ដោយ លោក ពេជ្រ ចំរុង | ថ្ងៃព្រហស្បតិ៍ ទី២៦ ខែមេសា ឆ្នាំ២០១៨ | ម៉ោង 2:45 PM
http://vodhotnews.com
លោក សុខ ឥសាន (រូបពី វិទ្យុអាស៊ីសេរី)
អ្នកនាំពាក្យបក្សកាន់អំណាច បានច្រានចោលរបាយការណ៍វាយតម្លៃថា សេរីភាពសារព័ត៌មាននៅកម្ពុជាបានបន្ដធ្លាក់ចុះនៅក្នុងរយៈពេល ៣ឆ្នាំចុងក្រោយនេះ ខណៈរដ្ឋាភិបាលក៏បន្ដលើកឡើងពីការអនុវត្ដច្បាប់ និងការពង្រឹងនីតិរដ្ឋ។
កាលពីថ្ងៃម្សិលមិញនេះ អង្គការអ្នកសារព័ត៌មានគ្មានព្រំដែន (Reporters Without Borders) បានចេញរបាយការណ៍ប្រចាំឆ្នាំ២០១៨ ដោយបានទម្លាក់ចំណាត់ថ្នាក់សេរីភាពសារព័ត៌មាននៅកម្ពុជាដល់ទៅ ១០លេខ ពោលគឺនៅឆ្នាំនេះ កម្ពុជាស្ថិតនៅលេខរៀងទី១៤២ ធៀបនឹងចំណាត់ថ្នាក់១៣២ កាលពីឆ្នាំមុន។
បើតាមរបាយការណ៍នេះ អង្គការ Reporters without Borders រិះគន់ថា កម្ពុជាកំពុងទទួលរងឥទ្ធិពលពីប្រទេសកុម្មុយនីស្ដចិន និងបានបើកការបង្ក្រាបយ៉ាងចាស់ដៃលើប្រព័ន្ធផ្សព្វផ្សាយ ដូចជា ការបិទកាសែតភាសាអង់គ្លេស ខេមបូឌា ដេលី ការបិទស្ថានីយវិទ្យុផ្សាយចំនួន ៣០ និងការចោទប្រកាន់អ្នកសារព័ត៌មានមួយចំនួនទាំងគ្មានមូលដ្ឋាន។
អង្គការ Reporters without Borders អះអាងថា ការរិតត្បិតសេរីសារព័ត៌មានបានកើតឡើងខ្លាំង បន្ទាប់ពីកម្ពុជាបានបញ្ចប់ការបោះឆ្នោតឃុំ-សង្កាត់ កាលពីខែមិថុនាឆ្នាំ២០១៧ ដោយកាលនោះ អតីតគណបក្សប្រឆាំងទទួលបានសំឡេងគាំទ្រជិតពាក់កណ្ដាលប្រទេស។ ករណីនេះ អ្នកសារព័ត៌មានគ្មានព្រំដែនថា កម្ពុជាកំពុងយកលំនាំគ្រប់គ្រងប្រព័ន្ធផ្សព្វផ្សាយតាមប្រទេសកុម្មុយនីស្ដចិន។
ប៉ុន្តែ អ្នកនាំពាក្យគណបក្សប្រជាជនកម្ពុជា លោក សុខ ឥសាន ច្រានចោលរបាយការណ៍វាយតម្លៃកម្រិតសេរីភាពសារព័ត៌មាននៅកម្ពុជានេះ ដោយថា មិនបានឆ្លុះបញ្ចាំងការពិត និងមានភាពលម្អៀងផ្នែកនយោបាយ។ លោកបន្ដថា អង្គការអន្ដរជាតិមួយនេះ គួរសិក្សាឲ្យបានស៊ីជម្រៅថែមទៀតអំពីករណីកម្ពុជា និងមិនគួរលើកយកតែជ្រុងមួយមកធ្វើការវាយតម្លៃនោះទេ។
លោកថា៖ «ការវាយតម្លៃនេះ វាមិនផ្អែកទៅលើការពិតជាក់ស្ដែងនៅកម្ពុជាទេ ខេមបូឌា ដេលី មូលហេតុអីបានគេ ដោយសារមិនបង់ពន្ធ អាត្រង់កន្លែងអត់បង់ពន្ធ គាត់អត់និយាយទេ អញ្ចឹង កាលណានិយាយតែពីរឿងបិទ តែមួយចំហៀង អាហ្នឹងច្បាស់ជាពាក់ព័ន្ធនឹងសិទ្ធិសេរីភាពសារព័ត៌មានហើយ។ ក៏ប៉ុន្ដែ ត្រង់ថា អត់បង់ពន្ធហ្នឹង គាត់អត់និយាយទេ អញ្ចឹង បានសេចក្ដីថា ការវាយតម្លៃរបស់គាត់ មិនផ្អែកលើយុត្ដិធម៌ក្នុងការវាយតម្លៃរបស់គាត់ទេ គឺគាត់វាយតម្លៃទៅលើនិន្នាការនយោបាយ»។
ប្រធានក្លឹបអ្នកកាសែតកម្ពុជា លោក ប៉ែន បូណា យល់ថា ការវាយតម្លៃរបស់អង្គការអ្នកសារព័ត៌មានគ្មានព្រំដែននេះ មានភាពត្រឹមត្រូវមួយផ្នែក ប៉ុន្ដែ មិនឆ្លុះបញ្ចាំងការពិតទាំងស្រុងអំពីកម្រិតសេរីភាពសារព័ត៌មាននៅកម្ពុជានោះទេ។
លោកថា៖ «បើសិនជាយើងពិនិត្យស៊ីជម្រៅតិច យើងឃើញថា វាមានមូលហេតុរបស់វា និយាយមែនទែនទៅ ក្នុងនាមយើងអ្នកសារព័ត៌មាន មិនចង់ឃើញព្រឹត្តិការណ៍ទាំងអស់ហ្នឹង កើតឡើងទេ។ យើងចង់ឲ្យសារព័ត៌មានយើងដែលមានហ្នឹង នៅបន្ដទៅទៀត។ ប៉ុន្ដែ ហេតុការណ៍ទាំងអស់ហ្នឹង វាជាបទពិសោធន៍មួយសម្រាប់អ្នកសារព័ត៌មាន ការវាយតម្លៃមកពីខាងក្រៅហ្នឹង ឲ្យតែឃើញចឹង គេដឹងតែវាយតម្លៃថា សារព័ត៌មានហ្នឹងស្រុតចុះហើយ នៅស្រុកខ្មែរ។ សម្រាប់ខ្ញុំផ្ទាល់ ខ្ញុំគិតថា ការវាយតម្លៃហ្នឹង វាត្រូវមួយផ្នែក ប៉ុន្ដែ វាអត់ឆ្លុះបញ្ចាំង សម្រាប់ប្រទេសកម្ពុជាបានទេ ដោយសារតែគាត់អត់បានសិក្សាស៊ីជម្រៅ»។
ទោះជាយ៉ាងណា បើប្រៀបធៀបជាមួយនឹងប្រទេសក្នុងតំបន់ កម្ពុជាមានកម្រិតសេរីភាពសារព័ត៌មានល្អប្រសើរជាងប្រទេសម៉ាឡេស៊ី សិង្ហបុរី និងព្រុយណេ និងប្រទេសប្រកាន់របបកុម្មុនីស្ដបីទៀត គឺចិន ឡាវ និងវៀតណាម ប៉ុន្ដែ កម្ពុជា ទទួលបានចំណាត់ថ្នាក់អន់ជាងប្រទេសផ្សេងទៀតនៅក្នុងតំបន់ ដូចជា ថៃ មីយ៉ាន់ម៉ា ហ្វីលីពីន និងឥណ្ឌូនេស៊ី។
កាលពីឆ្នាំ២០១៧ អ្នករាយការណ៍គ្មានពំ្រដែន បានចាត់ថ្នាក់សេរីភាពសារព័ត៌មាននៅកម្ពុជាថា កាន់តែអាក្រក់ទៅ ដោយថា កម្ពុជាជាប់ចំណាត់ថ្នាក់១៣២ ក្នុងចំណោមប្រទេស១៨០ នៅលើពិភពលោក ពោលគឺធ្លាក់ចុះ ៤លេខ ពីចំណាត់ថ្នាក់ទី១២៨ កាលពីឆ្នាំ២០១៦៕
again and again this dumb guy always saying only one word is>> not reflecting the true situation<>> if all those forest destroy there will be no water to planning any kind of food to eat and the water will change rapidly a lot of storm and thunderstorm will destroy people home and their life . my question to all these animal is>> who will be the victim from this deforest from your master isn’t it your son, daughter, grand kid that you left behind after all of you going hell. my request to all of you is >> stop using the word not reflecting the true situation can you learn to admitting and trying to change on some thing that public complain . my last request is>>>> can you transform yourself to be a true human being . GOD bless Cambodia and all innocence Cambodian
លិខិតមិត្តអ្នកអាន៖ បកស្បែកចៀមពីឆ្កែចចក
(ភ្នំពេញ)៖ ក្រោយពីមានការបកស្បែក មុខពិតនៃអង្គការសមាគមមួយចំនួនដែលជាឆ្កែចចកបន្លំខ្លួនធ្វើជាសត្វ ចៀមដូចជា អង្គការខុមហ្វ្រែល អាន់ហ្វ្រែល វេទិកាទូទៅនៃអង្គការ មិនមែនរដ្ឋាភិបាលស្តីពីកម្ពុជា អង្គការ សេដ្ឋកិច្ចក្រៅប្រព័ន្ធ និងសម្ព័ន្ធសហគមន៍កសិករកម្ពុជា ប្រធានអង្គការសមាគមទាំងនេះបានចេញមុខមក បកស្រាយនៅតាមប្រព័ន្ធ ទំនាក់ទំនងសង្គមបង្ហាញពីភាពស្លូតត្រង់របស់ខ្លួន នៅចំពោះមុខសាធារណជន ដោយធ្វើពុតជាអ្នកជួយកម្ពុជាពិត និងធ្វើពុតជាជនរងគ្រោះនៃការគោរពសិទ្ធិមនុស្ស និងលទ្ធិប្រជាធិបតេយ្យនៅកម្ពុជា។
ល្បិចកលរបស់អង្គការសមាគមទាំងនេះ ពិតជាលែងមានប្រសិទ្ធភាពទៀតហើយ ព្រោះសកម្មភាពរបស់ពួកគេដែលបានរៀបចំក្រឡាយ៉ាងល្អិត និងមានផែនការច្បាស់លាស់ ទិសដៅក្រោមការកំណត់ ចង្អុលបង្ហាញបញ្ជានិងទទួលលុយពីបស្ចឹមប្រទេសមួយចំនួន ដែលប្រឆាំងនឹងការរីកចម្រើនរបស់កម្ពុជា ត្រូវបានបកអាក្រាត ជាបន្តបន្ទាប់ហើយប្រជាពលរដ្ឋខ្មែរក៏កាន់តែលែងជឿអ្វីផ្តេសផ្តាស តាមការលាបពណ៌ឱ្យអាជ្ញាធររដ្ឋាភិបាលថា ជាតួកំណាចផ្តាច់ការទៀតដែរ។
ពួកគេបានត្រឹមតែយកនូវខ្លឹមសារ នៃបេសកកម្មនៅលើតែក្រដាសរបស់ខ្លួនមកបង្ហាញប៉ុណ្ណោះថា ខ្លួនបាននិងកំពុងចូលរួមយ៉ាងសកម្មក្នុងការកសាងជាតិ លើកស្ទួយសិទ្ធិមនុស្ស លទ្ធិប្រជាធិបតេយ្យនៅកម្ពុជា។ រូបភាពទាំងនេះគ្រាន់តែជាការប្រើប្រាស់ធ្វើជាឡប់ឡែដើម្បីបិទបាំងនូវទង្វើទុច្ចរិតរបស់ខ្លួនប៉ុណ្ណោះ។ ពួកគេបានព្យាយាមបង្ហាញពីសំបកក្រៅ របស់ខ្លួនថាជាជនស្លូតត្រង់ ប៉ុន្តែពួកគេបានព្យាយាមលាក់បាំងនូវអំពើអាក្រក់ ស្មោគគ្រោក និងការឃុបឃិតជាមួយជនបរទេសដើម្បីបំផ្លាញជាតិរបស់ខ្លួន។
ពួកគេពិតជារីករាយដែល ទទួលបានជំនួយហិរញ្ញវត្ថុដើម្បីធ្វើសកម្មភាពរបស់ខ្លួន ប៉ុន្តែពួកគេបានបម្រើដោយផ្ទាល់ និងដោយប្រយោលនូវគោលនយោបាយទុច្ចរិត និងឧបាយកល របស់បរទេសមួយចំនួនដែលមិនសប្បាយចិត្ត នឹងការរីកចម្រើនរបស់កម្ពុជា មិនសប្បាយចិត្តនឹងឃើញកម្ពុជា មានសុខសន្តិភាពដែលរកបាន ដោយបាតដៃខ្លួនឯងតាមរយៈ នយោបាយឈ្នះឈ្នះ និងមិនចង់ឃើញកម្ពុជាមានការឯកភាពជាតិ ឯកភាពទឹកដី និងការអភិវឌ្ឍព្រោះ អាចធ្វើឱ្យពួកគេបាត់បង់ឥទ្ធិពល ឬអំណាច នៅក្នុងតំបន់។
ដូច្នេះហើយបានជាពួកគេត្រូវប្រើប្រាស់បាតដៃ និងមនុស្សក្នុងក្រុមអង្គការ សង្គមស៊ីវិលមួយចំនួននៅក្រោមរូបភាពជួយជំរុញសិទ្ធិមនុស្ស និងលទ្ធិប្រជាធិបតេយ្យដើម្បីកកូរកកាយ និងបង្កភាព ចលាចលក្នុងសង្គមងាយស្រួល ពួកគេលូកដៃជ្រៀតជ្រែកចូលក្នុងកិច្ចការផ្ទៃក្នុងកម្ពុជា ដែលជារដ្ឋឯករាជ្យ អធិបតេយ្យ និងបូរណភាពដែនដីស្របតាមធម្មនុញ្ញ អង្គការសហប្រជាជាតិ។
បរទេសដែលជាម្ចាស់ជំនួយនៃអង្គការសង្គមស៊ីវិលស៊ីឈ្មួលទាំងនេះពិតជាបានដឹងច្បាស់ថា តើគេត្រូវប្រើប្រាក់ជំនួយរបស់គេដើម្បីអ្វីឱ្យពិតប្រាកដ ចំណែកសង្គមស៊ីវិលស៊ីឈ្មួល ដោយផ្ទាល់ និងដោយប្រយោលបន្តគ្នានេះ ខ្លះបានដឹង និងខ្លះត្រូវចាញ់បោក បរទេសទាំងនោះ ដោយមិនដឹងខ្លួន និងបាននិងកំពុងធ្វើសកម្មភាពប្រឆាំងនឹងជាតិ និងប្រជាជនខ្លួនឯង។ ប្រធានអង្គការសង្គមស៊ីវិលមួយចំនួនបាន ព្យាយាមបិទបាំងនូវទង្វើលក់ខ្លួន បម្រើផលប្រយោជន៍បរទេស និងងប់ងល់នឹងនុយជាប្រាក់របស់បរទេស។
ពួកគេធ្វើសកម្មភាព ហាក់ដូចជា ចង់ជួយជាតិ ប៉ុន្តែមានទិសដៅផ្សេងគឺបម្រើឱ្យគោលនយោបាយការបរទេស របស់ប្រទេសម្ចាស់ជំនួយរបស់ពួកគេផ្ទាល់។ ដើម្បីរក្សាបានការងារធ្វើ និងមានចំណូលខ្ពស់ ក្រុមអង្គការសង្គមស៊ីវិលទាំងនេះ បានព្យាយាមធ្វើរបាយការណ៍ មិនពិតអំពីស្ថានភាពនយោបាយសិទ្ធិមនុស្សនិងលទ្ធិ ប្រជាធិបតេយ្យនៅកម្ពុជា។
ប្រសិនបើពួកគេសរសើរពីគោលនយោបាយដ៏ត្រឹមត្រូវ ដែលរាជរដ្ឋាភិបាលបានដាក់ចុះដើម្បីកំណើនការងារ អភិវឌ្ឍសេដ្ឋកិច្ច និងកាត់បន្ថយភាពក្រីក្រ លើកស្ទួយជីវភាពប្រជាពលរដ្ឋ និយាយពីការគោរពសិទ្ធិមនុស្ស សេរីភាពបញ្ចេញមតិសេរីភាព សារព័ត៌មាន និងពលរដ្ឋមានភាពរីករាយនឹងកំណើនសេដ្ឋកិច្ចប្រចាំឆ្នាំ ៧% និងសុខសន្តិភាព ទំនងពួកគេនឹង ប្រឈមមុខចំពោះការបាត់បង់នូវចំណូលដ៏ខ្ពស់ និងមុខរបបដ៏កាក់កបនេះ ព្រោះថាមានប្រធានអង្គការខ្លះមានទាំងផ្ទះ និងរថយន្តសម្រាប់ជួលឱ្យអង្គការរបស់ខ្លួនថែមទៀត ដើម្បីកុំឱ្យបែកទឹកលុយជំនួយ។ ពួកគេនឹងមិនហ៊ានសរសេររបាយការណ៍ ល្អពីកម្ពុជាឡើយព្រោះពួកគេនឹងដាច់អាជីព។
ហេតុដូច្នេះហើយបានជារូបភាពកម្ពុជាមានពីរ គឺកម្ពុជានៅលើរបាយការណ៍របស់សង្គមស៊ីវិល និងសារព័ត៌មានបរទេសមួយចំនួនជាកម្ពុជាអាក្រក់ ពោរពេញដោយការរំលោភ សិទ្ធិមនុស្សផ្តាច់ការ គ្មានលទ្ធិប្រជាធិបតេយ្យ និងគ្មានសេរីភាពពេញលេញ។ ប៉ុន្តែកម្ពុជាពិតគឺជាកម្ពុជាដែលពោរពេញដោយសុខសន្តិភាពការអភិវឌ្ឍប្រជាពលរដ្ឋមាន សេចក្តីសុខ និងកំពុងទទួលផលចំណេញពីសន្តិភាព និងរីករាយក្នុងភាពជាម្ចាស់វាសនារបស់ខ្លួន ក្នុងនាមជារដ្ឋអធិបតេយ្យ។
អ្វីដែលរដ្ឋាភិបាលកម្ពុជាដឹកនាំដោយនាយករដ្ធមន្ត្រី ហ៊ុន សែន និងប្រជាពលរដ្ឋខ្មែរចង់បាន គឺគ្មានអ្វីក្រៅពីការគោរពគ្នា ក្នុងនាមជាដៃគូស្មើសិទ្ធិ និងស្មើភាព និងការបម្រើជាតិ មួយដោយស្មោះសរ និងដោយការគោរព។ សង្គមស៊ីវិលមួយចំនួនដូចជាអង្គការ ខុមហ្វ្រែល អាន់ហ្វ្រែល វេទិកាទូទៅនៃអង្គការមិនមែន រដ្ឋាភិបាលស្តីពីកម្ពុជា អង្គការសេដ្ឋកិច្ច ក្រៅប្រព័ន្ធ និងសម្ព័ន្ធសហគមន៍កសិករកម្ពុជា បាននិងកំពុងតែធ្វើប្រាសចាកនូវបេសកកម្មរបស់ ខ្លួន និងបានលូកដៃយ៉ាងជ្រៅកកូរកកាយបង្កាត់ភ្លើងទំនាស់ និងចិញ្ចឹមទំនាស់ នៅកម្ពុជា។ សង្គមស៊ីវិលទាំងនេះបានអនុវត្តយ៉ាងល្អនូវផែនការដែលក្រុមស្ថាបនិកបដិវត្តន៍ពណ៌ បានលើកឡើង នៅក្នុងសៀវភៅមគ្គុទ្ទេសក៍បដិវត្តន៍ពណ៌ ដើម្បីគោលដៅបម្រើឱ្យ ការផ្លាស់ប្តូររបបដឹកនាំ និងមេដឹកនាំតាមបែបមិន ប្រជាធិបតេយ្យដូច ដែលចៅហ្វាយនាយបរទេសរបស់ខ្លួនធ្លាប់បានធ្វើនៅតាមបណ្តាប្រទេសមួយចំនួនដូចជាស៊ីរី លីប៊ី ជាដើម ដែលរហូតមកទល់ពេលនេះ លទ្ធផលនៃបដិវត្តន៍ពណ៌របស់ខ្លួន បានបង្កវិនាសសកម្មសម្រាប់មនុស្សជាតិដ៏ច្រើនក្រាសក្រែលមិននឹកស្មានដល់។
អង្គការខុមហ្វ្រែល អាន់ហ្វ្រែល វេទិកាទូទៅនៃអង្គការមិនមែនរដ្ឋាភិបាលស្តីពីកម្ពុជា អង្គការ សេដ្ឋកិច្ចក្រៅប្រព័ន្ធ និងសម្ព័ន្ធសហគមន៍កសិករកម្ពុជាត្រូវបានគេរកឃើញថា គឺបានធ្វើសកម្មភាពបម្រើឱ្យបដិវត្តន៍ ពណ៌ដែលមានអតីតគណបក្សសង្គ្រោះជាតិជាអ្នកអនុវត្តជាពិសេសនៅអំ ឡុងឆ្នាំ ២០១៣ និងដើមឆ្នាំ ២០១៤ និងការបន្តអនុវត្តផែនការ ជាបន្តបន្ទាប់មកទៀតតាមការបញ្ជានិង ផែនការរបស់ម្ចាស់ជំនួយរបស់ខ្លួនដែលមាននិន្នាការគាំទ្រក្រុមអ្នកនយោបាយប្រឆាំងដោយបំភ្លៃការមិនពិតអំពីភាពមិន ប្រក្រតីនៃការបោះឆ្នោត ញុះញង់ និងបង្កចលាចលតាមរយៈការញុះញង់ប្រជាពលរដ្ឋ កម្មករ កសិករ បះបោរប្រឆាំងនឹងរដ្ឋអំណាច និងទាមទារសំណងផ្សេងៗ។
ពួកគេមិនព្យាយាមរួមចំណែកជួយដោះស្រាយទំនាស់ដីធ្លី ដីកសិកម្ម និងបញ្ហាបរិស្ថានធនធានធម្មជាតិដោយ សុទ្ធចិត្តនោះទេ ប៉ុន្តែផ្ទុយទៅវីញគឺគេបែរជាភ័យស្លន់ស្លោពេល ដែលអាជ្ញាធរ និងប្រជាពលរដ្ឋស្រុះស្រួលគ្នាក្នុងការដោះស្រាយទំនាស់តាមវិធីសាស្ត្រឈ្នះឈ្នះទាំងអស់គ្នា ព្រោះអាចធ្វើឱ្យពួកគេបាត់ ប្រភពហិរញ្ញវត្ថុដើម្បីបន្តនិរន្តរភាព អង្គការសមាគមរបស់ខ្លួនពោលគឺយុទ្ធសាស្ត្ររបស់គេគឺ «បង្កាត់ភ្លើង ចាក់សាំងបន្ថែម និងចិញ្ជឹមទំនាស់»។
ឥឡូវនេះការពិតក៏បានដឹង យ៉ាងច្បាស់ដែរថាតើអង្គការ សង្គមស៊ីវិលជាច្រើនពាន់ដែលត្រូវបានបង្កើតឡើងដែលខ្លះមានសកម្មភាព និងខ្លះទៀតមិនមានសកម្មភាពបង្កើតឡើង ក្នុងគោលបំណងអ្វីពិតប្រាកដ។ បរទេសខ្លះបានប្រើអង្គការសង្គមស៊ីវិលមួយចំនួនដែលជាឆ្កែចចកមកសម្លាប់ជីវិត ប្រជាពលរដ្ឋខ្មែរ និងមកកកូរកកាយបញ្ហាកម្ពុជា ដើម្បីងាយស្រួលដល់ពួកគេចូល ជ្រៀតជ្រែកក្នុងកិច្ចការផ្ទៃក្នុងកម្ពុជា បម្រើគោលនយោបាយរបស់ខ្លួនតែប៉ុណ្ណោះ។ ក្រោយពីការពិតត្រូវបានលាតត្រដាង ពលរដ្ឋខ្មែរសង្ឃឹមថាអង្គការ សង្គមស៊ីវិលទាំងនោះ ជាពិសេសអង្គការខុមហ្វ្រែល អាន់ហ្វ្រែល វេទិកាទូទៅនៃអង្គការមិនមែនរដ្ឋាភិបាលស្តីពីកម្ពុជា អង្គការសេដ្ឋកិច្ចក្រៅប្រព័ន្ធ និងសម្ព័ន្ធសហគមន៍កសិករកម្ពុជា ។ល។ អាចនឹងកែប្រែនូវឥរិយាបថរបស់ខ្លួន បម្រើជាតិឲ្យពិតប្រាកដតាមអ្វីដែលខ្លួនបានលើកឡើង និងព្យាយាមការពារខ្លួន ហើយ មាត់មិនក្បត់ចិត្ត ទង្វើពិតជាក់ស្តែងគឺជួយខ្មែរ មិនមែនសម្ងំលាក់ខ្លួនក្នុងអង្គការសង្គមស៊ីវិល បំផ្លាញផលប្រយោជន៍កម្ពុជាឡើយ ជាពិសេសនឹងលះបង់នូវទង្វើទុច្ចរិត ផែនការអាក្រក់ទាំងឡាយដែលពួកគេកំពុងរៀបចំ ក្នុងការរំខានបង្ខូច និងបំផ្លាញការបោះឆ្នោតជ្រើសតាំងតំណាងរាស្ត្រអាណត្តិទី៦ ដែលគ្រោងនឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨ខាងមុខ ព្រោះបើតាមប្រភពស្និទ្ធ ពីអង្គការសង្គមស៊ីវិលនានា បរទេសម្ចាស់ជំនួយបានទម្លាក់ថវិកាជាច្រើនដើម្បីបំផ្លាញការបោះឆ្នោតនាខែកក្កដា ចោល ព្រោះពួកគេមិនអាចជួយស្រោចស្រង់អាយ៉ង នយោបាយខ្លួនគឺខ្មោចគណបក្សសង្គ្រោះជាតិឱ្យ រស់ឡើងវិញ បានឡើយ និងក៏មិនអាចជួយ ស្តារនីតិសម្បទាអ្នកនយោបាយ១១៨នាក់ នៃបក្សនេះពីការ ដកហូតសិទ្ធិធ្វើនយោបាយរយៈពេល៥ឆ្នាំ ដែលកើតចេញពីសេចក្តីសម្រេចរបស់តុលាការកំពូលកាលពី ថ្ងៃទី១៦ ខែវិច្ឆិកា ឆ្នាំ ២០១៧ឡើយ។ បើពួកគេនៅតែបន្តបំពាន កម្ពុជាគ្មានជម្រើសអ្វីក្រៅតែពីការអនុវត្តច្បាប់ដែលមានជាធរមានដើម្បីការពារភាព ស្របច្បាប់នៃការបោះឆ្នោត ការពារសន្តិសុខសណ្តាប់ធ្នាប់ ការពារសន្តិភាពនិងការអភិវឌ្ឍដែលកម្ពុជារកបាន ដោយពិបាកនេះឡើយ៕