ដោយ សេក បណ្ឌិត
2020-07-13
RFA
ពលករ និងសកម្មជនគណបក្សសង្គ្រោះជាតិ ពាក់អាវមានរូបបណ្ឌិត កែម ឡី ដែលករណីឃាតកម្មរបស់លោក នៅតែមិនទាន់មានពន្លឺយុត្តិធម៌នៅឡើយ។ អ្នកទាំងនេះនៅតែទាមទាររកយុត្តិធម៌ និងគាំទ្រយុទ្ធនាការបញ្ចប់និទណ្ឌភាព ដើម្បីយុត្តិធម៌នៅកម្ពុជា។
រូប៖ ពលករនៅប្រទេសថៃ ថ្ងៃទី១២ ខែកក្កដា ឆ្នាំ២០២០
ប្រជាពលរដ្ឋ និងសកម្មជនគណបក្សសង្គ្រោះជាតិទាំងក្នុង និងនៅក្រៅប្រទេស គាំទ្រយុទ្ធនាការបញ្ចប់និទណ្ឌភាព ឬភាពគ្មានទោសពៃរ៍នៅកម្ពុជា ។ ពួកគេថា នឹងចូលរួមផ្ដល់ស្នាមមេដៃ និងប្រមូលស្នាមមេដៃប្រជាពលរដ្ឋឲ្យលើសពី ៥០ម៉ឺននាក់(៥០០.០០០នាក់) ដើម្បីដាក់ញត្តិទៅតុលាការព្រហ្មទណ្ឌអន្តរជាតិហៅកាត់ថា អាយ.ស៊ី.ស៊ី(ICC) ជួយរកយុត្តិធម៌ជូនក្រុមជនរងគ្រោះ ដោយអំពើបាញ់សម្លាប់ទាំងអយុត្តិធម៌ ក្រោមរបបគ្រប់គ្រងរបស់លោក ហ៊ុន សែន។ ការលើកឡើងនេះ បន្ទាប់ពីគណបក្សសង្គ្រោះជាតិ ប្រកាសចាប់ផ្ដើមធ្វើយុទ្ធនាការបញ្ចប់វប្បធម៌និទណ្ឌភាពដើម្បីយុត្តិធម៌នៅកម្ពុជា ចាប់តាំងពីពិធីបុណ្យខួប ៤ឆ្នាំនៃឃាតកម្មបណ្ឌិតកែម ឡី កាលពីថ្ងៃទី១០ ខែកក្កដា។
ប្រជាពលរដ្ឋ និងសកម្មជនបក្សប្រឆាំង លើកឡើងថា ពួកគេបានយល់ដឹងច្រើនពីអំពើឃាតកម្មដោយរដ្ឋអំណាចនៅកម្ពុជាជាងពីរទសវត្សរ៍មកនេះ ហើយជនប្រព្រឹត្តល្មើសច្បាប់ តែងតែគេចផុតពីសំណាញច្បាប់ ដូច្នេះពួកគេគាំទ្រចំពោះការបង្កើតចលនាមួយដែលស្វែងរក និងជំរុញឲ្យមានការរួមគ្នាក្នុងការថ្កោលទោសប្រឆាំងនឹងអំពើឃោរឃៅនៅក្នុងរបបលោក ហ៊ុន សែន នាំយកជនល្មើសទៅផ្ដន្ទាទោស ដើម្បីបញ្ចប់នូវនិទណ្ឌភាពដើម្បីយុត្តិធម៌នៅកម្ពុជា។
សកម្មជនគណបក្សសង្គ្រោះជាតិកំពុងភៀសខ្លួន លោក ជីម សុផាត ដែលបានចូលរួមក្នុងពិធីរំលឹកខួបលោកបណ្ឌិត កែម ឡី ក្នុងខេត្តសមុទ្រប្រាកាន ប្រទេសថៃ កាលពីថ្ងៃទី១២ កក្កដាឲ្យអាស៊ីសេរីដឹងថា លោកសាទរចំពោះថ្នាក់ដឹកនាំគណបក្សសង្គ្រោះជាតិដែលបានផ្ដួចផ្ដើមឲ្យមានយុទ្ធនាការនេះ ហើយលោករំពឹងថា ជនមានអំណាចដែលនៅពីក្រោយខ្នង និងឃាតកពិតប្រាកដដែលបានបាញ់សម្លាប់មនុស្សក្រៅប្រព័ន្ធច្បាប់ នឹងត្រូវបាននាំមកទទួលទោសចំពោះមុខច្បាប់។ លោកបន្តថា ជនរងគ្រោះនៃអំពើនិទ្ទណ្ឌភាព ក្រៅតែពីជនសាមញ្ញដែលគ្មានឈ្មោះបោះសំឡេង ក៏មានអ្នកនយោបាយ អ្នកសារព័ត៌មាន តារាភាពយន្ត តារាចម្រៀង សកម្មជនការពារសិទ្ធិមនុស្ស និងសកម្មជនការពារព្រៃឈើ រួមទាំងព្រះសង្ឃជាបញ្ញវន្តជាដើម ដែលត្រូវបានធ្វើឃាត ប៉ុន្តែតុលាការក្រោម របបលោក ហ៊ុន សែន មិនអាចរកយុត្តិធម៌ជូនពួកគេបាននៅឡើយទេ ក្នុងរយៈពេលជាច្រើនឆ្នាំមកនេះ៖ «ប្រទេសយើងមានច្បាប់ ប៉ុន្តែការសម្លាប់មនុស្សដូចជាសេរី សេរីណាស់ សម្លាប់អត់មានខ្លាចញញើតទេ ដោយសារតែមានអ្នកនៅពីក្រោយខ្នងធំ។ ក្នុងនាមខ្ញុំជាយុវជនខ្មែរ ខ្ញុំប្ដេជ្ញាចិត្ត រកយុត្តិធម៌ជូនលោកបណ្ឌិត កែម ឡី ឲ្យខានតែបាន ជាពិសេសអ្នកដែលស្លាប់បាត់បង់ជីវិត កែម ឡី ឈុត វុទ្ធី ជា វិជ្ជា ព្រះតេជព្រះគុណ សំ ប៊ុនធឿន និងអ្នកដទៃៗ ទៀតដែលបាត់បង់ជីវិតនៅក្នុងរបបលោក ហ៊ុន សែន»។
មិនខុសគ្នាប៉ុន្មានឡើយ ពលករខ្មែរធ្វើការនៅប្រទេសថៃ លោកស្រី នួន សុខុម បញ្ជាក់ជំហរថា លោកស្រីគាំទ្រសេចក្ដីថ្លែងការណ៍របស់គណបក្សសង្គ្រោះជាតិដែលបង្កើតឲ្យមានយុទ្ធនាការបញ្ចប់វប្បធម៌និទណ្ឌភាពនេះ ដើម្បីផ្លាស់ប្ដូររបបផ្ដាច់ការនៅកម្ពុជា ហើយរកយុត្តិធម៌ជូនអ្នកដែលបានបាត់បង់ជីវិតទៅដោយភាពអយុត្តិធម៌៖ «គឺខ្ញុំចង់ទាមទារឲ្យមានយុត្តិធម៌ឡើងវិញនៅប្រទេសខ្មែរយើង មានសិទ្ធសេរីភាពក្នុងការបញ្ចេញមតិ។ សូម្បីតែខ្មែរយើងបញ្ចេញមតិ និយាយអ្វីដែលជាការពិត ក៏យើងនិយាយអត់បាន អញ្ចឹងហើយយើងធ្វើពិធីនេះឡើង គឺដើម្បីឲ្យមានការផ្លាស់ប្តូរអ្នកដឹកនាំថ្មី»។
ក្នុងពិធីបុណ្យគម្រប់ខួប ៤ឆ្នាំនៃអំពើឃាតកម្មបណ្ឌិត កែម ឡី ដែលជាអ្នកវិភាគនយោបាយល្បីល្បាញនៅកម្ពុជា កាលពីថ្ងៃទី១០ ខែកក្កដានោះ ប្រធានស្ដីទីគណបក្សសង្គ្រោះជាតិលោក សម រង្ស៊ី បានប្រកាសចាប់ផ្ដើមយុទ្ធនាការបញ្ចប់និទណ្ឌភាពនៅកម្ពុជា ក្រោមការដឹកនាំរបស់លោក ហ៊ុន សែន ដើម្បីបញ្ចប់អំពើហិង្សានៅក្នុងសង្គម ជាពិសេសហិង្សានយោបាយ នាំមកនូវយុត្តិធម៌ដល់ជនរងគ្រោះ នាំមកនូវភាពស្ងប់ចិត្ត និងកក់ក្ដៅជូនដល់ប្រជារាស្ត្រខ្មែរ។
សេចក្ដីថ្លែងការណ៍នេះត្រូវបានប្រជាពលរដ្ឋ និងពលករខ្មែរជាច្រើនគាំទ្រ និងចូលរួមធ្វើយុទ្ធនាការនេះដោយផ្ទាល់ និងតាមរយៈការផ្សព្វផ្សាយលើបណ្ដាញសង្គមជាដើម ជាពិសេសសកម្មជន និងពលរដ្ឋនៅក្រៅប្រទេស។ លើសពីនេះ សកម្មជនគណបក្សសង្គ្រោះជាតិដែលកំពុងភៀសខ្លួននៅឯប្រទេសថៃ បានចុះផ្សព្វផ្សាយយុទ្ធនាការនេះឲ្យបានដឹងដល់ពលករខ្មែរនៅតាមតំបន់ និងខេត្តមួយចំនួនក្នុងប្រទេសថៃ ដូចជា ខេត្តនុនថបុរី ខេត្តសមុទ្រប្រាកាន ខេត្តរ៉ាក់យ៉ង ដែលមានពលករជាច្រើនកំពុងរស់ និងធ្វើការ។
ក្រៅពីប្រទេសថៃនោះ ពលករខ្មែរធ្វើការនៅប្រទេសកូរ៉េ លោក ម៉ាត់ វណ្ណនី បានបញ្ជាក់ថា លោក ក៏គាំទ្រចំពោះយុទ្ធនាការរបស់គណបក្សសង្គ្រោះជាតិ ដោយយល់ថា យុទ្ធនាការនេះ អាចផ្ដល់យុត្តិធម៌ដល់ជនរងគ្រោះ។ លោក មានក្តីសង្ឃឹមច្រើន ដោយសារយុត្តិធម៌សម្រាប់មនុស្ស គឺជារឿងសំខាន់ ហើយករណីនៃការស្លាប់របស់លោកបណ្ឌិត កែម ឡី បានធ្វើឲ្យប្រជាពលរដ្ឋ បានដឹង និងឃើញកាន់តែច្បាស់អំពីភាពអយុត្តិធម៌នៅក្នុងប្រទេសកម្ពុជា។ លោក អះអាងថា ទោះបីជាកម្ពុជាមិនទាន់មានបត្យាប័ន ជាមួយប្រទេសលោកសេរីមួយចំនួនក៏ដោយ ប៉ុន្តែអ្នកដែលពាក់ព័ន្ធជាមួយនឹងបទល្មើសនេះ អាចនឹងត្រូវគេចាប់ខ្លួនបញ្ជូនទៅតុលាការ ប្រសិនបើពួកគេចេញដំណើរទៅក្រៅប្រទេស៖ «យើងគាំទ្រ យើងចូលរួមក្នុងយុទ្ធនាការនេះ គឺយើងចូលរួមតាមរយៈ ដូចជាយើងផ្ដល់ស្នាមមេដៃ និងឈ្មោះ ហើយនឹងចូលរួមនៅក្នុងការផ្សព្វផ្សាយ ដើម្បីឲ្យប្រជាជនខ្មែរ នៅទូទាំងពិភពលោកហ្នឹង គាត់បានដឹងឮអំពីអំពើនិទណ្ឌភាព ក៏ដូចជាអំពើអយុត្តិធម៌ដែលកំពុងកើតមាននៅក្នុងប្រទេសកម្ពុជាហ្នឹង។ ចំណុចសំខាន់នៅក្នុងយុទ្ធនាការនេះ គឺគេចង់បញ្ជាក់ថា នៅក្នុងប្រទេសកម្ពុជា យើងមិនអាចរកយុត្តិធម៌បានតាមរយៈប្រព័ន្ធតុលាការក្នុងប្រទេសកម្ពុជាបានទេ។ ដូច្នេះហើយ បានជាយើងស្វែងរកយុត្តិធម៌នៅអន្តរជាតិទៅវិញ»។
ចំណែកពលរដ្ឋខ្មែរមួយរូបទៀត ជាជាងជួលជុលកុំព្យូទ័រ និងកាមេរ៉ាសុវត្ថិភាព នៅខេត្តសៀមរាប លោក នង ធារ៉ា លើកឡើងថា តាមការសង្កេតឃើញរបស់លោក គឺកម្ពុជា ជាប្រទេសមួយដែលមានករណីសម្លាប់ហើយរកឃាតកពិតមិនឃើញ ដូច្នេះលោកក៏ចង់ឲ្យតុលាការវែកមុខរកឃាតកពិតមកផ្តន្ទាទោសតាមច្បាប់ មិនមែនយកឃាតកសិប្បនិម្មិតមកផ្ដន្ទាទោសជំនួសនោះទេ៖ «ខ្ញុំគាំទ្រពេញទំហឹងនូវយុទ្ធនាការរបស់គណបក្សសង្គ្រោះជាតិ។ បើសិនជាយើងមិនបញ្ចប់និទណ្ឌភាពនៅកម្ពុជាពេលនេះ អ្នករងគ្រោះទៅថ្ងៃក្រោយហ្នឹង វាអាចមានទៀត។ យើងចង់បានប្រទេសកម្ពុជាយើងមួយដែលស្អាតស្អំ មិនមាននិទណ្ឌភាព និយាយរួមទៅមិនមានអ្នកណាមួយស្ថិតនៅលើច្បាប់ ចង់ឲ្យនៅក្រោមច្បាប់ទាំងអស់គ្នា អ្នកណាប្រព្រឹត្តខុស មកទទួលខុសចំពោះមុខច្បាប់មក»។
ទាក់ទង់នឹងករណីនេះ អាស៊ីសេរី មិនអាចសុំការឆ្លើយតបពីប្រធានអង្គភាពអ្នកនាំពាក្យរដ្ឋាភិបាល លោក ផៃ ស៊ីផាន បានទេ នៅថ្ងៃទី១២ កក្កដា ដោយទូរស័ព្ទចូលពុំមានអ្នកទទួល។
ដោយឡែក អ្នកនាំពាក្យគណបក្សប្រជាជនកម្ពុជាលោក សុខ ឥសាន ចាត់ទុកសកម្មភាពរបស់គណបក្សសង្គ្រោះជាតិថា ជានយោបាយបោកប្រាស់ ដើម្បីយកលុយដាក់ហោប៉ៅ និងដើម្បីកេងចំណេញនយោបាយពីរឿងឃាតកម្មបណ្ឌិត កែម ឡី។ បន្ថែមពីនេះ លោកចោទថា អ្នកដែលចូលរួម ឬគាំទ្រសកម្មភាពរបស់គណបក្សសង្គ្រោះជាតិ ដែលត្រូវបានតុលាការកំពូលរំលាយកាលពី ឆ្នាំ២០១៧ ហើយនោះ គឺជាការចូលរួមប្រព្រឹត្តអំពើខុសច្បាប់ផងដែរ៖ «បើគាត់ចង់ធ្វើឲ្យលុបវប្បធម៌និទណ្ឌភាព ឲ្យមកស្រុកខ្មែរ ដើម្បីទៅជាប់គុកសិនបានវាត្រឹមត្រូវ វាបាត់អាវប្បធម៌និទណ្ឌភាព។ អញ្ចឹង បងប្អូនដែលជឿតាម ដើរតាមមេឧទ្ទាមក្រៅច្បាប់ គឺថា សុទ្ធតែអ្នកប្រព្រឹត្តខុសច្បាប់។ បើសិនណាជាគាត់ចង់មិនឲ្យមានបញ្ហា តាមផ្លូវច្បាប់ គាត់កុំធ្វើសកម្មភាពបម្រើឲ្យក្រុមឧទ្ទាមក្រៅច្បាប់ អាហ្នឹងអត់មានបញ្ហាអីទេ។ អញ្ចឹង ត្រង់ថា គាត់ធ្វើអី អាហ្នឹងជាសិទ្ធរបស់គាត់នៅក្រៅប្រទេស ក៏ប៉ុន្តែបើធ្វើក្នុងប្រទេសស្ថិតនៅក្រោមការគ្រប់គ្រងរបស់រាជរដ្ឋាភិបាលគណបក្សឈ្នះឆ្នោត អាហ្នឹងគាត់ធ្វើអ្វីដែលត្រូវច្បាប់ អាហ្នឹងរួចខ្លួន អត់មានបញ្ហា តែបើធ្វើខុសច្បាប់ អាហ្នឹងវាមានបញ្ហាចំពោះផ្លូវច្បាប់»។
រីឯនាយករងទទួលបន្ទុកផ្នែកឃ្លាំមើលសិទ្ធិមនុស្សនៃអង្គការលីកាដូ (LICADHO) លោក អំ សំអាត បានមានប្រសាសន៍ថា ការធ្វើពិធីរំលឹកខួបជូនលោកបណ្ឌិត កែម ឡី គឺជាប្រពៃណីមួយដែលមានការចូលរួមពីអង្គការជាតិ អន្តរជាតិជាច្រើន ដើម្បីស្វែងរកយុត្តិធម៌ជូនលោកបណ្ឌិត កែម ឡី។ សម្រាប់យុទ្ធនាការបញ្ចប់វប្បធម៌និទណ្ឌភាពនេះ លោកយល់ថា ជាសិទ្ធសេរីភាពរបស់បុគ្គលគ្រប់រូបដែលមានចែងក្នុងរដ្ឋធម្មនុញ្ញ ប៉ុន្តែសម្រាប់តុលាការអន្តរជាតិ គឺអាស្រ័យទៅលើយុត្តាធិការរបស់គេ៖ «ចំពោះបងប្អូនប្រជាពលរដ្ឋដែលយល់ថា ចង់ស្វែងរកយុត្តិធម៌សម្រាប់លោកបណ្ឌិត កែម ឡី អានេះវាជាសិទ្ធសេរីភាពរបស់គាត់ទេ។ កន្លងមក មានតែលោកជួប សម្លាប់ មួយទេ ដែលត្រូវបានចាប់ ហើយនឹងផ្ដន្ទាទោស អញ្ចឹងគឺយើងចង់ឲ្យមានការពន្លឿនការស៊ើបអង្កេត ដើម្បីរកអ្នកពាក់ព័ន្ធ ហើយនឹងជនដៃដល់យកទៅអនុវត្តតាមផ្លូវច្បាប់ ដើម្បីជាការផ្ដល់យុត្តិធម៌ដល់លោកបណ្ឌិត កែម ឡី។ តាមការពិតទៅប្រទេសយើងមានច្បាប់ មានទម្លាប់ ហើយកាលដែលមានបទល្មើសកើតឡើងក្នុងការធ្វើឃាត ឬក៏ឃាតកម្ម អាហ្នឹងត្រូវតែស្វែងរកយុត្តិធម៌សម្រាប់អ្នកដែលបានបាត់បង់ជីវិត ដើម្បីបំបាត់នូវនិទ្ទណ្ឌភាពសម្រាប់ប្រទេសយើងដែលជាប្រទេសមួយកាន់លទ្ធិប្រជាធិបតេយ្យ»។
ក្នុងរយៈកាលជាង ២ទសវត្សរ៍កន្លងមកនេះ វប្បធម៌និទណ្ឌភាពចាក់ឫសយ៉ាងជ្រៅទៅក្នុងសង្គមកម្ពុជា។ គិតត្រឹមតែដើមទសវត្សរ៍ឆ្នាំ១៩៩០ រហូតមកដល់បច្ចុប្បន្នមានជនរងគ្រោះច្រើនណាស់ដែលត្រូវបានសម្លាប់ ឬក្លាយជាជនពិការ ហើយជនល្មើសមិនត្រូវបានវែកមុខ។ ដោយត្រួសៗ ជនរងគ្រោះទាំងនោះ រួមមាន អតីតតំណាងរាស្ត្រគណបក្សហ៊្វុនស៊ិនប៉ិច លោក ឱម រដ្ឋសាឌី តារាភាយន្ត ពិសិដ្ឋ ពីលិកា ម្ដាយតារាចម្រៀង ទូច ស្រីនិច មេដឹកនាំសហជីព លោក ជា វិជ្ជា លោក រស់ សុវណ្ណារ៉ា លោក ហ៊ី វុទ្ធី ព្រះសង្ឃ សំ ប៊ុនធឿន សកម្មជនការពារព្រៃឈើ លោក ឈុត វុទ្ធី សកម្មជននយោបាយ សកម្មជនសិទ្ធិមនុស្សជាច្រើននាក់ ព្រមទាំងទាហាន និងមន្ត្រីគណបក្សហ៊្វុនស៊ិនប៉ិច ជិត ១០០នាក់ ក្នុងព្រឹត្តិការណ៍រដ្ឋប្រហារឆ្នាំ១៩៩៧។ ចំណែកឃាតកម្មមកលើអ្នកសារព័ត៌មានវិញ គិតចាប់ពីឆ្នាំ១៩៩៤ រហូតមកដល់បច្ចុប្បន្ន អ្នកសារព័ត៌មានចំនួន ១០នាក់ហើយ ត្រូវបានធ្វើឃាត បន្ទាប់ពីផ្សាយព័ត៌មានរិះគន់រដ្ឋាភិបាល ឬរាយការណ៍អំពើពុករលួយរបស់មន្ត្រីអ្នកមានអំណាច ។ ករណីឃាតកម្មដ៏ព្រៃផ្សៃចុងក្រោយនេះ គឺអ្នកស្រាវជ្រាវការអភិវឌ្ឍសង្គម និងជាអ្នកវិភាគនយោបាយដ៏មានប្រជាប្រិយភាព បណ្ឌិត កែម ឡី ត្រូវបានខ្មាន់កាំភ្លើងបាញ់សម្លាប់នៅព្រឹកថ្ងៃទី១០ ខែកក្កដា ឆ្នាំ២០១៦ នៅឯស្ដារម៉ាត (Star Mart) ក្នុងស្ថានីយលក់ប្រេងឥន្ធនៈកាល់តិច (Caltex) ក្នុងទីក្រុងភ្នំពេញជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- បក្សប្រឆាំងបង្កើតគណៈកម្មាធិការព្រំដែននិងអន្តោប្រវេសន៍ ខណៈព្រំដែនកម្ពុជារងការយាយីពីវៀតណាមជាថ្មី
- អ្នកវិភាគថា មាគ៌ានយោបាយរបស់ចិនគឺចង់គ្រប់គ្រងកម្ពុជាផ្ដាច់មុខ
- បក្សប្រឆាំងចាប់ផ្ដើមធ្វើយុទ្ធនាការបញ្ចប់អំពើនិទ្ទណ្ឌភាព ដើម្បីរកយុត្តិធម៌ជូនជនរងគ្រោះ
- អាជ្ញាធរចាប់ខ្លួនសកម្មជនបក្សប្រឆាំង ២នាក់នៅបាត់ដំបងពីបទប្រមាថថ្នាក់ដឹកនាំរដ្ឋាភិបាល
- សាច់ញាតិសកម្មជនបក្សប្រឆាំងបន្តតវ៉ានៅមុខតុលាការក្រុងភ្នំពេញទាមទារឱ្យដោះលែងអ្នកទោសនយោបាយ
- គណបក្សប្រឆាំង ធ្វើយុទ្ធនាការដាក់ពាក្យប្ដឹងទៅតុលាការព្រហ្មទណ្ឌអន្តរជាតិ លើសំណុំរឿងឃាតកម្មមួយចំនួននៅកម្ពុជា
- យុវជនបក្សប្រឆាំងម្នាក់នៅខេត្តបាត់ដំបងចោទអាជ្ញាធរថាគំរាមឪពុកបន្ទប់ពីខ្លួនបង្ហោះសាររិះគន់រដ្ឋាភិបាល
- ក្រុមបច្ចេកវិជ្ជាព័ត៌មានថា ហ្វេសប៊ុកបង្ហោះវីដេអូ ចោទប្រកាន់ព្រះអង្គ លួន សុវ៉ាត បង្កើតឡើងដោយក្រុមបម្រើការក្នុងអង្គភាពប្រតិកម្មរហ័ស
- លោក កឹម សុខា បង្ហាញមុខជាសាធារណៈលើកដំបូងក្រោយពីលោកឃុំខ្លួននៅក្នុងផ្ទះជាច្រើនឆ្នាំ
- អតីតមេទ័ពរាជានិយមហ៊្វុនស៊ិនប៉ិច ចង់បានយុត្តិធម៌ជូនជនរងគ្រោះ ដែលត្រូវសម្លាប់ក្នុងរដ្ឋប្រហារ កាលពី ២៣ឆ្នាំមុន
Cambodian people and her country only rely on UN ‘ that can help ‘otherwise won’t go anywhere ‘
៥០មុឺននាក់ហ្នឹង សូម្បីតែហែកកាដួយស្អុយ
ម៉ែអ្ហែងឲ្យចេញកូនម្តងដប់ ក៏រកមិនបានដែរ
អាពូជសំផឹង !
អ្ហែងភ្លេចអារឿងស្នាមមេដៃ ដែលកន្លងមក
ពួកអាកូនមីកាដួយអាយះអ្ហែងហ្នឹង ផ្តឹតម្នាក់ឯង
ជាងម៉ារយនាក់ហេីយមែនទេ អាពូជឆ្កែ !
that was HUN NAL’s slaved words how can this animal said his boss was a high educated person according to what his slave speaking on media every one is already know the boss and his slave are the lowest educated person on art. get lost go hell the person like you should have not been born as human being.
So Socheath = So Cheth = death ? Number •