ដោយ សេក បណ្ឌិត
2020-11-26
RFA
ស្ដាប់ ឬទាញយកសំឡេង
លោក ហ៊ុន សែន នៅក្នុងពិធីថ្លែងការណ៍ពិសេសដល់សារព័ត៌មាន និងឧត្ដមក្រុមប្រឹក្សាពិគ្រោះ និងផ្ដល់យោបល់ នៅថ្ងៃទី២៤ ខែកុម្ភៈ ឆ្នាំ២០២០។
រូប៖ ហ្វេសប៊ុកលោក ហ៊ុន សែន
មេដឹកនាំរបបក្រុងភ្នំពេញ លោក ហ៊ុន សែន អះអាងចំៗថា លោកនឹងការពារអំណាចគ្រួសារត្រកូលហ៊ុនមិនឲ្យមានអ្នកណាម្នាក់កម្ចាត់បាននោះទេ ទោះបីជារលាយផែនដីនេះក៏ដោយ។ មន្ត្រីសិទ្ធិមនុស្សយល់ថា លោក ហ៊ុន សែន មិនគួរការពារតែអំណាចគ្រួសាររបស់លោកនោះទេ តែគួរការពារប្រជាពលរដ្ឋទាំងអស់ដូចគ្នា។
លោកនាយករដ្ឋមន្ត្រី ហ៊ុន សែន ប្រកាសជាសាធារណៈថា លោកនឹងវាយប្រហារអ្នកដែលហ៊ានរិះគន់ ឬចង់កម្ចាត់អំណាចក្រុមគ្រួសារ«ត្រកូលហ៊ុន» របស់លោក មិនឲ្យមានឱកាសងើបរួចនោះទេ។ លោកអះអាងជាថ្មីទៀតថា លោកនឹងមិនចរចានយោបាយជាមួយមន្ត្រីបក្សប្រឆាំងឡើយ ទាល់តែពួកគេអនុវត្តតាមនីតិវិធីច្បាប់ជាមុនសិន។ ក្រៅពីនេះ លោកសង្កត់ធ្ងន់ថា នឹងគ្មានការលើកលែងទោសម្តងទៀតចំពោះមេដឹកនាំបក្សប្រឆាំងដែលតុលាការបានកាត់ទោសរួចហើយនោះទេ ដែលទំនងជាលោកចង់សំដៅលើលោក សម រង្ស៊ី ប្រធានស្ដីទីគណបក្សសង្គ្រោះជាតិ៖ «បើដាក់គោលដៅបង្រួបបង្រួមខ្មែរ អូខេ។ បើដាក់គោលដៅកម្ចាត់ត្រកូលហ៊ុន សូមផ្តាំទៅ ទោះបីរលាយផែនដី ក៏ហ៊ុន សែន នៅតែតស៊ូ ផ្ដាំឲ្យហើយ ឥឡូវមិនមែនវ៉ៃត្រឹមហ៊ុន សែន ទេ វ៉ៃត្រកូលហ៊ុន ទាំងមូល អ៊ីចឹងតម្រូវឲ្យខ្ញុំ មានរឿងអីដែលត្រូវគិត។ អ៊ីចឹងបើអ្នកឯងប្រុងប្រៀបថា ហ្នឹងប្រហារខ្ញុំ រឿងអីដែលខ្ញុំត្រូវទុកឲ្យអ្នកឯងមានពេលប្រហារ ខ្ញុំត្រូវតែប្រហារអ្នកឯង» ។
លោក ហ៊ុន សែន លើកឡើងបែបនេះ នៅក្នុងពិធីសំណេះសំណាលជាមួយក្រុមមេធាវីស្ម័គ្រចិត្តរបស់លោក នៅថ្ងៃទី២៥ វិច្ឆិកា ពោលគឺមួយសប្ដាហ៍បន្ទាប់ពីលោកបញ្ចប់ការធ្វើចត្តាឡីស័ករយៈពេល១៤ ថ្ងៃ ក្រោយប៉ះពាល់ដោយផ្ទាល់ជាមួយរដ្ឋមន្ត្រីការបរទេសហុងគ្រី ដែលមានផ្ទុកជំងឺកូវីដ-១៩ ដោយមិនពាក់ម៉ាស់។
ប្រតិកម្មខ្លាំងៗរបស់លោក ហ៊ុន សែន បែបនេះ គឺបន្ទាប់ពីគណបក្សសង្គ្រោះជាតិ និងអ្នកឃ្លាំមើលសង្គមមួយចំនួនបានរិះគន់លោកជាញឹកញាប់ថា កំពុងប្រើប្រាស់មធ្យោបាយគ្រប់បែបយ៉ាង ដើម្បីលើកដំឡើង លោក ហ៊ុន ម៉ាណែត ឱ្យស្នងតំណែងពីលោក។
លោក ហ៊ុន សែន ព្រមានបែបនេះ នៅមុនពេលតុលាការគ្រោងបើកសវនាការសំណុំរឿងរបស់មន្ត្រីជាន់ខ្ពស់ និងអ្នកគាំទ្របក្សប្រឆាំងជាង១០០ នាក់ ពាក់ព័ន្ធនឹងបទចោទញុះញង់ និងរួមគំនិតក្បត់ នៅថ្ងៃទី២៦ វិច្ឆិកា។
តំណាងរាស្ត្រជាប់ឆ្នោតគណបក្សសង្គ្រោះជាតិ មណ្ឌលសៀមរាប លោក អ៊ុំ សំអាន ឲ្យដឹងថា ការអះអាងរបស់លោក ហ៊ុន សែន ដោយចង់ការពារអំណាចរបស់ខ្លួន ហើយមិនបើកការចរចាជាមួយបក្សប្រឆាំង គឺដោយសារលោក ហ៊ុន សែន គិតតែគំនុំផ្ទាល់ខ្លួនដោយមិនគិតគូរពីប្រទេសជាតិ និងប្រជាពលរដ្ឋជាធំនោះទេ។ លោកបន្តថា លោក ហ៊ុន សែន ប្រឹងក្ដោបអំណាចរបស់ក្រុមគ្រួសារលោក ជាជាងការដោះស្រាយពីទុក្ខលំបាករបស់ប្រជាពលរដ្ឋ បន្ទាប់ពីកម្ពុជាទទួលទណ្ឌកម្មពីសហភាពអឺរ៉ុប ដោយផ្ដាច់ប្រព័ន្ធអនុគ្រោះពន្ធ EBA២០% និងវិបត្តិមួយចំនួនទៀត។ លោកលើកឡើងទៀតថា លោក ហ៊ុន សែន មិនសាកសមធ្វើជាមេដឹកនាំនៅកម្ពុជានោះទេ ហើយលោក គួរតែចុះចេញពីតំណែង ដោយឲ្យអ្នកជំនាន់ក្រោយដែលមានសមត្ថភាពជាងលោកឡើងកាន់តំណែងជំនួសវិញ។ លោកអះអាងថា ការព្រមានរបស់លោក ហ៊ុន សែន បែបនេះ មិនបានធ្វើឲ្យមន្ត្រី និងសកម្មជនគណបក្សសង្គ្រោះជាតិខ្លាចញញើតនោះឡើយ ហើយពួកគេមិនខ្វល់នឹងពាក្យសម្តីបែបនេះទេ ដោយនៅតែបន្តសកម្មភាពធ្វើមាតុភូមិនិវត្តន៍លើកទី២ ជាមួយលោក សម រង្ស៊ី ក្នុងពេលឆាប់ៗខាងមុខនេះ៖ «លោក ហ៊ុន សែន កន្លងមកគាត់ធ្វើកំហុសជាច្រើនណាស់។ គាត់បាតដៃប្រឡាក់ឈាមហើយអាហ្នឹង ហើយគាត់ប្រព្រឹត្តបទឧក្រិដ្ឋជាច្រើន អ៊ីចឹងគាត់មានខ្លួន។ គាត់ខ្លាចគណបក្សផ្សេងឡើងទៅជំនួសគណបក្សប្រជាជន អាចកាត់ទោសគាត់ពីបទឧក្រិដ្ឋផ្សេងៗ ដែលគាត់ប្រព្រឹត្តកន្លងមក ដូចជារដ្ឋប្រហារឆ្នាំ៩៧ ការបោកគ្រាប់បែកឆ្នាំ៩៧ ទៅលើបាតុកម្មដែលអហិង្សា ដែលដឹកនាំដោយលោក សម រង្ស៊ី ហើយនឹងឃាតកម្មទៅលើលោក ជា វិជ្ជា។ ឃាតកម្មទៅលើលោកបណ្ឌិត កែម ឡី អីជាដើមអ៊ីចឹង ហើយដូច្នេះគាត់មានខ្លួន អ៊ីចឹងបានជាគាត់នៅក្រាញអំណាច។ គាត់យល់ថា មានតែកូនគាត់ទេដែលអាចស្នងពីគាត់ ដូចជាលោក ហ៊ុន ម៉ាណែត ជាដើមហ្នឹង ដើម្បីកុំឲ្យគាត់ប្រឈមជាមួយផ្លូវច្បាប់នៅពេលអនាគត»។
ចំណែក ប្រធានផ្នែកសិទ្ធិមនុស្សនៃសមាគមការពារសិទ្ធិមនុស្សអាដហុក (Adhoc) លោក នី សុខា មានប្រសាសន៍ថា លោក ហ៊ុន សែន មិនគួរថ្លែងសារនយោបាយបែបនេះ មុនតុលាការបើកសវនាការសំណុំរឿងមន្ត្រីបក្សប្រឆាំងនោះទេ ព្រោះសារបែបនេះអាចជះឥទ្ធិពល ឬជាការដាក់សម្ពាធដល់ការសម្រេចរបស់តុលាការ៖ «ខ្ញុំគិតថា បើសិនជាយើងក្នុងនាមជាប្រមុខរដ្ឋាភិបាល គួរតែយើងកុំថ្លែងសារណាដែលជាការអះអាងនៅមុនពេលសេចក្ដីសម្រេចតុលាការដែលបានសម្រេច។ អានេះ វានាំឲ្យអ្វីដែលជាសារហ្នឹង គឺវាជាសារមួយដែលធ្វើឲ្យអាចឈានទៅដល់ការដាក់សម្ពាធទៅដល់តុលាការ ឬក៏អាចធ្វើឲ្យតុលាការហ្នឹងធ្វើសេចក្ដីសម្រេច ដោយមិនឈរទៅលើឯករាជ្យភាព»។
តុលាការកម្ពុជារងការចោទប្រកាន់ថា ស្ថិតនៅក្រោមឥទ្ធិគណបក្សកាន់អំណាច និងបានបម្រើនយោបាយគណបក្សនេះ ក្នុងការធ្វើទុក្ខបុកម្នេញលើគណបក្សប្រឆាំង និងសកម្មជនសិទ្ធិមនុស្សផ្សេងទៀត។ គណបក្សប្រឆាំង តែងតែហៅតុលាការនៅកម្ពុជាថា ជាតុលាការតេឡេ ដែលចាំតែស្ដាប់បញ្ជាពីលោក ហ៊ុន សែន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- មន្ត្រីបក្សប្រឆាំងស្នើលោក ហ៊ុន សែន បញ្ឈប់វប្បធម៌លាបពណ៌ និងឈ្លបយកការណ៍បែបខ្មែរក្រហម
- តុលាការសម្រេចលើកពេលជំនុំជម្រះរឿងក្ដីមន្ត្រី និងសកម្មជនបក្សប្រឆាំង ទៅដើមឆ្នាំ២០២១
- លោក ថាច់ សេដ្ឋា ប្រកាសជំហរថា លោកនឹងចូលខ្លួនទៅបំភ្លឺតាមការកោះហៅរបស់តុលាការ
- មន្ត្រីបក្សប្រឆាំងស្នើឱ្យបញ្ឈប់សាងសង់ស្តូបមិត្តភាពកម្ពុជាវៀតណាម
- លោកមេធាវី សំ សុគង់ ថា ការចាត់តាំងមេធាវីនៅកៀកថ្ងៃសវនាការ គឺជាការធ្វើគ្រាន់តែបង្គ្រប់កិច្ចប៉ុណ្ណោះ
- ប្រពន្ធសកម្មជនបក្សប្រឆាំងម្នាក់ស្លុតចិត្តបន្ទាប់ពីចូលសួរសុខទុក្ខឃើញប្ដីធ្លាក់ខ្លួនឈឺនៅពន្ធនាគារព្រៃស
- មេធាវីថា ដីកាកោះហៅមនុស្សជាង១០០នាក់ ក្នុងរយៈពេលខ្លីធ្វើឲ្យពិបាកក្នុងការត្រៀមខ្លួន
- បក្សប្រឆាំង និងអ្នកឃ្លាំមើលថា លោក ហ៊ុន សែន កំពុងប្រើវិបត្តិកូវីដ-១៩ ដើម្បីលើកស្ទួយកូនប្រុសច្បង
- សេង ធារី៖ ពិភពលោកកំពុងសម្លឹងមើលករណីតុលាការកោះហៅនាងពីបទរួមគំនិតក្បត់
- តើមូលហេតុអ្វីបានជាស្ត្រីជាប្រពន្ធមន្ត្រីបក្សប្រឆាំង ដែលកំពុងជាប់ពន្ធនាគារ នៅតែខ្លាំងក្នុងការតស៊ូមតិតវ៉ាឲ្យប្ដីបាននៅក្រៅឃុំ?
how can you take care your HUN families if you are that dump . for me I’m seeing you are hurting you HUN families right now . every Cambodian knew what you have been doing to this nation and your families was the treason of it’s own nation . I understand what consequent of being the treason or you call it KBOTH CHEATH family some country people digging not just the main guy even the rough was also dig out clean . I guest you know what I mean no body care to the evil person like you . PLEASE look at your pitcher to see how dump it look AH…LNGOUNGTU
មើលមុខបុរសខ្លាំងដូចអ្នកជម្ងឺមួយរយជំពូកចេះអួតទៅរួចមិនដឹងរស់បានប៉ុន្មានឆ្នាំទៀតទេ! ហ៊ុនសែន រលត់មុនឬមួយផែនដីរលាយក្រោយ (ហ៊ុនសែន+ក្ដា+ដែកកូល×ភ្លើង=ផេះ)
how can you protecting your families if you never love your families HASSSSSSSSSSSS you love your powers are you ?? we will be bury your powers whit you when the time come . my last question is what else do you want to destroy this nation?? give more land to VIETCONG?? or give more land to your families for bury their bodies . you are over Mr people are seeing you are a real KBOTHCHEATH person indeed
ហាស ! ហាស
មិនបង្អាប់ទេ ទូតស៊ុយអែតហ្នឹងនោះ ។ តែថាបើនៅក៏វាគ្មានចំណេញស្អីដល់ប្រជាជនកម្ពុជាដែរ ?
ប្រជាជនកម្ពុជាត្រូវការមិត្ត ត្រូវការជំនួយអភិវឌ្ឍន៍ជាតិ តែមិនត្រូវការជំនួយ
ប្រកបដោយភាពពិសពុល បំផ្លាញសន្តិភាពជាតិកម្ពុជា ដែលរកបានដោយលំបាកនោះទេ ។
ដូចនេះនៅឬទៅ វាគ្មានអីអស្ចារ្សសម្រាប់កម្ពុជាទេ !
(បង្វែរជំនួយជាង២០លានដុល្លារអាមេរិកពីការជួយរដ្ឋាភិបាលកម្ពុជា មកជួយ
អង្គការសង្គមស៊ីវិល នេះជា សម្តីនាង ចក់ សុភាព នាយិកានៃមជ្ឈមណ្ឌលសិទ្ធិមនុស្សកម្ពុជា ។
(អង្គការសង្គមស៊ីវិលការពារចោរ)
Hun Sen can only protect his family if he still alive, and Hun Sen knew that he can’t disrespect the principal of his Ho Chiming school where he graduated his PHD degree, the same scenario applied to Hun Maneth who is completely betrayed his West Point school principal and just a matter of time he will be facing the consequence. Nobody in this planet became a permanent winner or looser and that’s the rule of universe, just like after you are born, you will have to get older and either sick then die or just die instantly or by cruelty punishment and Nobody can get away from this curse.
Hun Sen is creating 2 enemies, his boss and his people. It’s very easy to protect his family from his Cambodia people because most of them are unarmed except his arm force commanders and Hun Sen needs to remember that they were tought to be greedy and brutally killers. Another dangerous enemy that worry him the most is his boss who is very carefully never left any trace for future criminals investigation and I think Hun Sen clearly understand that. So the conclusion is what Hun Sen needs to do to fix it while he is still alive if he really cares about his children future. The scary thing how Hun Sen future will end up is that his boss doesn’t hesitate to get rid of any body including the family and Hun Sen definitely is an outsider who knows all his boss criminal plans against Cambodia ??
Don’t be surprised if Hun Sen fate will be up to Hun Maneth decision because Maneth is not Hun Sen biological son and the big boss doesn’t want Maneth to leave any traceability of their criminals history. Easy solution for Hun Maneth is just declares Cambodia as a socialist country with 1 party and continues to ignore human rights as Hun Sen did then US probably withdraw their interest in solving Cambodia ?? problems. Cambodia will automatically become Vietnam ?? prepared by Ho Chiminh.
HUN SEN mean if HUN families end the world have to end first . do every one agree to what he highly educated jungle man is saying ?? OH my GOD I can not believe this animal even those his HUN families die on million time the whole world will stand the same . I understood right now this HUN families is in a big problem .sorry I can not help you because you are so LNGOUNG you was not even knew you yourself have been a slavery of the other and just trying to hurt your own nation and your own people . be preparing for the consequence in the near future if you are not smart enough you will be dead . up to this day I do not know how to advice you any more because you are so stubborn
Cambodia is the strange country in the world haha’ we never heard the leader of countries in the world said like that haha so funny ‘ that real dumb assh ‘ . The gate of hell waiting for him and he will go down thousands years with his friends ‘
ព្រះបាទជ័យវរ្ម័នទី៧បានមានបន្ទូលថា: ទុក្ខប្រជារាស្ត្រគឺជាទុក្ខរបស់ព្រះអង្គ។ តែហ៊ុនសែនវិញបែជាចាត់ទុកថា: ការបាត់បង់អំណាចរបស់ត្រកូល “ ហ៊ុន “គឺជាទុក្ខរបស់វាទៅវិញ។ ជនផ្ដាច់ការម្នាក់នេះ បានទុកខ្លួន នឹងក្រុមគ្រួសាររបស់ខ្លួនជាត្រកូលអាទិទេពប្រចាំ ប្រទេសកម្ពុជាទៅហើយ។