ដោយ សុជីវី
2020-05-12
RFA
លោក ម៉ន ផល្លា ប្រធានគណបក្សសង្គ្រោះជាតិរាជធានីភ្នំពេញ
រូប៖ ហ្វេសប៊ុកលោក ម៉ន ផល្លា
ប្រធានគណបក្សសង្គ្រោះជាតិរាជធានីភ្នំពេញ ថ្កោលទោសការលបវាយប្រហារ អ្នកគាំទ្រម្នាក់ កញ្ញា អៀង ម៉ារីណា ហៅ ស្រីមាស របួសក្បាល កាលពីថ្ងៃទី១១ ឧសភា។ សង្គមស៊ីវិល ជំរុញឲ្យអាជ្ញាធរស្វែងរកជនដៃដល់ យកមកផ្ដន្ទាទោសតាមច្បាប់ឲ្យខាងតែបាន បើពុំនោះទេ ករណីហិង្សាជាបន្តបន្ទាប់បែបនេះ នឹងរងការរិះគន់ថា មានការរៀបចំឡើងជាប្រព័ន្ធ ដើម្បីធ្វើទុក្ខបុកម្នេញ សកម្មជនបក្សប្រឆាំង។
ប្រធានគណបក្សសង្គ្រោះជាតិរាជធានីភ្នំពេញ លោក ម៉ន ផល្លា ចាត់ទុកការបន្តធ្វើបាប វាយប្រហារលើសមាជិក និងអ្នកគាំទ្របក្សប្រឆាំង នៅភ្នំពេញជាបន្តបន្ទាប់ ជាទង្វើបំបាក់ស្មារតីបក្សប្រឆាំង។ លោក ចោទថា របបក្រុងភ្នំពេញ ជាអ្នក បើកដៃឲ្យមានការវាយប្រហារលើអ្នកគាំទ្របក្សប្រឆាំង កញ្ញាស្រីមាស និងសកម្មជនបក្សប្រឆាំងផ្សេងទៀត ទើបមិនអាចស្វែងរកជនដៃដល់ឃើញ៖ «អត់មានអ្វីចម្លែកទេ ខ្ញុំយល់ឃើញថា នេះគឺជាការរៀបចំមួយ ដែលអាជ្ញាធរនៃរបបក្រុងភ្នំពេញ តែងតែធ្វើអំពើហិង្សាមកលើសកម្មជនគណបក្សសង្គ្រោះជាតិ និងអ្នកគាំទ្រ ដើម្បីបំបាក់ស្មារតី ដែលពួកគាត់ហ៊ាននិយាយ ហ៊ានសម្ដែងការពិត បញ្ហាកើតឡើងនៅក្នុងសង្គម»។
ជនមិនស្គាល់មុខ បានលបលួចវាយ យុវតី ជាអ្នកគាំទ្រគណបក្សសង្គ្រោះជាតិ ឈ្មោះ អៀង ម៉ារីណា ហៅក្រៅថា ស្រីមាស នៅល្ងាចថ្ងៃ ទី១១ ខែឧសភា ឲ្យរងរបួសក្បាល នៅម្ដុំផ្ទះជួលរបស់នាងម្ដុំផ្សារសំណង់១២ ខណ្ឌទួលគោក។
កញ្ញា ប្រាប់អាស៊ីសេរីថា នាងសង្ស័យការប៉ុនប៉ងធ្វើបាបរូបនាង ដោយសារ កញ្ញាហ៊ានចេញវីដេអូរិះគន់ ការដឹកនាំរបស់លោកនាយករដ្ឋមន្ត្រី ហ៊ុន សែន តាមគណនីហ្វេសប៊ុក (facebook) របស់នាង ដែលមានឈ្មោះថា ណាណា (Na Na)។ នាង ប្រាប់ថា នៅក្រោយពេលនាងបង្ហោះវីដេអូខ្លីៗ ទាំងនោះ តែងមានគណនីហ្វេសប៊ុកមួយចំនួន គឺមានទាំងជនស៊ីវិល ប៉ូលិស និងប៉េអិមផងគំរាមធ្វើបាបនាង ឬចាប់ខ្លួននាង។ កញ្ញា ឲ្យដឹងថា អ្នកដែលលួចវាយនាងនោះ ជាមនុស្សប្រុស ប៉ុន្តែមិនអាចមើលមុខឃើញទេ ដោយសារបុរសនោះ ពាក់មួកការពារសុវត្ថិភាព ហើយមានពាក់ម៉ាស់ថែមទៀត៖ «ដំបូងវាវាយខ្ញុំម៉ាដុំថ្មម៉ាប ខ្ញុំវិលមុខរកដួល ហើយវាយម៉ាដុំថ្មទៀត ហើយវាចង្អុលមុខខ្ញុំគំរាមអោយប្រយ័ត្នខ្លួន។ ខ្ញុំអត់ដឹងថា ពីណាគេឱ្យប្រាកដទេ។ ពេលហ្នុងខ្ញុំទៅផ្សាររកទិញម្ហូប។ ម្ដុំផ្ទះខ្ញុំហ្នឹង គឺស្ងាត់ខ្លាំងមិនថា ថ្ងៃមិនថាយប់»។
បើទោះរងរបួសក្បាល ប៉ុន្តែស្រីមាស ប្រាប់ថា មិនហ៊ានប្ដឹងទៅអាជ្ញាធរទេ ព្រោះនាងខ្លាចត្រូវអាជ្ញាធរចាប់ខ្លួន ដ្បិតនាងធ្លាប់ត្រូវអាជ្ញាធរឃាត់ខ្លួនសាកសួរម្ដងរួចហើយ កាលពីពេលថ្មីៗនេះ។ តែយ៉ាងណា កញ្ញានឹងមិនបញ្ឈប់ការបញ្ចេញមតិ តាមបណ្ដាញសង្គមហ្វេសប៊ុកទេ ដ្បិតនាងចង់បានអ្នកដឹកនាំប្រទេស តាមបែបប្រជាធិបតេយ្យពិតប្រាកដ។
អាស៊ីសេរី មិនអាចសុំការបញ្ជាក់ពីអ្នកនាំពាក្យអគ្គស្នងការនគរបាលជាតិ លោក ឆាយ គឹមខឿន និងអ្នកនាំពាក្យរដ្ឋាភិបាល លោក ផៃ ស៊ីផាន បានទេ នៅថ្ងៃទី១២ ឧសភា។ តែ លោក ឆាយ គឹមខឿន ធ្លាប់លើកឡើងថា សំណុំរឿងវាយអតីតសកម្មជនបក្សប្រឆាំងកន្លងមក កំពុងស្ថិតក្នុងនីតិវិធីស្រាវជ្រាវរបស់សមត្ថកិច្ច និងមិនពាក់ព័ន្ធនឹងរឿងនយោបាយនោះទេ។
អ្នកនាំពាក្យសមាគមអាដហុក លោក ស៊ឹង សែនករុណា មានប្រសាសន៍ថា អាជ្ញាធរមានសមត្ថកិច្ច ត្រូវចាត់វិធានការតាមច្បាប់ តាមចាប់ជនដៃដល់ឲ្យបាន ដើម្បីឲ្យពលរដ្ឋទំនុកចិត្តលើការអនុវត្តន៍ច្បាប់ កុំឲ្យរងការរិះគន់ជាបន្តថា មានការរើសអើងនិន្នាការនយោបាយ និងការអនុវត្តន៍ច្បាប់មានស្តង់ដារ២ ជាដើម។
សកម្មជន និងអ្នកគាំទ្របក្សប្រឆាំងនៅរាជធានីភ្នំពេញចំនួន ១៦នាក់ហើយ ត្រូវជនមិនស្គាល់មុខលួចវាយអោយរងរបួស ភាគច្រើន គឺបែកក្បាល និងបាក់ដៃ។ ប៉ុន្តែ អាជ្ញាធរ មិនដែលរកឃើញ ជនដៃដល់ណាម្នាក់ទេ៕
យុវតី អៀង ម៉ារីណា ហៅក្រៅថា ស្រីមាស អ្នកគាំទ្រគណបក្សសង្គ្រោះជាតិម្នាក់ត្រូវជនមិនស្គាល់មុខវាយរបួសក្បាល នៅល្ងាចថ្ងៃទី១១ ខែឧសភា ឆ្នាំ២០២០។ រូប៖ ហ្វេសប៊ុក Vibol Mao
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ឯកអគ្គរដ្ឋទូតអាល្លឺម៉ង់ថា ជំនួបរវាងលោក កឹម សុខ និងលោក ហ៊ុន សែន ជារឿងវិជ្ជមាន
- យុវតីអ្នកគាំទ្រគណបក្សសង្គ្រោះជាតិម្នាក់ត្រូវជនមិនស្គាល់មុខលួចវាយរបួសក្បាល
- អ្នកវិភាគនយោបាយ ថា គណបក្សសង្គ្រោះជាតិ ត្រូវពង្រឹងស្មារតីបង្រួបបង្រួមជាតិដើម្បីបង្កើតសម្ពន្ធភាពថ្មី
- តើជំនួបលោក ហ៊ុន សែន និង កឹម សុខា អាចឈានទៅបញ្ចប់វិបត្តិនយោបាយវិញឬយ៉ាងណា?
- អ្នកវិភាគមើលឃើញថាជំនួបរវាងលោក កឹម សុខា និងលោក ហ៊ុន សែន ជាសញ្ញាណវិជ្ជមានសម្រាប់នយោបាយនៅកម្ពុជា
- មេបក្សខ្មែរក្រោក គ្មានប្រតិកម្មចំពោះការដកមុខតំណែងពីឧត្ដមក្រុមប្រឹក្សាពិគ្រោះ និងផ្ដល់យោបល់ទេ
- លោក កឹម សុខា និងក្រុមមេធាវីរបស់លោក ទៅចូលរួមគោរពវិញ្ញាណក្ខន្ធម្ដាយក្មេកលោក ហ៊ុន សែន
- គ្រួសារ និងមេធាវី សង្ឃឹមថា សាលាឧទ្ធរណ៍ នឹងឲ្យសកម្មជនបក្សប្រឆាំង ៩នាក់នៅក្រៅឃុំតាមការស្នើសុំ
- មេបក្សប្រឆាំង ផ្ញើសារចូលរួមរំលែកទុក្ខសពម្ដាយក្មេកលោក ហ៊ុន សែន
- ក្រុមប្រឹក្សាឃ្លាំមើលកម្ពុជាអំពាវនាវឱ្យពលរដ្ឋចូលរួមការពាររឿងព្រំដែនកម្ពុជា និងវៀតណាម
This beast regime leaded by veitcong dogs groups never have justice for khmer people’
WELL … I can also seeing this best regime leaded by SO SOCHEATH boss never having justice
សាលាឧទ្ធរណ៍ នៅរសៀល ថ្ងៃទី១៣ ខែឧសភា ឆ្នាំ២០២០ បានសម្រេចច្រានចោលបណ្តឹងមេធាវីរបស់ កឹម សុខា ដែលជំទាស់ចំពោះ សេចក្តីសម្រេចរបស់សាលាដំបូងរាជធានីភ្នំពេញ ដែលទទួលយកភស្តុតាងបន្ថែម ដើម្បីដាក់បន្ទុកលើ កឹម សុខា នេះបើយោងតាមការបញ្ជាក់
របស់ឯ/ឧ គី តិច ប្រធានក្រុមមេធាវីរាជរដ្ឋាភិបាល ។
ឯ/ឧ គី តិច បានបញ្ជាក់បន្ថែមថា សភាព្រហ្មទណ្ឌនៃសាលាឧទ្ធរណ៍ បានចាត់ទុកថា បណ្តឹងឧទ្ធរណ៍របស់មេធាវី កឹម សុខា ធ្វើឡើងដោយមិនត្រឹមត្រូវតាមច្បាប់ ហើយសភាព្រហ្មទណ្ឌ មិនអាចទទួលយកបានឡើយ។ សាលដីកានេះបានជំនុំជម្រះជាសាធារណ: និងប្រកាសចំពោះមុខមេធាវីគូភាគី ខណៈជនជាប់ចោទ កឹម សុខា អវត្តមាន។ ទោះជាយ៉ាងនេះក្តី សាលាឧទ្ធរណ៍ បានបើកសិទ្ធិឱ្យក្រុមមេធាវីរបស់កឹម សុខា ប្តឹងសារទុក្ខផងដែរ។
សូមបញ្ជាក់ថា កឹម សុខា ធ្លាប់ត្រូវបានសមត្ថកិច្ចចាប់ខ្លួន កាលពីថ្ងៃទី៣ ខែកញ្ញា ឆ្នាំ២០១៧ ពាក់ព័ន្ធនឹងការប្រព្រឹត្តអំពើឃុបឃិតជាមួយបរទេស ដើម្បីផ្តួលរំលំរាជរដ្ឋាភិបាលស្របច្បាប់កម្ពុជា ហើយត្រូវបានឃុំខ្លួនក្នុងពន្ធនាគារត្រពាំងផ្លុង ខេត្តត្បូងឃ្មុំ រយៈពេលជាង១ឆ្នាំ ក្រោយបែកធ្លាយ
វីដេអូមួយ ដែលសារភាពថា បានអនុវត្តតាមការណែនាំពីបរទេសដើម្បីធ្វើការផ្លាស់ប្តូរប្រទេស
កម្ពុជា ដោយយកលំនាំតាមប្រទេសយូហ្គោស្លាវី និងស៊ែប៊ី។ ក្រោយមក កឹម សុខាត្រូវបានតុលាការដាក់ឱ្យស្ថិតនៅក្រោមការត្រួតពិនិត្យ ដោយមិនអនុញ្ញាតឱ្យជួបអតីតថ្នាក់ដឹកនាំ CNRP មិនឱ្យជួបជនបរទេស រួមទាំងមិនអាចចាកចេញពីព្រំដែនផ្លូវដែលតុលាការបានកំណត់។
ទោះជាយ៉ាងនេះក្តី កាលពីថ្ងៃទី១០ ខែវិច្ឆិកា ឆ្នាំ២០១៩ សាលាដំបូងរាជធានីភ្នំពេញ បានសម្រេចកែសម្រួលលក្ខខណ្ឌត្រួតពិនិត្យនេះឡើងវិញ ដោយហាមឃាត់សកម្មភាពមួយចំនួនប៉ុណ្ណោះ មានដូចជា៖ មិនឱ្យចេញក្រៅប្រទេស មិនឱ្យធ្វើសកម្មភាពនយោបាយ និងត្រូវឆ្លើយតបនឹងការកោះហៅពីគ្រប់សមត្ថកិច្ចផងដែរ។
កឹម សុខា ត្រូវបានតុលាការចោទប្រកាន់ពីបទ «សន្ទិដ្ឋិភាពជាមួយបរទេស»។ រហូតដល់ពេលនេះ លោកមិនទាន់បានរួចផុតពីការចោទប្រកាន់នៅឡើយទេ ដោយតុលាការកំពុងតែបន្តនីតិវិធីសវនាការ លើសំណុំរឿងរបស់លោកជាបន្តបន្ទាប់ ខណៈត្រូវផ្អាកមួយរយៈសិន រង់ចាំស្ថានភាពជំងឺកូវីដ១៩ បានធូរស្បើយ៕