ដោយ៖ ញឹម សុខន | ថ្ងៃអង្គារ ទី1 ធ្នូ 2015, 03:46 PM
http://vodhotnews.com
ស្តាប់សំឡេង៖ |
ចម្លងទុក |
តំណាងរាស្ត្រគណបក្សប្រឆាំងដែលរងការវាយដំពីសំណាក់មនុស្សមួយក្រុមដែលគេស្គាល់ថាគាំទ្របក្សកាន់អំណាចនោះ ឲ្យដឹងថាពួកគេនឹងស្វែងរកកិច្ចអន្តរាគមន៍ពីសហគមន៍អន្តរជាតិដើម្បីជំរុញឲ្យចាប់ជនដៃដល់មកផ្តន្ទាទោសបន្ថែមទៀត បើតុលាការនៅកម្ពុជាមិនអាចចាត់ការទៅលើអ្នកពាក់ព័ន្ធផ្សេងទៀត។
ការអះអាងបែបនេះរបស់តំណាងរាស្ត្ររងរបួសគឺលោក ញ៉យ ចំរើន និងលោក គង់ សភា បានធ្វើឡើងក្នុងកម្មវិធីតុមូល របស់VODនៅថ្ងៃទី៣០ខែវិច្ឆិកា កាលពីថ្ងៃទី៣០ខែវិច្ឆិកា ឆ្នាំ២០១៥។
ក្នុងកម្មវិធីនោះ លោក ញ៉យ ចំរើន លើកឡើងថាព្រឹត្តិការណ៍វាយដំពួកលោកនៅជាប់របងរដ្ឋសភាកាលពីចុងខែតុលានោះ លោកដាក់ការសង្ស័យថាអាចជាផែនការរៀបចំទុករបស់មន្ត្រីមានអំណាច ដើម្បីគំរាមកំហែងផ្នែកនយោបាយទៅលើបក្សប្រឆាំង។ លោកបន្តថាជាទម្លាប់រថយន្តតំណាងរាស្ត្រត្រូវរៀបចំឲ្យចូលតាមច្រកខាងក្រោយហើយចេញវិញតាមច្រកទ្វារខាងមុខនិងមានឧបករណ៍ត្រួតពិនិត្យរកគ្រឿងផ្ទុះយ៉ាងប្រុងប្រយ័ត្ន។ ប៉ុន្តែលោកថានៅថ្ងៃដែលមានបាតុករច្រើនរយនាក់ទាមទារឲ្យលោក កឹម សុខា ចុះចេញពីតំណែងនោះលោកថាម៉ាស៊ីនស្កែនរកជាតិផ្ទុះខូច ច្រកចេញទ្វារខាងមុខនិងច្រកទ្វារចំហៀងត្រូវបិទ។
លោកមានប្រសាសន៍ថា៖ “ខ្ញុំមើលទិដ្ឋភាពក្រុមបាតុករដែលមកវាយខ្ញុំទាំងពីរនាក់ហ្នឹងសុទ្ធតែអ្នកមានកម្លាំងពេញហើយមានកាត់សក់ខ្លី ហើយទំនងជាកងអង្គរក្សជាប៉ូលិសហើយបាតុករដែលមកមុនហ្នឹងភាគច្រើនអត់មានស្ត្រីទេជាបុរសសុទ្ធ។ អញ្ចឹងការសន្និដ្ឋានរបស់ខ្ញុំសូម្បីតែការវាយមកលើរូបកាយរបស់ខ្ញុំហ្នឹងក៏វាយដោយចេះក្បាច់គុនត្រឹមត្រូវដែរ”។
លោក ញ៉យ ចំរើន អះអាងទៀតថារបួសលើរាងកាយលោកថ្វីត្បិតតែបានព្យាបាលជិតមួយខែនៅប្រទេសថៃ តែដៃដែលរងរបួសនោះស្ថិតក្នុងស្ថានភាពធ្ងន់ធ្ងរនៅឡើយ។
លោកថា៖ “បាទ! ដៃខាងស្តាំនេះគឺបាក់៣កន្លែងរហូតដល់ឥឡូវនេះគឺស្វិតហើយដៃខាងស្តាំនេះ ហើយឆ្អឹងក្រោមភ្នែករបស់ខ្ញុំហ្នឹងបាក់ចូលភ្នែកហើយច្រមុំដែលបាក់ ហើយធ្មេញបាក់ពីរហើយរហូតដល់ឥឡូវនេះផ្នែកមុខខ្ញុំខាងស្តាំហ្នឹងស្ពឹក អស់ហើយអត់ទាន់ដឹងថាយ៉ាងម៉េចទេហើយចុងដង្ហើមហ្នឹងរហូតដល់ឥឡូវនៅតែចុកហើយឆ្អឹងជំនីខាងស្តាំហ្នឹងនៅតែចុក ហើយខាងឆ្វេងនៅចុកល្មមទេ”។
តំណាងរាស្ត្រដែលរងរបួសម្នាក់ទៀតគឺលោក គង់ សភា ហៅព្រឹត្តិការណ៍ហិង្សាលើតំណាងរាស្ត្រពេលនោះថាជាការរៀបចំទុករបស់មន្ត្រីមានអំណាចណាមួយក្នុងចេតនាមិនល្អមកលើមន្ត្រីបក្សប្រឆាំងក្នុងដំណើរការប្រកួតប្រជែងផ្នែកនយោបាយ។
ប៉ុន្មានថ្ងៃក្រោយមកលោកនាយករដ្ឋមន្ត្រី ហ៊ុន សែន បានចេញមុខអះអាងថាបាតុកម្មនោះពិតជាមានអ្នករៀបចំ។ ប៉ុន្តែលោកថារដ្ឋាភិបាលក៏ដូចគណបក្សកាន់អំណាចមិនគាំទ្រជនណាដែលប្រើហិង្សាទេ។
លោកមានប្រសាសន៍ថា៖ “ស្អី!ត្រូវស្រាវជ្រាវរកអ្នកណាអ្នករៀបចំ? វាច្បាស់ណាស់ថាវាមានអ្នករៀបចំ? វាគ្មានថានរណាមកឯកឯងថាមិនរៀបចំទេ។ គេរៀបចំក្រែងគេមានចុះហត្ថលេខាដាក់ទៅសាលាក្រុងតើ? អីក៏ខ្វល់ម្ល៉េះ"?
ទោះជាយ៉ាងណានាយករដ្ឋមន្ត្រីបានបញ្ជាឲ្យសមត្ថកិច្ចតាមចាប់ខ្លួនជនដៃដល់មកផ្តន្ទាទោសដោយមិនយោគយល់នឹងអំពាវនាវឲ្យជនដៃដល់ចេញមុខសារភាពមកទទួលទោស។
ក្រោយការអំពាវនាវរបស់នាយករដ្ឋមន្ត្រីមួយថ្ងៃពោលគឺនៅថ្ងៃទី៦ ខែវិច្ឆិកាបុរស៣នាក់ចេញសារភាពគឺមាន ចាយ សារិទ្ធ អាយុ៣៣ឆ្នាំរស់នៅសង្កាត់តាខ្មៅ ខេត្តកណ្តាល។ ម៉ៅ ហឿន អាយុ៣៤ឆ្នាំរស់នៅភូមិ៥ ឃុំព្រែកខ្សាយ “ខ” ស្រុកពាមរក៍ ខេត្តព្រៃវែង និង សុត វណ្ណនី អាយុ៤៥ឆ្នាំរស់នៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល។
ជនសង្ស័យ៣នាក់ដែលត្រូវស្គាល់ថាខ្លះមានតួនាទីជាទាហាននោះត្រូវបានតុលាការសម្រេចឃុំខ្លួនបណ្តោះអាសន្នក្រោមបទចោទប្រើហិង្សាដោយមានស្ថានទម្ងន់ទោសនិងធ្វើឲ្យខូចខាតទ្រព្យសម្បត្តិដោយចេតនា។ ប៉ុន្តែតំណាងរាស្ត្រដែលរងរបួសអះអាងថាជនដៃដល់មានច្រើនជាងនេះដែលពួកគេថាតុលាការមិនទាន់ចាត់វិធានការនៅឡើយ។
អានអត្ថបទ…
តំណាងរាស្ត្រទាំងនោះអះអាងថាពួកគេនឹងចេញទៅក្រៅប្រទេសដើម្បីស្វែងរកអន្តរាគមន៍ពីសហរដ្ឋអាមេរិក សហភាពអឺរុប និងអូស្ត្រាលីជាដើម ដើម្បីជំរុញឲ្យរដ្ឋាភិបាលចាប់ខ្លួនអ្នកពាក់ព័ន្ធមួយចំនួនទៀតមកផ្តន្ទាទោស។
អ្នកនាំពាក្យក្រសួងមហាផ្ទៃ លោក ខៀវ សុភ័គ អះអាងថាសំណុំរឿងនេះមន្ត្រីជំនាញបានបញ្ជូនទៅតុលាការហើយរួមទាំងជនសង្ស័យ៣នាក់។ លោកថាមកដល់ពេលនេះសមត្ថកិច្ចមិនទាន់បានទទួលបញ្ជាពីតុលាការឲ្យចាប់ខ្លួនជនណាបន្ថែមទៀតពាក់ព័ន្ធនឹងការវាយតំណាងរាស្ត្រនេះនៅឡើយ។ មន្រ្តីសង្គមស៊ីវិលធ្លាប់រិះគន់ថាការអនុវត្តច្បាប់នៅកម្ពុជាមានស្តង់ដារពីររវាងអ្នកមានអំណាចនិងអ្នកនយោបាយបក្សប្រឆាំង រវាងអ្នកមានប្រាក់និងអ្នកក្រីក្រ ប៉ុន្តែករណីនេះលោកនាយករដ្ឋមន្ត្រីធ្លាប់ច្រានចោល៕
សូមសរសេរមកកាន់លោក ញឹម សុខន តាមរយៈ sokhorn@vodhotnews.com
ការប្រឈមរបស់តំណាងរាស្រ្ត វគ្គ ១
ដោយ៖ វិចិត្ត | ថ្ងៃអង្គារ ទី1 ធ្នូ 2015, 11:54 AM
http://vodhotnews.com
ការប្រឈមរបស់តំណាងរាស្រ្ត វគ្គ ១
ការប្រឈមរបស់តំណាងរាស្រ្ត វគ្គ ២
យ៖ វិចិត្រ | ថ្ងៃអង្គារ ទី1 ធ្នូ 2015, 11:57 AM
http://vodhotnews.com
ការប្រឈមរបស់តំណាងរាស្រ្ត វគ្គ 2
ឣាសត្វតិរច្ឆានហុនសែន- កាដួយម៉ែឣាសត្វឆ្កែកាចាស់ខ្វាក់ភ្នែក ស្រឡេវ ភ្នែក- សំរ៉ែ-ខ្មែរក្រហមក្បត់ជាតិ កញ្ជះយួនថោកទាប ល្ងីល្ងឺ- ឣាងាប់តៃហោងដូចកាដាសហ្វី -ម៉ូបារាក់ -សាដាំហូសេន ក្នុងពេលឆាប់ៗនេះ