៊ុនបរទេសធំៗពិសេសក្រុមហ៊ុនមកពីប្រទេសចិន យួនដែលធ្វើឲ្យកម្ពុជាប្រឈមនឹងគ្រោះធំចំពោះនយោបាយលេបទឹកដីរបស់ចិន យួនជាដើម។ល។ហើយដែលបើការឃោសនាញុះញង់អកុសលបែបនេះធ្វើឡើងនៅប្រទេសដែលពួកនេះតែងលើកសរសើរថាជាបិតាប្រជាធិបតេយ្យវិញនោះ តាមរយះ សកម្មភាពល្មើសច្បាប់ដែលពួកអគតិទាំងនេះបានប្រពឹត្តនោះ ពួកនេះនិងជាប់គុកអត់ថ្ងៃចេញនោះទេ ៕