ស្ថានភាពនយោបាយនៅកម្ពុជា ពេលនេះ ស្ថិតក្នុងការប្រកួតប្រជែងដែលពិបាកនឹងទស្សន៍ទាយបានថា បក្សណាមួយមានប្រៀបខ្លាំងជាងគ្នាប៉ុណ្ណានោះ។ ជាពិសេស រវាងគណបក្សធំៗពីរ គឺគណបក្សប្រជាជនកម្ពុជា ដែលជាបក្សកាន់អំណាច និងគណបក្សសង្គ្រោះជាតិ ដែលជាបក្សប្រឆាំង។
ដោយ ម៉ាត់ ក្រីយ៉ា
2013-07-17
RFA
ស្ដាប់ ឬ ទាញយកសំឡេង
ក្បួនដង្ហែរបស់គណបក្សសង្គ្រោះជាតិ ដែលភាគច្រើនជាយុវជន ហែឡើងលើស្ពានក្បាលថ្នល់ រាជធានីភ្នំពេញ កាលពីថ្ងៃទី១២ ខែកក្កដា ឆ្នាំ២០១៣។ RFA/Mom Sophon
ការបោះឆ្នោតលើកនេះ គណបក្សសង្គ្រោះជាតិ ហាក់កំពុងមានប្រជាប្រិយភាព និងមានសន្ទុះអ្នកគាំទ្រមិនសូវជាមានគម្លាតឆ្ងាយពីបក្សកាន់អំណាចដូចលើកមុនៗនោះទេ។ មានកត្តាមួយចំនួនហាក់កំពុងបង្ហាញអំពីភាពខ្លាំងរបស់គណបក្សប្រឆាំងមួយនេះ។
តើគណបក្សសង្គ្រោះជាតិ មានចំណុចពិសេសអ្វីខ្លះ ដែលអាចធ្វើឲ្យគណបក្សកាន់អំណាចព្រួយបារម្ភនោះ?
ភាពខ្លាំងរបស់បក្សប្រឆាំងនៅពេលនេះ ហាក់កំពុងដើរផ្ទុយអំពីសម្ដីរបស់លោកនាយករដ្ឋមន្ត្រី ហ៊ុន សែន ដែលធ្លាប់តែសើចចំអកថា ការរួបរួមគ្នារវាងបក្សសិទ្ធិមនុស្ស និងបក្ស សម រង្ស៊ី នោះ គឺជាព្យុះក្នុងក្អម។
ទោះយ៉ាងណាក្តី បច្ចុប្បន្ន ព្យុះក្នុងក្អមដែលលោកនាយករដ្ឋមន្ត្រី ហ៊ុន សែន ប្រសិទ្ធនាមឲ្យនេះ ទំនងជាធ្វើឲ្យគណបក្សកាន់អំណាចពិបាកនឹងទប់ទល់ ឬអាចនិយាយមួយបែបទៀតថា គណបក្សកាន់អំណាចនឹងមិនអាចទទួលជោគជ័យភ្លូកទឹកភ្លូកដីដូចកាលពីអាណត្តិមុនៗនោះឡើយ។
ទិដ្ឋភាពក្នុងពេលយុទ្ធនាការឃោសនាបោះឆ្នោតលើកនេះ ត្រូវមហាជនមើលឃើញថា គណបក្សសង្គ្រោះជាតិ កំពុងតែដណ្ដើមប្រជាប្រិយភាពពីប្រជាពលរដ្ឋមិនចាញ់គណបក្សកាន់អំណាចសព្វថ្ងៃប៉ុន្មាននោះដែរ ហើយគណបក្សនេះរំពឹងថា នឹងអាចប្រកួតប្រជែងយ៉ាងប្រកៀកប្រកិតគ្នា។
តាមបទពិសោធន៍កន្លងមក ជោគជ័យរបស់គណបក្សប្រជាជនកម្ពុជា កាលពីអាណត្តិមុនៗ មិនមែនដោយសារសំឡេងអ្នកគាំទ្ររបស់ខ្លួនទាំងអស់នោះទេ ប៉ុន្តែគណបក្សប្រជាជនកម្ពុជា ប្រើស្នៀតបំបែកបំបាក់គូប្រកួត ដើម្បីយកឈ្នះដៃគូប្រកួត ហើយគណបក្សនេះចាំត្រងសំឡេងឆ្នោតពីគណបក្សតូចៗ ដែលមិនមានសំឡេងគ្រប់អាសនៈក្នុងមណ្ឌលបោះឆ្នោតនីមួយៗ ដើម្បីបង្គ្រប់អាសនៈរបស់ខ្លួនតាមរូបមន្តមធ្យមភាគខ្ពស់បំផុត។ គណបក្សនយោបាយតូចដែលចូលរួមប្រកួតប្រជែងទាំងអស់ រងនូវភាពអយុត្តិធម៌ ដោយសារការប្រើប្រាស់រូបមន្តមធ្យមភាគខ្ពស់បំផុត ដើម្បីបូកសន្លឹកឆ្នោតដែលសេសសល់ទាំងអស់នេះ ហើយស្ទើរគ្រប់អាណត្តិ គណបក្សដែលចំណេញច្រើនជាងគេ គឺគណបក្សប្រជាជនកម្ពុជា។
ប៉ុន្តែ ការបោះឆ្នោតលើកនេះ មានសភាពខុសប្លែកពីលើកមុន ដោយសារគណបក្សសង្គ្រោះជាតិ ដែលកើតចេញពីបក្សប្រឆាំងពីរ បានរួបរួមគ្នា គឺគណបក្ស សិទ្ធិមនុស្ស និងគណបក្ស សម រង្ស៊ី ដើម្បីទប់ទល់នឹងគណបក្សកាន់អំណាចសព្វថ្ងៃ អាចមិនខាតសន្លឹកឆ្នោតដែលសេសសល់ដូចលើកមុននោះឡើយ។ កត្តានេះ គណបក្សប្រជាជនកម្ពុជា ហាក់មិនមានឱកាសដើម្បីកេងចំណេញសន្លឹកឆ្នោតពីគណបក្សប្រឆាំង ដើម្បីយកមកបំពេញអាសនៈរបស់ខ្លួនដូចលើកមុននោះទេ។
ជាច្រើនអាណត្តិមកហើយដែលគណបក្សប្រជាជនកម្ពុជា ក្ដោបក្ដាប់អំណាចគ្រប់គ្រងប្រទេស ហើយភាពមិនប្រក្រតីក្នុងសង្គមមួយចំនួនបានកើតឡើង ដូចជា អំពើពុករលួយ និងការគាបសង្កត់ផ្សេងៗពីមន្ត្រីអ្នកមានអំណាចរបស់រដ្ឋាភិបាល។
បញ្ហាប្រឈមទាំងនេះ ធ្វើឲ្យពលរដ្ឋ និងមន្ត្រីមួយចំនួនដែលធ្លាប់តែមានភក្ដីភាពជាមួយបក្សប្រជាជន នោះ ទំនងជាល្មមដល់ពេលធ្វើឲ្យពួកគាត់ធុញទ្រាន់នឹងការដឹកនាំដែលពុំមានការវិវឌ្ឍន៍ទៅមុខ ចំណែករឿងចម្រូងចម្រាសនៅក្នុងសង្គមទាំងឡាយ មិនអាចដោះស្រាយបាន បញ្ហាបក្ខពួកនិយមក៏កំពុងចាក់ឫសយ៉ាងជ្រៅនៅក្នុងសង្គមមួយនេះ ដែលពិបាកនឹងកែទម្រង់ទៅរួច។
ស្របពេលជាមួយគ្នានេះ ការបង្កើតគណបក្សសង្គ្រោះជាតិ ឡើង ធ្វើអោយក្រុមអ្នកគាំទ្រមួយចំនួនធំកាន់តែមានទំនុកចិត្ត ហើយជឿជាក់ថា គណបក្សសង្គ្រោះជាតិ អាចនឹងមានលទ្ធភាពប្រកួតប្រជែងជាមួយគណបក្សប្រជាជនកម្ពុជា បាន។
ស្ថាប័នមួយចំនួន បានប្រកាសជាចំហចូលរួមជាមួយគណបក្សសង្គ្រោះជាតិ ព្រមទាំងបានអំពាវនាវឲ្យសមាជិកដែលគាំទ្រខ្លួន អោយបោះឆ្នោតជូនគណបក្សសង្គ្រោះជាតិ។ ក្នុងនោះ មានការប្រកាសជាចំហក្នុងការចូលរួមរបស់ លោក ម៉ម សូណង់ដូ ប្រធានសមាគមអ្នកប្រជាធិបតេយ្យ ដែលលោកមានសមាជិកជាច្រើនម៉ឺននាក់។ ការប្រកាសនេះ ជាសារនយោបាយមួយដែលលើកទឹកចិត្តឲ្យអ្នកគាំទ្រគាត់ ឲ្យធ្វើការសម្រេចចិត្តបោះឆ្នោតជូនគណបក្សប្រឆាំងមួយនេះដោយមិនរុញរាឡើយ។
ទន្ទឹមនឹងនោះ ក៏មានការប្រកាសចូលរួមពីព្រឹទ្ធាចារ្យបណ្ឌិត វណ្ណ មូលីវណ្ណ និងការប្រកាសចូលរួមជាបន្តបន្ទាប់ពីប្រធានសហជីពសេរីកម្មករ ដូចជាលោក រ៉ុង ឈុន និងលោក ជា មុនី ជាដើម។
ក្រៅពីនេះទៀត កាលពីបោះឆ្នោតនីតិកាលមុនៗ សមាជិកគណបក្សប្រឆាំងមួយចំនួនតែងតែរត់ចេញពីបក្សបន្តកន្ទុយគ្នាមុនពេលបោះឆ្នោត ប៉ុន្តែលើកនេះ ស្ថានភាពនយោបាយគណបក្សប្រឆាំងខុសពីលើកមុនៗ។ សមាជិកគណបក្សប្រឆាំងមិនសូវមានការច្របូកច្របល់រត់ចេញពីបក្សដូចលើកមុនទេ ដោយសារសមាជិកគណបក្សប្រឆាំងធំមួយនេះ មើលឃើញថា សន្ទុះនៃការគាំទ្រគណបក្សសង្គ្រោះជាតិ មានការកើនឡើង។
មួយវិញទៀតនោះ គណបក្សសង្គ្រោះជាតិ បានបង្ហាញគោលនយោបាយមួយចំនួនដែលអាចទាក់ទាញប្រជាពលរដ្ឋបានច្រើនជាងគណបក្សប្រឆាំងលើកមុនៗ ជាពិសេសអាចទាញការចាប់អារម្មណ៍ពីយុវជនយ៉ាងច្រើនកុះករ ខុសប្លែកពីការបោះឆ្នោតអាណត្តិមុនៗ ដែលមិនសូវជាមានយុវជនចូលរួមក្នុងសកម្មភាពនយោបាយដូចលើកនេះនោះឡើយ។ គោលនយោបាយច្បាស់លាស់ទាំង ៧ចំណុចរបស់គណបក្សសង្គ្រោះជាតិ នេះហើយ ដែលធ្វើឲ្យប្រជាពលរដ្ឋមួយចំនួនមានក្ដីសង្ឃឹមចំពោះគណបក្សនេះ ក្នុងការដឹកនាំប្រទេសឲ្យមានការផ្លាស់ប្ដូរជីវភាពរបស់ពួកគាត់បាន។
ពាក់ព័ន្ធនឹងបញ្ហានេះ មុនពេលព្រះមហាក្សត្រ ព្រះបរមនាថ នរោត្តម សីហមុនី បានព្រះរាជទានលើកលែងទោសដល់ លោក សម រង្ស៊ី នោះ គេសង្កេតឃើញ លោក សម រង្ស៊ី ធ្លាប់បានអះអាងយ៉ាងមោះមុតថា លោកនឹងវិលត្រឡប់មកកម្ពុជា វិញ បើទោះបីជាលោកដឹងថានឹងមានការចាប់ខ្លួនលោកក៏ដោយចុះ។
បញ្ហានេះ អាចបញ្ជាក់បានថា ទំនងជាលោក សម រង្ស៊ី ដឹងថា គណបក្សរបស់លោកកំពុងតែមានប្រជាប្រិយភាព និងទទួលការគាំទ្រពីប្រជាជនស្ទើរពាក់កណ្ដាល ពិសេសក្រុមយុវវ័យក្មេង។
លោក សម រង្ស៊ី ប្រហែលជាដឹងទៀតថា នៅពេលលោកវិលត្រឡប់មកកម្ពុជា វិញ បើសិនជាលោក ហ៊ុន សែន នៅតែប្រកាន់គោលជំហរមិនសម្របសម្រួល ហើយសម្រេចចិត្តចាប់លោកដាក់ពន្ធនាគារតាមការអះអាងរបស់ក្រសួងមហាផ្ទៃ នោះ អាចនឹងមានការផ្ទុះកំហឹងបង្កជាអំពើហិង្សាកើតឡើង ពីសំណាក់យុវជនដែលកំពុងពុះកញ្ជ្រោលគាំទ្រគណបក្សប្រឆាំងមួយនេះជាក់ជាមិនខាន។
សន្ទុះយុវជនបានចេញមុខជាចំហកាន់តែច្រើនឡើងៗ ពិសេសគេបានឃើញនៅពេលក្បួនដង្ហែរបស់គណបក្សនេះនៅតាមរាជធានីភ្នំពេញ និងនៅតាមបណ្ដាខេត្តមួយចំនួនទៀត។ ការចូលរួមរបស់យុវជន ទី១ អាចថា យុវជនមានជំនឿចិត្តលើគណបក្សនេះ ថានឹងអាចផ្ដល់ការងារធ្វើកាន់តែច្រើននៅពេលឈ្នះឆ្នោត។ ទី២ អាចថា យុវជនចង់ឃើញប្រទេសកម្ពុជា មានការផ្លាស់ប្ដូរមេដឹកនាំ ដោយចង់សាកល្បងមេដឹកនាំថ្មី ជាជាងមានមេដឹកនាំដដែលៗជិត ៣០ឆ្នាំមកហើយនោះ ដោយហេតុថា នៅរាល់ក្បួនដង្ហែឃោសនារបស់គណបក្សសង្គ្រោះជាតិ ក្រុមយុវជនទាំងនោះបានស្រែកពាក្យថា ប្ដូរព្រមគ្នា ដែលមានសំឡេងឮកងរំពងទៅកាន់ប្រជាពលរដ្ឋជាដើម។
យ៉ាងណាក៏ដោយ គណបក្សកាន់អំណាចនឹងមិនបណ្ដោយឲ្យគណបក្សប្រឆាំងមួយនេះធ្វើអ្វីតាមតែអំពើចិត្តនោះទេ។
ថ្ងៃណាមួយ គណបក្សប្រឆាំងមួយនេះអាចនឹងត្រូវបានគណបក្សកាន់អំណាចប្រើវិធីសាស្ត្រចាស់ ដើម្បីបំបែកសំឡេងគាំទ្រ។ ប៉ុន្តែ បើសិនជាគណបក្សប្រឆាំងមួយនេះនៅតែបន្តរួបរួមគ្នា ហើយមិនមានការបែកបាក់គ្នាទេនោះ ប្រហែលជាអាចដណ្ដើមអាសនៈពីគណបក្សប្រជាជនកម្ពុជា ហើយនឹងអាចឈានដល់ការឈ្នះឆ្នោតក្នុងការបោះឆ្នោតនាអាណត្តិក្រោយក៏អាចថាបាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- លោក កឹម សុខា នឹងទៅទទួលលោក សម រង្ស៊ី ពីប្រទេសថៃ
- សកម្មជនបក្សប្រឆាំងម្នាក់ត្រូវប៉ូលិសចាប់បញ្ជូនទៅពន្ធនាគារ
- បទវិភាគ៖ តើលោក សម រង្ស៊ី អាចឈរឈ្មោះជាតំណាងរាស្ត្រដែរឬទេ?
- បក្សសង្គ្រោះជាតិរកវិធីឲ្យលោក សម រង្ស៊ី អាចឈរឈ្មោះបោះឆ្នោតបាន
- តើមេដឹកនាំគួរត្រៀមខ្លួនយ៉ាងណាពេលអស់អំណាច?
- គ.ជ.ប៖ អ្នកសង្កេតការណ៍នឹងកើនឡើងក្នុងថ្ងៃបោះឆ្នោត
- តើអ្នកកាន់អំណាចខ្មែរគួរត្រៀមខ្លួនយ៉ាងណានៅពេលលែងកាន់អំណាច ឬពេលអស់អំណាច?
- ទស្សនៈយុវជនចំពោះការគាំទ្រគណបក្សនយោបាយ
- លោក ស៊ូប៊ែឌី ស្វាគមន៍ការលើកលែងទោសលោក សម រង្ស៊ី
(ជនអន្តោប្រវេសន៍ យួន ខុសច្បាប់)
ពិតប្រាកដណាស់ បើមិនដូរ អាលេខ៤ ចេញនោះទេ ពូជយួនវា
កាន់តែចូលកើនឡើងពេញស្រុក ខ្មែរ ថែមទៀតពុំខាន
https://www.youtube.com/watch?v=-3JlcVIGl2k
លេខ ៤ នាំយួនចូលស្រុកជា រឿងពិត
អត្ថបទដកស្រង់
តាំងពីឆ្នាំ១៩៩៥មកបក្សប្រឆាំងសុខចិត្ត រាយក្រឡាចាញ់ផ្ទួនៗ រង់ចាំរដូវខ្យល់រំហើយបាចអង្កាមបញ្ច្រាសទៅគណបក្សប្រជាជន ទុកឲ្យគណបក្សហ៊្វុនស៊ិនប៉ិចខ្សោះឈាម ន្អាលនឹងត្រងយកកងទ័ព អាវុធ និងស្បៀង យកពេលយកចិត្តរាស្រ្ត បែរជាគណបក្សប្រជាជនមើលមិនឃើញ ឬ ក៏មើលឃើញហើយ តែមើលស្រាលធ្វើមិនដឹង បណ្តោយឲ្យគណបក្សប្រឆាំងអាចរួបរួមគ្នាបាន កងទ័ពកាន់តែច្រើន ពីមួយថ្ងៃទៅមួយថ្ងៃ។ សម្លាប់មួយកើន ១០ គំរាមមិនខ្លាច បន្លាចមិនញិន ទិញមិនលក់ ក្លាហានមោះមុត។ ក្បួនទ័ពទៅដល់ទីណា ស្បៀងធ្លាក់ពីលើមេឃនៅទីនោះ។ បើនេះមិនមែនជាកងទ័ពទេវតា តើជាស្អីទៅ?
អត្ថបទដកស្រង់
ឱកាស ល្អយ៉ាងនេះ បែរជាគណបក្សប្រជាជន មិនអាចក្តោបក្តាប់បាន។ ឈ្នះតែសមរភូមិ មិនឈ្នះចិត្តរាស្រ្ត គ្រប់គ្រងរដ្ឋការ តែបង្កគំនុំក្នុងចិត្តមន្ត្រី។ បំផ្លាញចិត្តស្មោះ បង្កើនចិត្តស្អប់ មានឈ្មោះជាអ្នកបម្រើរាស្រ្តតែលួចប្លន់រាស្រ្ត។ ជាមេគ្រួសារ គ្មានសមត្ថភាព ចិញ្ចឹមរាស្រ្ត បែរជាលក់កេរ្តិ៍អាករដូនតា។ មានចិត្តចង់កាន់កិច្ចការធំបានយូរ តែមានចិត្តមិនដាច់ស្រេច មិនហ៊ានអារកាត់ បែងចែកឲ្យច្បាស់លាស់ពីមនោសញ្ចេតនា និងភារកិច្ច។ ហ៊ានស៊ី តែមិនហ៊ានសង ទទួលតែពាក្យសរសើរ មិនទទួលពាក្យរិះគន់។ សុខចិត្តក្បត់គេ មិនឲ្យគេក្បត់ខ្លួនឯង។ នេះហៅថា បាចអង្កាមបញ្ច្រាសខ្យល់ ពេលវេលាមួយក៏គង់តែនឹងមកដល់ទេ។
អត្ថបទដកស្រង់
មើលចុះ! កូនពេញក្តារអុក បែរជាដើរតាមតែអារម្មណ៍ គ្មានយុទ្ធសាស្រ្ត។ ចាប់កូនលើកដាក់ៗ ដូចជា ការបិទបើក ការផ្សាយបន្តរបស់វិទ្យុខេមរភាសា និងការដេញសមាជិកតំណាងរាស្រ្ត បក្សប្រឆាំង។ នរណាក៏សើច ហៀរទឹកភ្នែកទឹកសម្បោរ ហួសចិត្តដែរ ហើយអ្វីដែលគួរឲ្យហួសចិត្តនោះគឺ គ្រាន់តែគេ(បក្សប្រឆាំង)ឡើងកូនត្រីឲ្យស៊ីភ្លាម គឺស៊ីភ្លែត គ្មានគិតខាត គិតចំណេញអីទេ។ បើនេះ មិនហៅថាល្ងង់ ហៅថាស្អីទៅវិញទៅ? ក្រឡាឈ្នះលើគោក បែរជាដើរឲ្យខូចក្រឡាអស់។ ពេលនេះ លទ្ធផលនៃការបោះឆ្នោត ពិតជាពិបាកប៉ាន់ស្មានណាស់។
គេថា ពេលឡើងត្រី គឺត្រូវតែមានពីរយ៉ាងតិចពីរជាប់គ្នា បើល្អ៣ ឬហៅថា ត្រីទឹមបី ហើយកូនណានៅមុខត្រីទឹម គឺពិតជាគ្រោះថ្នាក់ណាស់ ព្រោះត្រីបកទឹម៣ អាចការពារខ្លួនឯងបាន៥ក្រឡាបួនជ្រុង ហើយអាចការពារគ្នាបានយ៉ាងល្អដែលសូម្បីតែសេះ គោល ទូកក៏ពិបាកចូលដែរ។
លេខ ៧ ៧ ៧ ៧ ៧ ៧ ៧ នឹងអាចជួយសង្រ្គោះជាតិទាំងមូលបាន ។
តាមបទពិសោធន៍កន្លងមក ជោគជ័យរបស់គណបក្សប្រជាជនកម្ពុជា កាលពីអាណត្តិមុនៗ មិនមែនដោយសារសំឡេងអ្នកគាំទ្ររបស់ខ្លួនទាំងអស់នោះទេ ប៉ុន្តែគណបក្សប្រជាជនកម្ពុជា ប្រើស្នៀតបំបែកបំបាក់គូប្រកួត ដើម្បីយកឈ្នះដៃគូប្រកួត ហើយគណបក្សនេះចាំត្រងសំឡេងឆ្នោតពីគណបក្សតូចៗ ដែលមិនមានសំឡេងគ្រប់អាសនៈក្នុងមណ្ឌលបោះឆ្នោតនីមួយៗ ដើម្បីបង្គ្រប់អាសនៈរបស់ខ្លួនតាមរូបមន្តមធ្យមភាគខ្ពស់បំផុត។ គណបក្សនយោបាយតូចដែលចូលរួមប្រកួតប្រជែងទាំងអស់ រងនូវភាពអយុត្តិធម៌ ដោយសារការប្រើប្រាស់រូបមន្តមធ្យមភាគខ្ពស់បំផុត ដើម្បីបូកសន្លឹកឆ្នោតដែលសេសសល់ទាំងអស់នេះ ហើយស្ទើរគ្រប់អាណត្តិ គណបក្សដែលចំណេញច្រើនជាងគេ គឺគណបក្សប្រជាជនកម្ពុជា។
Because of that formula, CPP could secure 90 seats easily for the previous mandate.
But the number of seats gained by CPP for this year will slum down sharply. I expect it receives only 40 seats.
សូមអរគុណនៅការវិភាគរបស់ លោក ប៉ែន
ស៊ីវ័ន្តដែលបានបញ្ចេញអោយយើងបានដឹងនៅចំនុចចន្លោះប្រហោងនៃយើងក្នុងដំនាក់កាលនេះ។
វាជាការពឹតហើយថាយុទ្ធសាស្រ្តទាំងបីរបស់គណះបក្សកាន់អំនាចដែលកំពុងប្រើពេលនេះ គឺ:
– ជំហានទីមួយ: គឺគេធ្វើការវាយសន្ធាប់យ៉ាងខ្លាំងមកលើយើងដើម្បីប៉ានស្មានកំលាំង
– ជំហានទីពីរ : គឺការរក្សានៅភាពស្ងៀមស្ងាត់ដើម្បីក្តោបក្តាប់ស្ថានការណ៏ និង
ស្វែងរកចំនុចខ្សោយរបស់ដៃគូរ
– ជំហានទីបីជាជំហានចុងក្រោយ : គឺការវាយសំរុកផ្តាច់ព្រ័ត្រ
ចំពោះស្ថានភាពបច្ចុប្បន្នគឺគេកំពុងស្ថិតនៅក្នុងដំនាក់នៃជំហានទីពីរ ដែលជំហានមួយគួរអោយគ្រោះថ្នាក់បំផុតសំរាប់គណះបក្សសង្គ្រោះជាតិរបស់យើង ។
ខ្ញុំពេញចិត្តអត្ថបទរបស់លោក ហើយខាងលើនេះ ខ្ញុំបានដកស្រង់ចំនុចខ្លះ មកបង្ហាញ ។
បំណងបង្កើតបដិវត្តន៏ផ្កាម្លិៈ តាមពិភពអារ៉ាប់ របស់សមរង្សីដើម្បីធ្វើរដ្ឋប្រហារដណ្តើមអំណាច
ត្រូវបានសម្តេចអគ្គមហាសេនាបតីតេជោហ៊ុនសែនធាក់អោយរលូតងាប់តែហោងបាត់ហើយ ។
ទីបញ្ចប់ ក្រោយថ្ងៃបោះឆ្នោត ២៨ ខែ កក្កដាឆ្នាំ ២០១៣ គណបក្សសង្គ្រោះជាតិនៅតែដេក
បៀមអាចម៏ ៥ឆ្នាំទៀតដដែល
ហាស ! ហាស បន្លាមុតយកបន្លាជួស នេះការជាដឹកនាំដ៏អស្ចារ្យរបស់សម្តេចតេជោសែន ដែលមនុស្សថោកទាប ស្រេកឃ្លានចង់បានតែអំណាច មានគំនឹតអាក្រក់ចំពោះជាតិ និងប្រជាជនស្មានមិនដល់ ហាស! ហាស
ជយោ ! សម្តេចតេជោសែន
******************
ការសម្រេចចិត្តមួយដែលរំលូតការចម្លង បដិវត្តន៍ “រដូវផ្ការីកនៅអារ៉ាប់”មកកម្ពុជា
**************************************
ភ្នំពេញ: នៅពេលដែលអ្នកនិពន្ធសរសេរអត្ថបទនេះដំបូង គឺចង់ធ្វើការវិភាគថា តើបក្សប្រឆាំងកំពុងតែចង់នាំបដិវត្តន៍ផ្កាម្លិះ ចូលមកកម្ពុជា នៅមុនពេលបោះឆ្នោត ឬយ៉ាងណា ដោយហេតុថា លោកសម រង្ស៊ី បានប្តេជ្ញាចិត្តថា ដាច់ខាតលោកត្រូវត្រឡប់មកកម្ពុជាវិញ ទោះបីជាលោកត្រូវប្រឈមនឹងការចាប់ខ្លួន។
ប៉ុន្តែនៅក្នុងដំណើរការនៃការប្រមូលទិន្ន័យដើម្បីគាំទ្រដល់ការវិភាគនេះ សម្តេចហ៊ុន សែន បានសម្រេចចិត្តស្នើទៅកាន់ព្រះមហាក្សត្រ ដើម្បីព្រះរាជទានការលើកលែងទោសដល់លោក សម រង្ស៊ី ដែលនៅថ្ងៃទី១២ ខែកក្កដា ឆ្នាំ២០១៣ លោកក៏ទទួលការលើកលែងទោសពីព្រះមហាក្សត្រកម្ពុជា។ ដូច្នេះ ការវិភាគត្រូវបានប្តូរទិសទៅរកថា តើការសម្រេចចិត្តរបស់នាយករដ្ឋមន្ត្រី មានសារសំខាន់យ៉ាងណា ដើម្បីបញ្ចៀសការបង្ហូរឈាមមួយ ដែលអាចនឹងកើតមាន ដោយសារតែការវិលត្រឡប់របស់លោកសម រង្ស៊ី បើសិនជាគ្មានការលើកលែងទោសទេនោះ។
នៅក្នុងទិដ្ឋភាពចំពោះមុខមួយ រដ្ឋាភិបាលកម្ពុជា បានដកថយមួយជំហានចំពោះចំណាត់ការចំពោះលោក សម រង្ស៊ី ដែលមានទោសជាង១០ឆ្នាំជាប់ខ្លួន ហើយត្រូវប្រឈមមុខនឹងការចាប់ខ្លួន បើសិនជាគាត់វិលត្រឡប់មកវិញ ដោយគ្មានការលើកលែងទោសពីព្រះមហាក្សត្រ។ ការវិភាគជ្រៅជាងនេះ គណបក្សកាន់អំណាច និងសម្តេចនាយករដ្ឋមន្ត្រី អាចនឹងទទួលការគោរពច្រើនពីការសម្រេចចិត្តមួយនេះ។ ទីមួយ ការលើកលែងទោសដល់លោក សម រង្ស៊ី អាចធ្វើឲ្យការបោះឆ្នោតនៅកម្ពុជា កាន់តែមានលក្ខណ:សេរី និងប្រជាធិបតេយ្យ ខណ:ដែលកម្ពុជាបានលះបង់បន្តិច អំពីគោលការណ៍ច្បាប់ និងយុត្តធម៌សង្គម។ សំខាន់ជាងនេះ ការលើកលែងទោសដល់លោក សម រង្ស៊ីនោះ គឺមានន័យថា ជាការបញ្ចប់ការប្រឈមមុខដាក់គ្នា រវាងកម្លាំងប៉ូលិសអនុវត្តច្បាប់ និងក្រុមអ្នកគាំទ្ររបស់លោកសម រង្ស៊ី នៅពេលដែលលោកសម រង្ស៊ី វិលត្រឡប់មកកម្ពុជាវិញ ហើយគាត់ត្រូវចាប់ខ្លួននៅព្រលានយន្តហោះ ក្នុងករណីដែលគ្មានការលើកលែងទោស។ វាទំនងជាអំពើហិង្សា អាចនឹងកើតមាននៅពេលនោះ ដោយសារតែការតទល់គ្នា រវាងសមត្ថកិច្ច និងក្រុមអ្នកគាំទ្ររបស់លោក សម រង្ស៊ី និងគណបក្សង្គ្រោះជាតិ។ តាមពិតទៅនោះ មជ្ឈដ្ឋានជាច្រើន បានមានការព្រួយបារម្ភបែបនេះ មុនពេលព្រះមហាក្សត្រ ព្រះរាជទានការលើកលែងទោសដល់លោក។
ដូច្នេះតាមការវិភាគជ្រុងមួយនោះ គណបក្សសង្គ្រោះជាតិ និងលោក សម រង្ស៊ីផ្ទាល់ បានឈ្នះចិត្តរដ្ឋាភិបាល និងសម្តេចហ៊ុនសែន ដោយជំរុញឲ្យមានការលើកលែងទោសដល់លោក សម រង្ស៊ី។ ប៉ុន្តែការវិភាគស៊ីជម្រៅជាងនេះ សម្តេចហ៊ុន សែន បានរំលូតការប៉ុនប៉ងរបស់មេបក្សប្រឆាំងនៅក្នុងការនាំយកបដិវត្តន៍ផ្កាម្លិះ ឬក៏បដិវត្តន៍ “រដូវផ្ការីកនៅអារ៉ាប់” មកកាន់ប្រទេសកម្ពុជា ដោយប្រើហ្វូងមនុស្ស ដើម្បីបះបោរ និងដណ្តើមអំណាច។ សម្តេចអាចនឹងព្រួយបារម្ភថា ការប្រឈមមុខដាក់គ្នា រវាងអាជ្ញាធរ និងក្រុមអ្នកគាំទ្រលោកសម រង្ស៊ី អាចនឹងនាំដល់ការបង្ហូរឈាមមនុស្ស។ ដូច្នេះ គណបក្សប្រឆាំង ក៏មិនអាចដើរដល់គោលដៅនៃការជំរុញការបះបោរ។
ហេតុអ្វីបានជាមានការវិភាគថា ការបះបោរប្រជាជន គឺជាគោលដៅចង់បានបំផុតរបស់លោក សម រង្ស៊ី និងគណបក្សប្រឆាំង?
ការពិតដ៏រឹងមាំចំនួនពីរ អាចគាំទ្រការវិភាគតាមទិដ្ឋភាពនេះ។ ទីមួយ ការវិភាគទូទៅ គឺគណបក្សប្រជាជនកម្ពុជា នឹងឈ្នះការបោះឆ្នោតនេះ ហើយបន្តកាន់អំណាចទៀត។ នេះជាការសន្និដ្ឋានរបស់អ្នកវិភាគជាច្រើន និងសារព័ត៌មានអន្តរជាតិល្បីៗ ដូចជា AFP AP Kyodo Reuters ជាដើម។
ដូច្នេះ គណបក្សសង្គ្រោះជាតិ នឹងមិនអាចចូលកាន់អំណាចបានឡើយ តាមរយ:ការបោះឆ្នោត នៅថ្ងៃទី២៨ខែកក្កដាខាងមុខនេះ។ ការបះបោរ គឺជាផ្លូវតែមួយគត់ដែលអាចជួយពួកគេបាន បើសិនជាការវាយតម្លៃ ដោយអ្នកវិភាគ និងសារព៍ត៌មានបរទេស ពិតជាត្រឹមត្រូវមែននោះ។
ទីពីរ លោក សម រង្ស៊ី មានផែនការយូរមកហើយ នៅក្នុងការដឹកនាំប្រទេស តាមរយ:ការបះបោរ តាមលំនាំអ្វីដែលកើតមាន នៅប្រទេសអារ៉ាប់ ដែលកំពុងតែជាប់ផុងនៅក្នុងវិបត្តិដោយសារតែការធ្វើបដិវត្តន៍ទាំងនោះ។
ហេតុអ្វីមានការវិភាគថា លោក សម រង្ស៊ី ចង់ឲ្យមានការបះបោរ ដូចជា បដិវត្តន៍ផ្កាម្លិះ?
ដោយពិនិត្យថយក្រោយ ទៅរកអតីតកាលជាង ២ឆ្នាំមុន នៅពេលដែលប្រទេសទុយណេស៊ី បានផ្ទុះបដិវត្តន៍មួយ ដែលហៅថា បដិវត្តន៍ផ្កាម្លិះ ចាប់ពីថ្ងៃទី១៨ខែធ្នូឆ្នាំ២០១០ ហូតដល់ថ្ងៃទី១៤ ខែមករាឆ្នាំ២០១១ និង សកម្មភាពរបស់លោក សម រង្ស៊ី ៧ខែក្រោយពេលនោះ គេនឹងងាយគិតថា មេបក្សប្រឆាំងរូបនេះ ដែលធ្លាប់ល្បីឈ្មោះ ជាដង្ខៅបាតុកម្ម រង់ចាំតែពេលវេលាទុំជោរ ដើម្បីឈានដល់ការបះបោរនៅក្នុងប្រទេសកម្ពុជា ដោយមិនខ្វល់ថា នឹងមានការបង្ហូរឈាមមនុស្ស ឬយ៉ាងណាឡើយ ដើម្បីបុព្វហេតុអ្វីដែលក្រុមលោកហៅថា “ការផ្លាស់ប្តូរ”។
បដិវត្តន៍ផ្កាម្លិះ បានផ្ទុះនៅប្រទេសទុយណេស៊ី នៅថ្ងៃទី១៨ ខែធ្នូឆ្នាំ២០១០ រហូតដល់ថ្ងៃទី ១៤ខែមករាឆ្នាំ២០១១ ដោយបង្ខំឲ្យប្រធានាធិបតី បេន អាលី បានលាលែងពីតំណែង។ ប៉ុន្តែរហូតមកទល់ពេលនេះ ទុយណេស៊ី ស្ថិតនៅក្នុងវិបត្តិនៅឡើយ។ ការបះបោរនោះ បានរាលដាលដល់ប្រទេសអារ៉ាប់ ដែលផ្ទុះចេញជាអ្វីដែលគេហៅថា បដិវត្តន៍ “រដូវផ្ការីកនៅអារ៉ាប់” ដែលនាំទៅដល់ការដួលរលំរបស់មេដឹកនាំប្រទេសអេហ្ស៊ីប លីប៊ី ស៊ីរី និង យេមេនផងដែរ។
នៅពេលមានការដួលរលំតៗគ្នាបែបនេះ លោក សម រង្ស៊ី ក៏ចាប់ផ្តើមមានគំនិតចម្លងយកបដិវត្តន៍បែបនោះ មកកាន់ប្រទេសកម្ពុជា ដោយមិនខ្លាចអំពីផលលំបាកដែលបណ្តាលមកពីការបះបោរបែបនោះឡើយ។ នៅថ្ងៃទី២១ ខែកក្កដា លោក សម រង្ស៊ី បានធ្វើដំណើរទៅកាន់ប្រទេសទុយណេស៊ី ដោយចង់រៀនសូត្រ និងដកពិសោធន៍ អំពីរបៀបដឹកនាំការបះបោរនៅប្រទេសនោះ។
គណបក្សរបស់លោក មិនញញើត នឹងប្រកាសត្រង់ៗអំពីទស្សនកិច្ចនោះ ហើយថែមទាំងបង្ហាញអំពីចេតនានៃការរៀបចំការបះបោរនៅកម្ពុជា តាមរយ:ទស្សនកិច្ចដ៏កម្ររបស់លោកសមរង្ស៊ី។ នៅថ្ងៃទី២១ ខែកក្កដាឆ្នាំ២០១១ គណបក្សសម រង្ស៊ី ក៏បានចេញសេចក្តីថ្លែងការណ៍មួយ ដែលនិយាយត្រង់ៗអំពីចេតនារៀបចំអ្វីដែលគេហៅថា “អំណាចប្រជាជន” ដោយចង់ឲ្យមានបដិវត្តន៍ តាមលំនាំបដិវត្តន៍ “រដូវផ្ការីកនៅអារ៉ាប់” កើតមាននៅកម្ពុជា ដែលកំពុងតែធ្វើដំណើរលើផ្លូវប្រជាធិបតេយ្យស្រាប់ទៅហើយនោះ។
ជាមួយនឹងចំណងជើង “លោក សម រង្ស៊ី នៅប្រទេសទុយណេស៊ី ដើម្បីរៀបចំ “អំណាចប្រជាជន ”នៅកម្ពុជា សេចក្តីថ្លែងការណ៍របស់គណបក្សសម រង្ស៊ី បានឲ្យដឹងថា សមរង្ស៊ីអំពាវនាវឲ្យមានអ្វីដែលហៅថា សម្ព័ន្ធភាពប្រជាជន ដើម្បីផ្តួលរំលំមេដឹកនាំ ដែលកាន់អំណាចច្រើនទសវត្សរ៍។
សកម្មភាពថ្មីៗនេះរបស់លោក សម រង្ស៊ី ក៏បានព្យាយាមប្រមូលកម្លាំងគាំទ្រពីយុវជន សម្រាប់សុបិនមួយនេះរបស់គាត់ និងគណបក្សប្រឆាំង។ លោក សម រង្ស៊ី បានសម្រេចហ៊ានប្រឈមនឹងការចាប់ដាក់គុក នៅពេលគាត់វិលត្រឡប់មកវិញ។ ប៉ុន្តែទន្ទឹមនោះ គណបក្សរបស់គាត់ ក៏ត្រៀមមនុស្សជាច្រើនពាន់នាក់ ដើម្បីទៅទទួលគាត់នៅព្រលានយន្តហោះផងដែរ។
សាកគិតទៅមើល នឹងមានអ្វីកើតឡើង បើសិនជាប៉ូលិស តាំងចិត្តធ្វើតាមសាលក្រមតុលាការ ហើយចាប់ខ្លួនលោក សម រង្ស៊ី ហើយអ្នកគាំទ្រគាត់ មិនបណ្តោយឲ្យប៉ូលិសចាប់ខ្លួនគាត់នោះ។ ពេលនោះ មនុស្សគ្រប់គ្នា នឹងធ្លាក់ចូលក្នុងអន្ទាក់ របស់លោក សម រង្ស៊ី ហើយការប៉ះទង្គិចគ្នាប្រាកដជាកើតឡើង ចំណែកផលវិបាកគឺគ្មាននរណានឹកស្មានដល់ឡើយ។
ការចាប់លោក សម រង្ស៊ី នឹងអាចផ្តល់លេសគ្រប់គ្រាន់សម្រាប់ការដុតបញ្ឆេះការបះបោរមួយ តាមអ្វីដែលលោក សម រង្ស៊ី ធ្លាប់គិត។ ការបះបោរជាចំហមួយ នឹងអាចប្រកាសឡើងនៅពេលនោះ ហើយអាចនឹងរុញច្រានកម្ពុជា ឲ្យធ្លាក់ក្នុងវិបត្តិនយោបាយដ៏សែនធ្ងន់ ឬសង្គ្រាមស៊ីវិលដូចដែលអ្វីបានកើតនៅប្រទេសអារ៉ាប់ទាំងឡាយ ដែលឆ្លងកាត់បដិវត្តន៍ផ្កាម្លិះ ឬបដិវត្តន៍រដូវផ្ការីក ឬក៏បដិវត្តន៍ផ្កាឈូក។
ទស្សនាវដ្តី The Economist បានសន្និដ្ឋានថា ប្រទេសទុយណេស៊ី ប្រទេសអេហ្ស៊ីប ប្រទេសលីប៊ី ប្រទេសយេម៉េន និងប្រទេសស៊ីរី ដែលកើតមានបដិវត្តន៍ទាំងនោះ គឺគ្មានប្រទេសណាមួយ រហូតមកទល់ពេលនេះ មានស្ថិរភាពនយោបាយ ឬលទ្ធិប្រជាធិបតេយ្យដ៏ត្រឹមត្រូវឡើយ។ ការតវ៉ា បាតុកម្ម អំពើហិង្សា កុប្បកម្ម ភេរវកម្ម កំពុងញាំញីប្រទេសទាំងនោះ ពិសេសប្រទេសស៊ីរី ស្ថិតនៅក្នុងសង្គ្រាមស៊ីវិលនៅឡើយ។
ប្រទេសកម្ពុជាដែលត្រូវគេចាត់ទុកថា កំពុងតែធ្វើដំណើរលើផ្លូវដ៏ត្រឹមត្រូវនោះ មិនគួរនឹងធ្វើដំណើរតាមផ្លូវប្រទេសអារ៉ាប់ទាំងនោះឡើយ។ ចំណែកលោក សម រង្ស៊ី ក៏មិនគួរគិតអំពីអ្វីដែលបំផ្លិចបំផ្លាញ សម្រាប់ប្រទេស និងប្រជាជនកម្ពុជាដែរ។
នៅក្នុងការវិភាគលើកក្រោយ អ្នកនិពន្ធ នឹងព្យាយាមពន្យល់លម្អិតថា តើការបះបោរនៅប្រទេសទាំងនោះ មានទំហំផលប៉ះពាល់ធ្ងន់ធ្ងរប៉ុនណា ហើយថាហេតុអ្វី ក៏កម្ពុជាមិនគួរចម្លងវាចូលមក៕
ដោយសារនិយាយចំំំចំណុចខ្សោយគណបក្សប្រជាជន
ពុករលួយ
យួនចូលខុសច្បាប់
បក្សពួកនិយម
ប្រាក់ខែមន្រ្តីរាជការទាប
ជយោ !ជយោ !ជយោ !កម្លាំងយុវជន យុវនារី សង្រ្គោះជាតិខ្មែរឱ្យថ្កុំថ្កើងរុងរឿង ! ជយោ !ជយោ !ជយោ !
បរាជ័យ!បរាជ័យ!បរាជ័យ!គណបក្សកាន់អំណាចនិយមមន្រ្តីចោរពុករលួយលួចជាតិ បំផ្លាញជាតិ! បរាជ័យ!បរាជ័យ!បរាជ័យ!
ជយោ !ជយោ !ជយោ !កម្លាំងយុវជន យុវនារី សង្រ្គោះជាតិខ្មែរឱ្យថ្កុំថ្កើងរុងរឿង ! ជយោ !ជយោ !ជយោ !
បរាជ័យ!បរាជ័យ!បរាជ័យ!គណបក្សកាន់អំណាចនិយមមន្រ្តីចោរពុករលួយលួចជាតិ បំផ្លាញជាតិ!
បរាជ័យ!បរាជ័យ!បរាជ័យ!
The analysis is excellent for Cambodian standard. I like mr. Mao’ s analysis too. The one fact about Human nature is that absolute power equals absolute corrupt.