សុខ ខេមរា
06 វិច្ឆិកា 2013
វីអូអេខ្មែរ
នៅក្នុងរូបថតថ្ងៃ ០៣ ធ្នូ ២០១០ នេះ មេបញ្ជាការនាវាចម្បាំងស.រ.អា. លោកម៉ៃខល វណ្ណៈ ខឹម មីសីវីក (Michael Vannak Khem Misiewicz) បង្ហាញអារម្មណ៍ក្តុកក្តួលនៅពេលឱបម្តាយមីង Samrith Sokha អាយុ៧២ឆ្នាំ នៅក្រុងព្រះសីហនុ។
វ៉ាស៊ីនតោន — មន្ត្រីយោធាជាន់ខ្ពស់អាមរិកាំងពីរនាក់មានដើមកំណើតខ្មែរ ត្រូវជាប់ចោទពីបទប្រព្រឹត្តអំពើពុករលួយ និងផ្ផ្តល់ឯកសារយោធា ស.រ.អា.ដល់រដ្ឋាភិបាលកម្ពុជា។
ទង្វើនេះត្រូវមន្ត្រីអាមេរិកាំងចាត់ទុកថា ជាការធ្វើឲ្យប៉ះពាល់សន្តិសុខជាតិយ៉ាងធ្ងន់ធ្ងរដែលតម្រូវឲ្យមានការចាត់វិធានការទប់ស្តាត់។
មេបញ្ជាការយោធាជើងទឹកកំពូលរបស់ស.រ.អា.គឺឧត្តមនាវីសាំញ៉ូអែល ឡុកគ្លៀ (Samuel J. Locklear III) បានហៅការចោទប្រកាន់លើមន្ត្រីយោធាពីរនាក់ថា ជាបញ្ហាដែលត្រូវតែមាន វិធានការទប់ស្កាត់ កុំឲ្យប៉ះពាល់ដល់សន្តិសុខជាតិស.រ.អា.។
ឆ្លើយតបទៅនឹងសំណួររបស់វីអូអេផ្នែកខេមរភាសាក្នុងពេលសន្និសីទកាសែត មួយក្នុងរដ្ឋធានីវ៉ាស៊ីតោនកាលពីថ្ងៃអង្គារ ឧត្តមនាវីសាំញ៉ូអែល ឡុកគ្លៀ មេបញ្ជាការយោធាជើងទឹកស.រ.អា. បានអះអាងបញ្ហាទាំងនេះជារឿងដែលត្រូវ ទប់ស្កាត់ផលប៉ះពាល់របស់វា៖
«ទិដ្ឋភាពនៃការប្រឆាំងចារកម្មក្នុងអង្គភាពយោធាគឺជារឿងដែលតែងតែបង្កបញ្ហា ហើយតែងតែត្រូវស៊ើបអង្កេតប្រសិនបើកើតមានឡើង។ វាក៏ជារឿង ដែលគ្រប់ប្រទេសទាំងអស់ យើងត្រូវតែធ្វើការយ៉ាងខ្លាំងដើម្បីធានាថា ផលប៉ះពាល់ពីរឿងរ៉ាវរបៀបនេះត្រូវបានទប់ស្កាត់»។
លោកក៏បានបដិសេធមិនធ្វើអត្ថាធិប្បាយលម្អិតទៅលើបទចោទរបស់មន្ត្រីយោធាអាមេរិកាំងដែលមានដើមកំណើតខ្មែរទាំងពីរនោះទេ។ តែរបាយការណ៍ព័ត៌មាននានា និងរបាយការណ៍ពីតុលាការស.រ.អា.បានឲ្យដឹងថា មន្ត្រីយោធាសហរដ្ឋអាមេរិកពីរនាក់គឺមេបញ្ជាការនាវាចម្បាំងស.រ.អា. លោកម៉ៃខល វណ្ណៈ ខឹម មីសីវីក (Michael Vannak Khem Misiewicz) ដែលធ្លាប់ដឹកនាំនាវាស.រ.អា.ទៅកាន់ប្រទេសកម្ពុជា និងតំបន់អាស៊ីជាច្រើន ជាប់ចោទពីបទប្រព្រឹត្តអំពើពុករលួយ ទទួលសំណូក បេស្យាកម្ម ផ្តល់ព័ត៌មាន សម្ងាត់ដល់ក្រុមហ៊ុនមួយក្នុងប្រទេសសឹង្ហបូរី ហើយសវនាការសំណុំរឿងរបស់លោកនៅថ្ងៃ៨ខែវិច្ឆិកាអាចនឹងកំណត់ថ្ងៃកាត់ទោស។
ដោយឡែកមន្ត្រីយោធាអាមេរិកដើមកំណើតខ្មែរម្នាក់ទៀតគឺវរៈសេនីត្រី ស៊ីវីរៈ អ៊ីនសុន (Maj. Seivirak Inson) ជាមន្ត្រីយោធាផ្នែកចារកិច្ចរបស់ស.រ.អា. ត្រូវតុលាការស.រ.អា.មួយកាត់ ទោសឲ្យជាប់គុក១០ឆ្នាំកាលពីខែមិថុនា ពីបទផ្តល់ព័ត៌មានសម្ងាត់ដល់រដ្ឋាភិបាលកម្ពុជាពីឆ្នាំ២០០៩ ដល់ឆ្នាំ២០១២។ ក្រុមមន្ត្រីស.រ.អា.បានចាត់ទុកថា បញ្ហា ទាំងពីរនេះបានប៉ះពាល់ទៅដល់សន្តិសុខជាតិរបស់ស.រ.អា.ដ៏ធ្ងន់ធ្ងរ។
ឧត្តមនាវី សាំញ៉ូអែល ឡុកគ្លៀ (Samuel J. Locklear III) មេបញ្ជាការយោធាជើងទឹកកំពូលរបស់ស.រ.អា. ថ្លែងអំពីស្ថានភាពសន្តិសុខក្នុងតំបន់អាស៊ីប៉ាស៊ីហ្វ៊ិក នៅក្នុងសន្និសីទព័ត៌មានមួយឯមជ្ឈមណ្ឌលព័ត៌មានបរទេសក្នុងរដ្ឋធានីវ៉ាស៊ីនតោន កាលពីថ្ងៃអង្គារទី០៥ វិច្ឆិកា ២០១៣។ (សុខ ខេមរា/វីអូអេ)
លោកឧបនាយករដ្ឋមន្ត្រីទៀ បាញ់ រដ្ឋមន្ត្រីក្រសួងការពារប្រទេសកម្ពុជាបានបដិសេធថា គ្មានព័ត៌មានទាក់ទងនឹងការចោទប្រកាន់ថា មានការផ្តល់ឯកសារពីទាហានអាមេរិកាំងដើមកំណើតខ្មែរនោះទេ ។
លោកថ្លែងប្រាប់វីអូអេថា៖ «ខ្ញុំអត់មានផង។ ខ្ញុំដូចជាអត់ដឹងព័ត៌មានហ្នឹងផង»។
ទោះជាយ៉ាងណាក៏ដោយ មន្ត្រីនាំពាក្យយោធាស.រ.អា. រួមទាំងលោកវីរៈសេនីទោ Jeffrey Pool អ្នកនាំពាក្យមួយរូបនៃក្រសួងការពារប្រទេសស.រ.អា. បានអះអាង ប្រាប់វីអូអេតាមរយៈសារអេឡិចត្រូនិចអ៊ីមេលយ៉ាងខ្លីអំពីទោសទណ្ឌរបស់លោកវីរៈសេនីត្រីសីវីរៈ អ៊ីនសុន ដែលមានទោសពីបទចោទប្រកាន់ជាច្រើន រួមទាំងការផ្តល់ព័ត៌មានសម្ងាត់ផងដែរ។
«វីរៈសេនីត្រី អ៊ីនសុនត្រូវរកឃើញថា មានទោស ហើយបច្ចុប្បន្ននេះកំពុង ជាប់គុករយៈពេល១០ឆ្នាំ។ បន្ទាប់ពីលោកបានរួចខ្លួនពីគុក លោកនឹងត្រូវបណ្តេញចេញពីយោធាហើយ»។
អ្នកនាំពាក្យដដែលមិនបានធ្វើអត្ថាធិប្បាយលម្អិតអំពីរឿងនេះទេ ហើយ បង្វែរសំណួរអំពីជនជាប់ចោទម្នាក់ទៀតគឺលោកម៉ៃខល វណ្ណៈខឹម មីសីវីកទៅផ្នែកយោធាជើងទឹក។ តែនៅពេលទាក់ទងតាមទូរស័ព្ទ មន្ត្រីយោធា ជើងទឹករូបនោះបដិសេធមិនផ្តល់អត្ថាធិប្បាយទេ។
លោកខឹម វណ្ណៈត្រូវគេដឹងថា ជាមេបញ្ជាការកងនាវាចម្បាំង USS Mustin ហើយត្រូវបានតែងតាំងជាមេបញ្ជាការនាវាជើងទឹកទី៧របស់ស.រ.អា.មុនត្រូវចាប់ខ្លួន។ លោកត្រូវគេដឹងថា បានគេចចេញពីប្រទេសកម្ពុជាកាលពីទសវត្សរ៍១៩៧០។ មន្ត្រីមួយចំនួន រួមទាំងក្រុមហ៊ុននៃប្រទេសសឹង្ហបូរី ដែលមានកិច្ចសន្យាជាមួយយោធាស.រ.អា. ក៏ត្រូវជាប់ចោទនិងត្រូវចាប់ខ្លួនផងដែរ។
លោកគុជ ច័ន្ទលី អ្នកវិភាគម្នាក់នៅរដ្ឋម៉ារីឡែនស.រ.អា. បានអះអាងថា ជាការគួរឲ្យសោកស្តាយចំពោះពលរដ្ឋខ្មែរយើងបានធ្វើកិច្ចការធំដុំហើយ បែរជាមាន ទោសទាក់ទងនឹងបញ្ហាផ្សេងៗ។ លោកថ្លែងថា ស.រ.អា.គេនឹងមិនអត់ឱន ឬយល់យោគចំពោះបុណ្យសក្តិ និងឋានៈទេ ពេលបុគ្គលបានធ្វើខុសនឹងច្បាប់។
«បើសិនជាមានបុគ្គលណាមួយ មិនថា ជាដើមកំណើតខ្មែរចូលសញ្ជាតិអាមេរិកាំង ឬដើមកំណើតអាមេរិកាំង ឬក៏ដើមកំណើតអ្វីផ្សេងៗនោះទេ បើធ្វើអ្វីមួយប្រាសចាកនឹងវិន័យ និងក្រិត្យក្រមច្បាប់ស.រ.អា. គឺគេនឹងត្រូវតែផ្តន្ទាទោស»។
ពលរដ្ឋខ្មែរជាច្រើនផ្សេងទៀតបានបង្ហាញការសោកស្តាយចំពោះហេតុការណ៍ដែលកើតឡើងចំពោះជនជាតិខ្មែរអាមេរិកាំងដែលត្រូវជាប់ចោទពីបទពុករលួយនិងចារកម្មនេះដែរ ដោយអះអាងថា បញ្ហានេះធ្វើឲ្យខូចខាតដល់មុខមាត់ប្រទេសកំណើត និងការជឿទុកចិត្តលើប្រជាជនកម្ពុជា៕
អត្ថបទព័ត៌មានទាក់ទង
- នាវាពិឃាដរបស់អាមេរិកក្រោមមេបញ្ជាការដើមកំណើតខ្មែរបានមកដល់កម្ពុជា
- អាមេរិកបង្ហាញពីការរីកចម្រើននៃទំនាក់ទំនងជាមួយនឹងកម្ពុជា
- លំហាត់យោធាកម្ពុជាអាមេរិកដើម្បីសង្គ្រោះបន្ទាន់ចាប់ផ្តើម
- កម្ពុជាបាញ់សាកល្បងកាំជ្រួច BM 21 ជាលើកទីពីរ
- កងកម្លាំងជើងទឹកសហរដ្ឋអាមេរិកជួយកិច្ចការមនុស្សធម៌
- កងម៉ារីនអាមេរិកនិងកម្ពុជានឹងធ្វើលំហាត់យោធានៅចុងសប្ដាហ៍នេះ
- ម៉ារីនអាមេរិកទៅដល់កម្ពុជា ធ្វើសមយុទ្ធរួម
ច្បាប់គឺមនុស្សបង្កើត អោយមនុស្សទាំងអស់ក្នុងប្រទេសនីមួយពុគោរព………..បើធ្វើខុសត្រូវទទួលតាមកំហុសរបស់ខ្លួនប្រព្រឹត្ដ.
មិនទុកអោយរួចខ្លួនយូរដូចអាឈូកទណ្ឌឹតឡើយ។
ខ្មែរមិនចោលក្បួនយួនមិនចោលពុតនេះជាពាក្យបុរាណណាចារ្យជាយូមកហើយ
Buddish tearch that making friends is better than making enemies; BUT only when you meet good friends. Good friends can help you growth and prosperity, Bad friends lead you to yell.
បុគ្កលខ្មែរទាំងនេះ មានដើមកំណើតវាសនា រស់នៅលើគំនរ សម្បត្តិឋានសួគ៌ហើយ បែរជា
ផ្តេសផ្តាស ចង់មករស់នៅ ហូបបាយដាក់ក្នុងចានត្រឡោកដូង ចែករបបអង្ករកំប៉ុងប្រចាំ
ថ្ងៃ ជាមួយពួកកុម្មុយនិស្តទៅវិញ។
កាត់ទោសតាមច្បាប់ចុះ!
You get what you did .this inspire for everyone .
ហេតុអ្វីបានជាយ៉ាងនេះ? គួរឱ្យស្តាយកិតិ្តយសណាស់!
រឿងនេះត្រូវពាក់ព័ន្ធជាមួយហ៊ុន ៃេន ដែរ
រឿងនេះពាក់ព័ន្ធជាមួយហ៊ុន សែន ដែរ
បើនៅស្រុកខ្មែរប្រាកដជាត្រូចជាចំណីក្រពើហើយ។
ខ្លួនមានសំណាងហើយម្តេចក៍មិនខិតខំថែរក្សាសំណាងនោះទៅបែជាមកជាប់អន្ទាក់មនុស្សមិនល្អ មួយចំនួននៅកម្ពុជាធ្វើឲ្យអន្តរាយដល់អនាគត់របស់ខ្លួនទៅវិញ!!! តែយ៉ាងណាក៍ដោយខ្ញុំមិនបន្ទោស អ្នកតែម្នាក់នោះទេ តែបញ្ហារធំគឺចរិកខ្មែរមួយចំនួនមិនចង់មើលឃើញខ្មែរដ៍ទៃមានមុខមានមាត់ជាង ខ្លួននោះទេ ដូច្នេះគេតែងតែប្រើល្បិចគ្រប់យ៉ាងដើម្បីទាញទំលាក់អ្នកឲ្យធ្លាក់មកក្រោមទាបជាងខ្លួន។ ខ្មែរដែលមានចរិកថោកទាបប្រភេទនេះកំពុងរស់នៅស្រុកខ្មែរមានច្រើនណាស់ព្រោះតែរងឥទ្ធិពល សាបព្រោះពិលទ្ធិកុំម្មុយនីស្ត៍វៀតណាម ដូចជាបង្កើតនូវវប្បធម៌ឲ្យខ្មែរនិងខ្មែរសង្ស័យគ្នា ឈ្នានីស្ត៍គ្នា ពុតត្បុតរាប់រយជំពូក និងបង្ករគំនុំគុំគួនគ្នាមិនចេះចប់។
និយាយត្រង់ចុះខ្ញុំធ្លាប់មានមោទនះភាពថាមានខ្មែរម្នាក់ដែលកំពុងកាន់ការងារធំនៅប្រទេសមហា អំណាចពិភពលោកនិងមិនត្រឹមតែលើកមុខលើកមាត់ប្រជាជនខ្មែរនោះទេថែមទាំង លើកមុខមាត់ប្រទេសជាតិនៅលើសកលលោក តែពេលនេះលោកបែជាធ្វើឲ្យប្រជាជនខ្មែរអស់សង្ឃឹមលើលោក និងកំពុងតែធ្វើឲ្យប្រជាជនខ្មែរនិងប្រទេសកម្ពុជាទាំងមូលអាម៉ាស់នៅលើពិភពលោកទៅវិញ។
He should not have conspired to overthrow the U.S. government who helped him to have educated for the high position in the world. The secret that he share with the brutal government of Cambodia, to harm Americans is not acceptable to the U.S. law. So the corrupted government cannot help him to escape from the punishment in sentence of Stated prison . After he release from jail, he will not find a good job in a future either. The U.S. not hiring the bad person, especially the former of prisoner to work for them.
It may be Mr. Phai Siphan can help him!!! because Phai Siphan knew well in USA.
ឧត្តមនាវីសាំញ៉ូអែល ឡុកគ្លៀ មេបញ្ជាការយោធាជើងទឹកស.រ.អា. បានអះអាងបញ្ហាទាំងនេះជារឿងដែលត្រូវ ទប់ស្កាត់ផលប៉ះពាល់របស់វា៖
«ទិដ្ឋភាពនៃការប្រឆាំងចារកម្មក្នុងអង្គភាពយោធាគឺជារឿងដែលតែងតែបង្កបញ្ហា ហើយតែងតែត្រូវស៊ើបអង្កេតប្រសិនបើកើតមានឡើង។ វាក៏ជារឿង ដែលគ្រប់ប្រទេសទាំងអស់ យើងត្រូវតែធ្វើការយ៉ាងខ្លាំងដើម្បីធានាថា ផលប៉ះពាល់ពីរឿងរ៉ាវរបៀបនេះត្រូវបានទប់ស្កាត់»។
លោកក៏បានបដិសេធមិនធ្វើអត្ថាធិប្បាយលម្អិតទៅលើបទចោទរបស់មន្ត្រីយោធាអាមេរិកាំងដែលមានដើមកំណើតខ្មែរទាំងពីរនោះទេ។
_____________________________
បើយើងមើលទៅត្រឹមប៉ុណ្ណេះ យើងកុំអាលជេរស្តីឲ្យគ្នា។ វាមិនអាក្រក់រហូតដល់ខ្មែរជេរខ្មែរ ដោយសារតែមិនស្មោះត្រង់ជាមួយអាមេរិក ហើយយើងត្រូវប្រមាថថា អាក្រក់ នោះទេ។ អ្នកអាក្រក់បំផុត គឺពួកខ្មែរដែលដើរសុំបរទេស ឲ្យផ្តាច់ជំនួយ ឲ្យធ្វើទណ្ឌកម្មសេដ្ឋកិច្ច ឲ្យព្យួរអាសនៈ អ.ស.ប នោះ ទើបថោកទាប។ សុំកុំចាត់ទុកថា អាមេរិកលើកមនុស្សខ្មែរ២ នាក់ ឬច្រើនជាងនេះឲ្យបានធំនោះ ជាកិត្តិយស ឲ្យសោះ។ វាមិនខុសពី កាលអាណានិគមន៍បារាំង លើកទឹកចិត្តឲ្យទៅច្បាំងនៅបារាំងក្នុងសម័យសង្គ្រោមលោកលើកទី ២ នោះទេ។ ពេលនេះ ក៏អញ្ចឹងដែរ គោលបំណងអាមេរិក គឺយកអាមេរិកជាតិដើមជាខ្មែរ មកធ្វើចារកម្មនៅប្រទេសខ្មែរ ។ តែដល់មិនបានលទ្ធផល វាត្រូវតែចាប់ដាក់គុកទៅ។
ត្រូវដឹងថា ទាំងអស់គ្នា មានជាតិដើមជាខ្មែរ ដែលទៅជ្រកកោននៅស្រុកគេនេះ គឺគ្រាន់តែជាពួកខ្ចាត់ភា្លត់ ដែលគេមិនឲ្យតម្លៃទេ តែគឺជាឿបករណ៍ត្រូវគេយកមកប្រើដូចស្វា ឡើងយានអវកាស អញ្ចឹង។ តាមពិត យើងត្រូវអាណិត ត្រូវជួយរកយុត្តិធម៌ឲ្យគ្នា ។ ត្រូវដឹងណា៎ខ្មែរគ្រប់គ្នា។ កុំត្រេកត្រអាលនឹងអាមេរិកលើជើងពេក។ យ៉ាងម៉េចស្តាយឬ មែនទេ?
កុំភ្លេចថា ជីវិតជាទាហាន វេទនាណាស់ កុំថា តែទាហានខ្មែរ ដែលមើលទៅ ថាអន់ទៅចុះ។ តែទាហានអាមេរិក ដែលស្លៀកពាក់ស្អាត មានបំពាក់អាវុធដ៏ទំនើបនេះ លំបាក់ជាងទាហានខ្មែរទៅទៀត។